− باس شۋجي شي جينپيڭنىڭ شيۇڭ ـ ان جاڭا رايونىنا بارىپ قىزمەت تەكسەرگەندىگى ٴارى شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشقاندىعى تۋرالى ەستەلىك
□ حالىق گازەتىنىڭ تىلشىلەرى دۋ شاڭزى، حۋ زىشي، شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي
3 ـ ايدىڭ 23 ـ كۇنى كوكتەم لەبى بىرتىندەپ قويۋلاي تۇسكەندە، باس شۋجي شي جينپيڭ شيۇڭ ـ انعا تاعى باردى.
شيۇڭ ـ اننىڭ حيكاياسى جاڭا داۋىردەن باستالدى. جوقتان بار بولىپ، بۋىن تارتىپ ٴوسىپ ـ جەتىلگەن ٴبىر جاڭا قالا حۋابەي جازىعىندا ەڭسە كوتەردى. شەشۋشى ۋاقىت تۇيىندەرىندە باس شۋجي ناقتى ورىنعا بارىپ كورىپ، تەكسەرۋ ـ زەرتتەۋ جۇرگىزىپ، اڭگىمە وتكىزىپ، جوبا جاساپ، جەتەكشىلىك ەتتى...
الدىڭعى رەت 3 جىلدىڭ الدىندا كەلىپ، شيۇڭ ـ ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ٴماجىلىسىن اشتى، بۇل ٴدال ”شيۇڭ ـ ان جاڭا رايونى كەڭ كولەمدە قۇرىلىس جۇرگىزۋ مەن بەيجيڭنىڭ بەياستانالىق فۋنكتسيالارىن سەيىلتۋدى قابىلداۋعا تەڭ ٴمان بەرۋ كەزەڭىنە وتكەن“ كەزگە تۋرا كەلدى، ”قىزمەت ٴتۇيىنى جوعارى ساپالى قۇرۋ، جوعارى دەڭگەيلى باسقارۋ، جوعارى ساپالى سەيىلتىپ دامىتۋدى قاتار جۇرگىزۋگە ويىستى“.
وسى رەت شيۇڭ ـ انعا تاعى بارعاندا باس شۋجي شي جينپيڭ شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشتى، بۇل ٴدال ”شيۇڭ ـ ان جاڭا رايونىنىڭ قۇرىلىسى مەن دامۋىندا كەلەلى كەزەڭدىك جەتىستىكتەرگە قول جەتكىزىلگەن“ كەزگە تۋرا كەلدى.
تاريحتىڭ سالقار كوشى العا قاراي جوڭكىلىپ، جۇڭگو ۇلگىسىندەگى وسىزامانداندىرۋدىڭ جاندى كارتيناسى باياۋ اشىلدى. ”اماليات پارتيا ورتالىق كوميتەتىنىڭ شيۇڭ ـ ان جاڭا رايونىن قۇرۋ جونىندەگى شەشىمىنىڭ بۇكىلدەي دۇرىس ەكەندىگىن، ٴار جاقتاعى قىزمەتتىڭ تىڭعىلىقتى، ٴونىمدى جۇرگىزىلگەندىگىن تولىق دالەلدەدى“.
وتكەندى ەسكە تۇسىرسەك، شيۇڭ ـ ان جاڭا رايونى نە سەبەپتى قۇرىلدى؟
شاحمات تاقتاسىنداعى شەشۋشى شارا ”استانانى قالاي گۇلدەندىرۋ“ جونىندەگى ويدان باستالدى.
بەيجيڭ − تيانجين − حىبەي كەزىندە وڭىرلىك دامۋ دەڭگەيىندە پارىق ٴبىرشاما زور بولۋ ماسەلەسىنە ۇزاق ۋاقىت ٴدوپ كەلگەن بولاتىن، بەيجيڭنىڭ ”اسىرە كەڭەيۋ“ ۇلگىسىندەگى دامۋى ٴبىر مەزگىل كوتەرىمدىلىك قۋاتىنىڭ ەڭ جوعارى شەگىنە تاياعان ەدى. ”ٴىرى قالا دەرتىن“ جونگە سالۋ كەزەك كۇتتىرمەيتىن ٴىس بولعاندىقتان، شيۇڭ ـ ان جاڭا رايونىن قۇرۋ ەرەكشە ۇلگىدەگى ستراتەگيالىق ورنالاستىرۋعا اينالدى.
وسى رەتكى ساپارىندا باس شۋجي شي جينپيڭ شيۇڭ ـ ان جاڭا رايونىن قۇرۋداعى ”اۋەلگى ماقساتتى“ تاعى دا باسا دارىپتەدى: ”شيۇڭ ـ ان جاڭا رايونىنىڭ بەيجيڭنىڭ بەياستانالىق فۋنكتسيالارىن سەيىلتۋدى شوعىرلى مىندەتىنە العان جەر رەتىندەگى باستى فۋنكتسيالىق ورنىن مىقتاپ يگەرۋ كەرەك“، ”وسى اۋەلگى ماقساتتى، ٴسوز جوق، ەستە بەرىك ساقتاۋ كەرەك“.
الدىعا كوز جىبەرسەك، شيۇڭ ـ ان جاڭا رايونى قايتكەندە ۇزاق ۋاقىت دامي الادى؟
”15 ـ بەسجىلدىق“ باستاما اشىپ، قادام تاستادى. جۋىقتا جابىلعان 14 ـ كەزەكتى مەملەكەتتىك حالىق قۇرىلتايىنىڭ 4 ـ ماجىلىسىندە تەكسەرىپ بەكىتىلگەن ”15 ـ بەسجىلدىق“ جوبا باعدارلاماسىندا شيۇڭ ـ اننىڭ الداعى 5 جىلى بىلاي دەپ جازىلدى: ”شيۇڭ ـ ان جاڭا رايونىن وسىزاماندانعان قالا ەتىپ قۇرۋ جوعارى ولشەممەن، جوعارى ساپامەن ىلگەرىلەتىلىپ، باسقارۋ ٴتۇزىلىسى كەمەلدەندىرىلەدى“.
”جاقسى جوبا مەن اتقارۋ قابىلەتى ەكەۋىن ۇشتاستىرۋ كەرەك“. مەملەكەتتىك ەكى ماجىلىستەگى باس شۋجي شي جينپيڭنىڭ وسى ٴسوزى شيۇڭ ـ ان جاڭا رايونىنىڭ بۇگىنگى كۇنگە جەتۋىنىڭ ناقتى بەينەسى. وسى رەتكى قىزمەت تەكسەرۋدە باس شۋجي بىلاي دەپ ىشكەرىلەي ٴتۇسىندىردى: ”تاريحي سابىرلىلىقتى ساقتاپ، ’مىڭ جىلدىق ۇلى جوسپاردى‘ تۇراقتاندىرعاندا شيۇڭ ـ ان كوگەرىپ كوكتەيدى، باياندى داميدى، بەلگىلەنگەن ورىنعا ۇيلەسۋ العى شارتىندا ۇزدىكسىز قاجىماي كۇش سالۋ كەرەك“.
