ءبىر تۇتاس ۇلكەن بازارمەن توعىسىپ، ەل ءىشى ۇلكەن اينالىمىن ىركىلىسسىزدەندىرۋ
− باس شۋجي شي جينپيڭنىڭ مەملەكەتتىك ەكى ءماجىلىس كەزىندەگى ەكونوميكانىڭ سەرپىمدىلىگىن ارتتىرۋ جونىندەگى ماڭىزدى بايىمداۋلارىن ۇيرەنۋ، دايەكتىلەندىرۋ جونىندە جەلىلەس شولۋ (1)
□ شينحۋا اگەنتتىگىنىڭ تىلشىلەرى شيە شيياۋ، ۋاڭ يۇيحاۋ
بازار − ەڭ تاپشى بايلىق، ەرەكشە ءىرى كولەمدى بازار − ەلىمىزدىڭ ابزالدىلىعى. بازار بايلىعى مەن ابزالدىلىعىنان ويداعىداي پايدالانىپ، مەملەكەتتىك ءبىر تۇتاس ۇلكەن بازار قۇرىلىسىن ىشكەرىلەي ىلگەرىلەتۋ − كەزەك كۇتتىرمەيتىن مىندەت، ونان دا ماڭىزدىسى، ستراتەگيالىق شارا.
بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ەكونوميكالىق ءىرى ولكەلەر دامۋ نەگىزى ورنىقتى، سىرتقى سوققىعا توتەپ بەرۋ قۋاتى كۇشتى بولعاندا عانا بۇكىل ەلدىڭ ەكونوميكالىق جالپى جاعدايىنىڭ ورنىقتىلىعىنا تىرەك بولا الادى، - دەپ اتاپ كورسەتتى، ”ىشكى قابىلەتتى ويداعىداي جەتىلدىرىپ، ءوزىن الۋەتتەندىرىپ، مەملەكەتتىك ءبىر تۇتاس ۇلكەن بازارمەن جاپپاي توعىسىپ، ەل ءىشى ۇلكەن اينالىمىن ىركىلىسسىزدەندىرۋگە دەم بەرۋى كەرەك“ دەپ باسا دارىپتەدى.
”14 - بەسجىلدىققا“ قايىرىلا قاراساق، ％4. 86 دەگەن سان - سيفر ەرەكشە كوز تارتادى!
بۇل 2021 - جىلدان 2024 - جىلعا دەيىنگى ىشكى سۇرانىستىڭ ەكونوميكانىڭ ارتۋىنا قوسقان ورتاشا ۇلەس مولشەرى بولىپ، جۇڭگونىڭ ”ۇلكەن بازاردان“ ”قۋاتتى بازارعا“ قاراي نىق قاداممەن كوتەرىلگەنىنە كۋا بولۋدا. سۇراپىل داۋىلدى، اساۋ تولقىندى سىرتقى ورتا الدىندا جۇڭگو ورنىقتى تۇردە دۇنيە جۇزىندەگى ەكىنشى ۇلكەن ەكونوميكالىق تۇلعا، جاساۋ كاسىبىندەگى ءبىرىنشى ءىرى ەل، سونداي - اق دۇنيە جۇزىندەگى ەكىنشى ءىرى تۇتىنۋ بازارى، ءبىرىنشى ءىرى توراپتىق بولشەك ساتۋ بازارى، ەكىنشى ءىرى يمپورت بازارى بولىپ، ەلىمىز ەكونوميكاسىنىڭ كۇشتى سەرپىمدىلىگىن جانە ومىرشەڭ كۇشىن ايگىلەدى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”بازار بايلىعى − ەلىمىزدىڭ وراسان زور ابزالدىلىعى، ءسوز جوق، وسى ابزالدىلىقتان تولىق پايدالانىپ جانە ونى ساۋلەلەندىرىپ، وسى ابزالدىلىقتى ۇزدىكسىز بەكەمدەپ جانە كۇشەيتىپ، جاڭا دامۋ ارناسىن ورناتۋدىڭ مىعىم تىرەگىن قالىپتاستىرۋ كەرەك“، ”مەملەكەتتىك ءبىر تۇتاس ۇلكەن بازار قۇرۋ − جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ قاجەتى بولىپ قانا قويماي، ونىڭ ۇستىنە حالىقارالىق باسەكەدە ىرىقتىلىققا قول جەتكىزۋدىڭ قاجەتى“.
