□ شينحۋا اگەنتتىگىنىڭ تىلشىلەرى حۋاڭ يۋە، جاۋ حۇڭيۇي
مەملەكەتتىك ەكى ٴماجىلىس جابىلىپ كوپ وتپەي، مەملەكەتتىڭ 15 ـ بەسجىلدىق جوبا باعدارلاماسى جاريالانعاننان كەيىن، باس شۋجي شي جينپيڭ تۇڭعىش رەت جەرگىلىكتى ورىنعا بارىپ قىزمەت تەكسەرىپ، حىبەيدىڭ شيۇڭ ـ ان جاڭا رايونىنا بارىپ تەكسەرۋ ـ زەرتتەۋ جۇرگىزدى.
كىرىسۋ رايونى قۇرىلىسىنىڭ اياق الىسىن تەكسەرىپ كوردى، جۇڭگو حۋانىڭ توبى شەكتى سەرىكتەستىگىندە، بەيجيڭ قالالىق 4 ـ ورتا مەكتەپ شيۇڭ ـ ان مەكتەپ اۋماعىندا قىزمەت تەكسەردى، شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشتى... باس شۋجيدىڭ شيۇڭ ـ انداعى ساپارىندا ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا جەتەكشىلىك ەتەتىن تەرەڭ تولعانىس قامتىلعان.
ٴبىرىنشى، بەلگىلەنگەن ەكەن تياناقتاندىرۋ كەرەك، قادام سايىن العا باسۋ كەرەك.
جوبا بەلگىلەنىپ بولدى، ماڭىزدىسى، تياناقتاندىرۋدا. باس شۋجي شي جينپيڭ مەملەكەتتىك ەكى ماجىلىستە ”جاقسى جوبا مەن اتقارۋ قابىلەتى ەكەۋىن ۇشتاستىرۋ كەرەك“ دەپ باسا دارىپتەدى.
9 جىلدا ٴبىر تىلكىم جەر، ٴبىر كارتادان ٴبىر قالاعا دەيىن شيۇڭ ـ ان جاڭا رايونىنىڭ بەلگىلەنگەن جوبا، ورنالاستىرۋ بويىنشا ورنىقتى ىستەپ، بۋىن تارتىپ ٴوسىپ ـ جەتىلىپ، ”كەلەلى كەزەڭدىك جەتىستىككە قول جەتكىزۋى“ ٴدال وسى تالاپتىڭ امالياتتا تولىق ايگىلەنۋى بولدى.
9 جىلدا باس شۋجي شي جينپيڭ شيۇڭ ـ اندا 4 رەت قىزمەت تەكسەرىپ، ٴار رەت شەشۋشى بۋىنداردا باعىتتامالى جوسپار جاساپ، جەتەكشىلىك ەتىپ، قادام سايىن ىلگەرىلەتىپ، ۇزدىكسىز تەرەڭدەتتى.
ستراتەگيالىق جوبا بىرتىندەپ ىلگەرىلەتىلىپ، دايەكتى اتقارۋ باستان ـ اياق جالعاستىرىلدى. 5 جىلدىق جوبا مەن شيۇڭ ـ ان جاڭا رايونى قۇرىلىسى تۇگەلدەي جۇڭگونىڭ وزگەشە تۇزىمدىك ابزالدىلىعى مەن باسقارۋ اقىل ـ پاراساتىن ايگىلەدى.
5 جىلدىڭ الدىندا شيۇڭ ـ ان جاڭا رايونى تۇڭعىش رەت مەملەكەتتىڭ 5 جىلدىق جوباسىنا ەنگىزىلدى، ”14 ـ بەسجىلدىق“ جوبا باعدارلاماسىندا ”شيۇڭ ـ ان جاڭا رايونىن جوعارى ولشەممەن، جوعارى ساپامەن قۇرىپ، كىرىسۋ رايونى جانە باستاما رايون قۇرىلىسىن جەدەلدەتىپ، باسقارۋ تۇزىلىسىندە جاڭالىق اشۋدى ىلگەرىلەتۋ“ العا قويىلدى. بيىل 3 ـ ايدا جاريالانعان ”15 ـ بەسجىلدىق“ جوبا باعدارلاماسىندا ”شيۇڭ ـ ان جاڭا رايونىن وسىزاماندانعان قالا ەتىپ قۇرۋ جوعارى ولشەممەن، جوعارى ساپامەن ىلگەرىلەتىلىپ، باسقارۋ ٴتۇزىلىسى كەمەلدەندىرىلەدى“ دەپ ايقىن كورسەتىلدى.
