□ شينحۋا اگەنتتىگىنىڭ تىلشىلەرى جاڭ يان، گاۋ بو
3 ـ ايدىڭ 23 ـ كۇنى باس شۋجي شي جينپيڭ حىبەي شيۇڭ ـ ان جاڭا رايونىندا قىزمەت تەكسەرىپ، شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. باس شۋجي بىلاي دەپ باسا دارىپتەدى: پارتيانىڭ باسشىلىعىن جانە پارتيا قۇرىلىسىن كۇشەيتىپ، دۇرىس ناتيجە كوزقاراسىن بەرىك ورناتىپ، ىشكەرىلەي امالياتتا ايگىلەپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
شيۇڭ ـ ان جاڭا رايونى قۇرىلعان 9 جىلدان بەرى، ”مىڭ جىلدىق ۇلى جوسپار، مەملەكەتتىڭ زور ٴىسى“ سىندى تاريحي ورىننان ”ٴار سۇيەم جەردى انىق جوبالاعاننان كەيىن قۇرىلىس باستاۋ“ سىندى ستراتەگيالىق سابىرلىلىققا، ونان ”جۇرەكتىلىكپەن ىزدەنىس جاساۋ، الدىمەن اتقارىپ، الدىمەن سىناق ەتۋ“ سىندى كورەگەندىكپەن جوسپارلاۋعا دەيىن باس شۋجي شي جينپيڭنىڭ وسى قالاعا كوڭىل ٴبولۋى، جەتەكشىلىك ەتۋى ادامداردى دۇرىس ناتيجە كوزقاراسىن ورناتۋعا جانە امالياتتا ايگىلەۋگە جەتەكتەۋدە. وسى وسىزاماندانعان جاڭا قالانىڭ تامىر تارتىپ بوي كوتەرۋىنە ىلەسە، ”مىڭ جىلدىق ۇلى جوسپاردان“ ايگىلەنگەن ناتيجە كوزقاراسى ادامداردى تەرەڭ ويعا سالدى.
”مىڭ جىلدىق ۇلى جوسپاردا“ جالپى جاعدايعا جانە تاريحقا جاۋاپتى بولاتىن دارقاندىق پەن تاباندىلىق جاتىر.
حىبەي شيۇڭ ـ ان جاڭا رايونىن قۇرۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى تاريحي ستراتەگيالىق تالعام. جوبالاۋدان، قۇرىلىس جۇرگىزۋدەن بۇرىن باس شۋجي تەرەڭ تولعانىپ بىلاي دەدى: ”استانانىڭ وزەكتى فۋنكتسياسىنا تاباندى بولىپ جانە ونى كۇشەيتىپ، استاناعا ۇيلەسپەيتىن فۋنكتسيالاردى رەتتەپ جانە السىرەتىپ، ٴىشىنارا فۋنكتسيالاردى حىبەي مەن تيانجينگە ويىستىرۋ كەرەك، مىنە بۇل دايۇيدىڭ سۋدى تىزگىندەۋ قاعيداسى“.
كەزىندە حۋابەيگە كوز جىبەرگەندە: ٴبىر جاقتا، بەيجيڭ − تيانجين ەكى ۇيەگى ”سەمىز“، ”ٴىرى قالا دەرتى“ كورنەكتى بولسا، ەندى ٴبىر جاقتا، ماڭىنداعى وڭىرلەر شەكتەن تىس ”ارىق“ بولىپ، پارىق كورنەكتى ەدى. شيۇڭ ـ ان جاڭا رايونىن جوبالاپ قۇرۋدا جان سانى، ەكونوميكا شوعىرلانعان وڭىرلەردى ساپالى اشۋدىڭ جاڭا ۇلگىسى جونىندە ىزدەنىس جاسالىپ، وڭىرلىك دامۋدىڭ جاڭا جولىن قاراستىرۋ كوزدەلدى.
بۇل ٴىستى ويداعىداي ىستەۋ ٴۇشىن، تاريحي جاۋاپكەرشىلىكتى كوكەيدە ساقتاپ، ۇزاق بولاشاققا كوز جىبەرىپ، جۇيەلى سايكەسۋگە ۇمتىلۋ، اركىم ٴوز بىلگەنىن ىستەۋدەن ساقتانۋ كەرەك. 9 جىلدا بەيجيڭ − تيانجين − حىبەي ٴبىر جاعادان باس، ٴبىر جەڭنەن قول شىعارىپ، استانانىڭ، ٴتىپتى، تۇتاس جۇڭحۋا ۇلتىنىڭ باياندى دامۋ ستراتەگيالىق ٴورىسىن كەڭەيتتى.