اۋقىمدى باعامداپ، جالپى جاعدايدى كوزدە ۇستاپ، ۇزاق بولاشاقتى جوسپارلادى.
2025 - جىلى 7 - ايدا باس شۋجي شي جينپيڭ ورتالىق قازىنا - ەكونوميكا كوميتەتىنىڭ 6 - رەتكى ءماجىلىسىن باسقارىپ اشتى. ماجىلىستە مىنالار اتاپ كورسەتىلدى: مەملەكەتتىك ءبىر تۇتاس ۇلكەن بازار قۇرىلىسىن ىشكەرىلەي ىلگەرىلەتۋدىڭ نەگىزگى تالابى − ”بەس ءبىر تۇتاس، ءبىر اشىق ۇستاۋ“، ياعني ءبىر تۇتاس بازار نەگىزگى ءتۇزىمى، ءبىر تۇتاس بازار نەگىزدىك قۇرىلعىلارى، ءبىر تۇتاس ۇكىمەت ارەكەت ولشەمى، ءبىر تۇتاس بازاردى باقىلاۋ - باسقارۋ بويىنشا زاڭ اتقارۋ، ءبىر تۇتاس فاكتور بايلىعى بازارى، ىشكە، سىرتقا اشىق ۇستاۋدى ۇزدىكسىز كەڭەيتۋ.
جوعارى دەڭگەيدە جوبالاۋدى كوزدە ۇستاپ، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ءبىر تۇتاس ۇلكەن بازار قۇرۋدى جەدەلدەتۋ جونىندەگى پىكىرىن»، «مەملەكەتتىك ءبىر تۇتاس ۇلكەن بازار قۇرىلىسى نۇسقاۋلىعىن (سىناق رەتىندە اتقارىلادى)» شىعاردى؛ نازاردى قوعامدىق سەنىمدىلىككە شوعىرلاندىرىپ، «قوعامدىق سەنىمدىلىك جۇيەسىن اقاۋسىزداندىرۋ جونىندەگى پىكىردى» باسىپ تاراتتى؛ ءادىل باسەكەنى كوزدە ۇستاپ، ورىنسىز باسەكەگە قارسى تۇرۋ زاڭىنا وزگەرىس ەنگىزىپ، حالىقتىق شارۋاشىلىقتى جەبەۋ زاڭىن اتقاردى... ”نەگىزگى جۇلگەسى“ نەگىزىنەن قۇرىلىپ، مەملەكەتتىك ءبىر تۇتاس ۇلكەن بازارعا نەگىز قالاندى.
”15 - بەسجىلدىق“ جوبا باعدارلاماسىندا ”مەملەكەتتىك ءبىر تۇتاس ۇلكەن بازار قۇرىلىسىن ىشكەرىلەي ىلگەرىلەتۋ“ جونىندە ارناۋلى تاراۋ ورنالاستىرىلىپ، ”مەملەكەتتىك ءبىر تۇتاس ۇلكەن بازاردىڭ نەگىزدىك ءتۇزىم ەرەجەسىن كەمەلدەندىرۋ“، ”ءادىل باسەكەلى بازار ءتارتىبىن قورعاۋ“، ”بازار قۇرىلعىلارىنىڭ جوعارى ولشەممەن ۇلاسۋىن جەبەۋ“ سىندى 3 جاقتان ناقتى شارالار اشالاندى.
بازار ومىرشەڭ كۇشىنىڭ قاينار كوزى جەرگىلىكتى ورىندا، مەملەكەتتىك ءبىر تۇتاس ۇلكەن بازار قۇرىلىسىن ىشكەرىلەي ىلگەرىلەتۋدىڭ ”ەڭ سوڭعى ءبىر كيلومەترى“ دە جەرگىلىكتى ورىندا. باس شۋجي شي جينپيڭ جەرگىلىكتى ورىندا قىزمەت تەكسەرگەندە، ”مەملەكەتتىك ءبىر تۇتاس ۇلكەن بازار قۇرىلىسىمەن توعىسۋدى“ تالاي رەت باسا دارىپتەدى.