ەكى جوبادا دا شيۇڭ ـ ان جاڭا رايونى وڭىرلىك دامۋ ستراتەگيالىق ورنالاسىمىنا ەنگىزىلدى ٴارى باسقارۋ تۇزىلىسىندە جاڭالىق اشۋ، كەمەلدەندىرۋ جونىندە تالاپ قويىلدى. شيۇڭ ـ ان جاڭا رايونى قۇرىلىسى بەيجيڭ − تيانجين − حىبەيدىڭ سايكەستى دامۋىنا قاتىستى بولىپ عانا قويماي، جاڭا داۋىردەگى رەفورما جاساۋدى، ەسىك اشۋدى تەرەڭدەتۋدىڭ سىناق اتىزى بولىپ، الداعى 5 جىلداعى، 10 جىلداعى، ٴتىپتى، ونان دا ۇزاق مەزگىلدەگى جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ جاۋاپكەرشىلىگىن ارقالاپ وتىر.
ٴبىر وڭىرگە كوز جىبەرۋ جالپى جاعدايدى اناعۇرلىم ويداعىداي ٴبىر تۇتاس جوسپارلاۋ ٴۇشىن. بىلتىر جىل سوڭىنداعى ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ بىلاي دەپ باسا دارىپتەدى: ”بەلگىلەنگەن ەكەن تياناقتاندىرۋ كەرەك، ٴار دارەجەلى، ٴارقايسى تاراۋلاردىڭ بارلىعىندا كەلەلى جاعداي كوزقاراسى، اتقارۋ قابىلەتى بولۋى كەرەك“.
وسى رەت شيۇڭ ـ اندا باس شۋجي مىنالاردى تالاپ ەتتى: ”قاتىستى جاقتار كەلەلى جاعداي تانىمىن، جاۋاپكەرشىلىك تانىمىن كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ٴىس جۇزىندىك ارەكەتپەن ويداعىداي تياناقتاندىرۋى كەرەك“.
كەلەلى جاعدايدى كوكەيدە ساقتاپ، تىڭعىلىقتى ىستەدى، جەر ـ جەر، تاراۋلار جوبا بويىنشا قۇرىلىس جۇرگىزىپ، بىرتىندەپ العا قاراي نىق قادام تاستادى.
ەكىنشى، دامۋ نەگىزگى تاقىرىبىن كوزدەپ، جوعارى ساپالى دامۋ ۇلگىسىن قالىپتاستىردى.
العاش قۇرىلعان كەزدە باس شۋجي شي جينپيڭ شيۇڭ ـ ان جاڭا رايونىنا ”جوعارى ساپالى دامۋدى ىلگەرىلەتۋ جاعىندا بۇكىل ەلدىڭ ۇلگىسى بولۋ“ بورىشىن ۇستەگەن بولاتىن. بۇل جولى باس شۋجي شيۇڭ ـ انعا جاڭا ٴۇمىت ارتتى: ”جاڭا داۋىردەگى جاڭالىق اشۋ بيىگىن جانە جوعارى ساپالى دامۋدى ىلگەرىلەتۋ ۇلگىسىن قۇلشىنا قۇرۋ كەرەك“.
”15 ـ بەسجىلدىق“ جوبا باعدارلاماسىن پاراقتار بولساق، ”جوعارى ساپالى دامۋدا كورنەكتى ونىمدىلىككە قول جەتكىزۋ“ 7 ۇلكەن باستى نىسانانىڭ الدىڭعى قاتارىنان ورىن العان.
جاڭالىق اشۋ فاكتورلارى شوعىرلاندى، اقىل ـ پاراسات مەحانيزمى ٴوسىپ ـ جەتىلدى، كوك اسپان مەن جاسىل جەر توعىستى... وسى ”شيۇڭ ـ ان اسەرى“ − جوعارى ساپالى دامۋدىڭ شيۇڭ ـ ان جاڭا رايونىنداعى جاندى تۇسىندىرمەسى.
