□ شينحۋا اگەنتتىگىنىڭ \ تىلشىلەرى يان فۋجيڭ، چي لەيجيە
3 ـ ايدىڭ 23 ـ كۇنى تۇستەن بۇرىن باس شۋجي شي جينپيڭ حىبەي شيۇڭ ـ ان جاڭا رايونىنا كەلىپ، كىرىسۋ رايونى قۇرىلىسىنىڭ اياق الىسىن تەكسەرىپ كورىپ، جۇڭگو حۋانىڭ توبى شەكتى سەرىكتەستىگىندە، بەيجيڭ 4 ـ ورتا مەكتەپتىڭ شيۇڭ ـ ان مەكتەپ اۋماعىندا قىزمەت تەكسەرىپ، شيۇڭ ـ ان جاڭا رايونى قۇرىلىسىنىڭ دامۋ جاعدايىن ۇعىسىپ، ىرگە تەپكەن جانە سالىنىپ جاتقان سەيىلتىلگەن ورىندارداعى كادرلار مەن جۇمىسشى ـ قىزمەتكەرلەردىڭ ۋاكىلدەرىنەن شىنايى حال سۇرادى.
بۇل 2017 ـ جىلدان بەرى باس شۋجيدىڭ شيۇڭ ـ ان جاڭا رايونىنا 4 ـ رەت كەلۋى.
بەيجيڭنىڭ بەياستانالىق فۋنكتسيالارىن سەيىلتۋ سىندى ”بۇيدانى“ مىقتى يگەردى
2017 ـ جىلى 2 ـ ايدىڭ 23 ـ كۇنى باس شۋجي شي جينپيڭ اۆتوكولىكپەن 100 كيلومەتردەن استام جول باسىپ، حىبەي ولكەسىنىڭ انشين اۋدانىنا ارنايى كەلىپ، جوباداعى جاڭا رايون وزەكتى اۋماعىنىڭ جالپى كورىنىسىن ۇستىندە تەكسەرىپ كوردى. دا ـ ۋاڭ قالاشىعىنىڭ شياۋۋاڭيىڭ قىستاعىندا باس شۋجي كەڭ كوسىلگەن جەرگە بارىپ الىسقا كوز تاستادى. بۇل ارا جوباداعى شيۇڭ ـ ان جاڭا رايونىنىڭ باستاما اۋماعىنداعى وزەكتى جەر بولىگى بولاتىن.
سول كۇنى اشىلعان حىبەي شيۇڭ ـ ان جاڭا رايونىنىڭ جوبا قۇرىلىسى قىزمەتى جونىندەگى اڭگىمە ماجىلىسىندە باس شۋجي شي جينپيڭ جاڭا رايوننىڭ ورنىن تۇراقتاندىردى − ”بەيجيڭنىڭ بەياستانالىق فۋنكتسيالارىن سەيىلتۋدەگى، بەيجيڭ − تيانجين − حىبەيدىڭ سايكەستى دامۋىن ىلگەرىلەتۋدەگى تاريحي ينجەنەريا“.
ٴبىر ايدان استام ۋاقىتتان كەيىن 4 ـ ايدىڭ 1 ـ كۇنى حىبەي شيۇڭ ـ ان جاڭا رايونىن قۇرۋ جونىندەگى حابار جۇڭگونىڭ بايتاق دالاسىنا تارالدى.
ۇزاق ۋاقىتتان بەرى، جان سانى تىم كوپ بولعان بەيجيڭ ”ٴىرى قالا دەرتىنىڭ“ مازالاۋىنا ابدەن ۇشىرادى. 2014 ـ جىلى 2 ـ ايدا باس شۋجي شي جينپيڭ بەيجيڭدە اڭگىمە ٴماجىلىسىن باسقارىپ اشتى. بەيجيڭ − تيانجين − حىبەيدىڭ سايكەستى دامۋى مەملەكەتتىك ستراتەگيا دەڭگەيىنە كوتەرىلدى. باس شۋجي كەزىندە ”سىرتقى وپەراتسيانى ىسكە قوسىپ، بەيجيڭنىڭ بەياستانالىق فۋنكتسياسىن سەيىلتۋ“ ارقىلى بەيجيڭدى، تيانجيندى، حىبەيدى دامىتۋ سىندى ۇلكەن وي جەلىسىن تۇراقتاندىرعان ەدى.
