− شينجياڭنىڭ كوكتەمگى ەگىسىنەن عىلىم ـ تەحنولوگيا ارقىلى اۋىل شارۋاشىلىعىنا قۋات ۇستەۋگە نازار
□ انار بۇلت \ شينجياڭ گازەتىنىڭ ٴتىلشىسى گى يوۋجۇن
تاعى ٴبىر جىلعى كوكتەمگى ەگىس مەزگىلى جەتىپ كەلدى. بەيدوۋ جول نۇسقاۋ جۇيەسى اۋىل شارۋاشىلىعى ماشينالارىنىڭ دالمە ـ ٴدال جۇمىس جۇرگىزۋىنە جەتەكشىلىك ەتتى، زات ينتەرنەتى سەنسورى دىمقىلدىق جاعدايىن دەر كەزىندە ولشەدى، قول تەلەفون APPىن ٴبىر ٴتۇرتىپ سۋدى، تىڭايتقىشتى مەڭگەرۋگە بولادى، ۇشقىش اپپاراتتار اتىزداردا قايشالىسىپ ەگىس دارىلەرىن، حيميالىق تىڭايتقىشتاردى شاشتى... بۇگىنگى كۇندە شينجياڭنىڭ كوكتەمگى ەگىس جۇمىس باسىندا ”زەردەلى، ۇتىمدى شارالار“ شەبەرلىكپەن قولدانىلىپ، اۋىل شارۋاشىلىعى وندىرىسىندە ”تابيعاتقا سۇيەنىپ كۇنەلتۋدەن“ ”تابيعات زاڭدىلىعىن ٴبىلۋ مەن وعان سايكەسۋگە“ ويىسۋدى ىلگەرىلەتىپ، ٴداستۇرلى اۋىل شارۋاشىلىعىنىڭ وسى زامانعى اۋىل شارۋاشىلىعىنا قاراي جوعارى ساپالى تيپ جاڭالاۋىن جەبەدى.
تاماشا وراي: زەردەلى جابدىقتار ونىمدىلىكتى جوعارىلاتتى
3 ـ ايدىڭ 17 ـ كۇنى اقسۋ ايماعى كەلپىن اۋدانى گەزلىك قالاشىعى تومەنباعىلىق قىستاعىنىڭ ەگىنجايىندا ۇلكەن ات كۇشىندىك تراكتورلار كوپ يقۋاتتى دالمە ـ ٴدال تۇقىم سەبۋ ماشيناسىن سۇيرەپ اتىزدا قايشالىسىپ، تامشىلاتىپ سۋارۋ تاسپاسىن جاتقىزۋ، دالمە ـ ٴدال تۇقىم سەبۋ، جارعاق جابۋ، توپىراقپەن كومۋ سياقتى جۇمىس تارتىپتەرىن ٴبىر جولدا تىندىردى. تۇقىم سەبۋ ماشيناسى وتكەن جەردە ٴاربىر ٴتۇيىر ٴزىرا تۇقىمى الدىن الا دايىندالعان ٴتۇپ قاتار ارالىعى مەن تەرەڭدىك بويىنشا توپىراققا تەگىس ٴسىڭىرىلدى.
”قاراشى، سونشاما بىركەلكى ەگىلىپتى“. ەگىنشى چۋان تاۋفاڭ جۇرەلەپ تۇقىمنىڭ سەبىلۋ جاعدايىن تەكسەرگەندە، جۇزىنە كۇلكى ٴۇيىرىلدى، ”بيىل وتباسىمىز 100 مۋ جەرگە ٴزىرا ەكتىك، بارلىعىن وسىنداي تۇقىم سەبۋ ماشيناسىمەن ەكتىك ٴارى ۋاقىت، كۇش ۇنەمدەلەدى، ساپاسى دا جاقسى، سوڭعى مەزگىلدە مايسا، ٴسوزسىز، جاقسى وسەدى!“
عىلىم ـ تەحنولوگيا − ٴبىرىنشى وندىرگىش كۇش، تىپتەن، اۋىل شارۋاشىلىعىنىڭ جوعارى ساپالى دامۋىنا تىرەك بولۋداعى تەتىك.