شيۇڭ ـ ان جاڭا رايونىنا بارعاننان كەيىن، باس شۋجي شي جينپيڭ الدىمەن اۆتوكولىككە وتىرىپ، جول بويى كىرىسۋ رايونى قۇرىلىسىنىڭ اياق الىسىن تەكسەرىپ كوردى.
يانجاۋ كوشەسىندە مۇنارا كراندار قاز ـ قاتار ٴتىزىلىپ ينجەنەريا قۇرىلىسى قاۋىرت جۇرگىزىلۋدە. بەيجيڭ شيەحى شيپاحاناسى مەملەكەتتىك مەديتسينا ورتالىعى (شيۇڭ ـ ان شيپاحاناسى رايونى)، بەيجيڭدەگى سەيىلتىلگەن 4 جوعارى مەكتەپتىڭ شيۇڭ ـ ان مەكتەپ رايونى، جۇڭگو كەن ونىمدەرى توبى شەكتى سەرىكتەستىگىنىڭ باس شتابى... جوبا كارتاسىنان قۇرىلىس چەرتوجىنا دەيىن ٴۇمىت كەرپىش ـ قىشپەن قالانۋدا.
تاعى دا العا قاراي جۇرگەندە، كورىنىس شىت جاڭا تۇسكە ەندى. كاسىپورىن باس شتابى، جاڭالىق اشۋ ورتالىعى، ينتەرنەت كاسىپ سالاسى باقشاسى سياقتى عيماراتتار ارالاسا بوي كوتەرگەن. كوز جەتەر جەردە ايبىندى دا ساۋلەتتى وسىزاماندانعان جاڭا قالانىڭ ايبىنى اسقاقتاپ، ”بولاشاق قالانىڭ“ بەت ـ بەينەسى انىق كورىنىپ تۇر.
”شيۇڭ ـ اننىڭ دامۋ بولاشاعى جونىندە سەنىمىمىز تولىق“، ـ دەدى باس شۋجي شي جينپيڭ تەبىرەنە.
جاڭا وراي . ”بەيجيڭ − تيانجين − حىبەيدىڭ سايكەستى دامۋىنداعى ٴبىر قوزعالىس قۋاتى“
ٴبىر جاڭا رايوننىڭ ٴوسىپ ـ جەتىلۋىنەن قاراعاندا، ”مەملەكەتتىك ماركانىڭ“ ىرگە تەبۋىنىڭ الا كەلگەنى ”شيۇڭ ـ ان ساپاسى“ عانا ەمەس، ونان دا ماڭىزدىسى، وندا كاسىپ سالاسى دامۋىنىڭ كۇش توپتاپ، تىزبەك قالىپتاستىرۋىنداعى قۇدىرەتتى قوزعالىس قۋاتى دا بار.
جۇڭگو حۋانىڭ توبى − شيۇڭ ـ ان جاڭا رايونىنا تۇڭعىش توپتا سەيىلتۋ بويىنشا ىرگە تەپكەن ورتالىق كاسىپورىندارى باس شتابىنىڭ ٴبىرى. سول كۇنى تۇستەن بۇرىن باس شۋجي شي جينپيڭ وسى اراعا كەلدى.
باس شۋجي ەكى پارشا سۋرەتتى الىپ تاپتەشتەي قارادى. ٴبىر سۋرەت 3 جىلدىڭ الدىندا شيۇڭ ـ انعا كەلىپ قىزمەت تەكسەرگەن كەزدە تۇسىرىلگەن، ول كەزدە حۋانىڭنىڭ باس شتابى تۇرعان جەر ٴالى دە بوس جاتقان جەر ەدى. ال بۇگىنگى تاڭدا حۋانىڭ باس شتابى عيماراتىنىڭ ايبىنى اسقاق، قابىرعاداعى اينەكتە كۇن ساۋلەسى شاعىلىسادى. بۇگىنگى مەن كەشەگىنى سالىستىرىپ كورسەك، وندا كۇندىز ـ ٴتۇنى تىنىم تاپپاي ەكپىندەي ىلگەرىلەۋ جاتىر.
كاسىپورىن جاۋاپتىسى مالىمەت بەرگەندە مىناداي ٴبىر جاي ـ جاپساردى اۋىزعا الدى: سەيىلتۋ قىزمەتى باستالعاننان كەيىن، بۇرىن تۇڭعىش توپتاعى سەيىلتۋ تىزىمدىگىندە بولماعان 300دەن استام قىزمەتكەر ىرىقتىلىقپەن تىزىمدەلىپ، قاتىناسۋدى تالاپ ەتتى.
باس شۋجي شي جينپيڭ: ”مەملەكەت مەنشىگىندەگى كاسىپورىندار مەملەكەتتىڭ دامۋ ستراتەگياسىنا قىزمەت ەتۋى كەرەك“، ـ دەپ القادى. ول مىناداي ەكى تۇرعىدان تالداۋ جاسادى: ”سىزدەر بۇل اراعا كوشىپ كەلدىڭىزدەر، مەملەكەت ورنالاستىردى، سىزدەر ىلەستىڭىزدەر؛ سونىمەن بىرگە مەملەكەت ستراتەگياسى دا سىزدەردىڭ دامۋلارىڭىزعا جاڭا شارت ـ جاعداي جانە كەڭىستىك جاراتىپ بەردى“.
سەيىلتۋدىڭ ٴمانىن قالاي ٴتۇسىنۋ كەرەك؟ ”قاراپايىم ’قونىس اۋدارۋ‘ ماسەلەسى“ ەمەس، قايتا ”بەيجيڭ − تيانجين − حىبەيدىڭ سايكەستى دامۋىنداعى ٴبىر قوزعالىس قۋاتى“.
حۋانىڭعا كوز جىبەرگەندە ”ٴبىر كورىنىس ارقىلى جالپى جاعدايىن كورۋگە بولادى“.
جۇمىس اينالىمىن باقىلاۋ ـ مەڭگەرۋ جانە شۇعىل جاعدايعا توتەپ بەرۋگە قولباسشىلىق ەتۋ ورتالىعىنىڭ ۇلكەن ەكرانىندا ٴارقايسى بەكەت تۇيىندەرىندەگى اينالىم جاعدايى تولىق كورىنىپ تۇر. باس شۋجي شي جينپيڭ ايالداپ تەكسەرىپ كوردى: شياۋۋان سۋ ەلەكتر ستانسياسىنىڭ اينالىمى قاربالاس، ساڭنانداعى تەڭىزدە جەل قالاقشاسى كۇندىز ـ ٴتۇنى توقتاۋسىز اينالۋدا، يمين كومىر كەنىندەگى شوفەرسىز اۋىر تۇرپاتتى كەن اشۋ جۇك اۆتوموبيلى تارتىپپەن قايشالىسىپ ٴوتىپ جاتىر.