سىرتقا سەيىلتۋدى مىندەتىنە الاتىن جەردى قايدان تاڭداۋ كەرەك؟ تىم جاقىن بولسا سەيىلتۋ ماقساتىنا جەتۋگە بولمايدى، وتە الىس بولسا بەياستانالىق فۋنكتسيانى اناعۇرلىم ويداعىداي قابىلداۋ جانە كوشىرۋ قيىنعا سوعادى. بىرنەشە رەتكى تەكسەرۋ ـ زەرتتەۋ، كوپ رەت سالىستىرىپ تاڭداۋ ارقىلى شيۇڭ ـ ان جاڭا رايونى جاعدايدىڭ قاجەتىمەن دۇنيەگە كەلدى. باس شۋجي شي جينپيڭ مىنانى ايقىندادى: ”بەيجيڭنىڭ بەياستانالىق فۋنكتسيالارىن كوشىرۋمەن ٴتۇيلىستىرۋ كەرەك، ٴسوز جوق، وسى اۋەلگى ماقساتتى ەستە بەرىك ساقتاۋ كەرەك“.
”سەيىلتۋ − قوس باعىتتا كۇش سالۋ“، ”سەيىلتىلگەن ورىندار مەن ادامداردىڭ ناقتى پايدادان يگىلىكتەنۋىنە شىنايى كەپىلدىك ەتۋ كەرەك“، ”بەياستانالىق فۋنكتسيالاردى سىرتقا سەيىلتۋدىڭ ىشكى قوزعاۋشى كۇشىن نىعايتۋ كەرەك“... ٴار جولى شيۇڭ ـ ان جاڭا رايونىنا كەلگەندە باس شۋجي شي جينپيڭ بەيجيڭنىڭ بەياستانالىق فۋنكتسيالارىن سەيىلتۋدىڭ ٴتۇرلى مىندەتتەرىن تياناقتاندىرۋدى تىڭعىلىقتى ىلگەرىلەتۋگە شىنايى كەپىلدىك ەتۋدى قايتا ـ قايتا تاپسىردى.
ٴار سۇيەم جەردى انىق جوبالاۋعا تاباندى بولدى
2019 ـ جىلى 1 ـ ايدىڭ 16 ـ كۇنى باس شۋجي شي جينپيڭ شيۇڭ ـ ان جاڭا رايونىنا 2 ـ رەت كەلىپ، قىزمەت تەكسەرگەندە تۇڭعىش ايالداماسىندا جوبا كورمەسى ورتالىعىن تاڭدادى، بۇل ارادا جاڭا رايوننىڭ جالپى تۇلعالىق جوباسىن، ساياسات جۇيەسىن جانە قۇرىلىس جاعدايى جونىندەگى تانىستىرۋدى مۇقيات تىڭدادى.
العاشقى 2 جىلدا شيۇڭ ـ ان جاڭا رايونىندا ”بىرەر كەرپىش تە جىلجىتىلمادى“. وسى رەتكى قىزمەت تەكسەرۋدە شيۇڭ ـ اننىڭ ”1+N“ جوبا جۇيەسى جانە ”1+N“ ساياسات جۇيەسى نەگىزىنەن ورناتىلدى.
مەزەتتىك ”باياۋلىق“ اناعۇرلىم ويداعىداي ”تەزدىك“ ٴۇشىن بولىپ تابىلادى. باس شۋجي شي جينپيڭ بىلاي دەپ باسا دارىپتەدى: ”ٴار سۇيەم جەردى انىق جوبالاعاننان كەيىن قۇرىلىس باستاۋ كەرەك، تاريحي وكىنىش قالدىرماۋ كەرەك“.
ەڭ وزىق ۇستانىم مەن حالىقاراداعى بىرەگەي ولشەم بويىنشا جوسپارلاۋعا، جوبالاۋعا، قۇرىلىس جۇرگىزۋگە تاباندى بولۋ كەرەك؛ جوبالاۋ جەتىستىگىن تولىق قابىلداپ مەڭگەرۋ سيپاتىنداعى ەگجەي ـ تەگجەيلى جوبادا بەينەلەۋ كەرەك؛ اسىعىس ـ ۇسىگىس ٴىس ىستەمەۋ، ٴبىر مەزەتتىك وبراز ينجەنەرياسىن جۇرگىزبەۋ كەرەك... ٴبىر قىدىرۋ نۇسقاۋ ايبىندى جوباعا عىلمي، قاتاڭ قۇرىلىس چەرتوجىن ازىرلەدى.
جاڭا جورىقتا وسىزاماندانعان قالا قۇرىلىسىنىڭ جاڭا تاراۋى جونىندە ىزدەنىس جاسادى
2023 ـ جىلى 5 ـ ايدىڭ 10 ـ كۇنى، باس شۋجي شي جينپيڭ شيۇڭ ـ ان جاڭا رايونىنا 3 ـ رەت كەلىپ، شيۇڭ ـ ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ٴماجىلىسىن باسقارىپ اشتى.
