□ انار بۇلت \ شينجياڭ گازەتىنىڭ ٴتىلشىسى ياۋ گاڭ
3 ـ ايدىڭ كوكتەم سامالى تيانشان الابىن وپكەن ساتتە، توقسۇننىڭ 10 مىڭ مۋلىق ورىك گۇلى قۇلپىرىپ، قىزعىلت گۇل جاپىراقشاسى جەلمەن بىرگە بيگە باستى؛ ياركەندەگى بادام گۇلىنىڭ حوش ٴيىسى اتىزعا جايىلدى؛ تاشقورعاننىڭ ورىك گۇلى قارلى تاۋمەن ايشىقتالىپ، ايبىندى دا جايناعان كوكتەمگى كۇننىڭ كارتيناسىن سالدى. اۋا تەمپەراتۋراسىنىڭ جوعارىلاۋىنا ىلەسە، 2026 ـ جىلعى شينجياڭنىڭ كوكتەمگى گۇل تاماشالاۋ ساياحاتى بازارى ۇزدىكسىز قىزا ٴتۇستى. كىلەڭ تاماشالاۋدان تەرەڭ سەزىنۋگە دەيىن، جەرگىلىكتى ورىننىڭ ساياحاتشى قاينارى جەتەكشىلىك ەتۋدەن شينجياڭنىڭ ٴىشى ـ سىرتىنداعى ساياحاتشىلار بىركەلكى جينالۋعا دەيىن وسىناۋ بايتاق دالا گۇلدى دانەكەر ەتىپ، ”گۇل تاماشالاۋ ەكونوميكاسى“ سىندى كوپ نەگىزدى مۇمكىندىكتى شەشىپ، مادەنيەت پەن ساياحاتتى توعىستىرا دامىتۋدىڭ جاڭا تاراۋىن جازدى.
تيانشان گۇلگە وراندى، الىستان كەلگەن قوناقتاردى قارسى الدى
توقسۇن اۋدانىنداعى 10 مىڭ مۋلىق ورىك گۇلى ورمانى شينجياڭنىڭ كوكتەمدە گۇل تاماشالاۋ ساياحاتىنىڭ ”ٴبىرىنشى بەكەتى“ ٴارى شينجياڭنىڭ سىرتىنان كەلگەن ساياحاتشىلاردىڭ شينجياڭنىڭ كوكتەمگى كوركەمدىگىن تاماشالاۋ تەرەزەسى. حانفۋ كيگەن بەيجيڭنەن ٴوزى اۆتوكولىك جۇرگىزىپ كەلگەن ساياحاتتاۋشى ۋاڭ شۋاڭشۋاڭ تاۋ ـ دالاداعى قالىڭ ورىك ورمانىن ارالاپ، گۇل تەڭىزى مەن بايىرعى سالت توعىسقان ٴساتتى اپپارات كوزىنە ٴتۇسىرىپ الدى. ”بۇرىن شينجياڭنىڭ كۇز ماۋسىمى ەرەكشە كوركەم ەكەنىن ۇنەمى ەستيتىنبىز، كوكتەمدەگى ورىك گۇلىنىڭ دە وسىنشاما تاڭ قالارلىقتاي كوركەم بولارىن ويلاماعان ەكەنبىز“. ول كۇلىمسىرەي بىلاي دەدى: وسى رەتكى تىزىمدەلگەن جالپى كورىنىستىك كوكتەمگى 12 ـ كۇندىك ىشكەرىلەي ساياحاتتاۋ جەلىسى ٴونىمى ٴبىزدىڭ توقسۇننىڭ ورىك گۇلىن ەلىتە تاماشالاۋىمىزعا مۇمكىندىك جاساپ عانا قويماي، كۇشاردى ارالاپ، كۇسان مادەنيەتىنىڭ باي مازمۇنىن سەزىنۋىمىزگە، قاشقار بايىرعى قالاسىنىڭ بەيزاتتىق مۇرا شەبەرلىگىنە ۇڭىلۋىمىزگە مۇمكىندىك بەردى، باي مازمۇندى ساپارىمىز وسى رەتكى ”گۇل تاماشالاۋ ساپارىمىزدى“ ٴتىپتى دە ٴمان ـ ماعىنالى ەتتى.