حۋانىڭنىڭ ٴداستۇرلى ەنەرگيا سالاسىن جاڭالاپ دارەجەسىن جوعارىلاتقاندىعىن، جاڭا ەنەرگيا سالاسىندا ٴورىس اشا جاڭالىق اشقاندىعىن كورگەن باس شۋجي بىلاي دەدى: ”قازىرگى جاعدايدان قاراعاندا، سىزدەردىڭ ەنەرگيا قۇرىلىمدارىڭىزدا وزگەرىس وتە زور ەكەن، سۋ ەلەكتر، فوتوۆولت، جەل ەلەكترى تۇگەلدەي دامىپتى“.
اناعۇرلىم تەرەڭ قاتپارلى ستراتەگيالىق ورنالاستىرۋ تۋرالى ٴسوز بولعاندا، باس شۋجي شي جينپيڭ شىن ىقىلاسپەن بىلاي دەدى: ”ەنەرگيا ماسەلەسى − دامۋ بارىسىنداعى ستراتەگيالىق ماسەلە. ٴبىز جەل ەلەكترىن، فوتوۆولتتى الدىمەن اشتىق، جۇرگەن جولىمىزعا قازىر قاراساق، كورەگەندىككە يە ەكەن، سونىمەن بىرگە كومىر ەلەكترى ٴبىزدىڭ ەنەرگيامىزدىڭ نەگىزى، تومەنگى شەكتەن تۇسىرمەۋ رولىن ساۋلەلەندىرۋىمىز كەرەك. ٴسوز جوق، تازا، تومەن كومىر قىشقىل گازدى دامۋ جولىمەن جۇرۋگە تاباندى بولۋىمىز كەرەك“.
1 ـ قاباتتاعى ۇلكەن زال، شيۇڭ ـ ان جاڭا رايونىنا ىرگە تەپكەن جانە سالىنىپ جاتقان سەيىلتۋ ورىندارىنداعى كادرلار مەن جۇمىسشى ـ قىزمەتكەرلەردىڭ ۋاكىلدەرى وسى اراعا جينالدى. ورتالىق كاسىپورىندارىنداعى جۇمىسشى ـ قىزمەتكەرلەر، جوعارى مەكتەپ وقىتۋشىلارى، ەمدەۋ قىزمەتكەرلەرى... شيۇڭ ـ انداعى جاڭا قالا تۇرعىندارىنىڭ جىگەرى تاسقىندادى.
”سىزدەر 1 ـ توپتاعى ٴورىس اشۋشىلارسىزدار، پارتيانىڭ قاجەتىنە بويسۇنىپ، بۇيرىق بويىنشا اتتانىسقا كەلىپ، شيۇڭ ـ اننىڭ جانە بەيجيڭ − تيانجين − حىبەيدىڭ سايكەسە دامۋىنا ۇلەس قوستىڭىزدار“. باس شۋجي قاتىستى جاقتارعا سەيىلتىلگەن ادامدار شوعىرىنىڭ ٴتول قاجەتىنە نازار اۋدارىپ، ٴىس جۇزىندىك ماسەلەلەرىن امالدىڭ بارىنشا شەشۋدى تاپسىردى.
”ىلۋدە ٴبىر كەزدەسەتىن وسى ورايدى مىقتى يگەرىپ، تاريحي ورايدى مىقتى يگەرىپ، ۇلتتى گۇلدەندىرۋدىڭ، رەفورما جاساپ، جاڭالىق اشۋدىڭ اتويشىسى بولۋ كەرەك“. سول كەزدەگى ۋادە ٴالى قۇلاق تۇبىندە، ”وراي“ وسى قۇتتى مەكەننىڭ ەڭ جاندى بايانداۋىنا اينالدى.
اۋە ـ عارىش ينفورماتسياسى جانە جاساندى سەرىك ينتەرنەتى، جاساندى زەردە، سيفرلى عىلىم ـ تەحنولوگيا، جاڭا ماتەريال، فينانس، ەنەرگيا... شيۇڭ ـ ان زەيىن ـ زەردەنى شوعىرلاندىرا وتىرىپ دامىتىپ جاتقان كاسىپ سالاسى شوعىرىنىڭ استارىندا ىرگە تەپكەن كاسىپورىندار الا كەلگەن كاسىپ سالاسى ”ماگنيت ٴورىسى“ جاتىر.
باس شۋجي بىلاي دەپ باسا دارىپتەدى: ”ٴبىزدىڭ قۇراتىنىمىز جوعارى دەڭگەيدە دامىعان قالا، ساپالى الەۋمەتتىك بايلىق شوعىرلانعان قالا. شيۇڭ ـ اندىق بولۋ − ماقتانىش“.
ٴبىر گرۋپپا ساندى مالىمەت بار: 2023 ـ جىلدان بەرى ورتالىق كاسىپورىندارىنىڭ شيۇڭ ـ اندا جاڭادان قۇرعان قۇرىلىمى 2 ەسەگە جۋىق ارتىپ، جالپى 400دەن استى.
”جۇڭگو جاساندى سەرىك تور توبى شەكتى سەرىكتەستىگى، جۇڭگو جۇڭحۋا توبى، جۇڭگو حۋانىڭ توبىنىڭ باس شتابى، ورتالىق كاسىپورىندارىنىڭ 83 بالا سەرىكتەستىگى تارتىپپەن كوشىرىلىپ، تىركەلدى، بۇل بولاشاقتا شيۇڭ ـ اندا كاسىپ سالاسىن دامىتۋدىڭ نەگىزگى ارىنى بولماق. وسىنشاما كوپ ورتالىق كاسىپورىندارىنىڭ باس شتابى مەن بولىمشە قۇرىلىمدارىنىڭ كەيبىرەۋلەرى بەينە ٴتاتتى كارتوپ شارۋاشىلىعى سياقتى وسى ارادا ۇزدىكسىز ۇزاردى، كەڭەيدى. جوعارى مەكتەپ قۇرىلىسى شەكسىز كومەسكى قۋاتقا يە بولىپ، بۇل ارادا ٴوندىرىس، وقىتۋ، زەرتتەۋدى ٴبىر تۇلعالاندىرىپ دامىتۋدى ىلگەرىلەتەدى“. باس شۋجي شي جينپيڭنىڭ ويى تەرەڭ.