شينجياڭنىڭ جەر ـ جەرىندە كوكتەمگى ەگىس جۇمىسى ٴتارتىپتى ىلگەرىلەۋدە، بەيدوۋ جول نۇسقاۋى، دالمە ـ ٴدال تۇقىم سەبۋ، وسىمدىك جامىلعىسىن قورعاۋ ۇشقىش اپپاراتى سياقتى قىرۋار وزىق اۋىل شارۋاشىلىعى ماشينا ـ جابدىقتارى الدەقاشان كوكتەمگى ەگىس ٴوندىرىسىنىڭ ”ولشەمدى دايىنداماسىنا“ اينالىپ، اۋىل شارۋاشىلىعى ماشينالارىن ”دالمە ـ ٴدال جۇمىس ىستەيتىن باتىرلارعا“ اينالدىردى.
قاشقار ايماعى مارالباسى اۋدانى داۋلەتباق اۋىلىندا بەيدوۋ كومەكشى كولىك جۇرگىزۋ جۇيەسى ورناتىلعان ۇلكەن ات كۇشىندىك اۋىل شارۋاشىلىعى ماشينالارى ونەرىن كورسەتىپ، جالپى بارىستا دالمە ـ ٴدال، جوعارى ٴونىمدى جۇمىس جۇرگىزدى. جەرگىلىكتى ورىننىڭ ەرەكشەلىككە، باسىمدىققا يە داقىلى رەتىندە، بيىل مارالباسى اۋدانى 250 مىڭ مۋ جەرگە بەديان ەگۋدى جوسپارلادى. زەردەلى اۋىل شارۋاشىلىعى ماشينالارىنىڭ كەڭ كولەمدە قولدانىلۋىنىڭ ارقاسىندا جەرگىلىكتى ورىن ٴداستۇرلى ەگىمشىلىك ۇلگىسىنىڭ ونىمدىلىگى تومەن، جۇمىسشى ىستەتۋ قيىن بولۋ، ولشەمى بىردەي بولماۋ سياقتى كورنەكتى ماسەلەلەردى ٴونىمدى شەشىپ، ەرەكشەلىككە يە كاسىپ سالاسىنىڭ جوعارى ساپالى دامۋىنا جاڭا قوزعالىس قۋاتىن ۇستەدى.
كوكتەمگى ەگىس وندىرىسىندە اۋىل شارۋاشىلىعى ماشينالارى الدا جۇرەدى. بيىل شينجياڭ 728 مىڭ اۋىل شارۋاشىلىعى ماشينا ـ جابدىعىن كوكتەمگى ەگىس وندىرىسىنە ىستەتىپ، ەلىمىزدە وندىرىلگەن وزىق، قولدانىلمالى اۋىل شارۋاشىلىعى ماشينا ـ جابدىقتارىن ەنگىزۋ، جالپىلاستىرۋ اياق الىسىن اناعۇرلىم تەزدەتۋدى جوسپارعا الدى.
”تاجىريبە ارقىلى ەگىن ەگۋدەن“ ”عىلىم ـ تەحنولوگيا ارقىلى ەگىن ەگۋگە“ دەيىن زەردەلى اۋىل شارۋاشىلىعى ماشينا ـ جابدىقتارىنىڭ كەڭ كولەمدە قولدانىلۋى جانە بۋىن جاڭالاپ دارەجەسىن جوعارىلاتۋ شارۋالارعا تيىمدىلىك جاساۋ ساياساتتارىنىڭ پارمەندى قولداۋىنان ايرىلا المايدى.
3 ـ ايدىڭ 16 ـ كۇنى سانجى قالاسىنا ورنالاسقان شينجياڭ جۇڭيا اۋىل شارۋاشىلىعى ماشينالارى زات اينالىم پورتىندا سانجى قالاسى داشيچۇي قالاشىعىنىڭ تراكتورشىسى ۋاڭ گاڭ تراكتور ساتىپ الۋ راسمياتىن تاپتەشتەي كورىپ، قۋانا بىلاي دەدى: ”مىنا تراكتوردىڭ بازار باعاسى 480 مىڭ يۋان، اۋىل شارۋاشىلىعى ماشينالارىنا بەرىلەتىن قوسىمشا قاراجات 70 مىڭ يۋان، ٴوزىم 410 مىڭ يۋان جۇمساپ ۇيگە الىپ قايتا بەرەتىن بولدىم“.