وسى رەتكى قىزمەت تەكسەرۋدىڭ ٴتۇيىنى جوعارى ساپالى دامۋمەن تىعىز بايلانىستى. ”جۇڭگو جاساندى سەرىك تور توبى شەكتى سەرىكتەستىگىنىڭ، جۇڭگو جۇڭحۋا توبىنىڭ، جۇڭگو حۋانىڭ توبىنىڭ باس شتابى، ورتالىق كاسىپورىندارىنىڭ 83 بالا سەرىكتەستىگى تارتىپپەن كوشىرىلىپ تىركەلدى، بۇل بولاشاقتا شيۇڭ ـ اندا كاسىپ سالاسىن دامىتۋدىڭ نەگىزگى ارىنى بولماق“. ”جوعارى مەكتەپ قۇرىلىسى شەكسىز كومەسكى قۋاتقا يە بولىپ، بۇل ارادا ٴوندىرىس، وقىتۋ، زەرتتەۋدىڭ ٴبىر تۇلعالانىپ دامۋىن ىلگەرىلەتەدى“. باس شۋجي شي جينپيڭنىڭ ويى تەرەڭ.
وسى رەت شيۇڭ ـ انعا بارعاندا، ”بەيجيڭنىڭ بەياستانالىق فۋنكتسيالارىن سەيىلتۋدى جانە قابىلداۋدى اناعۇرلىم پارمەندى دە ٴتارتىپتى ىلگەرىلەتۋدەن“ ”جوعارى ساپالى قۇرۋ مەن جوعارى ٴونىمدى باسقارۋدى ٴبىر تۇلعالى ويداعىداي يگەرۋگە“ دەيىن، ”اسپانى اشىق، جەرى جاسىل، سۋى تۇنىق كورىكتى شيۇڭ ـ ان قۇرۋدان“ ”جاڭاشا وندىرگىش كۇشتەردى جەرگىلىكتى جاعدايعا قاراي دامىتىپ، جاڭا رايوننىڭ ٴىس جۇزىندىگىنە ۇيلەسەتىن وسىزاماندانعان كاسىپ سالاسى جۇيەسىن جەتىلدىرۋگە“ دەيىن... باس شۋجي شيۇڭ ـ ان جاڭا رايونىنىڭ جوعارى ساپالى قۇرىلىسى مەن دامۋىنا ٴار جاقتان جاڭا جول كورسەتتى.
كونەنى وزگەرتىپ، جاڭانى ورناتىپ، بيىكتە تۇرىپ الىستى بولجادى. جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ دايىن جاۋابى جوق. شيۇڭ ـ ان جاڭا رايونىنىڭ امالياتى شىنجىندى، پۋدۇڭدى جاي عانا كوشىرىپ جاساۋ ەمەس، قايتا جاڭا دامۋ ۇستانىمىنىڭ تەرەڭ وزگەرىسى ارقىلى مەڭگەرۋگە، جالپىلاستىرۋعا بولاتىن تۇزىمدە جاڭالىق اشۋ مەن دامۋ ۇلگىسى جونىندە ىزدەنىس جاساپ، جۇڭگونىڭ بولاشاعى ٴۇشىن جول ىزدەۋ.
ٴۇشىنشى، نازاردى باستان ـ اياق ادامعا شوعىرلاندىرىپ، دامۋ مەن حالىق تۇرمىسىن بىرلىككە كەلتىردى.
5 جىلدىق جوبانىڭ حالىق شارۋاشىلىعى جانە قوعامدىق دامۋ جوباسى دەپ اتالۋىنداعى سەبەپ ”ەكونوميكانى دامىتۋ مەن حالىق تۇرمىسىن جاقسارتۋدى ورگانيكالى ۇشتاستىرعاندىعىندا“.
باس شۋجي شي جينپيڭ شيۇڭ ـ ان جاڭا رايونىنىڭ دامۋ قۇرىلىسىن كوكەيىندە ساقتادى، وسىناۋ قۇتتى مەكەندەگى حالىقتى دا ەسىنەن شىعارمادى.
