□ انار بۇلت \ شينجياڭ گازەتىنىڭ تىلشىلەرى
باس شۋجي شي جينپيڭ بىلاي دەپ اتاپ كورسەتتى: ٴبىز شۇعىلالى تاريحتى ەستە بەرىك ساقتاپ، قىزىل گەندى جالعاستىرىپ، جاڭا باستامادا توڭكەرىستىك اعا بۋىندار اشقان ۇلى ىستەردى ۇزدىكسىز العا ىلگەرىلەتۋىمىز كەرەك.
بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، قىزىل ارميا ۇزاق جورىعى جەڭىسىنىڭ 90 جىلدىعى. چيڭميڭ قارساڭىندا شينجياڭنىڭ جەر ـ جەرى توڭكەرىستىك ارداگەر قۇربانداردى ەسكە الۋ قيمىلىن كەڭىنەن ورىستەتتى، ادامدار قاھارماندارعا قۇرمەت ٴبىلدىرۋ بارىسىندا قىزىل گەندى جالعاستىرىپ، تاريحتى قايتا ەسكە ٴتۇسىرۋ بارىسىندا قاھارمان قۇربانداردىڭ رۋحىن سەزىنىپ، بۇگىنگى ارقىلى كەشەگىنى ەسكە ٴتۇسىرۋ بارىسىندا ەكپىندەي ىلگەرىلەۋ كۇشىن ۇيىستىردى.
قاھارمان قۇربانداردى ەسكە الىپ، تاريحتى ەستە بەرىك ساقتادى
قاھارمان قۇرباندارعا گۇل قويىپ، اسقاق جىگەرمەن وتاندى قۇدىرەتتەندىرۋ. 4 ـ ايدىڭ 2 ـ كۇنى ٴۇرىمجى قالاسىنداعى قۇرباندار قابىرستاندىعىندا قاراعايلار جاپ ـ جاسىل بولىپ، اتىراپ ايبىندى دا جىم ـ جىرت بەينەگە شومعان. ساعات 10 بولعاندا، اۆتونوميالى رايونداعى ٴارقايسى كوميتەت، كەڭسە، مەڭگەرمە، مەكەمە، حالىقتىق ۇيىم، جوعارى مەكتەپ، شينجياڭدا تۇراتىن ورىندار سياقتىلاردىڭ ۋاكىلدەرىنەن، سونداي ـ اق اسكەري بولىمدەگى وفيتسەر ـ اسكەرلەر، قۇربانداردىڭ تۋىس ـ تۋعاندارى، قوسىننان بوساعان اسكەريلەر سياقتى قوعامداعى ٴار سالا ۋاكىلدەرىنەن 1500دەن استام ادام وسى ارادا باس قوسىپ، ”ەسكە الۋ · 2026 · چيڭميڭدە قاھارمان قۇرباندارعا ازا ٴبىلدىرۋ“ قيمىلىنىڭ باستالۋ سالتىن وتكىزدى، بۇكىل شينجياڭنىڭ جەر ـ جەرىندە چيڭميڭدە قاھارمان قۇربانداردى ەسكە الۋ جەلىلەس قيمىلى ٴبىر ۋاقىتتا باستالدى.
”ٴبىز قاھارمان قۇربانداردىڭ وشپەس ەڭبەگىن ەستە بەرىك ساقتاپ، قىزىل گەندى قانعا ٴسىڭىرىپ، ساعىنا ەسكە الۋدى ارەكەتىمىزگە اينالدىرىپ، قايعىلى ساعىنىشتى العا باسۋ كۇشىنە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە جاڭا دا اناعۇرلىم زور ۇلەس قوسامىز“، ـ دەدى اۆتونوميالى رايوندىق قوسىننان بوساعان اسكەريلەر ىستەرى مەڭگەرمەسىنىڭ باستىعى يۇي دوۋشيڭ.
4 ـ ايدىڭ 3 ـ كۇنى اۆتونوميالى رايوندىق پارتكوم ۇگىت ٴبولىمىنىڭ ۇيىمداستىرۋىمەن التاي ايماقتىق پارتكوم ۇگىت ٴبولىمى، التاي قالالىق پارتكوم ۇگىت ٴبولىمى ۇستىنە الىپ وتكىزگەن ”ٴبىزدىڭ مەرەكەمىز ·چيڭميڭ − ارداگەر قۇربانداردى ساعىنا ەسكە الىپ، ەكپىندەي جاڭا ساپارعا اتتانايىق“ اتىنداعى اۆتونوميالى رايوننىڭ ۇلگى كورسەتۋ قيمىلى التاي قالاسىندا وتكىزىلدى.
التاي قۇرباندار قابىرستاندىعى جاڭا ٴداۋىر وركەنيەت امالياتى تۇيىنىندە قيمىل ايبىندى مەملەكەت ٴانى ىشىندە باستالدى، بارلىق قىزمەتكەر باس كيىمىن الىپ ٴۇنسىز تۇرىپ، توڭكەرىستىك ارداگەر قۇرباندارعا ازا ٴبىلدىردى. وسىدان كەيىن التاي ايماعىنداعى ٴار ۇلت، ٴار سالا ۋاكىلدەرى بايسالدى قاداممەن الدىعا شىعىپ، قۇرباندار ەسكەرتكىشىنە قۇرمەتپەن گۇل شارباق قويىپ، ەسكەرتكىشكە كوز تاستاپ، قىزىل جىلداردى قايتا ەسكە الىپ، ەكپىندەي ىلگەرىلەۋدىڭ كۇش ـ قۋاتىن قابىلدادى.