بيىل بۇكىل شينجياڭنىڭ جەر ـ جەرى اۋىل شارۋاشىلىعى ماشينالارىن ساتىپ الۋعا جانە پايدالانۋعا قوسىمشا قاراجات بەرۋ ساياساتىن ۇزدىكسىز تياناقتاندىرىپ، نازاردى استىق، ماقتا، ماي سياقتى نەگىزگى داقىلداردىڭ ٴوندىرىس قۋاتىن جوعارىلاتۋعا ٴتۇيىندى تۇردە شوعىرلاندىرىپ، وزىق اۋىل شارۋاشىلىعى ماشينا ـ جابدىقتارىنىڭ كەڭىنەن قولدانىلۋىن جانە بۋىن جاڭالاۋىن ىلگەرىلەتىپ، جاساندى سەرىك جول نۇسقاۋ جابدىعى، جوعارى يقۋاتتى تۇقىم سەبۋ ماشيناسى، تارامداپ جەر تەگىستەۋ ماشيناسى سياقتى شەشۋشى اۋىل شارۋاشىلىعى ماشينا ـ جابدىقتارىنا مەڭزەس، الدىمەن قوسىمشا قاراجات بەرۋ، تولىقتاۋعا تيىستىلەرىنىڭ بارلىعىن تولىقتاۋ جۇرگىزىپ، وسىزاماندانعان اۋىل شارۋاشىلىعى ماشينالارىن اۋىل ـ قىستاقتى گۇلدەندىرۋدىڭ ”قۋاتتى قوزعاۋشى كۇشىنە“ اينالدىردى.
بۇگىنگى تاڭدا وزىق زەردەلى اۋىل شارۋاشىلىعى جابدىقتارى بۇكىل شينجياڭنىڭ كوكتەمگى ەگىس اتىزدارىنا كەڭ كولەمدە جەتكىزىلىپ، اۋىل شارۋاشىلىعىنا ”زەردەلى قانات“ ٴبىتىرىپ، وسى زامانعى اۋىل شارۋاشىلىعىنىڭ جوعارى ساپالى دامۋىنىڭ تىڭ ساتىعا كوتەرىلۋىن ىلگەرىلەتتى.
ساندى مالىمەت: دالمە-ءدال اتىز باپتاۋ ونىمدىلىكتى ارتتىردى
”بۇرىن ەگىن ەككەندە كونە تاجىريبەگە سۇيەنەتىنبىز، سۋارعاندا تيەكتى قولمەن اشاتىنبىز، تىڭايتقىشتى تۇيسىگىمىزگە قاراي بەرەتىنبىز، جىل بويى قىزىل تاناۋ بولساق تا ٴونىم مولشەرىن ارتتىرا المايتىنبىز. قازىر ۇقسامايدى، قول تەلەفوندى تۇرتسەك، اتىزدا سۋدىڭ جەتەتىن ـ جەتپەيتىندىگىن، تىڭايتقىشتىڭ جەتەتىن ـ جەتپەيتىندىگىن بىلۋگە بولادى“، ـ دەدى 3 ـ ايدىڭ 18 ـ كۇنى ماناس اۋدانى لىشىڭ ەگىمشىلىك كاسىپتىك سەلبەستىك كووپەراتيۆىنىڭ شاعىن اۋماقتاعى ەگىمشىلىك جاۋاپتىسى جوۋ يۇڭپىڭ قول تەلەفونىنداعى ”حۇيفىڭشوۋ APPىن“ نۇسقاپ تۇرىپ، سوزىنەن ماقتانىش مەن مۇندالايدى.
2023 ـ جىلى ماناس اۋدانى سيفرلى ەگىنجاي قۇرىلىسىن جالپى بەتتىك باستادى، لىشىڭ ەگىمشىلىك كاسىپتىك سەلبەستىك كووپەراتيۆى زەردەلى اۋىل شارۋاشىلىعىنىڭ جۇردەك پويەزىنە وتىردى، ماقتا اتىزىنا زەردەلى ەلەكترلى دوپ كلاپانى مەن دىمقىلدىق جاعدايى سەنسورى ورناتىلدى، اسپاندا جاساندى سەرىك ارقىلى الىستان مەڭگەرىلىپ، ”اسپان مەن جەر“ ٴبىر تۇلعالانعان اۋىل شارۋاشىلىعى جاعدايىن باقىلاۋ ـ ولشەۋ تورى قالىپتاستى، جوۋ يۇڭپىڭ دا ”دارەجەسىن جوعارىلاتىپ“ تەحنولوگيانى بىلەتىن، مەڭگەرە الاتىن ”عىلىم ـ تەحنولوگيالىق ەگىنشىگە“ اينالدى.