مەملەكەتتىك ءبىر تۇتاس ۇلكەن بازارمەن توعىسۋدا ”شاعىن اينالىمدى“ تالقانداپ، ”ۇلكەن ساحنانى“ بىرگە قۇرۋ كەرەك.
اينالىم ىركىلىسسىز، بوگەتسىز بولعاندا عانا بازاردىڭ كۇش - قۋاتى جەتكىلىكتى بولادى. باس شۋجي شي جينپيڭ بىلاي دەپ اتاپ كورسەتتى: ”جەر - جەردىڭ ءوز الدىنا شاعىن اينالىم قالىپتاستىرۋىنان ساقتانىپ، وڭىرلىك قامالدى جويىپ، مەملەكەتتىك ءبىر تۇتاس ۇلكەن بازاردى شىن مانىندە قالىپتاستىرۋ كەرەك“، ”بازاردىڭ جەتەرسىزدىگىن كۇش سالا تۇزەتىپ، باسەكە ءتارتىبىن جۇيەلىلەندىرىپ، مەملەكەتتىك ءبىر تۇتاس ۇلكەن بازاردى ءتۇرلى شارۋاشىلىق تۇلعالارىنىڭ ءادىل باسەكەلەسەتىن ۇلكەن ساحناسىنا اينالدىرۋ كەرەك“.
فاكتور بازارى رەفورماسىن ىلگەرىلەتۋ ءۇشىن، گۋاڭدۇڭ گۋاڭدۇڭ − شياڭگاڭ − اۋمىن ۇلكەن شىعاناعىنا ورنالاسقان ىشكى وڭىردەگى 9 قالانىڭ فاكتورلارىن بازارلاندىرىپ جايعاستىرۋ كەشەندى رەفورماسىن تۇيىندە سىناق ەتۋ مىندەتىن تياناقتاندىرۋدى كورنەكتىلەندىرە وتىرىپ مىقتى يگەردى؛ جەرگىلىكتى قورعامپازدىق، بازاردى ءبولۋ جانە ”ىشكى قارا تالاسۋ“ باسەكەسىن جويىپ، جياڭسۋ فوتوۆولت سياقتى ءتۇيىندى كاسىپ سالالارىن باقىلاۋ - ولشەۋ مەحانيزمىن ورناتتى؛ حالىقتىق كاسىپورىنداردىڭ زاڭمەن باسقارۋ ورتاسىن ساپالىلاندىرۋ ءۇشىن، جىجياڭ ”حالىقتىق شارۋاشىلىقتىڭ 32 تارماعىن“ جاڭالاپ، دارەجەسىن جوعارىلاتتى...
ۇكىمەت ارەكەتى نەعۇرلىم ارناعا تۇسكەن سايىن، بازاردىڭ رولى سولعۇرلىم ءونىمدى بولادى. كوپ جەر بازارعا كىرۋگە رۇقسات ەتۋ جانە ءادىل باسەكە ءتۇزىمىن ارناعا ءتۇسىرۋدى ناقتى، ەگجەي - تەگجەيلى تياناقتاندىرىپ، كاپيتال، جەر، تەحنولوگيا، دارىندى، ساندى مالىمەت سياقتى فاكتورلاردىڭ دەربەس، ءتارتىپتى اينالىمعا ءتۇسۋىن، جوعارى ءونىمدى، ءادىل ورنالاسۋىن كۇش سالا ىلگەرىلەتىپ، ”ساپالى ورتا“ ارقىلى دامۋدى ”پارمەندى تىرەكپەن“ قامداپ، ”فاكتورلاردى جانداندىرۋ“ ارقىلى بازاردىڭ ”جاڭا قوزعالىس قۋاتىن“ قاۋلاتتى.
مەملەكەتتىك ءبىر تۇتاس ۇلكەن بازارمەن توعىسۋدا ”سايكەسپەلى اۋەندى“ ويداعىداي ورىنداپ، ”ءبىر تۇتاس جۇيەدە“ بىرگە قيمىلداۋ كەرەك.
