«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
دۇرىس ناتيجە كوزقاراسىن ورناتۋ جانە امالياتتا ايگىلەۋ كەرەك
شينحۋا اگەنتتىگىنىڭ 3 - ايدىڭ 31 - كۇنى بەيجيڭنەن بەرگەن حابارى. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇرىس ناتيجە كوزقاراسىن ورناتۋ جانە امالياتتا ايگىلەۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2012 - جىلى 12 - ايدان 2026 - جىلى 2 - ايعا دەيىنگى مەزگىلدەگى قاتىستى ماڭىزدى بايىمداۋلارىنان الىنعان ءۇزىندى.
ماقالادا مىنالار باسا دارىپتەلدى: ناتيجە كوزقاراسى ماسەلەسى − ءتۇبىرلى ماسەلە، ول جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى. ۇزدىكسىز تاماشا ناتيجەمەن پارتيا مەن مەملەكەت ىستەرىنىڭ دامۋىن ىلگەرىلەتىپ، حالىقتى باقىتقا كەنەلتكەندە عانا پارتيانىڭ باستى ماقساتىن ويداعىداي امالياتتا ايگىلەۋگە، پارتيانىڭ تاريحي بورىشىن دا ويداعىداي ورىنداۋعا بولادى. ءىس جۇزىندىكتى شىعار ءتۇيىن ەتۋگە، قاعيدا بويىنشا ءىس بىتىرۋگە تاباندى بولىپ، عىلمي شەشىم جاساۋ جانە ناقتى ىستەۋ، قاجىرلىلىقپەن ىستەۋ ارقىلى اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا جاپپاي مويىندايتىن ناتيجەگە قول جەتكىزۋ كەرەك.
ماقالادا مىنالار اتاپ كورسەتىلدى: دۇرىس ناتيجە كوزقاراسىن ورناتۋدا جانە امالياتتا ايگىلەۋدە شەشۋشى رول اتقاراتىنى − پارتيالىلىق. پارتيالىلىقتىڭ كۇشتى - السىزدىگىن ولشەيتىن ءتۇبىرلى ولشەم − جالپى مەن جەكەنىڭ قاتىناسىن قالاي ءبىر جاقتى ەتۋ. پارتيالىلىق كۇشتى بولعاندا، وزىمشىلدىك ويدان ارىلعاندا عانا ناتيجە كوزقاراسىندا اۋىتقىماۋعا كەپىلدىك ەتۋگە بولادى. ءار دارەجەلى باسشى كادرلار پارتيانىڭ بورىشى مەن مىندەتىن جۇزەگە اسىرۋدى شىعار ءتۇيىن ەتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ءوزىنىڭ يدەياسى مەن ارەكەتىنىڭ كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنان اۋىتقىعان - اۋىتقىماعانىنا، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا قايشى كەلگەن - كەلمەگەنىنە، پارتيانىڭ لۋشيان، باعىت - ساياساتىنان جانە پارتيا ورتالىق كوميتەتىنىڭ كەلەلى شەشىمدەرىنەن، ورنالاستىرۋلارىنان الشاقتاعان - الشاقتاماعانىنا، مەملەكەت جاعدايىنان جانە ءوز ءوڭىرىنىڭ، تاراۋىنىڭ ءىس جۇزىندىگىنەن قول ۇزگەن - ۇزبەگەنىنە قاراپ، ەڭبەك ماعان جازىلماسا دا، ەڭبەك سىڭىرۋدە، ءسوزسىز، مەن بولۋىم كەرەك دەيتىن رۋحاني دەڭگەيمەن جۇڭگو ۇلگىسىندەگى وسىزامانداندىرۋدى بار ىنتا - پەيىلمەن ىلگەرىلەتۋى كەرەك.