”قازىر شارۋالار ’حۇيفىڭشوۋ APPىن‘ اشقاندا، اتىزداعى توپىراقتىڭ دىمقىلدىق جاعدايىن، تەمپەراتۋراسىن، ىلعالدىعىن، دەرت ـ دەربەز، زياندى جاندىك جاعدايىن انىق بىلە الادى، وسى زامانعى عىلىم ـ تەحنولوگيا ەگىن ەگۋدى بارعان سايىن جەڭىلدەتتى“، ـ دەدى ماناس اۋداندىق ەگىن، مال شارۋاشىلىعى تەحنولوگياسىن جالپىلاستىرۋ ورتالىعىنىڭ مەڭگەرۋشىسى لۇي شياۋچيڭ.
ماناس اۋدانى − مەملەكەت بويىنشا 2 ـ توپتاعى سيفرلى اۋىل ـ قىستاق بويىنشا تۇيىندە سىناق ەتىلەتىن اۋدان رەتىندە، اۋدان دارەجەلى زەردەلى اۋىل شارۋاشىلىعى ۇلكەن ساندى مالىمەت تۇعىرىن جانە بۇكىل شينجياڭداعى تۇڭعىش اۋدان دارەجەلى سيفرلى اۋىل شارۋاشىلىعى ەسەپتەۋ ورتالىعىن قۇرىپ ۇلگىردى، 700 مىڭ مۋ سيفرلى ەگىس اتىزىن سالىپ، مۋ باسىنان 350 يۋاننان استام وزىندىك قۇندى ۇنەمدەپ، ونىمدىلىكتى ارتتىرۋدى جۇزەگە اسىرىپ، جىلىنا 21 ميلليون تەكشەمەتر سۋ ۇنەمدەپ، استىق پەن ماقتانىڭ جالپىلىق ٴوندىرىس قۋاتىن %15تەن استام جوعارىلاتتى.
شينجياڭ عىلىم ـ تەحنولوگيانى قوزعالتقىش ەتىپ، زات ينتەرنەتى، ۇلكەن ساندى مالىمەت سياقتى تەحنولوگيالاردىڭ اۋىل شارۋاشىلىعى وندىرىسىندە كەڭىنەن قولدانىلۋىن جەبەپ، ساندى مالىمەتتەردى كوكتەمگى ەگىس اتىزىن باپتاۋعا پايدالانىپ، اۋىل شارۋاشىلىعى ٴوندىرىسىنىڭ ”تاجىريبەگە سۇيەنەتىن ەگىنشىلىكتەن” “ساندى مالىمەتپەن باسقارۋعا“ قاراي بۇرىلىس جاساۋىن، ٴداستۇرلى اۋىل شارۋاشىلىعىنان زەردەلى اۋىل شارۋاشىلىعىنا قاراي جەدەل تيپ جاڭالاۋىن ىلگەرىلەتتى.
بايىنعولين موڭعۇل اۆتونوميالى وبلىسى يانجي حۇيزۋ اۆتونوميالى اۋدانى بەيداچۇي اۋىلى بەيچۇي قىستاعىنداعى پاميدور مايساسىن جەتىلدىرۋ بازاسىندا بازانىڭ تەحنولوگيالىق جاۋاپتىسى سۇڭ يۇڭجيان ساۋساقتارىمەن قول تەلەفون ەكرانىن اقىرىن سيپاپ ەدى، جىلىجايدىڭ ىشىندەگى تەمپەراتۋرا، ىلعالدىق دارەجەسى، توپىراق دىمقىلدىعى سياقتى ساندى مالىمەتتەر دەر كەزىندە ەكراننان كورىندى، ەكراندى اقىرىن تۇرتسە ـ اق سۋدى، تىڭايتقىشتى دالمە ـ ٴدال مەڭگەرۋىنە بولادى.
