− الدىڭعى 2 ايداعى شينجياڭ قازىناسىنىڭ اينالىم جاعدايىنا شولۋ
□ انار بۇلت \ شينجياڭ گازەتىنىڭ ٴتىلشىسى ران حۋ
3 ـ ايدىڭ 30 ـ كۇنى اۆتونوميالى رايوندىق قازىنا مەڭگەرمەسى 2026 ـ جىلى 1 ـ، 2 ـ ايلارداعى اۆتونوميالى رايوننىڭ قازىنا مەجە ەسەبىنىڭ اتقارىلۋ جاعدايىن جاريالادى.
الدىڭعى 2 ايداعى شينجياڭنىڭ قازىنالىق كىرىس ـ شىعىس ساندى مالىمەتىندە ”ورنىقتىلىقتى ماڭداي الدى ورىنعا قويۋ“ سىندى بەرىك نەگىز دە، ”ىلگەرىلەۋ بارىسىندا ساپاعا ۇمتىلۋ“ سىندى قاجىماس قۇلشىنىس تا بار، كىرىستىڭ ارتۋى تەبىندى، شىعىس قامتاماسىزدىعى پارمەندى بولۋ جاعدايى شينجياڭنىڭ تۇتاس جىلدىق ەكونوميكاسىنىڭ ورنىقتى اينالىمىنا بەرىك نەگىز قالادى.
قازىنالىق كىرىس ورنىقتى جاقساردى
1 ـ، 2 ـ ايلاردا اۆتونوميالى رايوننىڭ ادەتتەگى الەۋمەتتىك مەجە ەسەپ كىرىسى 49 ميلليارد 730 ميلليون يۋان بولىپ، سايكەس مەزگىلدەگىدەن%10.1 ارتىپ، ورنىقتى، اقاۋسىز ارتۋدىڭ تاماشا كۇيىن ساقتادى. سالىق كىرىسىنىڭ ارتۋ مولشەرى سالىققا جاتپايتىن كىرىستەن تەز بولىپ، سالىققا جاتپايتىن كىرىستىڭ ادەتتەگى الەۋمەتتىك مەجە ەسەپ كىرىسىندەگى ارا سالماعى وتكەن جىلعى سول تۇستاعىدان ٴبىر پايىز تومەندەپ، كىرىس قۇرىلىمى ونان ارى جاقساردى.
بۇكىل رايونداعى 14 ايماق، وبلىس، قالانىڭ ادەتتەگى الەۋمەتتىك مەجە ەسەپ كىرىسى تۇگەلدەي ەكى ورىندى سانمەن ارتتى. مۇنىڭ ىشىندە تارباعاتاي ايماعىنىڭ، قىزىلسۋ قىرعىز اۆتونوميالى وبلىسىنىڭ، بۇراتالا موڭعۇل اۆتونوميالى وبلىسىنىڭ ارتۋ مولشەرى الدىڭعى ورىنعا شىعىپ، جەكە ـ جەكە سايكەس مەزگىلدەگىدەن %15.4، %14.5 جانە %12.8 ارتتى.
”بيىل ورتالىق اناعۇرلىم بەلسەندى، ۇتىمدى ماكرولىق ساياسات پەن اناعۇرلىم بەلسەندى قازىنا ساياساتىن اتقارۋدى ايقىندادى، اۆتونوميالى رايوننىڭ ەكونوميكالىق دامۋى تاماشا ارىندى ۇزدىكسىز ساقتاپ، كومەسكى كۇش باسىمدىعى ۇزدىكسىز جارىققا شىعىپ، دامۋ ورتاسى ۇزدىكسىز ساپالىلانىپ، ادەتتەگى الەۋمەتتىك مەجە ەسەپ كىرىسىنىڭ ارتۋىنا پارمەندى تىرەك ازىرلەدى“. اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ليۋ حاييان بىلاي دەدى: بۇكىل رايونداعى ٴار دارەجەلى قازىنا تاراۋلارى ٴتۇيىندى كاسىپورىنداردىڭ سالىق قاينارىنان سالىق جيۋ ـ باسقارۋدى كۇشەيتىپ، قولدا بار بايلىقتى، مال ـ مۇلىكتى كۇش سالا جانداندىرىپ، بۇكىل رايوننىڭ ادەتتەگى الەۋمەتتىك مەجە ەسەپ كىرىسىنىڭ ورنىقتىلىق بارىسىندا ىلگەرىلەۋىن، ورنىقتى جاقسارۋىن جەبەدى.