بيىل شينجياڭنىڭ كوكتەمدە گۇل تاماشالاۋ ساياحاتى بۇرىنعى جىلدارداعىدان دا ەرتە باستالدى. شينجياڭ ساياحات كووپەراتيۆتەرى قوعامىنىڭ باس حاتشىسى شيا جياڭتاۋ بىلاي دەپ تانىستىردى: شينجياڭ ىشىندەگى گۇل تاماشالاۋ ۇيىرمەسى مەجەمەن 3 ـ ايدىڭ 20 ـ كۇنىنىڭ الدى ـ ارتىندا شوعىرلى تۇردە ۇيىرمە ۇيىمداستىردى. بۇل وتكەن جىلدارداعىدان ٴبىر اپتا اينالاسىندا ەرتە بولدى. بۇكىل شينجياڭدا گۇل تاماشالاۋ ۋاقىتى ايقىن وڭىرلىك باسقىشتى ايگىلەدى: 3 ـ ايدا گۇل تاماشالاۋدىڭ وزەگى وڭتۇستىك شينجياڭ جانە تۇرپان اۋماعىنا شوعىرلانىپ، ورىك گۇلى، بادام گۇلى ىركەس ـ تىركەس اشىلادى؛ 4 ـ ايدا ىلە، تارباعاتاي سياقتى جەرلەردىڭ ورىك گۇلىنىڭ، تاۋ گۇلىنىڭ ىركەس ـ تىركەس اشىلۋىنا ىلەسە، گۇل تاماشالاۋدىڭ وزەگى بىرتىندەپ سولتۇستىككە ويىسىپ، ”وڭتۇستىك پەن سولتۇستىكتىڭ ۇندەستىك تابۋى، ىركەس ـ تىركەس اشىلۋداي“ گۇل تاماشالاۋ جاعدايى قالىپتاسادى.
شينجياڭنىڭ كوكتەمدە گۇلدەن ٴلاززاتتانۋ IP ىقپال كۇشىنىڭ ۇزدىكسىز كەڭەيۋىنە ىلەسە، شينجياڭ سىرتىنداعى بازاردىڭ مويىنداۋ دارەجەسى كورنەكتى جوعارىلاپ، قاۋىرت مەزگىلگە شوعىرلاندىرماي گۇل تاماشالاۋ شينجياڭنان سىرت جەرلەردەگى كوپتەگەن ساياحاتشىلاردىڭ ساياحاتقا شىعۋداعى باستى تالعامىنا اينالدى. شينجياڭ كاڭتاي ساياحات حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگىنىڭ باس ديرەكتورى ياڭ مەي بىلاي دەپ تانىستىردى: بۇل كووپەراتيۆ وڭتۇستىك، سولتۇستىك شينجياڭداعى گۇل اشىلۋ ۋاقىت ٴتارتىبىن دالمە ـ ٴدال ۇشتاستىردى، دەن قويا تۇلعالانعان گۇل تاماشالاۋ ساياحات ونىمدەرىن شينجياڭنىڭ سىرتىنداعى ساياحاتشىلار ەرەكشە ۇناتادى. بيىل جىل باسىنان بەرى، بۇل كووپەراتيۆ قابىلداعان گۇل تاماشالايتىن ساياحاتشىلاردىڭ اراسىندا شينجياڭنان سىرت جەرلەردەن كەلگەن ساياحاتشىلاردىڭ سالىستىرماسى تەڭ جارىمىنا تايادى، شينجياڭنىڭ ٴىشى ـ سىرتىنان كەلگەن ساياحاتشىلاردىڭ قۇرىلىمى بارعان سايىن تەڭگەرىلدى.