بۇل جونىندە ەگىمشىلىك ٴىرى وتباسى ۋاڭ جانليڭنىڭ اسەرى تەرەڭ. 2025 ـ جىلى ول 1000 مۋ جەرگە پاميدور ەكتى، سونداي ـ اق قول تەلەفونعا زەردەلى كلاپان باسقارۋ ـ مەڭگەرۋ جۇيەسىن ورناتتى. ”بۇرىن 5 ادام ارەڭ ورىندايتىن سۋارۋ، تىڭايتقىش بەرۋدى قازىر جالعىز ٴوزىم وڭاي ورىندايمىن، مۋ باسىندىق ٴونىم دە ٴبىر تونناداي ارتتى“، ـ دەدى ول.
سولتۇستىك شينجياڭداعى مايسا جەتىلدىرەتىن جىلىجايدان وڭتۇستىك شينجياڭداعى كەڭ كوسىلگەن ماقتا اتىزىنا دەيىن، دۇمبە ٴبيداي اتىزىن باپتاۋدان ماقتانىڭ سۋ مەن تىڭايتقىشىن رەتتەۋ ـ مەڭگەرۋگە دەيىن ساندى مالىمەت اتىز باپتاۋدىڭ ”التىن كىلتىنە“ اينالىپ، اۋىل شارۋاشىلىعى وندىرىسىندە دالمە ـ ٴدال قۋات ۇستەۋدى، ساپانى جوعارىلاتىپ ونىمدىلىكتى ارتتىرۋدى جەبەدى.
جۇيە: تۇتاس تىزبەكتىڭ جاڭا قوزعالىس قۋاتىن قاۋلاتتى
كوكتەمگى ەگىستەگى عىلىم ـ تەحنولوگيا وزگەرىسى ەشقاشان جالاڭ تەحنولوگيانىڭ قولدانىلۋى ەمەس، قايتا وسى زامانعى اۋىل شارۋاشىلىعى جۇيەسىنىڭ سايكەستى كۇش سالۋى.
2026 ـ جىلعى ورتالىقتىڭ 1 ـ ٴنومىرلى حۇجاتىندا قۇنارلى اتىزدىڭ، ساپالى تۇقىمنىڭ، وزىق اۋىل شارۋاشىلىعى ماشيناسىنىڭ، ۇتىمدى ادىستەردىڭ شوعىرلانىپ ونىمدىلىكتى ارتتىرۋىن جەبەپ، استىق، مايلى داقىلداردىڭ كولەمدى بىرلىك ٴونىمىن جوعارىلاتۋ العا قويىلدى. شينجياڭنىڭ كوكتەمگى ەگىس ٴوندىرىسى وسى زامانعى اۋىل شارۋاشىلىعى جۇيەسىن تەرەڭدەتۋدى تۇتقا ەتىپ، قۇنارلى اتىزدىڭ، ساپالى تۇقىمنىڭ، وزىق اۋىل شارۋاشىلىعى ماشيناسىنىڭ، ۇتىمدى ٴادىستىڭ ىشكەرىلەي توعىسۋىن، شوعىرلانىپ ونىمدىلىكتى ارتتىرۋىن ىلگەرىلەتىپ، اۋىل شارۋاشىلىعىنىڭ جوعارى ساپالى دامۋىنىڭ جاڭا قوزعالىس قۋاتىن جان ـ جاقتى قاۋلاتتى.
شينجياڭ ۋيحۋا وسى زامانعى تۇقىم شارۋاشىلىعى عىلىم ـ تەحنولوگيا شەكتى سەرىكتەستىگىنىڭ ماقتا تۇقىمىن وڭدەۋ سەحىندا ٴبىر ٴتۇيىر ماقتا تۇقىمى جاساندى كليمات بولمەسىندە جەتىلدىرىلىپ سۇرىپتالىپ، قىشقىلسىزداندىرۋ، كەپتىرۋ، ٴتۇسىن تاڭداۋ، وراۋ سياقتى جالپى بارىستىق وڭدەۋدىڭ بارلىعى كوپ تارتىپپەن قاتاڭ تەكسەرۋدەن ٴوتىپ، ساپاسىنىڭ جاقسى بولۋىنا شىنايى كەپىلدىك ەتىلدى.