جاڭا سالاۋات . ”جۇڭگو ۇلگىسىندەگى وسىزامانداندىرۋمەن تەڭ قادامدا دامۋ“
قالا حالىقپەن وركەندەيدى.
ٴبىر جاڭا قالانىڭ ومىرشەڭدىك كۇشى ”ادامدى“ باۋراۋ قۋاتىندا جاتىر. باس شۋجي شي جينپيڭ كەزىندە ”ادام بيىككە قاراي ورلەيدى، سۋ ىلديعا قاراي اعادى“ دەگەن قاعيدانى بايانداپ، ”الەۋمەتتىك قىزمەت وتەۋ ورەسى جوعارى جەرلەر اناعۇرلىم باۋراۋ قۋاتىنا يە“ دەپ باسا دارىپتەگەن بولاتىن.
بەيجيڭ قالالىق 4 ـ ورتا مەكتەپتىڭ شيۇڭ ـ ان مەكتەپ رايونى بەيجيڭ قالاسى كومەكتەسىپ سالعان ”كىلت تاپسىرۋ“ نىسانىنىڭ ٴبىرى بولىپ، شيۇڭ ـ انعا الا كەلگەنى ايگىلى مەكتەپتىڭ ماڭدايشالىعى عانا ەمەس، ونان دا ماڭىزدىسى، ”سەيىلتۋ ورىندارى مەن قىزمەتكەرلەرىنىڭ ناقتى تيىمدىلىكتەن يگىلىكتەنۋىنە شىنايى كەپىلدىك ەتۋ“ جونىندەگى ۋادەسىن ورىنداۋى.
ورتالاۋ مەكتەپتىڭ 1 ـ جىلدىق 2 ـ كلاسىندا بالالار ٴتىل ـ ادەبيەت ساباعىن وقىپ جاتىر. باس شۋجي شي جينپيڭ كلاسقا كىرىپ، وقىتۋشى ـ وقۋشىلارمەن ىقىلاستى اڭگىمەلەستى.
”سەندەر اكە ـ شەشەلەرىڭمەن بىرگە كوشىپ كەلدىڭدەر مە“؟ ”قانشاۋىڭ كوزىلدىرىك تاقتىڭدار“؟ ”دەنە شىنىقتىرۋ ۋاقىتى قامتاماسىز ەتىلدى مە“؟ باس شۋجي كوڭىل بولە سۇرادى، بالالار شاتتانا جاۋاپ بەردى، كلاس ٴىشى مەيىرگە تولدى.
كوپشىلىك تالاسا ـ تارماسا شي جينپيڭ اتاسىنا مەكتەپ تۇرمىسىن اڭگىمەلەدى: ”تاڭداپ وقۋ ساباعىندا، مەن سەمسەر سايىسى ساباعىنا تىزىمدەلدىم“، ”مەكتەپتە ٴوزىمىز كۋرجەك قۇرساق بولادى“، ”دەمالىس كەزىندە حىنانعا ساياحاتتاي باردىم“... ولار ماقتانىشپەن وزدەرىن ”جاڭا شيۇڭ ـ اندىقتار“ ٴارى ”شيۇڭ ـ انداعى جاڭا ادامدار“ دەپ اتادى.
باس شۋجي شي جينپيڭ كلاستا كورسەتىلگەن ”وقۋشىلاردىڭ ەسەيىپ ـ ەرجەتۋىندەگى 18 ىسكە“ نازار اۋداردى: كىتاپ وقۋ، ەڭبەك، سىن ـ سايىس، لەكسيا... ”وتە جاقسى جازىلىپتى! ۇيرەنۋدە تەك ەمتيحان ناتيجەسىنە عانا بوي ۇرۋعا بولمايدى. قابىلەت تەك كىتاپتا عانا ەمەس، كوپ كىتاپ وقىپ، كوپ جول باسىپ، اقاۋسىز، بەلسەندى، العاباسار ٴومىر پوزيتسياسىن جەتىلدىرۋ كەرەك“.
سۇرىلەنگەن ەت تاعامدارى، قۋىرىلعان ٴبايساي، سيىر ەتى شەلپەگى، اسحاناعا كىرگەندە باس شۋجي ”بۇگىنگى كوكونىس تىزىمدىگى“ الدىندا ەگجەي ـ تەگجەيلى تەكسەرىپ كورىپ، مەكتەپكە، ٴسوز جوق، وقۋشىلاردىڭ ازىق ـ تۇلىك حاۋىپسىزدىگى مەن قورەكتىگىنە شىنايى كەپىلدىك ەتۋدى تاپسىردى.
”بەيجيڭ قالالىق 4 ـ ورتا مەكتەپ سياقتى ساپالى وقۋ ـ اعارتۋ بايلىعىن ەنگىزۋدەگى ماقسات شيۇڭ ـ ان قۇرىلىسى ٴۇشىن، بالالاردىڭ اقاۋسىز ەسەيىپ ـ ەرجەتۋى ٴۇشىن“. مەكتەپتەن اتتاناردا قاۋمالاي كەلگەن بالالاردى كورگەن باس شۋجي كۇلىمسىرەي: ”مەكتەپ كيىمدەرىڭنىڭ ۇلگىسى بەيجيڭ مەكتەپ رايونىنىڭ مەكتەپ كيىمى ۇلگىسىمەن ۇقساي ما“؟ ـ دەپ سۇرادى، كوپشىلىك ٴبىر اۋىزدان ”سولاي“ دەپ جاۋاپ بەردى.
باس شۋجي شي جينپيڭ ولاردى ”باقىتتى قاستەرلەپ، ەكپىندەي ىلگەرىلەپ بەلسەنە العا ۇمتىلىپ، شيۇڭ ـ ان جاڭا رايونىمەن بىرگە ەسەيىپ ـ ەرجەتىپ، جۇڭگو ۇلگىسىندەگى وسىزامانداندىرۋمەن تەڭ قادامدا دامۋعا“ شابىتتاندىردى.
وسىزاماندانۋدىڭ ٴمانى − ادامنىڭ وسىزاماندانۋى. بولاشاق قالا قۇرۋ ”ادەمى جاڭا قالا ٴۇشىن ەمەس، قايتا جاڭا قالا قۇرۋ ٴدال بۇقارانىڭ اناعۇرلىم جاقسى تۇرمىس كەشىرۋى ٴۇشىن“.
