شينحۋا اگەنتتىگىنىڭ 3 - ايدىڭ 30 - كۇنى بەيجيڭنەن بەرگەن حابارى. 3 - ايدىڭ 30 - كۇنى مەملەكەت ءتوراعاسى شي جينپيڭ دەنيس ساسوۋ - ەنگەسوعا تەلەگرامما جولداپ، ونىڭ كونگو رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كونگونىڭ (براززاۆيل) ءداستۇرلى دوستىعى تەرەڭ. سوڭعى جىلدارى ەكى ەلدىڭ ساياسي ءوزارا سەنىمدىلىگى ۇزدىكسىز نىعايىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى سەلبەستىكتە سۇبەلى تابىستارعا قول جەتكىزدى. ەكى ەل جۇڭگو − افريكا سەلبەستىك تالقى مىنبەرىنىڭ ورتاق ءتوراعا ەلى بولۋ مىندەتىن قول ۇستاسا اتقارىپ، جۇڭگو − افريكا قارىم - قاتىناسىنىڭ دامۋى مەن تۇستىك ەلدەر سەلبەستىگىن جەبەۋدە جەتەكشىلىك رول اتقاردى. مەن جۇڭگو − كونگو قارىم - قاتىناسىنىڭ دامۋىنا وسكەلەڭ ءمان بەرەمىن، ساسوۋ زۇڭتۇڭمەن بىرگە قۇلشىنىپ، جۇڭگو مەن كونگونىڭ جوعارى دەڭگەيلى تاعدىرلاس ورتاق تۇلعاسىنىڭ مازمۇنىن ۇزدىكسىز بايىتىپ، جاڭا داۋىردەگى بارلىق جاعدايدا بىردەي جۇڭگو − افريكا تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.