”ٴبىز سورتتىڭ بىردەيلىگىن باستان ـ اياق وزەكتى باسەكەلىك قۋات ەتىپ، جالپى بارىستى باسقارۋ ـ مەڭگەرۋ ارقىلى ٴاربىر ٴتۇيىر تۇقىمنىڭ جوعارى ولشەمگە ۇيلەسۋىنە مۇمكىندىك جاسادىق“، ـ دەدى وسى سەرىكتەستىكتىڭ باس ديرەكتورى گى ديڭ. مەملەكەت دارەجەلى ساپالى تاۋار ماقتا بازاسى رەتىندە، لوپنۇر اۋدانى سۋ، توپىراق، كۇن نۇرى، جىلۋ شارت ـ جاعدايىنا سۇيەنىپ، ماقتا تۇقىمىنىڭ باسەكەلىك قۋاتىن ۇزدىكسىز جوعارىلاتتى، 2025 ـ جىلى ماقتا تۇقىمىنىڭ ٴونىم مولشەرى شامامەن 26 مىڭ توننا بولىپ، بۇكىل شينجياڭ قاجەتى جالپى مولشەرىنىڭ %35ىن يەلەپ، بازار يەلەۋ مولشەرى %20تەن استى. بۇگىنگى تاڭدا شينجياڭ ساياسات ارقىلى جەتەكشىلىك ەتۋ، عىلىم ـ تەحنولوگيالىق جاسامپازدىقتى بىرگە ارەكەتتەندىرۋ، كاسىپورىن كۇش سالۋ ارقىلى ساپالى تۇقىم قاينارىن شارۋالاردىڭ كىرىسىن ارتتىرۋداعى ”التىن كىلتكە“ اينالدىردى.
ۇتىمدى ٴادىس قولدانۋدى وزىق اۋىل شارۋاشىلىعى ماشينالارىمەن سايكەستىرىپ قۋات ۇستەپ، اتىزدىڭ ونىمدىلىگىن ۇزدىكسىز جوعارىلاتتى. 3 ـ ايدىڭ 18 ـ كۇنى شايار اۋدانى نۇرباق اۋىلى سوگەتتوقاي قىستاعىنداعى ەگىنشى وتباسى سۇن فىڭنىڭ ٴبيداي اتىزىندا جەر جىرتۋ، جارعاق جابۋ، تەسىك تەسۋ سياقتى كوپ يقۋاتتى ٴبىر تۇلعالانعان جاڭاشا اۋىل شارۋاشىلىعى ماشينالارى جۇمىس سىناعىن جۇرگىزىپ، ”ٴبيداي +بۇرىشتى“ كىرىستىرىپ ەگۋگە دايىندالۋدا.
”بىلتىر 1300 مۋ جەرگە ’ٴبيداي + بۇرىش‘ ەكتىم، مۋ باسىندىق ورتاشا تازا كىرىسىم 4000 يۋان اينالاسىندا، ونىمدىلىگى ەرەكشە كورنەكتى بولدى“، ـ دەدى سۇن فىڭ. شايار اۋداندىق اۋىل شارۋاشىلىعى تەحنولوگياسىن جالپىلاستىرۋ ورتالىعىنىڭ مەڭگەرۋشىسى مۇسا قاسىم بىلاي دەپ تانىستىردى: جەرگىلىكتى ورىندا الدەقاشان پىسىپ ـ جەتىلگەن ”ٴبيداي +“ كىرىستىرە ەگۋ تەحنولوگيا جۇيەسى قالىپتاسىپ، جەردىڭ پايدالانىلۋ مولشەرى %40تەن استام جوعارىلاپ، ”ٴبىر جەردە ەكى ٴونىم الۋدى، استىقتى ورنىقتىرىپ كىرىستى ارتتىرۋ“ جۇزەگە استى، 2026 ـ جىلى تۇتاس اۋدان كىرىستىرە ەگىلەتىن اۋماقتى 38 مىڭ مۋعا كەڭەيتۋدى جوسپارلادى.
وزىق اۋىل شارۋاشىلىعى ماشينالارى كوكتەمگى ەگىستىڭ ساپاسىن جوعارىلاتىپ ونىمدىلىگىن ارتتىرۋدى قامتاماسىز ەتتى. جۋىقتا شينجياڭ بەلگىلەگەن تۇڭعىش توپتاعى اۆتونوميالى رايون دارەجەلى 16 وڭىرلىك اۋىل شارۋاشىلىعى ماشينالارى قىزمەت وتەۋ ورتالىعى قۇرىلىپ، وڭتۇستىك، سولتۇستىك شينجياڭداعى 16 اۋدان، قالاعا تارالىپ، شارۋا وتباسىلارى مەن ”شاعىن، بىتىراندى، شەتكەرى“ جەر بولىكتەرىنە تۇتاس بارىس بويىنشا ماشينالاسقان قىزمەت وتەۋ ازىرلەدى.