شيۇڭ ـ اندا قۇرىلىسشىلار، قونىس جاڭالاعاندار، شارۋاشىلىق قۇرۋشىلار بار، شارۋالاردان قالا تۇرعىندارىنا اينالعان ”بۇرىنعى تۇرعىندار“ دا بار. 3 جىلدىڭ الدىندا شيۇڭ ـ انعا بارعاندا، باس شۋجي شي جينپيڭ ٴبىر كوشىرىلگەن الەۋمەتتىك اۋماققا ارنايى تەكسەرۋ ـ زەرتتەۋ جۇرگىزدى، بۇل جاڭا قالانىڭ تىنىش ٴومىرى مەن شات ـ شادىمان تىرشىلىگىن كوڭىلىنەن شىعارماۋى بولىپ تابىلادى. ”جاڭا داۋىردەگى كاسىپكە ىڭعايلى، قونىسقا جايلى ’حالىق قالاسىن‘ قۇرۋ“ دەگەن تاپسىرما قاي ـ قاشان دا شيۇڭ ـ ان قۇرىلىسشىلارىنىڭ كوكەيىندە ساقتالدى.
ٴبىر بولىك جەردەن ٴبىر كارتاعا دەيىن، ونان ٴبىر قالاعا دەيىن ”حالىق قالاسى“ بىرتىندەپ سىزىپ شىعىلدى:
فۋنكتسيانى ”شىنايى سەيىلتۋدى“، نىسانداردى ”شىنايى تياناقتاندىرۋدى“، دارىندىلاردى ”شىنايى قالدىرۋدى“ جۇزەگە اسىرۋ كوزدە ۇستالىپ، وقۋ ـ اعارتۋ، ەمدەۋ، تۇرعىن ٴۇي، ەڭبەكاقى، قوعامدىق قامتاماسىزداندىرۋ، ەمدەۋ قامسىزداندىرۋى، الەۋمەتتىك قور سياقتى سالالارداعى ساياسات ـ شارالار ٴبىر ـ بىرلەپ اشالانىپ، ناقتىلاندىرىلدى. بەيجيڭ مەن شيۇڭ ـ اندا ٴبىر قالالاندىرۋ ىستەرى ۇزدىكسىز كەڭەيىپ، ”شيۇڭ ـ اننىڭ دارىندىلاردى باۋراۋعا قاتىستى 16 ٴتۇرلى شاراسىنىڭ“ ناقتى قۇنى تولىق ايگىلەندى...
بۇل قالادا بولات شىبىق، سەمەنت بولىپ عانا قويماي، جايناعان گۇل، سايراعان قۇس تا، دامىلدايتىن قونىس تا بار. باس شۋجي شي جينپيڭ بىلاي دەپ تەرەڭ اتاپ كورسەتتى: ”جاڭا رايوندى باسقارۋدا ٴجىتى ىلەسىپ، جاڭا رايون فۋنكتسياسىنا ٴونىمدى تىرەك قالىپتاستىرۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، بەيجيڭ مەن تيانجيننىڭ ساپالى وقۋ ـ اعارتۋ، ەمدەۋ، مادەنيەت، دەنە تاربيە سياقتى بايلىقتارىن بەلسەنە ەنگىزىپ، قولايلى، جوعارى ٴونىمدى الەۋمەتتىك قىزمەت وتەۋ جۇيەسىن قۇرۋ كەرەك“.
جاڭا بەينە · ”شەشىم بۇكىلدەي دۇرىس“
ٴبارى دە جوقتان بار بولىپ، تىرشىلىك تىنىسى تاسقىندادى، حۋابەيدەگى شيۇڭ ـ ان جاڭا رايونىنىڭ قۇرىلىس بارىسى حۋانانداعى شىنجىن ەكونوميكالىق ەرەكشە رايونىنا، حۋادۇڭداعى شاڭحاي پۋدۇڭ جاڭا رايونىنا ۇقسامايدى. قىزمەت تەكسەرۋ بارىسىندا، باس شۋجي شي جينپيڭ اناعۇرلىم كەڭ ۋاقىت ـ كەڭىستىك جاعدايىندا مىناداي وي جۇگىرتتى:
شىنجىن ەرەكشە رايونىندا شارۋاشىلىق قۇرعان كەزدەگى قاجىرلىلىقپەن ىستەۋمەن سالىستىرعاندا، ”شيۇڭ ـ ان باستابىندا ـ اق جوعارى ولشەممەن جوبالانىپ ـ جوسپارلاندى، ونىڭ ۇستىنە ىسكە كىرىسۋدەن بۇرىن دايىندىق قىزمەتىن ويداعىداي ىستەپ، سۋ، ەلەكتر، گاز، جول، كوپىر، توردى سالىپ بولعاننان كەيىن بارىپ جايعاستى“، بۇل كاسىپورىندار مەن جەكەلەردىڭ دامۋىنا ”اناعۇرلىم كەڭ ٴورىس ازىرلەپ، اناعۇرلىم تاماشا شارت ـ جاعداي جاراتتى“.
9 جىلعا سوزىلعان دامۋ ۋاقىتپەن جارىسقانىمەن، استە ٴبىر قالىپتى جىلدامدىقپەن العا ىلگەرىلەۋ ەمەس.
2017 ـ جىلى كوكتەمنىڭ باسىندا باس شۋجي شي جينپيڭ تۇڭعىش رەت شيۇڭ ـ انعا كەلىپ، قىستاقتىڭ كەڭ جەرىندە تۇرىپ جوبا كارتاسىن كوردى. ٴبىر ايدان استام ۋاقىتتان كەيىن، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ حىبەي شيۇڭ ـ ان جاڭا رايونىن قۇرۋدى ۇيعارعاندىعى جونىندەگى حابار كوكتەم ناجاعايىنداي جاڭعىردى.
سودان كەيىن شيۇڭ ـ ان نەگىزىنەن تىنىش كۇيگە شومدى.
العاشقى 2 جىلدا ”بىرەر كەرپىش تە جىلجىتىلمادى“. باس شۋجي مىنانى تالاپ ەتتى: ”ٴار سۇيەم جەردى انىق جوبالاعاننان كەيىن قۇرىلىس باستاۋ كەرەك، تاريحي وكىنىش قالدىرماۋ كەرەك“.
2019 ـ جىلى شيۇڭ ـ انعا تاعى دا بارعاندا، شيۇڭ ـ ان ٴدال جوعارى دەڭگەيدە جوبالاۋ كەزەڭىنەن ماندىك قۇرىلىس كەزەڭىنە وتكەن ەدى. باس شۋجي بىلاي دەپ باسا دارىپتەدى: تاريحي سابىرلىلىق پەن ستراتەگيالىق تاباندىلىقتى ساقتاپ، جاڭا رايوندى جوبالاۋ قۇرىلىسىن جوعارى ساپامەن، جوعارى ولشەممەن ىلگەرىلەتۋ كەرەك.