قازىنالىق كىرىستىڭ ارتۋىن ساقتاۋمەن بىرگە، بۇكىل رايونداعى ٴار دارەجەلى قازىنا تاراۋلارى قاجەتتى شىعىس كۇشەمەلىلىگىن ساقتاپ، ”قامتاماسىز ەتۋ دە، قىسىم دا بولۋ“ سىندى شىعىس پرينسيبىنە تاباندى بولىپ، شەكتى قازىنا كۇشىن ٴتۇيىندى سالالارعا شوعىرلى تۇسىرەدى. الدىڭعى 2 ايدا اۆتونوميالى رايوننىڭ ادەتتەگى الەۋمەتتىك مەجە ەسەپ شىعىسى 108 ميلليارد 480 ميلليون يۋان بولىپ، سايكەس مەزگىلدەگىدەن %9.9 ارتتى.
سالىق كىرىسىنىڭ ارتۋ مولشەرى كورنەكتى بولدى
ادەتتەگى الەۋمەتتىك مەجە ەسەپ كىرىسى سالىق كىرىسى مەن سالىققا جاتپايتىن كىرىستەن قۇرالادى. الدىڭعى 2 ايدا اۆتونوميالى رايوننىڭ سالىق كىرىسى 28 ميلليارد 280 ميلليون يۋان بولىپ، سايكەس مەزگىلدەگىدەن %12 ارتتى، سالىق كىرىسىنىڭ ارتۋ مولشەرى بۇكىل ەل بويىنشا ٴۇشىنشى ورىندى يەلەپ، باسىم كوپ سالىق ٴتۇرى كىرىسىندە وڭ ارتۋ جۇزەگە اسىرىلدى.
”الدىڭعى 2 ايدا اۆتونوميالى رايوننىڭ سالىق كىرىسى بەينەسى اۆتونوميالى رايوننىڭ ەكونوميكالىق اينالىمىنىڭ جالپى جاقتان ورنىقتى بولۋ جاعدايىمەن نەگىزىنەن سايكەس كەلدى، باستى سالىق تۇرلەرىنىڭ بەينەسى دە سايكەستى سالانىڭ دامۋ ٴىس جۇزىندىگىمەن ۇيلەستى“. ليۋ حاييان بىلاي دەپ تانىستىردى: سالىق تۇرىنەن قاراعاندا، 1 ـ، 2 ـ ايلاردا اۆتونوميالى رايوننىڭ ەل ٴىشى ارتقان قۇن سالىعى 9 ميلليارد 870 ميلليون يۋان بولىپ، سايكەس مەزگىلدەگىدەن %3.6 ارتقان؛ كاسىپورىندار تابىس سالىعى 4 ميلليارد 800 ميلليون يۋان بولىپ، سايكەس مەزگىلدەگىدەن %11.5 ارتقان، ەكى سالىق ٴتۇرىنىڭ ارتۋى تۇگەلدەي ٴتۇستى مەتال كاسىبىندە مولشەر مەن باعانىڭ بىردەي جوعارىلاۋىنىڭ ىقپالىنا ۇشىراعان.
الدىڭعى 2 ايدا قورا ـ جاي سالىعى، بايلىق سالىعى، ەگىستىك جەردى يەلەۋ سالىعى سياقتىلاردى ۋاكىل ەتكەن ”جەرگىلىكتى 10 سالىق“ سايكەس مەزگىلدەگىدەن %20.4 ارتتى. مۇنىڭ ىشىندە بايلىق سالىعى 3 ميلليارد 630 ميلليون يۋان بولىپ، سايكەس مەزگىلدەگىدەن %16.6 ارتتى؛ جەردىڭ ارتقان قۇن سالىعى ٴبىر ميلليارد 770 ميلليون يۋان بولىپ، سايكەس مەزگىلدەگىدەن %99.2 ارتتى؛ قورا ـ جاي سالىعى 820 ميلليون يۋان بولىپ، سايكەس مەزگىلدەگىدەن %29.9 ارتتى؛ ەگىستىك جەردى يەلەۋ سالىعى ٴبىر ميلليارد 30 ميلليون يۋان بولىپ، سايكەس مەزگىلدەگىدەن %10.1 ارتتى.