گۇل مەن مادەني لەپ توعىستى، گۇل تاماشالاۋعا كوركەمونەر سەرىك بولدى
بۇرىنعى جىلدارداعى ”سۋرەتكە تۇسە سالىپ كەتۋ“ سىندى ٴداستۇرلى ۇلگىگە ۇقسامايتىنى، بيىل شينجياڭنىڭ گۇل تاماشالاۋ ساياحاتى ونىمدەرى كاسىپ كۇيىنىڭ دارەجەسىن جوعارىلاتۋدى جانە تەرەڭدەي كەڭەيتۋدى جۇزەگە اسىرىپ، كوپ كۇندىك تەرەڭدەي سەزىنۋ نەگىزگى اعىمعا اينالدى. ساپار بارىسىندا گۇل تەڭىزىن تاماشالاۋمەن بىرگە، شينجياڭنىڭ ەرەكشە ٴدامدى تاعامدارى، بەيزاتتىق مۇرا شەبەرلىگى، بايىرعى سالت ـ سانا، ساياحات سۋرەتتەرى، دالالىق جاياۋ ٴجۇرۋ، اۋىل ـ قىستاق ساياحاتى سياقتى كوپ نەگىزدى مازمۇندارمەن اناعۇرلىم تەرەڭ توعىسىپ، ساياحاتشىلاردىڭ ايالداۋ ۋاقىتىن ٴونىمدى ۇزارتىپ، كوكتەمگى ساياحاتتىق تۇتىنۋ ورتاسىن بايىتىپ، ”گۇل تاماشالاۋدى“ جاي عانا، ٴسوزسىز، بارۋ ەمەس، قايتا ەلىتۋ ۇلگىسىندەگى مادەنيەت ـ ساياحاتىن سەزىندىرۋ ەتتى.
گۇلدى كوپىر ەتىپ، اۋىل شارۋاشىلىعى، مادەنيەت، ساياحاتتى توعىستىرۋ ”گۇل تاماشالاۋ ەكونوميكاسىنا“ باياندى ومىرشەڭ كۇش ۇستەۋدە. جەر ـ جەر ٴوز ەرەكشەلىگىن تياناق ەتىپ، ٴبىر قىدىرۋ جاڭالىق اشۋ جەلىسى ونىمدەرىن شىعارىپ، گۇلدى مادەنيەتپەن، كاسىپ سالاسىمەن ىشكەرىلەي بايلانىستىردى. بۇكىل ەلدەگى ەڭ ٴىرى بادام ەگىمشىلىك بازاسى رەتىندە، ياركەن اۋدانىندا بادام گۇلى جايقالا اشىلعان ساتتە، جەرگىلىكتى ٴان ـ ٴبيدى، بەيزاتتىق مۇرا كورمەلىك قويىلىمىن گۇل تەڭىزىنە ٴسىڭىرىپ، ساياحاتشىلارعا گۇلدەردى تاماشالاۋمەن بىرگە، جىبەك جولى مادەنيەتىنىڭ مايەگىن سەزىندىردى؛ تاشقورعان تاجىك اۆتونوميالى اۋدانى ورىك گۇلىن قارلى تاۋمەن، تاجىك حالىقتىق سالت ـ ساناسىمەن توعىستىرىپ، فوتوسۋرەت اۋەسكەرلەرىنىڭ، ٴوزى اۆتوكولىك جۇرگىزىپ ساياحاتتاۋشىلاردىڭ ٴسوزسىز باراتىن جەرىنە اينالدىرىپ، گۇل تاماشالاۋ ساياحاتىن كىلەڭ كورىنىستى تاماشالاۋدان تەرەڭ مادەنيەت كەشىرمەسىنە اينالدىردى. بۇدان سىرت، قورعاس اۋدانى، كەريا اۋدانى، ياركەن اۋدانى سياقتى جەرلەر اۋىل شارۋاشىلىعىن، مادەنيەتتى، ساياحاتتى ىشكەرىلەي توعىستىرۋدى ارقاۋ ەتىپ، حوش ٴيىستى ماتەريال، بال، حوش ٴيىستى ٴشوپ سياقتى گۇل تۋىندى ونىمدەردى ۇزدىكسىز اشىپ، ”كورۋگە بولاتىن گۇلدى“ ”الىپ جۇرۋگە بولاتىن ەرەكشە ونىمگە“ اينالدىرىپ، ”گۇل شارۋاشىلىعىنىڭ“ ۇستەمە قۇنىن ونان ارى جوعارىلاتتى.