”ٴبىز الدىمەن نەگىزدىك قۇرىلعىلاردى سالۋىمىز، ونان كەيىن جەر بەتىندەگى باسقا دا قۇرىلىستاردى ىلگەرىلەتۋىمىز كەرەك، بۇل ’10 اي قۇرساق كوتەرىپ ٴبىر تاڭدا بوسانۋعا‘ ۇقسايدى“. جەر استى، جەر بەتى، بۇلت ٴۇستى، شيۇڭ ـ ان 3 قالانىڭ ورتاق ٴوسىپ ـ جەتىلۋى. تەز بە، الدە باياۋ ما؟ ۋاقىتتىڭ توپتالۋىنا بايلانىستى، جۇمىستى سالماقتىلىقپەن جۇرگىزۋ سىندى تۇراقتىلىق ٴتىپتى دە قۇندى بولا ٴتۇستى.
2023 ـ جىلى 5 ـ ايدا كەڭ كولەمدە قۇرىلىس جۇرگىزۋمەن بەيجيڭنىڭ بەياستانالىق فۋنكتسيالارىن سەيىلتۋدى قابىلداۋعا تەڭ ٴمان بەرۋ كەزەڭىنە ٴوتتى، باس شۋجي 3 ـ رەت وسى اراعا كەلىپ، ”ۇزدىكسىز قاجىماي كۇش سالۋ كەرەك، مۇندا ۇشقالاقتىق ىستەۋگە بولمايدى ٴارى كۇتىپ وتىرۋعا، يەك سۇيەۋگە، الاقان جايۋعا بولمايدى، ٴسوز جوق، تاباندىلىقپەن قۇلشىنۋ، قاجىرلىلىقپەن قۇلشىنۋ كەرەك“ دەپ ىقىلاستى تاپسىرما بەردى.
ٴار جولى كەلگەن سايىن، ۋاقىت كورسەتكىشىندە جاڭا بەينە جازىلادى. ال بۇگىن ”15 ـ بەسجىلدىقتىڭ“ باستاماسىنداعى شەشۋشى تۇيىندە باس شۋجي شيۇڭ ـ انعا تاعى دا كەلىپ قىزمەت تەكسەردى ٴارى شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشتى.
9 جىلدىق ەڭبەكتەن سۇبەلى تابىستارعا قول جەتتى: ٴبىر تريلليون يۋاننان استام قارجى قوسۋدى ورىنداپ، اشۋ اۋماعى شامامەن 215 شارشى كيلومەتردى قامتىپ، 5300دەن استام عيمارات بوي كوتەردى، باستى ەكونوميكالىق كورسەتكىشتەر جوعارى قارقىنمەن ارتىپ، تۇراقتى حالىق سانى ٴبىر ميلليون 410 مىڭعا ارتتى، بەيچىڭ، جۇڭيۋان، نانديان ارناسى كۇن سايىن كورنەكتىلەنىپ، تىرەكتى قاتىناس تورى نەگىزىنەن ورىندالدى...
”جۇڭگو ەكونوميكاسىنىڭ ٴۇش نەگىزگى قوزعالتقىشىندا سوڭعى جىلدارى تۇگەلدەي وتە زور سەكىرۋ بولدى“. بۇرىنعى جۋجياڭ اتىراۋى، قازىرگى گۋاڭدۇڭ، شياڭگاڭ، اۋمىن، بۇرىنعى شاڭحاي، جياڭسۋ، جىجياڭ، قازىرگى چاڭجياڭ اتىراۋى جانە ٴبىز تۇرىپ جاتقان بەيجيڭ، تيانجين، حىبەيدىڭ بارلىعى جاڭا ارتۋ كەڭىستىگىنە يە بولدى. جۇڭگو ۇلگىسىندەگى وسىزامانداندىرۋدىڭ ايبىندى كارتيناسىن اشقاندا، ”مىڭ جىلدىق ۇلى جوسپاردى، مەملەكەتتىڭ ٴىرى ٴىسىن“ تياناق ەتكەن شيۇڭ ـ ان جاڭا رايونى بەيجيڭ − تيانجين − حىبەيدىڭ دامۋ ارناسىنا قاتىستى بولىپ عانا قويماي، جۇڭگونىڭ بولاشاعىنا دا سايادى.
كوكتەم مەرەكەسىنىڭ الدىندا بەيجيڭدە قىزمەت تەكسەرگەندە، باس شۋجي شي جينپيڭ بىلاي دەپ اتاپ كورسەتتى: ”جالعىز اعاش ورمان بولماس، جۇمىلا كوتەرگەن جۇك جەڭىل، باسقالارعا كومەكتەسۋ، ٴىس جۇزىندە، وزىنە كومەكتەسكەندىك، ٴبىر ـ بىرىنە ساي كەلۋى كەرەك“.
سەيىلتۋ − ”قوس باعىتتا كۇش سالۋ“ ٴارى ”قوس باعىتتا پايدا تابۋ“. سەيىلتۋشى جاقتان الىپ قاراعاندا، ”سەيىلتۋگە قيۋ، ويداعىداي سەيىلتۋ“ كەرەك؛ قابىلداۋشى جاقتان الىپ قاراعاندا، ”قابىلداي الۋ، ويداعىداي قابىلداۋ“ كەرەك. شيۇڭ ـ ان بەيجيڭ − تيانجين − حىبەي اراسىندا ۇشتاستىرۋ رولىن اتقارىپ، ٴارقايسى جاقتىڭ قاتىستى كاسىپ سالالارىنىڭ تىزبەكتى تولىقتاۋىن، تىزبەكتى كۇشەيتۋىن تۇتاستىرىپ، بەيجيڭ − تيانجين − حىبەيدىڭ جالپى تۇلعالىق ونىمدىلىگىن، جالپى تۇلعالىق يقۋاتىن ساۋلەلەندىرەدى.
3000 جىلدان استام قالا قۇرۋ تاريحى مەن 870 جىلدان استام استانا قۇرۋ تاريحى بار بەيجيڭ سەيىلتۋشى جاق رەتىندە، ٴارى ”بەرۋشى“، ٴارى ”ٴونىم الۋشى“ بولدى. ول مەملەكەت بويىنشا مولشەردى ازايتىپ دامۋدى ىسكە اسىرعان العاشقى اسا ٴىرى قالا بولىپ، ”ەكونوميكالىق دامۋى تومەندەمەدى، كەرىسىنشە ارتتى“.
”قيۋ“ مەن ”قول جەتكىزۋ“، ”ازايتۋ“ مەن ”ارتتىرۋ“، ٴبىر ٴوڭىر مەن جالپى جاعداي... وسى ٴبىر جۇپ قاتىناستى عىلمي ٴبىر جاقتى ەتىپ، بايلىق فاكتورىنىڭ بەيجيڭ، تيانجين، حىبەيدىڭ اناعۇرلىم ۇلكەن كەڭىستىك جۇيەسىندە ساپالى ورنالاسۋىن ىلگەرىلەتكەندە عانا ”جاپىراقتار ۇقساماعانىمەن، ٴبىر ـ ٴبىرىنىڭ اجارىن اشۋدى“ ىسكە اسىرۋعا بولادى.