وڭىرلىك كەلەلى ستراتەگيانى، وڭىرلىك سايكەستى دامۋ ستراتەگياسىن اتقارۋمەن ۇشتاستىرىپ، ءبىر تۇتاس ۇلكەن بازار قۇرىلىسى قىزمەتىن الدىمەن ورىستەتىپ، ۇلگى كورسەتۋ، جەتەكشىلىك ەتۋ رولىن ساۋلەلەندىرۋ كەرەك.
تاياۋدا ”چاڭجياڭ اتىراۋىنداعى چيڭپۋ − ۋجياڭ − جياشان جوعارى، جاڭا تەحنولوگيا كاسىپ سالاسىن اشۋ رايونى“ دەگەن ات شاڭحاي، جياڭسۋ، جىجياڭ سىندى 3 جەردەگى ولكە دارەجەلى ۇكىمەتتىڭ بىرلەسىپ بەكىتۋىمەن ماقۇلدانىپ، مەملەكەت بويىنشا ولكە اتتاعان تۇڭعىش جوعارى، جاڭا تەحنولوگيالىق رايونعا اينالدى، چيڭپۋ، ۋجياڭ، جياشان سىندى 3 جەر بۇرىنعى ”باسەكەنى سەلبەستىكتەن ۇستەم قويۋدان“ ”سەلبەسىپ دامۋعا“ بۇرىلىس جاساپ، ابزالدىلىقتارى ارقىلى ءبىر - ءبىرىن تولىقتايتىن كاسىپ سالاسى ەكولوگيا جۇيەسىن قالىپتاستىردى.
”وقشاۋ ارال ويىنان“ ارىلىپ، ”شاۋجايلاپ ۇستاۋدان“ شىعىپ، ءوز ورنىن ءداپ باسىپ تاۋىپ، سالىستىرمالى ابزالدىلىقتى ساۋلەلەندىرگەندە عانا سايكەستى دامۋ بارىسىندا بازار ”بالكۇلشەسىن“ ۇلكەن جاساۋعا، ەل ءىشى ۇلكەن اينالىمىن ىركىلىسسىزدەندىرۋ بارىسىندا جاڭا ءورىس اشۋعا بولادى.
چاڭجياڭ اتىراۋى وڭىرىندەگى 3 ولكە، ءبىر قالا جۇمىس ءبولىسىن ساپالىلاندىرىپ، جاڭا ەنەرگيالى اۆتوكولىكتەردىڭ ”4 ساعاتتىق كاسىپ سالاسى شەڭبەرىن“ قالىپتاستىردى؛ گۋاڭشي ”كاسىپ سالاسى ورمانىن“ ورنالاستىرۋدىڭ جالپى كورىنىستىك كارتاسىن جاساپ، گۋاڭدۇڭ، شياڭگاڭ، اۋمىن سياقتى جەرلەردىڭ كاسىپ سالاسىنىڭ ويىسۋىن ىرىقتىلىقپەن قابىلدادى؛ فۋجياننىڭ اۋدان وڭىرلەرى جەرگىلىكتى جاعدايعا قاراي ىستەدى، اۋدان وڭىرىندەگى ءبىر توپ ءتۇيىندى كاسىپ سالاسى تىزبەگىندەگى ”اعا جۇلدەگەر“ كاسىپورىندار دۇنيە ءجۇزى بويىنشا الدىڭعى ورىندا تۇردى...
ءتىپتى دە كوپ جەرگىلىكتى ورىن بايلىق ارتىقشىلىعىن تياناق ەتىپ، سالىستىرمالى ابزالدىلىقتى ساۋلەلەندىرىپ، ۇيلەسىمدى جۇمىس ءبولىسى، دامۋدى ساپالىلاندىرۋ جولىمەن ءجۇرىپ، ”نىساندار وسى قالادا تياناقتانعاندا عانا ناتيجە ەسەپتەلىنەدى“ دەيتىن تار ءورىستى كوزقاراستى تالقانداپ، ”باس شتاپ + بازا“، ”زەرتتەۋ - اشۋ + ءوندىرىس“، ”اتتاما جەر ەكونوميكاسى“ سياقتى ءوڭىر اتتاعان مۇددەدەن بىرگە يگىلىكتەنۋ مەحانيزمى جونىندە ىزدەنىس جاساپ، ”پارىقتى دامۋ، سايكەسىپ قاتار ىلگەرىلەۋ“ سىندى بازار جاڭا كارتيناسىن جەدەل سالدى.
