جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
«جۇڭگو كوممۋنيستىك پارتياسى جەرگىلىكتى كوميتەتتەرىنىڭ قىزمەت ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 3 ـ ايدىڭ 27 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 3 ـ ايدىڭ 27 ـ كۇنى ٴماجىلىس اشىپ، «جۇڭگو كوممۋنيستىك پارتياسى جەرگىلىكتى كوميتەتتەرىنىڭ قىزمەت ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: جەرگىلىكتى پارتكومدار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ەڭ ماڭىزدى ورىنعا قويىپ، پارتيا ورتالىق كوميتەتى بەلگىلەگەن ىستەردى بۇلجىماي مىقتاپ يگەرۋى، تياناقتاندىرۋدى مىقتاپ يگەرۋى، سونىمەن بىرگە ٴوز ٴوڭىرىنىڭ ٴىس جۇزىندىك جاعدايىمەن تىعىز ۇشتاستىرىپ، قىزمەتتە ىرىقتىلىقتى، جاسامپازدىقتى كۇشەيتۋى كەرەك.
ٴماجىلىس مىنالاردى باسا دارىپتەدى: جەرگىلىكتى پارتكومداردىڭ دامۋدى كوزدەپ، حاۋىپسىزدىككە كەپىلدىك ەتۋدە باس تارتۋعا بولمايتىن جاۋاپكەرشىلىگى بار، تىڭعىلىقتى ىستەۋى، شىنايى يگەرىپ ناقتى ىستەۋى كەرەك. جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، مەملەكەتتىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن بار كۇشپەن قورعاۋ كەرەك. دۇرىس ناتيجە كوزقاراسىن ورناتىپ جانە امالياتتا ايگىلەپ، حالىق ٴۇشىن ناتيجە شىعارۋعا، ناقتى ٴىس ىستەۋ ارقىلى ناتيجە شىعارۋعا تاباندى بولىپ، قۇلشىنا امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋ كەرەك. جەرگىلىكتى پارتكومداردىڭ باسشىلىق القالارىندا دەموكراتيالىق ورتالىقتاندىرۋ ٴتۇزىمى تاربيەسىن كۇشەيتىپ، كەڭەسۋ، شەشىم جاساۋ ەرەجەسىن كەمەلدەندىرىپ، تەرىس اداقتامانى اشالاپ، باقىلاۋ مەحانيزمىن اقاۋسىزداندىرىپ، باقىلاۋ جۇرىلەتىن ٴتۇيىندى ىستەر، ناقتى شارالار، جاۋاپكەرشىلىكتى قۋزاستىرۋ سياقتى مازمۇنداردى ايقىنداپ، دەموكراتيالىق ورتالىقتاندىرۋ ٴتۇزىمىنىڭ قاتاڭ دايەكتىلەندىرىلۋىنە، اتقارىلۋىنا شىنايى كەپىلدىك ەتۋ كەرەك. جەرگىلىكتى پارتكومدار باسشىلىق القالارىنىڭ مۇشەلەرى نازاريا ۇيرەنۋدى كۇشەيتىپ، كاسىپتىك ساپاسىن جوعارىلاتىپ، باسشىلىق قابىلەتىن كۇش سالا جوعارىلاتۋى كەرەك. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن ارقالاپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن قاجىماي ـ تالماي قاتاڭ دايەكتىلەندىرىپ، فورماشىلدىقتى ىشكەرىلەي وڭاپ، نەگىزگى ساتىنىڭ اۋىرتپالىعىن جەڭىلدەتىپ، زاڭ بويىنشا، ەرەجە بويىنشا ۇقىق جۇرگىزىپ، پاكتىك تومەنگى شەگىن ويداعىداي ساقتاپ، ستيلى پاك، سالتى دۇرىس ساياسي ەكولوگيا قالىپتاستىرۋدى ىلگەرىلەتۋ كەرەك.
ٴماجىلىس باسقا دا ىستەردى اقىلداستى.