ماقالادا مىنالار اتاپ كورسەتىلدى: كوممۋنيستەر، ءسوز جوق، حالىقتى باقىتقا كەنەلتۋدىڭ ەڭ ۇلكەن ناتيجە ەكەندىگىن، ءىس تىندىرىپ ناتيجە شىعارۋ حالىقتى باقىتقا كەنەلتۋ ءۇشىن ەكەندىگىن، ءمانسابىن ءوسىرۋ، پايدا - زيان ءۇشىن ەمەس ەكەندىگىن ەستە بەرىك ساقتاۋى كەرەك. قىزمەتتى جوسپارلاپ ىلگەرىلەتۋدە، ءسوز جوق، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، حالىق ءۇشىن دامۋعا، دامۋدا حالىققا سۇيەنۋگە، دامۋ جەتىستىكتەرىنەن حالىقتى ورتاق يگىلىكتەندىرۋگە تاباندى بولىپ، جاقسى ىستەردى، ناقتى ىستەردى بۇقارانىڭ ويىنداعىداي ىستەۋ كەرەك. حالىق ءۇشىن ناتيجە شىعارۋعا، ناقتى ىستەۋ ارقىلى ناتيجە شىعارۋعا تاباندى بولىپ، ناتيجەگە تالپىنۋ جاعىندا وڭاي ولجاعا ۇمتىلىپ، كوزبوياۋشىلىق ىستەۋدەن، كوزسىزدىكپەن، دورەكىلىكپەن ىستەۋدەن ساقتانىپ، جاڭا باسشىنىڭ كونە ماسەلەنى ەلەپ - ەسكەرمەۋىن جانە ”وبراز ينجەنەرياسىن“، ”ناتيجە ينجەنەرياسىن“ تيۋ كەرەك.
ماقالادا مىنالار باسا دارىپتەلدى: جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جوعارى ساپالى دامۋعا تاباندى بولۋ باسشى كادرلاردىڭ ناتيجە كوزقاراسىنىڭ ماڭىزدى مازمۇنى بولۋى كەرەك. جاڭا دامۋ ۇستانىمىن تولىق ، دالمە - ءدال، جاپپاي دايەكتىلەندىرىپ، جوعارى ساپالى دامۋدى كۇش سالا ىلگەرىلەتۋ سىندى وسى تالاپتى دارەجە بويىنشا تياناقتاندىرۋ قاجەت، مۇنى دۇرىس ناتيجە كوزقاراسى بولمايىنشا ورىنداۋعا بولمايدى. ورنىقتىلىق پەن ىلگەرىلەۋدىڭ، ورناتۋ مەن كۇشىنەن قالدىرۋدىڭ، جالعاندىق پەن شىندىقتىڭ، سىرتقى قۇبىلىس پەن ىشكى ءماننىڭ، جاقىن مەن الىستىڭ قاتىناسىن ويداعىداي ءبىر جاقتى ەتىپ، تومەنگى شەكتە ويلاۋعا تاباندى بولىپ، حاۋىپ - قاتەر تانىمىن كۇشەيتىپ، جاڭا دامۋ ۇستانىمىن سانالى تۇردە ەكونوميكالىق، قوعامدىق دامۋدىڭ تۇتاس بارىسىمەن ساباقتاستىرۋ كەرەك. جوعارى ساپالى دامۋدى ىلگەرىلەتۋدىڭ ناتيجەسىن باعالاۋ، باعا بەرۋ ءادىسىن كەمەلدەندىرىپ، سىلتەمە تاياقشا رولىن ويداعىداي ساۋلەلەندىرىپ، ءار دارەجەلى باسشىلىق القاسىنىڭ دۇرىس ناتيجە كوزقاراسىن مۇقيات امالياتتا ايگىلەۋىن ىلگەرىلەتىپ، دۇرىس قىزمەت باعدارىن شىن مانىندە قالىپتاستىرۋ كەرەك. پارىقتى باعالاۋ - باعا بەرۋ جۇيەسىن كەمەلدەندىرىپ، باعالاۋدىڭ باعىتتامالىلىعى مەن عىلميلىعىن جوعارىلاتىپ، ”سان - سيفر ارقىلى ءمانساپقا يە بولۋ، ءمانسابى ارقىلى سان - سيفر شىعارۋ“ سىندى ناشار اينالىمنىڭ تۋىلۋىنان ساقتانۋ كەرەك.