سۋ مەن قالا − قالانىڭ دامۋىنداعى، ٴسوز جوق، جاۋاپ بەرۋگە ٴتيىستى ماسەلە.
”سول كەزدە وسى جەر تاڭدالعاندا، بايياڭدياندى قورعاۋ ويلاستىرىلعان بولاتىن“. بايياڭدياننىڭ سۋالىپ قالۋى ٴبىر مەزەت ادامدى الاڭداتتى. باس شۋجي شي جينپيڭ سول جىلدارى حىبەيدە قىزمەت ىستەگەن كەزىن ەسىنە الىپ بىلاي دەدى: ”مەنىڭ ٴبىر ارمانىم سۇن ليدىڭ «بايياڭديان ەستەلىكتەرىندەگى»، «كىشكەنتاي اسكەر جاڭ گاداعى» بايياڭدياندى كورۋ ەدى“. ويلاماعان جەردەن كول سۋى تارتىلىپ، وكىنىش ارقالاتتى. ”كەيىن سۋ كەلدى، الايدا سۋ وتە لاس، كەيدە بار، كەيدە جوق. قازىر بايياڭدياننىڭ سۋ ساپاسى جاڭا رايون قۇرىلۋدان بۇرىنعى ناشار 5 ـ تۇردەن 3 ـ تۇرگە وزگەردى“.
كوگىلدىر تولقىن بۇيرالانا تولقىدى، تولقىن ىرعاعى تىرشىلىكپەن توعىستى، ٴبىر قالانىڭ وزگەرىسى ٴارى جەر اۋدانى 216 مىڭ شارشى كيلومەتر كەلەتىن بەيجيڭ − تيانجين − حىبەيدىڭ تەرەڭ وزگەرىسىنىڭ ىقشام كورىنىسى. ”ساۋساقپەن ساناپ كورسەك، ناتيجەنى باعدار ەتۋگە تاباندى بولدىق“، شيۇڭ ـ اننىڭ وسى 9 جىلىن باس شۋجي ”گۇلدەنىپ ـ كوركەيگەن“، ”جاندى دا جالىندى“ دەگەن سوزدەرمەن سۋرەتتەدى. ٴبىر قورىتىندىدان مىنانى ايقىن كورۋگە بولادى: ”پارتيا ورتالىق كوميتەتىنىڭ شيۇڭ ـ ان جاڭا رايونىن قۇرۋ جونىندەگى شەشىمى بۇكىلدەي دۇرىس، ٴار جاقتاعى قىزمەتتەر تىڭعىلىقتى، ٴونىمدى بولدى“.
جاڭا ٴۇمىت · ”پارتيا ورتالىق كوميتەتى شيۇڭ ـ ان جاڭا رايونىنا زور ٴۇمىت ارتىپ وتىر“
10 جىلدىڭ الدىندا جۇڭنانحايداعى ٴبىر رەتكى ماجىلىستە ”شيۇڭ ـ ان“ دۇنيەگە كەلدى.
2016 ـ جىلى 3 ـ ايدىڭ 24 ـ كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ٴماجىلىسىن باسقارىپ اشىپ، «بەيجيڭ قالاسىنىڭ اكىمشىلىك قوسىمشا ورتالىعى جانە بەيجيڭنىڭ بەياستانالىق فۋنكتسيالارىن سەيىلتۋدى شوعىرلى مىندەتىنە العان جەرگە قاتىستى جاعدايلار جونىندەگى مالىمەتتى» قاراپ، جاڭا رايون جوباسىنىڭ تاڭدالعان ورنىن تۇراقتاندىرىپ، ”شيۇڭ ـ ان جاڭا رايونى“ دەپ اتاۋعا قوسىلدى.
جۇلگەنى سالالاعان سايىن، ”پارتيا ورتالىق كوميتەتى باستان ـ اياق شيۇڭ ـ اننىڭ دامۋىنا كوڭىل بولەدى“ دەگەن اسەر ٴتىپتى دە تەرەڭدەي تۇسەدى.
”جاڭا داۋىردەگى جاڭالىق اشۋ بيىگىن جانە جوعارى ساپالى دامۋدى ىلگەرىلەتۋ ۇلگىسىن قۇرۋ“، تاريحتىڭ جاڭا بەلەسىندە باس شۋجي شي جينپيڭ شيۇڭ ـ ان جاڭا رايونىنان زور ٴۇمىت كۇتتى.
اڭگىمە ماجىلىسىندە ناتيجە مەن ماسەلەگە، دامۋ مەن جەتەرسىزدىككە، وراي مەن تۇساۋعا ديالەكتيكالىق تۇرعىدان قارالىپ، ۇزاق بولاشاق جونىندە وي جۇگىرتىلىپ، تەرەڭ جوسپار جاسالدى.
ٴبىر ورىن: ”بەيجيڭنىڭ بەياستانالىق فۋنكتسيالارىن سەيىلتۋدى شوعىرلى مىندەتىنە العان جەر“.
مەملەكەتتى باسقارۋداعى تەتىك ماڭىزدى تۇيىندى مىقتى يگەرۋدە. ”استانانىڭ دامۋى ٴارقانداي كاسىپ سالاسى ٴتۇرى تولىق بولاتىن جۇڭگوشا ٴدارى ـ دارمەك دۇكەنىن اشۋعا ۇقسامايدى“. باس شۋجي بىلاي دەپ باسا دارىپتەدى: ”ەندى ٴبىر جاعىنان، قابىلداۋدا، ٴسوز جوق، جوعارى ولشەمگە، جوعارى ساپاعا تاباندى بولىپ، بەيجيڭنىڭ بەياستانالىق فۋنكتسيالارىن سەيىلتۋ مەن بەيجيڭ − تيانجين − حىبەيدىڭ سايكەستى دامۋىن ورگانيكالى ۇشتاستىرۋ كەرەك“.
ٴبىر جول: ”جوعارى ساپالى قۇرۋ مەن جوعارى ٴونىمدى باسقارۋدى ٴبىر تۇلعالى ويداعىداي يگەرۋ كەرەك“.
”15 ـ بەسجىلدىق“ جوبا باعدارلاماسىندا شيۇڭ ـ ان جونىندە جاسالعان جاڭا جوباعا ”باسقارۋ ٴتۇزىلىسىن كەمەلدەندىرۋ“ دەگەن تارماق ايقىن ەنگىزىلدى. بۇل دا باسقارۋ جۇيەسى مەن باسقارۋ قابىلەتىن وسىزامانداندىرۋ تاقىرىبىنداعى ماڭىزدى مازمۇن.