باس شۋجي شي جينپيڭ بىلاي دەپ اتاپ كورسەتتى: اماليات پارتيا ورتالىق كوميتەتىنىڭ شيۇڭ ـ ان جاڭا رايونىن قۇرۋ جونىندەگى شەشىمى بۇكىلدەي دۇرىس ەكەندىگىن، ٴار جاقتاعى قىزمەتتىڭ تىڭعىلىقتى، ٴونىمدى جۇرگىزىلگەندىگىن تولىق دالەلدەدى، ول سونىمەن بىرگە ”ستراتەگيالىق تاباندىلىقتى جانە تاريحي سابىرلىلىقتى ساقتاۋ كەرەك“ دەپ باسا دارىپتەدى، بۇل بىزدەن بەلگىلەنگەن ستراتەگيانى ساتىلار بويىنشا ىلگەرىلەتىپ، جوبانى سوڭىنا دەيىن جالعاستىرۋدى تالاپ ەتكەندىك.
”مىڭ جىلدىق تاريحتىڭ سىنىنان وتە الاتىن بولۋ كەرەك، بۇل ٴارى ٴبىز وسى ۇرپاق جۇڭگو كوممۋنيستەرىنىڭ ۇرپاقتارعا قالدىراتىن تاريحي مۇراسى“. تاريح پەن حالىق الدىندا جاۋاپتى بولاتىن مىڭ جىلدىق ۇلى جوسپاردىڭ سالماعى اۋىر.
”مىڭ جىلدىق ۇلى جوسپاردا“ جوباعا دا، تياناقتاندىرۋعا دا ٴمان بەرەتىن ديالەكتيكا قامتىلعان.
جاڭا عانا وتكەن مەملەكەتتىك ەكى ماجىلىستە باس شۋجي شي جينپيڭ بىلاي دەپ اتاپ كورسەتتى: ”جاقسى جوبا مەن اتقارۋ قابىلەتى ەكەۋىن ۇشتاستىرۋ كەرەك“.
ٴبىر قالانىڭ قۋاتىن ارتتىرۋدان، ٴبىر ٴوڭىردىڭ جۇدىرىقتاي جۇمىلۋىنان ٴبىر مەملەكەتتىڭ وسىزاماندانۋ اياق الىسىنا دەيىن الدىن الا ورنالاستىرۋ، الدىمەن جوبالاۋ وي جەلىسى توتەنشە ماڭىزدى.
شيۇڭ ـ ان جاڭا رايونىنىڭ جوباسىن جاساۋدا ”بىرەۋى پىسىپ ـ جەتىلسە، بىرەۋىن جاساۋ، بىرەۋىن تەكسەرۋگە جولداۋ“ وي جەلىسىنە نەگىزدەلىپ، ۇلكەندىككە، كەمەلدىلىككە بوي ۇرماي، كوزسىزدىكپەن اپتىقپالىققا سالىنباي، ”1+4+26“ جوبا جۇيەسىن قالىپتاستىرىپ، نەگىزدىك قۇرىلعىلاردان قالانى باسقارۋعا دەيىن جەر ٴۇستى، جەر استى، بۇلت ٴۇستى سىندى ”ٴۇش قالانى“ ٴبىر ۋاقىتتا جوبالاپ سالدى.
ىجداعاتتىلىقپەن جاسالعان ەگجەي ـ تەگجەيلى جوبا ”سالىپ شاعۋ، شاعىپ سالۋ“ سىندى ىسىراپشىلدىقتان ساقتاندى ٴارى ”الدىڭعى كەزەكتەگىلەر سالىپ، كەلەسى كەزەكتەگىلەر شاعۋ“ سىندى اۋرە ـ سارساڭدى تيدى.
9 جىلدا 4 رەت قىزمەت تەكسەرۋ كوكەيىنەن شىعارماي الاڭدايتىن جانە تياناقتاندىرۋدى يگەرەتىن ”شەگە قاعۋ رۋحىن“ ايگىلەدى. وسى رەت شيۇڭ ـ اندا باس شۋجي شي جينپيڭ بىلاي دەپ باسا دارىپتەدى: ”شيۇڭ ـ ان جاڭا رايونىنداعى قالىڭ كادرلار جاۋاپكەرشىلىكتى باتىلدىقپەن ارقالاپ، تياناقتاندىرۋدى بىلەك سىبانا يگەرىپ، قۇلشىنا پارتيا مەن حالىققا تولىمدى جاۋاپ قايتارۋى كەرەك“، بۇل جوبانى الدىمەن اتقارۋ، نەگىز قالاۋدى ويداعىداي ىستەۋ نەگىزىندە، قاجىرلىلىقپەن ىستەۋدى، ناقتى ىستەۋدى دارىپتەپ، ”بولاشاق قالانى“ ايبىندى جوبادان اناعۇرلىم ويداعىداي رەال كارتيناعا اينالدىرۋ كەرەك دەگەندىك.
”مىڭ جىلدىق ۇلى جوسپاردا“ اۋەلگى ماقساتتان اينىمايتىن، حالىقتى بارىنەن جوعارى قوياتىن سۇيىسپەنشىلىك ايگىلەندى.
