4 - ايدىڭ 3 - كۇنى ءۇرىمجى قالاسىنداعى ءار ۇلت كادر - بۇقاراسى ءۇرىمجى قالالىق قۇرباندار قابىرستانىندا قۇرباندارعا گۇل قويىپ، توڭكەرىستىك ارداگەر قۇربانداردى ساعىنا ەسكە الىپ، قىزىل گەندى جالعاستىردى.
□ سۋرەتتى سۇن جىنسۇڭ تۇسىرگەن
4 - ايدىڭ 4 - كۇنى جۇڭگو مۇناي شينجياڭ مۇناي الابى سەرىكتەستىگىنىڭ پوسكام اۋدانى ءسايلى اۋىلى گۇلباق قىستاعىندا تۇراتىن قىزمەت اترەتىنىڭ مۇشەلەرى مەن قىستاق كادرلارى ليۋ گوجۇڭ ەسكەرتكىش سارايىنا كەلىپ ەكسكۋرسيالاپ، ۇيرەنىپ، ەكپىندەي ىلگەرىلەۋگە كۇش - قۋات الدى.
□ سۋرەتتى جاڭ يۇن تۇسىرگەن
4 - ايدىڭ 4 - كۇنى ساياحاتشىلار كۇنەس اۋدانى نارات ورىك سايىندا سەيىلدەۋدە. قازىر نارات ورىك سايىندا 30 مىڭ مۋدان استام جەردەگى جابايى ورىك اعاشى گۇلدەپ، كوكتەم كۇنىندەگى ادامدى قىزىقتىراتىن كوركەم كارتينانى كەسكىندەدى.
□ سۋرەتتى جاڭ ۋىنتيڭ تۇسىرگەن
4 - ايدىڭ 4 - كۇنى ساياحاتشىلار حوتان اۋدانى لايقا اۋىلى تاۋحۋايۋان قىستاعىندا شاپتول گۇلىن تاماشالاۋدا. وسى اۋىلداعى 10 مىڭ مۋ جەردەگى شاپتول اعاشى گۇل اشۋ مەزگىلىنە ءوتىپ، كوپتەگەن ساياحاتشىلاردى كوكتەمگى تاماشا كورىنىستى تاماشالاۋعا باۋرادى.
□ سۋرەتتى شۇي شياۋلۇڭ تۇسىرگەن
4 - ايدىڭ 3 - كۇنى ”ءبىزدىڭ مەرەكەمىز . چيڭميڭ“ − ”ۇرپاقتان - ۇرپاققا ماڭگى جالعاستىرۋ، جاڭا داۋىردە ەڭبەك ءسىڭىرۋ“ اتتى شينجياڭ ءوندىرىس - قۇرىلىس بيڭتۋانىنىڭ قىزىل حيكايالارى نەگىزگى الاڭى ۇلگى كورسەتۋ قيمىلى 6 - شى ۋجياچۇي قالاسىندا وتكىزىلدى. سۋرەتتە: جاس وسپىرىمدەر چيڭگىداحۋ كولىن اينالا جاياۋ جۇرۋدە.
□سۋرەتتى لي حۋابەي تۇسىرگەن
4 - ايدىڭ 4 - كۇنى ساياحاتشىلار توقسۇن اۋدانى دۇڭشۋاڭشۋاڭ جەمىس - جيدەك كاسىبى شارۋالار كاسىپتىك سەلبەستىك كووپەراتيۆىنىڭ جىلىجايىندا ءسۇت قاربىزدى سۋرەتكە تۇسىرۋدە. وسى سەلبەستىك كووپەراتيۆى ەككەن ءسۇت قاربىزى ىركەس - تىركەس پىسىپ بازارعا شىعارىلدى.
□ سۋرەتتى لي جيڭحاي تۇسىرگەن
4 - ايدىڭ 4 - كۇنى اتا - انالار بالالارىن ەرتىپ سانجى قالاسىنىڭ بينحۋحى ورتالىق باقشاسىندا باتپىراۋىق ۇشىرىپ، كوكتەم كۇنىنىڭ كوركەمدىگى مەن ومىرشەڭدىگىن سەزىندى.