جوعارى ولشەم جوعارى وزىندىك قۇندى، جوعارى سارىپ ەتۋدى اڭعارتا ما؟ باس شۋجي شي جينپيڭ ”شيۇڭ ـ ان ساپاسىنا“ ايرىقشا ٴمان بەردى: ”جاڭا رايون قۇرىلىسىندا ريتىم مەن ۋاقىت ٴتارتىبىن عىلمي يگەرۋ كەرەك“. ”جوعارى ولشەم مەن شوعىرلاندىرۋدىڭ، ۇنەمدەۋدىڭ قاتىناسىن دۇرىس ٴبىر جاقتى ەتۋ كەرەك، جوعارى ولشەم جوعارى وزىندىك قۇنعا ۋاكىلدىك ەتە المايدى، جوعارى سارىپ ەتۋگە تىپتەن ۋاكىلدىك ەتە المايدى، قۇرىلىستىڭ وزىندىك قۇنىن عىلمي باسقارۋ ـ مەڭگەرۋ كەرەك“.
ٴبىر ٴادىس: ”رەفورما جاساۋدى، جاڭالىق اشۋدى جەتەكشى ەتۋ ارقىلى ىشكى دامۋ قوزعاۋشى كۇشىن نىعايتۋ كەرەك“.
شيۇڭ ـ ان جاڭا رايونىن قۇرىپ، سايكەستى دامۋدى ىلگەرىلەتۋدىڭ ٴوزى تەرەڭ سۋدىڭ تىنىپ اققانىنداي رەفورما. قىزمەت تەكسەرگەن كەزىندە باس شۋجي: ”ونان ارى يدەيانى ازات ەتىپ، وي جەلىسىن كەڭەيتۋ كەرەك“، ـ دەپ باسا دارىپتەپ، ”جۇرەكتىلىكپەن ىزدەنىس جاساپ، الدىمەن اتقارىپ، الدىمەن سىناق ەتۋگە“ شابىتتاندىردى، مۇندا ٴدال بوگەتتەردى تالقانداۋدى، اۋقىم قالىپتاستىرۋدى، ومىرشەڭ كۇشتى جانداندىرۋدى كوزدەدى.
سوڭعى ٴبىر مەزگىلدە بەيجيڭ − تيانجين − حىبەيگە قاتىستى حابارلار ارت ـ ارتىنان جاريالاندى: پارتيا ورتالىق كوميتەتى بەيجيڭ (بەيجيڭ − تيانجين − حىبەي) حالىقارالىق عىلىم ـ تەحنولوگيادا جاڭالىق اشۋ ورتالىعىن قۇرۋدى ۇيعاردى، مەملەكەتتىك كەڭەس شيۇڭ ـ ان جوعارى، جاڭا تەحنولوگيا كاسىپ سالاسىن اشۋ رايونىنىڭ دارەجەسى كوتەرىلىپ، مەملەكەت دارەجەلى بولۋىنا بەكىتۋ جاساپ قوسىلدى، شيۇڭ ـ ان حالىقارالىق اۋە پورتى رەسمي ىسكە قوسىلدى... كونەنى وزگەرتىپ جاڭالىققا كوشۋدە تەرەڭ تولعانىپ، الىستى ويلادى. باس شۋجي شي جينپيڭ شيۇڭ ـ اننان ورايدى مىقتى يگەرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جاڭا رايوننىڭ ٴىس جۇزىندىگىنە ۇيلەسەتىن وسىزاماندانعان كاسىپ سالاسى جۇيەسىن جەتىلدىرۋدى تالاپ ەتتى.
قىزمەت تەكسەرگەن كەزىندە باس شۋجي شي جينپيڭ بۇكىل پارتيادا ورىستەتىلىپ جاتقان دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن دە تىلگە تيەك ەتىپ، دەن قويا ۇيىمداستىرىپ اتقارىپ، ناقتى ونىمدىلىككە قول جەتكىزۋگە شىنايى كەپىلدىك ەتۋدى باسا دارىپتەدى. ”مىڭ جىلدىق ۇلى جوسپاردىڭ“ وزگەشە باستاماسىنا كوز جىبەرسەك، ەكى ٴسوز تەرەڭ مانگە يە.
ٴبىر ٴسوز، كەلەلى جاعداي.
تۇيىننەن كولەمدەنۋگە دەيىن شيۇڭ ـ ان بەيجيڭ − تيانجين − حىبەيدى ارەكەتتەندىردى، جۇڭگو ۇلگىسىندەگى وسىزامانداندىرۋدىڭ جاڭا جاعدايىن جەبەدى. ”پارتيا باسشىلىعىن كۇشەيتۋدى، پارتيانى جاپپاي قاتاڭ باسقارۋدى ىلگەرىلەتۋدى باستان ـ اياق ساباقتاستىرۋ كەرەك“، باس شۋجي شي جينپيڭ ”قاتىستى جاقتار كەلەلى جاعداي تانىمىن، جاۋاپكەرشىلىك تانىمىن كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ٴىس جۇزىندىك ارەكەتتەرىمەن ويداعىداي تياناقتاندىرۋى كەرەك“ دەپ قاداعالاي ەسكەرتتى.
ٴبىر ٴسوز، ناقتى ىستەۋ.
”ٴبىزدىڭ قازىر جاڭا رايون قۇرىلىسىن يگەرۋىمىز تىڭ ىزدەنىس بولعانىمەن، شىنجىن ەرەكشە رايونىن، پۋدۇڭ جاڭا رايونىن قۇرعان كەزىمىزدەگى جاعدايعا ۇقسامايدى، ول كەزدە ٴبىز وزەننەن ابايلاپ ٴوتىپ، مالتاۋ بارىسىندا مالتاۋ ۇيرەندىك“. باس شۋجيدىڭ ٴسوزى ەرەكشە تەرەڭ، ”قازىر ٴبىزدىڭ ۇلكەن بەتالىسىمىز ايقىن، تىڭعىلىقتى ىزدەنىس جاساپ ىلگەرىلەتۋىمىز كەرەك. تياناقتاندىرۋدى بىلەك سىبانا يگەرىپ، قادام سايىن تاباندىلىقپەن العا باسىپ، ساتى بويىنشا تىڭعىلىقتى ىلگەرىلەتىپ، پارتيا مەن حالىققا تولىمدى جاۋاپ قايتارۋىمىز كەرەك“.
تايحاڭشان تاۋىنىڭ باۋرايىندا، بوحاي تەڭىزىنىڭ جاعاسىندا ”بولاشاق قالا“ تاعى ٴبىر كوكتەمدى قارسى الدى.
(شينحۋا اگەنتتىگىنىڭ 3 ـ ايدىڭ 24 ـ كۇنى حىبەيدىڭ شيۇڭ ـ ان جاڭا رايونىنان بەرگەن حابارى)