مەملەكەت مەنشىگىندەگى بايلىقتى (مال ـ مۇلىك) اقىلى پايدالانۋ سياقتى كىرىستەردىڭ ورنىقتى ارتۋىنا سۇيەنىپ، 1 ـ، 2 ـ ايلاردا اۆتونوميالى رايوننىڭ سالىققا جاتپايتىن كىرىسى 21 ميلليارد 450 ميلليون يۋانعا جەتىپ، سايكەس مەزگىلدەگىدەن %7.6 ارتىپ، ادەتتەگى الەۋمەتتىك مەجە ەسەپ كىرىسىن ارتتىرۋدىڭ ٴونىمدى تىرەگىنە اينالدى.
”الدىڭعى 2 ايدا اۆتونوميالى رايوننىڭ مەملەكەت مەنشىگىندەگى بايلىقتى (مال ـ مۇلىك) اقىلى پايدالانۋ كىرىسى 12 ميلليارد 870 ميلليون يۋان بولىپ، سايكەس مەزگىلدەگىدەن %18.1 ارتتى، بۇل سالىققا جاتپايتىن كىرىستى 9.9 پايىز ارتتىردى“. ليۋ حاييان بىلاي دەپ تانىستىردى: مۇنىڭ ىشىندە اۆتونوميالى رايونداعى ٴار دارەجەلى جاراتىلىستىق بايلىق تاراۋلارى كەن شارۋاشىلىعى ۇقىعىن وتكەرمەلەۋ تەبىنىن ۇزدىكسىز ارتتىردى، كەن شارۋاشىلىعى ۇقىعىن وتكەرمەلەۋدەن تۇسكەن پايدا 7 ميلليارد 130 ميلليون يۋان بولىپ، سايكەس مەزگىلدەگىدەن %9 ارتتى؛ ايماق، وبلىس، قالالار بايلىقتى، مال ـ مۇلىكتى جانداندىرۋ تەبىنىن ۇزدىكسىز ارتتىرىپ، قولدا بار مال ـ مۇلىكتى تولىق اداقتاپ، كومەسكى كۇشتى تولىق اشىپ، زاڭ، بەلگىلەمە بويىنشا سالىققا جاتپايتىن كىرىستى جيۋ ـ باسقارۋدى كۇشەيتتى، اكىمشىلىك، ٴىسورىندارىنىڭ مەملەكەت مەنشىگىندەگى مال ـ مۇلىكتى ٴبىر جاقتى ەتۋ جانە جالعا بەرۋ، قارىزعا بەرۋ كىرىسى 3 ميلليارد 410 ميلليون يۋان بولىپ، سايكەس مەزگىلدەگىدەن %37.5 ارتتى. بۇلاردىڭ سالىققا جاتپايتىن كىرىستىڭ ارتۋىنا قوسقان ۇلەسى كورنەكتى بولدى.
حالىق تۇرمىسى شىعىسى مەيىردى بارىنشا ايگىلەدى
”ادەتتەگى الەۋمەتتىك مەجە ەسەپ شىعىسى جاعىندا، اۆتونوميالى رايونداعى ٴار دارەجەلى قازىنا تاراۋلارى قازىنالىق قارجىنى ٴبىر تۇتاس جوسپارلاۋ تەبىنىن ارتتىرىپ، اناعۇرلىم بەلسەندى قازىنا ساياساتىن ۇزدىكسىز اتقارىپ، شىعىس قۇرىلىمىن ۇزدىكسىز ساپالىلاندىرىپ، قاجەتتى شىعىس كۇشەمەلىلىگىن ساقتاپ، نەگىزگى ساتىداعى ’ٴۇشتى قامتاماسىز ەتۋ‘ سياقتى ٴتۇيىندى سالالارداعى شىعىستى پارمەندى قامتاماسىز ەتتى“، ـ دەپ تانىستىردى ليۋ حاييان.