مادەنيەتتىڭ ىشكى ٴمانىن ىشكەرىلەي اشۋ شينجياڭنىڭ بيىلعى گۇل تاماشالاۋ ساياحاتىنىڭ ٴبىر ۇلكەن جارقىن ٴتۇيىنى. ىلە قازاق اۆتونوميالى وبلىسىندا جەرگىلىكتى ورىن ورىك گۇلىن تاماشالاۋدى ات ونەرى ويىنى، كيىم ـ كەشەك سالتاناتى، بەيزاتتىق مۇرالاردى كورسەتۋ سياقتى قيمىلدارمەن ۇشتاستىرىپ، ەلىتۋ ۇلگىسىندەگى حالىقتىق سالت ـ سانا مادەنيەت سەزىنۋىن تۇلعالادى؛ 3 ـ ايدىڭ 25 ـ كۇنىنەن 4 ـ ايدىڭ 15 ـ كۇنىنە دەيىن قاشقار ايماعى 2026 ـ جىلى ”ايبىندى كۇنلۇن· قۇلپىرعان قاشقار“ كوكتەمگى گۇل تاماشالاۋ ساياحات ماۋسىمى جەلىلەس قيمىلىن وتكىزىپ، گۇلدى دانەكەر ەتىپ، حالىقتىق سالت ـ سانا، بەيزاتتىق مۇرالار، ٴدامدى تاعام، مادەنيەت سياقتى كوپ نەگىزدى سەزىنۋدى توعىستىردى. قيمىلدىڭ نەگىزگى جينالىس الاڭى رەتىندە، يىڭسار اۋدانى ورىك گۇلى شيانزىنىڭ سەرۋەنى، داۋاز جوعارى كەڭىستىك ەرەكشە ونەرى، حانفۋ كيىم ـ كەشەك سالتاناتى، مەملەكەت ستيلى ورىك گۇلى ەلەكتروندىق مۋزيكا فەستيۆالى جانە ەلىتۋ ۇلگىسىندەگى ورىك گۇلى مادەنيەت ٴدالىزى سياقتى ەرەكشە نىسانداردى ۇسىنىپ، ساياحاتشىلاردىڭ گۇل تەڭىزىندە ساياحاتتاپ، قاشقاردىڭ مادەنيەت تارتىمدىلىعىن تەرەڭ سەزىنۋىنە مۇمكىندىك جاسادى.
گۇلدەر حالىق تۇرمىسىنا ٴنار بەردى، بايلىق گۇل تەڭىزىنەن كەلدى
كاسىپتىك ماماندار مىنالاردى ٴبىلدىردى: قازىر شينجياڭدا گۇل تاماشالاۋ ساياحاتى 3 ۇلكەن بۇرىلىستى جۇزەگە اسىرۋدا: ”ٴبىر كۇندە گۇلگە كوز سالۋدان“ ”كوپ كۇندە ەمىن ـ ەركىن ساياحاتتاۋعا“، ”كىلەڭ تاماشالاۋدان“ ”تەرەڭدەي سەزىنۋگە“، ”جەرگىلىكتى ساياحاتشى قاينارىن نەگىز ەتۋدەن“ ”شينجياڭنىڭ ٴىشى ـ سىرتىنداعى ساياحاتشى قاينارىنىڭ بىركەلكى دامۋىنا“ قاراي ويىستى، بۇل شينجياڭنىڭ كوكتەمگى ساياحاتىنىڭ قىسقا مەزگىلدىك مەرەكەلىك قىزۋ مەرەيدەن جوعارى ساپالى، باياندى دامۋعا قاراي قادام تاستاعاندىعىن كورسەتەدى.
