بۇل ۇنەمى كەزىگەتىن جاڭساقتىق. حولەستەرين قۇرامى ٴسال جوعارى ادامدار جونىنەن العاندا، جۇمىرتقا سارىسىنان بۇكىلدەي بەزىنۋدىڭ قاجەتى جوق، حولەستەريندى تەجەۋدىڭ تەتىگى ازىقتانۋ مەن اقاۋسىز تۇرمىس ٴتاسىلىن تەڭگەرۋدە، تۇتاس تۇلعالىق ازىقتانۋ قۇرىلىمىن تەجەپ، قانىققان ماي مەن كەرى فورماداعى (مانەرلەنگەن ازىقتاردان قابىلداناتىن ماي) مايدىڭ ٴسىمىرىلۋىن ازايتۋ كەرەك، مۇنى جاي عانا ”ٴبىر شىبىقپەن ايداۋعا“ بولمايدى. جۇمىرتقانى لايىقتى مولشەردە جەۋ (مىسالى، اپتاسىنا 3 - 4 جۇمىرتقا جەۋ ) حاۋىپسىز سانالادى، بۇلاي ىستەۋ دەنەنى ساپالى بەلوك جانە قاجەتتى قورەكتىك زاتتارمەن قامدايدى. ٴبىراق حولەستەريننىڭ زات الماسۋى قالىپسىز بولعان نەمەسە اۋىر دارەجەدەگى قانداعى حولەستەريننىڭ ارتۋى كەسەلىنە كىرىپتار بولعان ادامدار شيپاگەردىڭ ايتۋى بويىنشا جاعدايعا قاراي جۇمىرتقا سارىسىن جەۋدى ازايتۋى كەرەك.
ال سالاماتتى ادامدار جونىنەن العاندا، ازىقتىقتاعى حولەستەرين قانداعى حولەستەريندى تىكەلەي جوعارىلاتپايدى. ويتكەنى ازىقتانۋ حولەستەرين مولشەرىنە ىقپال جاسايتىن باستى فاكتور ەمەس، دەنەدەگى مايدىڭ الماسۋى قانداعى حولەستەرينگە ٴتىپتى دە زور ىقپال جاسايدى. ادام دەنەسىندەگى حولەستەريننىڭ دەڭگەيى نەگىزىنەن باۋىر قىزمەتى ارقىلى رەتتەلەدى، دەنەگە قابىلدانعان حولەستەريننىڭ مولشەرى جوعارىلاعان كەزدە، باۋىر ٴوزىنىڭ سينتەزدەلۋىن ازايتىپ، تەپە - تەڭدىكتى ساقتايدى. سوندىقتان جۇمىرتقانى لايىقتى مولشەردە جەسە (كۇنىنە ٴبىر تال، اپتاسىنا 7 تال) سالاماتتى ادامداردىڭ قانىنداعى حولەستەريننىڭ مولشەرى جوعارىلامايدى.
بۇدان سىرت، جۇمىرتقا سارىسىندا ۆيتامين مولشەرى توتەنشە مول، ول بارلىق B توبىنداعى ۆيتاميندەردى، ۆيتامين A، D، E، K جانە ميكرو ۆيتامين C نى قامتيدى. جۇمىرتقانىڭ مينەرال زاتتارى نەگىزىنەن جۇمىرتقا سارىسىندا بولادى، جۇمىرتقا اعىندا ٴبىرشاما تومەن بولادى، جۇمىرتقانى جەگەندە جۇمىرتقا سارىسىن جەمەۋ شىنتۋايتىندا، قورەكتىك زاتتان ايرىلعانمەن بىردەي.
جۇڭگو اقپارات تورىنان اۋدارىلدى