جاڭا رايون جوباسى باستالىسىمەن، باس شۋجي ”قالا تۇرعىندارىنىڭ قاجەتىن شىعار ٴتۇيىن ەتۋدى“ باسا دارىپتەدى؛ 2019 ـ جىلى ”مىڭ جىلدىق كوركەم ورماندا“ جەرگىلىكتى بۇقارانىڭ اعاش ەگىپ، ورمان وتىرعىزۋ سىندى جاڭا قىزمەت تاپقانىن كورىپ، قۋانىشپەن: ”بۇقارانى جۇمىسقا ورنالاستىرۋ سىندى وسى جۇمىستى ويداعىداي ىستەپ، ولاردى دامۋ جەتىستىكتەرىنەن بىرگە يگىلىكتەندىرۋ كەرەك“، ـ دەدى؛ 2023 ـ جىلى نانۋىنيىڭ الەۋمەتتىك اۋماعىنا ارنايى بارىپ كوشىپ كەلگەن بۇقاراعا امانداسىپ، ”بۇقارانىڭ ورنىقتى تۇرۋىنا، الاڭسىز تۇرمىس كەشىرۋىنە، بولاشاققا يە بولۋىنا مۇمكىندىك جاساۋدى“ تالاپ ەتتى؛ وسى جولى بەيجيڭ قالالىق 4 ـ ورتا مەكتەپ شيۇڭ ـ ان مەكتەپ اۋماعى اسحاناسىنا بارىپ، مەكتەپكە وقۋشىلاردىڭ ازىق ـ تۇلىك حاۋىپسىزدىگى مەن قورەكتىگىنە، ٴسوز جوق، شىنايى كەپىلدىك ەتۋدى تاپسىردى.
”ٴبىزدىڭ ماقساتىمىز ادەمى جاڭا قالا قۇرۋ ٴۇشىن ەمەس، قايتا جاڭا قالا قۇرۋ ٴدال بۇقارانىڭ اناعۇرلىم جاقسى تۇرمىس كەشىرۋى ٴۇشىن“. مىڭ جىلدىق ۇلى جوسپار، تۇپتەپ كەلگەندە، ٴاربىر تال كەرپىش، ٴار ۋاققى تاماق، ٴاربىر ارمان اراسىندا تياناقتانۋى كەرەك.
دامۋ ادام ٴۇشىن، قۇرىلىس ادامعا سۇيەنۋى كەرەك.
باس شۋجي شي جينپيڭ وسى قالانىڭ قۇرىلىسشىلارىن، ٴورىس اشۋشىلارىن باستان ـ اياق ەستەن شىعارمادى. وسى رەت شيۇڭ ـ انعا كەلگەندە، باس شۋجي وسىندا ىرگە تەپكەن جانە سالىنىپ جاتقان كوشىرىلگەن ورىندارداعى كادرلار مەن جۇمىسشى ـ قىزمەتكەرلەردىڭ ۋاكىلدەرىنەن شىنايى حال سۇراپ، قاتىستى جاقتارعا كوشىرىلگەن قاۋىمنىڭ ٴتول قاجەتىنە نازار اۋدارىپ، ٴىس جۇزىندىك ماسەلەلەردى امالىن تاۋىپ شەشۋدى تاپسىردى.
قىزمەت تەكسەرگەن كەزدەگى ىقىلاستى تاپسىرمالار شىنايى سۇيىسپەنشىلىككە تولى بولدى. باس شۋجي شي جينپيڭ كادرلار مەن جۇمىسشى ـ قىزمەتكەرلەر ۋاكىلدەرىن ”شيۇڭ ـ اندىق بولعاندىعىن ماقتانىش سەزىنىپ، اتويلاپ الدا ٴجۇرىپ، ٴجىتى دە ورنىقتى قاداممەن ٴىس تىندىرىپ ناتيجە شىعارىپ، شيۇڭ ـ اننىڭ جارقىن بولاشاعىن بىرگە جاراتۋعا“ شابىتتاندىردى؛ بالالارعا ”باقىتتى قادىرلەي ەكپىندەي ىلگەرىلەپ، بەلسەنە العا ۇمتىلىپ، شيۇڭ ـ ان جاڭا رايونىمەن بىرگە ەسەيىپ، جۇڭگو ۇلگىسىندەگى وسىزامانداندىرۋمەن بىرگە دامۋ“ ٴۇمىتىن ارتتى.
شيۇڭ ـ اننىڭ ەسەيۋى باستان ـ اياق مەملەكەتتىڭ وسىزاماندانۋ ۇردىسىمەن ۇندەستىك تاپتى، ونىڭ ماقساتى ٴاربىر ادامنىڭ وسىزاماندانۋىن جۇزەگە اسىرىپ، اسەرلى، قولجەتىمدى، ورتاق يگىلىكتەنەتىن كوركەم بولاشاققا بىرگە اتتانۋ.
(شينحۋا اگەنتتىگىنىڭ 3 ـ ايدىڭ 25 ـ كۇنى بەيجيڭنەن بەرگەن حابارى)