مەملەكەتتىك ءبىر تۇتاس ۇلكەن بازارمەن توعىسۋدا كەڭ كوز ايا ورناتىپ، ءىش پەن سىرتتى ءبىر تۇتاس جوسپارلاۋ كەرەك.
باس شۋجي شي جينپيڭ بىلاي دەپ باسا دارىپتەدى: ەل ءىشى ۇلكەن اينالىمىن نەگىزگى تۇلعا ەتۋ استە ەسىكتى جاۋىپ الىپ جابىق كۇيدە جۇمىس جۇرگىزۋ دەگەندىك ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردىڭ اناعۇرلىم ويداعىداي تۇتاسۋىن، حالىقارا جانە ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، اناعۇرلىم پارمەندى باياندى دامۋدى جۇزەگە اسىرۋ.
بازاردى باقىلاۋ - باسقارۋ باس مەكەمەسى جۋىقتا شارا شىعارىپ، ىشكى - سىرتقى ساۋدا ونىمدەرىنىڭ ۇقساس جەلىدە، ۇقساس ولشەمدە، ۇقساس ساپادا بولۋىن ونان ارى ىلگەرىلەتتى؛ جىل سايىن وتكىزىلەتىن يمپورت كورمەسى، گۋاڭجوۋ جارمەڭكەسى، تۇتىنۋ بۇيىمدارى جارمەڭكەسى جوعارى ساپالى سۇرانىس پەن جوعارى ساپالى قامداۋدىڭ قوس باعىتتا جۇرىلۋىنە مۇمكىندىك جاسادى؛ جىجياڭ مۇناي - گاز تۇتاس كاسىپ سالاسى تىزبەگىن اشىق ۇستاپ دامىتۋدى تۇتقا ەتىپ، مول تاۋار بايلىعىن ورنالاستىرۋ تورابىن جەدەل تۇلعالادى؛ نيڭشيا اراب ەلدەرىمەن ەكونوميكا - ساۋدا سەلبەستىگىن تەرەڭدەتىپ، ىشكى قۇرلىقتىق ەسىك اشۋ دەڭگەيىن جوعارىلاتتى...
كوپتەگەن وزەندەردى توعىستىرعاندا عانا شالقار تەڭىزگە اينالادى. جەر - جەر جونىنەن العاندا، ەل ءىشى ۇلكەن اينالىمى مەن ەل ءىشى جانە حالىقارا سىندى قوس اينالىمداعى ءوزىنىڭ ورنى مەن سالىستىرمالى ابزالدىلىعىن ءداپ باسىپ تاۋىپ، حالىقارالىق جوعارى ولشەمدى ەكونوميكا - ساۋدا ەرەجەسىمەن بەلسەنە ۇشتاسىپ، تۇزىمدىك ەسىك اشۋ ارقىلى تەرەڭ قاتپارلى تۇزىلىستىك، مەحانيزمدىك كەدەرگىلەردى الاستاپ، الەمدىك فاكتورلاردىڭ بايلىقتى ورنالاستىرۋ قابىلەتىن كۇشەيتۋگە باياندى قوزعاۋشى كۇش ازىرلەۋ كەرەك.
مەملەكەتتىك ءبىر تۇتاس ۇلكەن بازارمەن توعىسۋدا ”قامال الۋ شايقاسى“ مەن ”ۇزاققا سوزىلاتىن شايقاستى“ ويداعىداي جۇرگىزۋ كەرەك.
مەملەكەتتىك ءبىر تۇتاس ۇلكەن بازار قۇرۋ تەرەڭ قاتپارلى مۇددە جۇيەسىن رەتتەۋگە ساياتىندىقتان، ءتۇرلى كەدەرگىلەر مەن سىن - سايىستارعا جولىعاتىندىعى داۋسىز. باس شۋجي شي جينپيڭ ونى ”قامال الۋ شايقاسى“ جانە ”ۇزاققا سوزىلاتىن شايقاس“ دەپ تۇراقتاندىرىپ، ءار جاقتى ىلگەرىلەتۋ بىرىككەن كۇشىن قالىپتاستىرۋعا شابىتتاندىردى.