ماقالادا مىنالار اتاپ كورسەتىلدى: بيىل − ”15 - بەسجىلدىقتىڭ“ باستاما جىلى، جەرگىلىكتى ءار دارەجەلى باسشىلىق القالارى ىركەس - تىركەس كەزەك اۋىستىرادى، ۇيرەنۋ تاربيەسى ارقىلى ءار دارەجەلى باسشىلىق القالارى مەن باسشى كادرلاردىڭ دۇرىس ناتيجە كوزقاراسىن ورناتۋىن جانە ونى امالياتتا ايگىلەۋىن ىلگەرىلەتۋ توتەنشە ماڭىزدى، وتە قاجەتتى. ۇيرەنۋ تاربيەسىن بيىلعى پارتيا قۇرىلىسىنىڭ ماڭىزدى مىندەتى ەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك. ءبىرىنشى، يدەيالىق تانىمدى اسا مۇقيات، تىڭعىلىقتى جوعارىلاتۋ قاجەت. بۇكىل پارتياداعى جولداستار، اسىرەسە، ءار دارەجەلى باسشى كادرلار ناتيجە كوزقاراسىنىڭ پارتيا مەن مەملەكەت ىستەرىنىڭ دامۋىنداعى ماڭىزدىلىعىن نازاريا جانە اماليات جاعىنان تەرەڭ تانۋى، اسىرەسە، ۇنامدى - ۇنامسىز تيپتەرمەن سالىستىرىپ، تاجىريبە - ساباقتاردى تەرەڭ قابىلداپ، پارتيالىلىق ساناسىن جوعارىلاتىپ، پارتيا مەن حالىققا وسكەلەڭ جاۋاپتى بولۋ پوزيتسياسىمەن، دۇرىس ناتيجە كوزقاراسىن ورناتۋ جانە امالياتتا ايگىلەۋ يدەيالىق سانالىلىعى مەن ارەكەت سانالىلىعىن كۇشەيتۋگە ءتيىس. ەكىنشى، كورنەكتى ماسەلەلەردى اسا مۇقيات، تىڭعىلىقتى رەتتەۋ - تۇزەتۋ كەرەك. ”جالپى ءۇشىن پارتيا قۇرۋ، حالىقتى باقىتقا كەنەلتۋ، عىلمي شەشىم جاساۋ، شىنايى يگەرىپ ناقتى ىستەۋ“ جالپى تالابىن دايەكتىلەندىرۋدى ءجىتى قاداعالاپ، ۇيرەنۋدى، تەكسەرۋدى، تۇزەتۋدى ءبىر تۇتاس ىلگەرىلەتىپ، ماسەلەنى انىقتاپ تەكسەرىپ، ءدال تاۋىپ، رەتتەۋ - تۇزەتۋدى دالمە - ءدال، ناقتى يگەرۋ كەرەك. ءۇشىنشى، ءتۇزىم مەن قاعيدانى اسا مۇقيات، تىڭعىلىقتى، ويداعىداي ورناتۋ كەرەك. وسى رەتكى ۇيرەنۋ تاربيەسىندە تەكسەرىپ - تۇزەتكەن ماسەلەلەردەن ءتۇزىمنىڭ ساڭلاۋىن، ولقىلىقتارىن، ءالسىز تۇستارىن بايقاپ، ءتۇزىم، قاعيدالاردى شىن مانىندە تولىقتاپ، نەنى ىستەۋگە بولادى، نەنى ىستەۋگە بولمايدى، كىم ءۇشىن ىستەۋ كەرەك، قالاي ىستەۋ كەرەك دەگەندى ايقىنداۋ ءارى جاۋاپقا تارتۋ ءادىسىن سايكەستى كەمەلدەندىرىپ، ءتۇزىمدى قاتايتىپ، جەتەكتەۋ، شابىتتاندىرۋ، ارناعا ءتۇسىرۋ، تەجەۋ رولىن تولىق ساۋلەلەندىرۋ كەرەك.
