2000نان استام قۇرىلىم ”جىبەك جولى جاڭا اۋەنىن“ بىرگە اسقاقتاتتى
انار بۇلت \ شينجياڭ گازەتىنىڭ ٴتىلشىسى ٴابيبا 3 ـ ايدىڭ 27 ـ كۇنى ۇرىمجىدەن حابارلايدى. 3 ـ ايدىڭ 27 ـ كۇنى ”جىبەك جولى جاڭا اۋەنى · كوكتەم لەبى ەسكەن شينجياڭ“ تاقىرىبىنداعى 7 ـ كەزەكتى شينجياڭ كوكتەمگى ساياحات كورمەسى ۇرىمجىدە اشىلدى. قازاقستان، قىرعىزستان، اۆستراليا سياقتى ەلدەردەن كەلگەن كورمەگە قاتىناسۋشى ورىندار، سونداي ـ اق ەل ىشىندەگى 20 نەشە ولكە، اۆتونوميالى رايون، قالادان كەلگەن 2000نان استام ساياحات قۇرىلىمى مەن كاسىپورىن كورمەگە قاتىناستى.
وسى كەزەكتى كوكتەمگى ساياحات كورمەسىن اۆتونوميالى رايوندىق مادەنيەت جانە ساياحات مەڭگەرمەسى باس بولىپ ۇيىمداستىردى، اۆتونوميالى رايوندىق ساياحات قوعامى مىندەتىنە الىپ وتكىزدى، يوپۇرعا اۋدانى داۋاكول قۇمدى ٴشول ساياحات كورىنىس ٴوڭىرىنىڭ اتى جازىلدى، كورمە ۋاقىتى 3 كۇن. كورمەدە ساياحات ماركالارى سارايى، ساياحات تۇتىنۋ سارايى، مادەني ەسكەرتكىش ـ مۇراجاي عىلىم ـ تەحنولوگيا سارايى سىندى 3 ۇلكەن كورمە اۋماعى ورنالاستىرىلىپ، سيفرلى ـ زەردەلى مادەنيەت ساياحاتى، كورىنىس ٴوڭىرى جابدىقتارى، ساياحات تاۋارلارى، مەيمان ساراي، حالىقتىق تۇسەلحانا، ساياحات سەرىكتەستىگى، مادەني ەسكەرتكىش ـ مۇراجاي تەحنولوگياسى سياقتى كوپتەگەن سالانى قامتىدى.
”ٴۇرتىس 6 كەزەك وتكىزىلگەن كوكتەمگى ساياحات كورمەسى بايلىق تانىستىراتىن، تۇتىنۋعا دەم بەرەتىن، وڭىرلىك ەكونوميكانىڭ دامۋىن ىلگەرىلەتەتىن، شينجياڭنىڭ مادەنيەت ـ ساياحاتىنىڭ دامۋىن جەبەيتىن ماڭىزدى تۇعىرعا اينالدى“. اۆتونوميالى رايوندىق ساياحات قوعامىنىڭ ورىنباسار باستىعى، باس حاتشىسى جاڭ شياۋيۇي بىلاي دەدى: وسى كەزەكتى كورمەدە تاعى ”دالالىق ساياحاتتىڭ گۇلدەنۋى مەن ساياحات جۇيەسىن قايتا سومداۋ“، ”كوپ نەگىزدى جاڭالىق اشۋ · زەرتتەۋ ـ ۇيرەنۋ ساياحاتىن ىشكەرىلەي توعىستىرۋ“، ”بەيزاتتىق مادەني مۇرالاردىڭ ومىرشەڭدىگىن جانداندىرۋ“، ”شينجياڭداعى ساياحات سەرىكتەستىكتەرىنىڭ جاڭالىق اشا دامۋ جولىنا AI ارقىلى جەتەكشىلىك ەتۋ“ سياقتى كوپتەگەن ارناۋلى تاقىرىپتىق اۋىس ـ كۇيىس ٴماجىلىسى وتكىزىلىپ، جەر ـ جەرمەن، ٴتۇرلى كاسىپورىندارمەن ىشكى ـ سىرتقى سەلبەستىكتى قول ۇستاسا تەرەڭدەتۋ ارقىلى شينجياڭنىڭ ”ساياحات ارناسىنان“ ”ساياحاتتىڭ نىسانالى جەرىنە“ قاراي جەدەل بۇرىلىس جاساۋى ىلگەرىلەتىلەدى.
وسى كەزەكتى كوكتەمگى ساياحات كورمەسىندە داۋاكول كورىنىس ٴوڭىرىنىڭ اتىنىڭ جازىلۋى جەرگىلىكتى كورىنىس ٴوڭىرى ماركاسىنىڭ ناقتى قۋاتىن ايگىلەدى، ول سونداي ـ اق مادەنيەت ـ ساياحات كاسىبىندە ۇكىمەت پەن كاسىپورىننىڭ سايكەسە دامۋىنىڭ جاندى امالياتى. قاشقار ايماعىنىڭ مادەنيەت ـ ساياحات تانىستىرۋشىسى لي جياڭجياڭ بىلاي دەدى: كوكتەمگى ساياحات كورمەسىنەن پايدالانعان داۋاكول كورىنىس ٴوڭىرىنىڭ ماركا ىقپالى مەن بازارداعى ۇندەۋ قۋاتى كورنەكتى جوعارىلاپ، اۋدان ٴوڭىرى مادەنيەت ـ ساياحات بايلىعىنىڭ بۇكىل ەلگە بەت الۋىنا ماڭىزدى كوپىر بولدى. بولاشاقتا يوپۇرعا اۋدانى مادەنيەت پەن ساياحاتتى توعىستىرۋدى ۇزدىكسىز تەرەڭدەتىپ، ساياحات ونىمدەرىمەن قامداۋدى ساپالىلاندىرىپ، نەگىزدىك قۇرىلعىلاردىڭ سايكەستى قۇرىلىستارىن كەمەلدەندىرىپ، شينجياڭ ساياحاتىنىڭ ايتۋلى نىسانالى جەرىن كۇش سالا قۇرادى.