شاندۇڭ ”بازار قامالىن اداقتاۋدى“ ايماق، قالالاردىڭ باعالاۋىنا ەنگىزدى، حۋبەي شارۋاشىلىق - ساۋدا ورتاسىن ساپالىلاندىرۋدى ءار دارەجەلى پارتيا، ۇكىمەت باسشىلىق القالارىنىڭ قىزمەت ناتيجەسىن باعالاۋعا ەنگىزدى، بەيجيڭ، تيانجين، حىبەي 3 جەردىڭ بازار باقىلاۋ - باسقارۋ تاراۋلارى ءبىلىم مەنشىك ۇقىعى سياقتى قولامتالى سالالارعا قاراتا زاڭ اتقارۋ جەتەكشىلىگىن بىرلەسىپ جاريالادى... كوپ جەر باعالاۋدىڭ ”سىلتەمە تاياقشاسىن“ ويداعىداي پايدالانۋ جونىندە ىزدەنىس جاساپ، باقىلاۋ - باسقارۋدىڭ اسەر ەتۋ قۋاتىن كۇشەيتىپ، بازاردىڭ ومىرشەڭ كۇشىن ۇزدىكسىز قاۋلاتتى.
مەملەكەتتىك ءبىر تۇتاس ۇلكەن بازارمەن توعىسۋدا جويۋ ەڭ قيىن بولعانى اكىمشىلىك قامال ەمەس، قايتا جەرگىلىكتى ورىنداعى كادرلاردىڭ يدەيالىق بۇعاۋى. جەر - جەر ”ۇساق قيسىنداردىڭ ۇلكەن قيسىنعا بويسۇنۋىنا، جەرگىلىكتى ورىن مۇددەسىنىڭ مەملەكەتتىڭ تۇتاس تۇلعالىق مۇددەسىنە بويسۇنۋىنا تاباندى بولىپ“، ناتيجە كوزقاراسىن دۇرىستاپ، ”ەكى قولدان“ ويداعىداي پايدالانىپ، ”ۇلكەن ەسەپ جاساۋعا“ شەبەر بولىپ، ورناتۋ مەن كۇشىنەن قالدىرۋ بارىسىندا تەڭ باعىتتا كۇش جۇمساپ، بىرىككەن كۇش قالىپتاستىرىپ، ۇزدىكسىز قاجىماي كۇش سالۋ كەرەك.
بازار بەينە سۋ سياقتى، ىركىلىسسىز بولسا ساسىمايدى؛ دامۋ بەينە قايىق سياقتى، كەدەرگىسىز بولسا، ءسوزسىز، نىساناعا جەتۋگە بولادى.
مەملەكەتتىك ءبىر تۇتاس ۇلكەن بازارمەن توعىسۋ − دامۋ تاقىرىبى، ونان دا ماڭىزدىسى، رەفورما تاقىرىبى. جەر - جەر ”العان بەتتەن قايتپايتىن“ قايسارلىقپەن مەملەكەتتىڭ قاجەتىن، جەرگىلىكتى ورىننىڭ قابىلەتىن، بازاردىڭ ارمان - تىلەگىن تىعىز ۇشتاستىرىپ، رەفورمانى، ەسىك اشۋدى تەرەڭدەتۋ ارقىلى بوگەتتەردى تالقانداپ، ۇلاستىرۋدى كۇشەيتىپ، توراپ قۇرىپ، قوزعاۋشى كۇشتى ارتتىرىپ، مەملەكەتتىڭ دامۋ كەلەلى جاعدايىمەن توعىسۋ جانە وعان قىزمەت وتەۋ بارىسىندا اناعۇرلىم زور دامۋدى جۇزەگە اسىرىپ، جۇڭگو اتتى الىپ كەمەنىڭ ورنىقتى قاداممەن الىسقا جەتۋىنە پارمەندى تىرەك ازىرلەۋ كەرەك.
(شينحۋا اگەنتتىگىنىڭ 4 - ايدىڭ 4 - كۇنى بەيجيڭنەن بەرگەن حابارى)