ساندى مالىمەتتەردە كورسەتىلۋىنشە، الدىڭعى 2 ايدا اۆتونوميالى رايوننىڭ ادەتتەگى الەۋمەتتىك مەجە ەسەپ شىعىسىندا 82 ميلليارد 310 ميلليون يۋان حالىق تۇرمىسى شىعىسىنا جۇمسالعان، بۇل سايكەس مەزگىلدەگىدەن %6.2 ارتىپ، ادەتتەگى الەۋمەتتىك مەجە ەسەپ شىعىسىنىڭ %75.9ىن ۇستاعان. مۇنىڭ ىشىندە قوعامدىق قامتاماسىزداندىرۋ جانە جۇمىستاندىرۋ شىعىسى 34 ميلليارد 110 ميلليون يۋان بولىپ، سايكەس مەزگىلدەگىدەن %8.4 ارتقان؛ وقۋ ـ اعارتۋ شىعىسى 18 ميلليارد 770 ميلليون يۋان بولىپ، سايكەس مەزگىلدەگىدەن %8.6 ارتقان؛ دەنساۋلىق ساقتاۋ، سالاماتتىق شىعىسى 9 ميلليارد 550 ميلليون يۋان بولىپ، سايكەس مەزگىلدەگىدەن %19.2 ارتقان.
”حالىق تۇرمىسىن قامتاماسىز ەتۋ جونىندە دالمە ـ ٴدال شارا قولدانىپ، ۇزدىكسىز كۇش سالىپ، زاتقا قارجى قوسۋ مەن ادامعا قارجى قوسۋدى تىعىز ۇشتاستىرىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن جەبەپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتتى“، ـ دەدى ليۋ حاييان.
باسقا ٴتۇيىندى سالالاردا دا اۆتونوميالى رايون قازىناسى شىعىستىڭ ٴبىرشاما تەز ارتۋىن ساقتادى. مىسالى، 1 ـ، 2 ـ ايلاردا اۆتونوميالى رايون قازىناسىنان بايلىق بارلاۋ ينفورماتسياسى سياقتىلارعا جۇمسالعان شىعىس 7 ميلليارد 440 ميلليون يۋان بولىپ، سايكەس مەزگىلدەگىدەن %237.7 ارتتى؛ قاتىناس ـ تاسىمال شىعىسى 2 ميلليارد 640 ميلليون يۋان بولىپ، سايكەس مەزگىلدەگىدەن %23.8 ارتتى.
”الدىڭعى 2 ايدا قازىنالىق شىعىس بەلگىلى ارتۋ قارقىنىن ساقتادى، بۇل اناعۇرلىم بەلسەندى قازىنا ساياساتىنىڭ حالىق شارۋاشىلىعىن قولداۋ جانە قامتاماسىزداندىرۋ رولىن ساۋلەلەندىرگەندىگىن كورسەتەدى“. ليۋ حاييان مىنالاردى ايتتى: بيىل جىل باسىنان بەرى، اۆتونوميالى رايوندىق قازىنا ساياسات رولىن بەلسەنە ىسكە قوستى، قازىنالىق شىعىس قۇرىلىمى ونان ارى ساپالىلانىپ، قازىنانى عىلمي باسقارۋ دەڭگەيى ۇزدىكسىز جوعارىلادى. قازىنالىق شىعىستىڭ قوعامدىق قامتاماسىزداندىرۋ جانە جۇمىستاندىرۋ، دەنساۋلىق ساقتاۋ جانە سالاماتتىق، بايلىق بارلاۋ، قاتىناس ـ تاسىمال سياقتى ٴتۇيىندى سالالاردا ارتۋ قارقىنى كورنەكتى بولىپ، نازار حالىق تۇرمىسىنىڭ قۇت ـ ىرىسىنا شوعىرلانۋمەن بىرگە، بايلىقتى اشۋ، قالا، اۋىل قۇرىلىسى سياقتىلارعا دا تەڭ ٴمان بەرىلىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا بەرىك نەگىز قالاندى.