كوكتەمگى ەگىس كەزىندە شينجياڭنىڭ جەر ـ جەرى اۋىل شارۋاشىلىعى تەحنولوگياسى بويىنشا باۋلۋ، قىسقا بەينەجازبادا جەتكىزۋ سياقتى تاسىلدەر ارقىلى ۇشقىش اپپاراتىن، بەيدوۋ جول نۇسقاۋ جۇيەسىن مەڭگەرۋ شەبەرلىگىن جالپىلاستىرىپ، اۋىل شارۋاشىلىعى ماشيناسىن جۇرگىزۋشىلەردەن 200 مىڭنان استام ادامدى (رەت) باۋلۋعا سايكەستىرىپ، اناعۇرلىم كوپ ”عىلىم ـ تەحنولوگيا شارۋالارىن“ باۋلىدى. سانجى حۇيزۋ اۆتونوميالى وبلىسىندا سيفرلى اۋىل شارۋاشىلىعى تولقىنى تۇتاس اتىزدى شارپىدى. قازىر سانجى وبلىسى جيىنى 5 ميلليون 300 مىڭ مۋ جوعارى ولشەمدى اتىز قۇرىپ، اۋا رايى، توپىراق، دەرت ـ دەربەز، زياندى جاندىكتەر جاعدايى سياقتى باقىلاۋ ـ ولشەۋ جابدىقتارىن سايكەستى ورنالاستىرىپ، اۋىل شارۋاشىلىعىنىڭ ساپاسىن جوعارىلاتىپ ونىمدىلىگىن ارتتىرۋعا بەرىك نەگىز قالادى.
جۋىقتا قاشقار ايماعى 2026 ـ جىلعى ەگىس داقىلدارىنىڭ جەتەكشى تۇقىم جوباسىن جاريالادى، وندا استىق، ماقتا، جەمىس ـ جيدەك، مال سياقتى جەتەكشى سورتتار جانە نەگىزگى جالپىلاستىرىلاتىن تەحنولوگيالار قامتىلدى، كوكتەمگى ەگىسكە جانە تۇتاس جىلداعى اۋىل شارۋاشىلىعى وندىرىسىنە دالمە ـ ٴدال ”جول نۇسقاپ“، استىق، ماقتا، جەمىس ـ جيدەك، مال شارۋاشىلىعى كاسىپ سالاسىنىڭ ساپاسىن ٴوسىرىپ ونىمدىلىگىن ارتتىرۋىنا دەم بەرەدى.
ساپالى تۇقىم جەتىلدىرۋدەن، قۇنارلى اتىزدى ويداعىداي قۇرۋدان وزىق اۋىل شارۋاشىلىعى ماشينالارىنىڭ قۋات ۇستەۋى، ۇتىمدى ادىسپەن ونىمدىلىكتى ارتتىرۋعا دەيىن شينجياڭ ”قۇنارلى اتىز، ساپالى تۇقىم، وزىق اۋىل شارۋاشىلىعى ماشيناسى، ۇتىمدى ٴادىستىڭ“ سايكەسە كۇش سالۋىنا سۇيەنىپ، ساياسات جانە ٴتۇزىم تىرەگىن قوسىمشا ەتىپ، جۇيەلىلەنگەن وي ارقىلى كوكتەمگى ەگىس ٴوندىرىسىنىڭ وزگەرىسىن ىلگەرىلەتىپ، ”زەردەلى ميدى“ كوكتەمگى ەگىس ٴوندىرىسىنىڭ تۇتاس تىزبەگىنە ٴسىڭىرىپ، ٴداستۇرلى اۋىل شارۋاشىلىعىنىڭ وسى زامانعى اۋىل شارۋاشىلىعىندا قۋات ۇستەۋگە قاراي تيپ جاڭالاۋىن ىلگەرىلەتىپ، تۇتاس جىلدا اۋىل شارۋاشىلىعىندا ٴوندىرىستى ارتتىرىپ مول ٴونىم الۋعا بەرىك نەگىز قالادى.
