شينحۋا اگەنتتىگىنىڭ 3 ـ ايدىڭ 25 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ۇزاق ۋاقىتتىق كۇتىمدەۋ قامسىزداندىرۋى ٴتۇزىمىن جەدەل ورناتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: ۇزاق ۋاقىتتىق كۇتىمدەۋ قامسىزداندىرۋى ٴتۇزىمى _ قۋاتىنان ايرىلعانداردىڭ نەگىزگى تۇرمىسىنا قارايلاسۋعا جانە ونىمەن تىعىز قاتىستى ەمدەۋگە، كۇتىمدەۋگە قىزمەت وتەيتىن نەمەسە قارجىمەن قامتاماسىزداندىراتىن قوعامدىق قامسىزداندىرۋ ٴتۇزىمى، ەلىمىزدىڭ قوعامدىق قامتاماسىزداندىرۋ جۇيەسىنىڭ ماڭىزدى قۇرامداس بولىگى، جان سانىنىڭ قارتتانۋىنا بەلسەنە توتەپ بەرەتىن مەملەكەت ستراتەگياسىن اتقارۋدىڭ ماڭىزدى مازمۇنى.
«پىكىردە» مىنالار العا قويىلدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانىڭ باسشىلىعىنا تاباندى بولىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ٴادىل دە ۇيلەسىمدى بولۋعا، نەگىزدى قامتاماسىز ەتۋگە، ٴبىر تۇتاس جوسپارلاۋعا، ٴتارتىپتى بولۋعا تاباندى بولىپ، ەلىمىزدىڭ نەگىزگى مەملەكەت جاعدايىنا ۇيلەسەتىن، جالپى حالىقتى قامتىعان، قالا مەن اۋىل ٴبىر تۇتاس جوسپارلانعان، ٴادىل بىرلىككە كەلگەن، حاۋىپسىز دە جۇيەلى، باياندى بولعان ۇزاق ۋاقىتتىق كۇتىمدەۋ قامسىزداندىرۋى ٴتۇزىمىن ورناتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. 3 جىل شاماسىندا ۋاقىت جۇمساپ، قالا مەن اۋىلدى ٴبىر تۇتاس جوسپارلاۋ ٴتۇزىمى ورنالاسىمىن نەگىزىنەن ورناتىپ، جاۋاپكەرشىلىكتى بىرگە ارقالايتىن قارجى توپتاۋ مەحانيزمىن، ٴادىل دە ۇيلەسىمدى مامىلە قامتاماسىزداندىرۋ مەحانيزمىن بىرتىندەپ كەمەلدەندىرىپ، عىلمي ارناعا تۇسىرىلگەن باسقارۋ اينالىمى مەحانيزمىن نەگىزىنەن قالىپتاستىرىپ، ەلىمىزدىڭ نەگىزگى مەملەكەت جاعدايىنا ۇيلەسەتىن ۇزاق ۋاقىتتىق كۇتىمدەۋ قامسىزداندىرۋى ٴتۇزىمىن نەگىزىنەن ورناتۋ كەرەك.
«پىكىر» جالپى 6 بولىك، 12 شاراعا ٴبولىنىپ، قالا مەن اۋىلدى ٴبىر تۇتاس جوسپارلاۋ ساياسات ٴتۇزىمىن ورناتۋ، ورنىقتى دا باياندى قارجى توپتاۋ مەحانيزمىن ورناتۋ، ٴادىل دە ۇيلەسىمدى مامىلەنى قامتاماسىز ەتۋدى اتقارۋ، عىلمي ارناعا تۇسىرىلگەن باسقارۋ اينالىمى مەحانيزمىن ورناتۋ، ۇيىمدىق اتقارۋدى كۇشەيتۋ سياقتى جاقتاردا ورنالاستىرۋ جاسادى.