وسى رەت شيۇڭ ـ انعا بارعاندا باس شۋجي شي جينپيڭ جۇڭگو حۋانىڭ توبى شەكتى سەرىكتەستىگىندە قىزمەت تەكسەرىپ، سەرىكتەستىكتىڭ 1 ـ قاباتىنداعى ۇلكەن زالدا شيۇڭ ـ ان جاڭا رايونىنا ىرگە تەپكەن جانە سالىنىپ جاتقان سەيىلتىلگەن ورىندارداعى كادرلاردىڭ، جۇمىسشى ـ قىزمەتكەرلەردىڭ ۋاكىلدەرىمەن ىقىلاسپەن اڭگىمەلەسىپ، كوپشىلىكتىڭ قىزمەت، تۇرمىس جاعدايىن ۇعىستى؛ بەيجيڭ قالاسى كومەكتەسىپ سالعان بەيجيڭ قالالىق 4 ـ ورتا مەكتەپتىڭ شيۇڭ ـ ان مەكتەپ اۋماعىندا قىزمەت تەكسەرگەندە، وقىتۋ عيماراتىندا وقىتۋشى ـ وقۋشىلارمەن اڭگىمەلەسىپ، وقىتۋ جاعدايىن ۇعىسىپ، مەكتەپ اسحاناسىندا تاماقتانۋ ورتاسى، تاماق تۇرلەرى سياقتىلاردى كوزدەن كەشىرىپ، وقۋشىلاردىڭ تاماقتانۋىنىڭ حاۋىپسىز جانە ٴنارلى بولۋىنا، ٴسوز جوق، شىنايى كەپىلدىك ەتۋدى تاپسىردى؛ اڭگىمە ماجىلىسىندە الەۋمەتتىك قىزمەت وتەۋ جۇيەسىن كەمەلدەندىرىپ، حالىق تۇرمىسىن كۇش سالا قامتاماسىز ەتۋدى جانە جاقسارتۋدى باسا دارىپتەدى.
باس شۋجيدىڭ تاپسىرماسىنداعىداي: ”ٴبىزدىڭ جاڭا قالا قۇرۋداعى ماقساتىمىز ادەمى جاڭا قالا قۇرۋ ٴۇشىن ەمەس، قايتا جاڭا قالا قۇرۋ ٴدال بۇقارانىڭ اناعۇرلىم جاقسى تۇرمىس كەشىرۋى ٴۇشىن“.
جوبا بويىنشا جۇمىسشى ـ قىزمەتكەرلەر سانى مەن تۇرعىن ٴۇي ورنالاسۋىنىڭ تەپە ـ تەڭدىگىنە ٴمان بەرىلىپ، ”15 مينۋتتىق تۇرمىس شەڭبەرى“ قۇرىلدى؛ ەكولوگيا جاعىندا، ”الدىمەن جاسىل جامىلعى ەگىپ، ونان سوڭ قالا قۇرۋعا“ تاباندى بولىپ، كوك، جاسىل ٴتۇس توعىسقان قالا بەينەسى قالىپتاستىرىلدى؛ قوعامدىق باسقارۋ جاعىندا، بارلىق جاستاعىلارعا قامقور قوعام قۇرىلىپ، الەۋمەتتىك اۋماقتىڭ ەگجەي ـ تەگجەيلى قىزمەت وتەۋ دەڭگەيى جوعارىلاتىلدى...
”زاتتىڭ“ وسىزاماندانۋىنان ”ادامنىڭ“ وسىزاماندانۋىنا دەيىن شيۇڭ ـ ان قۇرىلىسىن باعالايتىن ”ناتيجە“ ٴزاۋلىم عيماراتتار مەن نەگىزدىك قۇرىلعىلاردىڭ ”قاتتى كورسەتكىشى“ عانا ەمەس، ونان دا ماڭىزدىسى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى سىندى ”جۇمساق اسەر“ بولدى.
بيىلعى مەملەكەتتىك ەكى ماجىلىستە باس شۋجي شي جينپيڭ بىلاي دەپ باسا دارىپتەدى: ”قالىڭ پارتيا مۇشەلەرىن، كادرلاردى تاباندىلىقپەن ٴىس تىندىرىپ ناتيجە شىعارۋعا جەتەكتەپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەر جاراتۋعا قۇلشىنۋ كەرەك“. شيۇڭ ـ ان جاڭا رايونىنىڭ جوبا قۇرىلىسى ناعىز جاندى كارتينا. بۇل ارادا ٴاربىر تال كەرپىش، ٴاربىر ٴتۇپ اعاش پەن مايسا تۇگەلدەي مىنانى بايدانداپ تۇر: ناعىز ناتيجەنى جەر استى قۇبىر ٴدالىزىنىڭ تەرەڭ تۇكپىرىنە جاسىرۋعا بولادى، سيفرلى قالانىڭ شارتتى نومىرىنە ساقتاۋعا بولادى، ”مىڭ جىلدىق كورىكتى ورماننىڭ“ جىل شەڭبەرىندە وسىرۋگە بولادى، بۇقارانىڭ تىنىش ٴومىر، شات ـ شادىمان تىرشىلىك كەشىرگەن كۇلكى ەسكەن جۇزدەرىندە ايگىلەۋگە بولادى.
(شينحۋا اگەنتتىگىنىڭ 3 ـ ايدىڭ 24 ـ كۇنى بەيجيڭنەن بەرگەن حابارى)