باس شۋجي شي جينپيڭ شيۇڭ ـ ان جاڭا رايونى ”كەڭ كولەمدە قۇرىلىس جۇرگىزۋ مەن بەيجيڭنىڭ بەياستانالىق فۋنكتسيالارىن سەيىلتۋدى قابىلداۋعا تەڭ ٴمان بەرۋ كەزەڭىنە ٴوتتى، قىزمەت ٴتۇيىنى جوعارى ساپالى قۇرىلىس جۇرگىزۋ، جوعارى دەڭگەيدە باسقارۋ، جوعارى ساپالى سەيىلتىپ دامىتۋدى قاتار جۇرگىزۋگە ويىستى“ دەپ ايقىندادى.
بۇل پارتيا 20 ـ قۇرىلتايىنان كەيىن، باس شۋجي شي جينپيڭنىڭ شيۇڭ ـ انعا تۇڭعىش رەت كەلىپ قىزمەت تەكسەرۋى بولىپ، جول بويى بار جەردە ”جوعارى ولشەم، جوعارى ساپا“ تالابى بەينەلەنىپ تۇردى.
شيۇڭ ـ ان بەكەتىندە ”ٴار جاقتان كەلگەن قوناقتارعا شيۇڭ ـ انعا كەلىسىمەن شيۇڭ ـ ان جاڭا رايونىنىڭ تاسقىنداعان وسىزاماندانعان جاڭا بەينەسىن سەزىندىرۋ كەرەك دەپ“ اتاپ كورسەتتى؛ نانۋىنيىڭ الەۋمەتتىك اۋماعىندا ”قالا باسقارۋدى وسىزامانداندىرۋدى قاتار ىلگەرىلەتىپ، ٴاۋ باستان ىجداعاتپەن كۇش سالۋدى“ تالاپ ەتتى؛ شيۇڭ ـ ان قالا ارالىق بەكەتى جانە حالىقارالىق ساۋدا ورتالىعى نىسان قۇرىلىسىنىڭ جۇمىس باسىندا ” ’قالا دەرتىنەن‘ اۋلاق بولاشاقتىق قالا تۇلعالاۋعا كۇش سالۋ كەرەكتىگىن“ باسا دارىپتەدى... باس شۋجي شي جينپيڭنىڭ ىقىلاستى تاپسىرماسى ۇلگى قالانى جوعارى ساپالى دامۋ ارقىلى جۇڭگو ۇلگىسىندەگى وسىزاماندانعان قالا دامۋ جولىن ۇزدىكسىز كەڭەيتۋگە جەتەكتەدى.
ۋاقىت ”15 ـ بەسجىلدىق“ مەزگىلىنە ٴوتتى.
سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىلدە، ”شيۇڭ ـ ان جاڭا رايونىن وسىزاماندانعان قالا ەتىپ قۇرۋدى جوعارى ولشەممەن، جوعارى ساپامەن ىلگەرىلەتۋ“ ”15 ـ بەسجىلدىق“ جوبا باعدارلاماسىنا ەنگىزىلگەن جاڭا باستامادا باس شۋجي شي جينپيڭنىڭ وسى رەتكى شيۇڭ ـ ان ساپارى ٴارى قۋزاۋ، ٴارى شابىتتاندىرۋ سانالادى، ونان دا ماڭىزدىسى، وندا شيۇڭ ـ اننىڭ جاڭا كەزەڭدە جوعارى دەڭگەيدەگى وسىزاماندانعان قالانى ەرتەرەك قۇرۋى، جۇڭگونىڭ قالا باسقارۋدىڭ جاڭا ۇلگىسى جونىندە ىزدەنىس جاساۋى جونىندەگى شىنايى ٴۇمىتى قامتىلعان.
بەيجيڭ − تيانجين − حىبەيدىڭ سايكەستى دامۋىن باس شۋجي شي جينپيڭ ەسىنەن شىعارمادى: ”بۇدان كەيىن مەن ٴالسىن ـ ٴالى كەلىپ ارالاپ، سىزدەردىڭ كەزەڭدىك قىزمەت جاعدايلارىڭىزدى كورەمىن“. بۇل قامقورلىقتا تايشان تاۋىنان دا سالماقتى ساياسي جاۋاپكەرشىلىك پەن ۇزدىكسىز قاجىماي كۇش سالاتىن تاريحي سابىرلىلىق قامتىلعان.
شيۇڭ ـ ان جاڭا رايونىن قۇرۋدا جەڭىلتەكتىك ىستەۋگە بولمايدى ٴارى كۇتىپ وتىرۋعا، يەك سۇيەۋگە، الاقان جايۋعا بولمايدى. ”مىڭ جىلدىق ۇلى جوسپار“ تاباندىلىعىن ساقتاپ، ”ۋاقىتپەن جارىسۋ“ ارىنىن تاسقىنداتىپ، ”بولاشاق قالانىڭ“ تاماشا جوباسىن بىرتىندەپ جاندى دا ناقتى كورىنىسكە اينالدىرۋ كەرەك.
(شينحۋا اگەنتتىگىنىڭ 3 ـ ايدىڭ 23 ـ كۇنى بەيجيڭنەن بەرگەن حابارى)