” ’گۇل تاماشالاۋ ەكونوميكانىڭ‘ دامۋى ەڭ سوڭىندا اۋىل شارۋاشىلىعى، مادەنيەت ـ ساياحاتتى توعىستىرۋ پايداسىنان ەگىنشى ـ مالشىلاردى يگىلىكتەندىرۋ كەرەك“. شينجياڭ ساياحات قوعامىنىڭ ورىنباسار باستىعى، باس حاتشىسى جاڭ شياۋيۇي بىلاي دەدى: شينجياڭنىڭ جەر ـ جەرى گۇلدى دانەكەر ەتىپ، ەكولوگيا، مادەنيەت، كاسىپ سالاسى، حالىق تۇرمىسىن تۇتاستىرۋ ارناسىن اشىپ، ”گۇل تاماشالاۋ ەكونوميكاسىنىڭ“ قىسقا مەرزىمدىك مەرەكەدەن باياندى دامۋعا قاراي بەت الۋىن ىلگەرىلەتىپ، كىلەڭ تاماشالاۋدان اۋىل شارۋاشىلىعىنىڭ، مادەنيەتتىڭ، ساياحاتتىڭ تەرەڭدەي توعىسۋىنا قاراي بەت الىپ، تيانشان الابىنداعى ەكولوگيالىق باسىمدىقتى جەرگىلىكتى ورىننىڭ دامۋىنا دەم بەرەتىن، ٴار ۇلت بۇقاراسىنا تيىمدىلىك جەتكىزەتىن دامۋ جەڭىسىنە شىن مانىندە اينالدىردى.
توقسۇن اۋدانى شيا قالاشىعى نانحۋ قىستاعىنىڭ ورىك باقشاسىندا باي مازمۇندى مادەنيەت ـ ساياحات قيمىلدارى گۇل تاماشالاۋ ساياحاتىن تىپتەن ٴمان ـ ماعىنالى ەتتى _ ساياحاتشىلاردىڭ گۇل تەڭىزىنە بارىپ سەيىلدەۋىنە، ٴماشىراپ، داۋاز ويىندارىن تاماشالاۋىنا بولادى، سونداي ـ اق حالىقتىق سالت ـ سانانى، حالىقتىق سالت ـ سانا ۇيلەنۋ تويىنا قاتىناسىپ سەزىنۋىنە بولادى. قىستاق تۇرعىنى ٴۋالي رۇسۇل ساۋدا ورايىن سەزگىرلىكپەن يگەرىپ، ورىك گۇلى اشىلۋدان بۇرىن ٴوز ٴۇيىنىڭ شارۋالار شاتتىعى ساياجايىن اقتاپ جاڭارتتى، بيىل تاعى كەشكى ويىن ـ ساۋىق تۇرلەرىن ارنايى ەنگىزىپ، ساياحاتشىلاردىڭ تۇنگى سەيىل ـ سەرۋەن، كوڭىل اشۋ قاجەتىن قاناعاتتاندىرۋمەن بىرگە، شارۋاشىلىقتىڭ باسەكەلىك قۋاتىن دا جوعارىلاتىپ، ”گۇل ارقىلى كىرىستى ارتتىرۋدى، ساياحات ارقىلى حالىقتى بايىتۋدى“ شىن مانىندە جۇزەگە اسىرادى.
