مۇنداي دەۋدىڭ عىلمي نەگىزى جوق.
تەك كلەتكا، وتە - موتە ۇنەمى ۇگىتتەلىپ جۇرگەن ارالىق تەك كلەتكا (MSC) بارلىق اۋرۋدى وزدىگىنەن پارىقتايتىن، ”قاي جەر اۋىرسا سول جەردى ەمدەيتىن“ بەساسپاپ قۇرال ەمەس. قازىر تەك كلەتكامەن ەمدەۋدىڭ ٴونىمى ناقتىلى اۋرۋ تيپىنە، ٴدارى بەرۋ تاسىلىنە، كلەتكا قاينارىنا جانە دايىنداۋ ساپاسىنا جوعارى دارەجەدە يەك سۇيەپ كەلەدى. كوپتەگەن اۋرۋلارعا قاراتا ٴونىمى تۇراقتى ەمەس، ەمدەۋ ءونىمى جوعارى مەجەلەنۋدە. ال ونىڭ ەمدەۋ ءتاسىلى جاعىنان ءمالىم دارەجەدە قاتەرى بار ەكەنى كوبىندە نازاردان قاعىس قالىپ جاتادى.
بۇدان سىرت، كلينيكادا قان ۇيىعى پايدا بولۋ، وكپە بىتەلۋ، دەنە مۇشەلەرىنىڭ تالشىقتانۋى، يممۋنيتەتتىك تەجەۋگە قاتىستى ينفەكسيالانۋ، سونداي - اق كلەتكا جەتىلدىرۋ جانە ساپانى تىزگىندەۋ ماسەلەسىنەن تۋىنداعان ميكرو ورگانيزمدەردىڭ بىلعانىشى (باكتەريا مەن ساڭىراۋقۇلاق باكتەرياسىن نەگىز ەتەدى)، حروموسومانىڭ قالىپسىزدىعى سياقتى حاۋىپ - قاتەرلەردى قامتىعان ناشار كلينيكالىق ىستەر انىق ەستەلىككە الىنعان. ونان دا ماڭىزدىسى، ٴبىر ٴبولىم قوسانجار اۋرۋلار دەرەۋ پايدا بولماي، كەشەۋىلدەپ بارىپ پايدا بولعان، بۇل جەكە ادامنىڭ دەنە قۋاتىمەن جانە پايدالانۋ جاعدايىمەن تىعىز قاتىستى بولعاندىقتان، دەر شاعىندا بايقاۋ قيىن بولادى سونداي - اق ۇقىقتى قورعاۋ قيىنعا سوعۋى مۇمكىن.
ٴدال وسىلاي بولعاندىقتان، قازىر حالىقارادا تەك ەرەكشە ۇيلەسەتىن اۋرۋ بەلگىلەرىنە، قاتاڭ باقىلاۋ - باسقارۋ جانە كلينيكالىق سىناق جۇلگەسىندە عانا ابايلاپ قولدانۋ كەرەكتىگى جونىندە ورتاق تانىم ساقتالۋدا. ”ٴبىر ۋكول بۇكىل دەنەنىڭ اۋرۋىن جاقسارتادى“،”بارلىق ادامعا ۇيلەسەدى“ دەپ جار سالاتىن سوزدەر اسىرەلەپ ۇگىتتەۋگە، جاڭساقتىق تۋدىراتىن ەمدەۋدەگى ساۋدالىق ساتۋ ىستەرىنە سايادى، بۇل ناۋقاستارعا دەنساۋلىق قاتەرىن تۋدىرۋى جانە ەكونوميكالىق زيان ارقالاتۋى مۇمكىن.
جۇڭگو اقپارات تورىنان اۋدارىلدى