□ سۋرەتتى حى لۇڭ تۇسىرگەن
□ انار بۇلت \ شينجياڭ گازەتىنىڭ ءتىلشىسى رىن جياڭ
چيڭميڭدە جىلى لەپ ەسىپ، تاۋ - وزەن سۇيىسپەنشىلىككە تولدى. تيانشان الابىندا ءار ءتۇرلى ەسكە ءتۇسىرۋ قيمىلدارى وتكىزىلىپ، ادامدار ەسكەرتكىش سارايلارىنا بارىپ قىزىل حيكايالاردى تىڭداپ، قۇرباندار قابىرستانىندا ايالداپ، قۇرمەتپەن گۇل قويىپ، ءۇنسىز ازا ءبىلدىرۋ جانە ىزەتپەن كورۋ بارىسىندا قىزىل گەندى جالعاستىرىپ، ەكپىندەي ىلگەرىلەۋگە كۇش - قۋات الدى.
بۇل ءار رەتكى تەرەڭ سۇيىسپەنشىلىكپەن ەسكە العان ازا ءبىلدىرۋ عانا ەمەس، ونان دا ماڭىزدىسى، ۋاقىت - كەڭىستىك اتتاعان ديالوگ. ءار شوق گۇل ارداگەر قۇربانداردى تەرەڭ سۇيىسپەنشىلىكپەن جۇباتۋ، ءاربىر جۇباتۋ ۇرپاقتان - ۇرپاققا ماڭگى جالعاساتىن جاڭعىرىق. كوكتەم سامالىندا تەرەڭ ساعىنىشقا تولى قۇرمەت بار. كەزىندە وسى مەكەن ءۇشىن قان توگىپ شايقاس جاساعان اعا بۋىندار بۇگىنگى تاۋ - وزەندەردى تاباندىلىقپەن قورعاپ قالدى.
وسى تىنىش تا تاماشا كوكتەم ءدال ارداگەر قۇربانداردىڭ كەشەگى ارمانداعانىنداي بەينەدە. ولار ىستىق قاندارىمەن جانە ومىرلەرىمەن قورعاعان توپىراقتا بۇگىنگى كۇندە كوكتەمنىڭ لەبى ەسىپ، شۋاعى شاشىلدى.
چيڭميڭ دەمالىسىندا تيانشان الابىندا گۇل تاماشالاۋ، كوكتەمگى سەيىلدىڭ قىزۋ ورلەۋى كوتەرىلدى. تاڭعى ارايداي الاۋلاعان ورىك گۇلى، المۇرت گۇلى، شاپتول گۇلى تاۋ اڭعارلارىندا، دالالاردا، قالا كوشەلەرىندە قۇلپىرا اشىلدى... ادامدار گۇلدىڭ حوش ءيىسى ىشىندە سەيىلدەپ، كوكتەم سامالىندا جانى راقات تاۋىپ، جاراسىمدىلىقتان، تىنىشتىقتان، باقىتتان ءلاززات الدى.
چيڭميڭ كەزىندە ساعىنىش ارقىلى اۋەلگى ماقساتتى ءبىلىپ، كوكتەم شۋاعىمەن قاھارماندار رۋحىن جۇباتتى. ادامدار كوكتەمگى تاماشا كورىنىستە ساعىنا ەسكە الۋ ارقىلى اۋەلگى ماقساتتى كوكەيگە ۇيالاتىپ، كوكتەمدى تاماشالاۋ، كوكتەمگى سەيىل ارقىلى قازىرگىنى قاستەرلەيدى. باقىتتى ءومىردى كوكتەم كۇنىندە ۇزدىكسىز قۇلپىرتىپ، كوكتەم شۋاعىنىڭ، جاستىق كوكتەمنىڭ ءۇمىتىن اقتايىق!