4 ـ ايدىڭ 2 ـ كۇنى اتۇش قالالىق قوعام حاۋىپسىزدىگى مەكەمەسى كاتتايلاق اۋىلدىق ساقشى بولىمشەسى ”قاھارمان قۇربانداردى ساعىنا ەسكە الۋ تاقىرىپتىق كىتاپ وقۋ“ قيمىلىن ورىستەتىپ، قىزىل كلاسسيكالىق شىعارمالاردى وقىپ، قاھارمان قۇربانداردىڭ ىزگى ىستەرىن ەسكە الدى، حالىق ساقشىلارى، ساقشى كومەكشىلەرى قىزمەت ورنىنىڭ ٴىس جۇزىندىگىمەن بىرلەستىرىپ، ۇيرەنۋ اسەرلەرى جونىندە پىكىر اۋىستىرىپ، قاھارمان قۇربانداردىڭ رۋحىن كۇندەلىكتى قىزمەتپەن قالاي توعىستىرۋدى تالقىلادى.
”چيڭميڭنىڭ سامالى قاھارماندار تۇراعىن ٴوپتى؛ قاراكوك ٴتۇستى ساقشى كيىمىن كيگەنىمە وكىنبەيمىن، وتاننىڭ اماندىعىن قورعايمىن“... تاياۋدا ٴۇشتۇرپان اۋداندىق قوعام حاۋىپسىزدىگى مەكەمەسىنىڭ ٴتول تۋىندىسى «قاھارمان» اتتى ٴان قاھارماندارعا دەگەن ساعىنىش پەن قۇرمەتتى اۋەنگە ٴسىڭىرىپ، ماڭگى وڭبەيتىن قاراكوك ٴتۇستى ساقشى كىيىمىنىڭ داڭقىنا ٴان اۋەنىمەن قۇرمەت ٴبىلدىردى.
قىزىل تاربيە بەرىپ نەگىزدى بەكەمدەپ، رۋحتى سومدادى
بىرنەشە كۇننەن بەرى، بۇكىل شينجياڭنىڭ جەر ـ جەرىندەگى مەكتەپتەر چيڭميڭدى وراي ەتىپ، قىزىل مادەنيەتتى كۇندەلىكتى وقىتۋمەن جانە نەگىزگى تاقىرىپتىق قيمىلمەن توعىستىرىپ، وقىتۋشى ـ وقۋشىلاردى قىزىل تاريحتى ۇيرەنۋگە، قاھارمانداردىڭ ىزگى ىستەرىن وقۋعا ۇيىمداستىرۋ ارقىلى پارتيانى، وتاندى ٴسۇيۋ سۇيىسپەنشىلىگىن تەرەڭ تامىر تارتتىردى.
4 ـ ايدىڭ 2 ـ كۇنى ٴۇرىمجى قالالىق 53 ـ باستاۋىش مەكتەپ 1 ـ جىلدىقتاعى، 5 ـ جىلدىقتاعى وقۋشىلار ۋاكىلدەرىن ٴۇرىمجى قالاسى قۇرباندار قابىرستاندىعىنا بارىپ ازا ٴبىلدىرۋ، قابىر سىپىرۋ جانە جاڭا وترياد مۇشەلەرىنىڭ پيونەرلەر وتريادىنا كىرۋ سالتىن وتكىزۋگە ۇيىمداستىردى. جاسىل قاراعايلار اراسىندا 5 ـ جىلدىقتاعى پيونەرلەر 60 جاڭا پيونەرگە ايبىندى تۇردە نارت قىزىل گالستۋك تاقتى. 1 ـ جىلدىق 4 ـ كلاستىڭ وقۋشىسى باي يۇيچىن باتىل تۇردە: ”ٴبىز توڭكەرىستىك ارداگەر قۇربانداردى ۇلگى ەتىپ قۇلشىنا ۇيرەنىپ، بولاشاقتا وتاندى گۇلدەندىرەتىن تىرەكتى دارىندىلار بولىپ جەتىلەمىز“، ـ دەدى.
ازا ٴبىلدىرۋ، قابىر سىپىرۋ سالتىنان كەيىن، وقىتۋشى ـ وقۋشىلار ٴۇرىمجى قۇربانداردىڭ ىزگى ىستەرى كورمە سارايىنا كىردى. سارعايعان تاريحي ماتەريالدار، قۇربانداردىڭ ارتىندا قالعان ٴوڭى تۇسكەن بۇيىمدارى، قالپىنا كەلتىرىلگەن جاندى كورىنىستەر كوپشىلىكتى سوعىس ٴورتى لاۋلاعان داڭقتى جىلدارعا الىپ بارعانداي بولدى. وقىتۋشى ـ وقۋشىلار ادەپپەن ٴۇنسىز تۇرىپ، توڭكەرىستىك ارداگەر قۇربانداردىڭ بەرىك مۇرات ـ سەنىمىن تىپ ـ تىنىش سەزىندى.
چيڭميڭ قارساڭىندا قاشقار تەحنيكتەر شۋەيۋانىنان 90نان استام وقىتۋشى ـ وقۋشى ۋاكىلى ٴجاڭاشار قۇرباندار قابىرستاندىعىنا كەلىپ، چيڭميڭدە ازا ٴبىلدىرۋ قيمىلىن ورىستەتتى. كۇننىڭ شۇلەن شۇعىلاسىندا قۇرباندار ەسكەرتكىشى جىم ـ جىرت قاسقايىپ تۇر، ”وسى جەردە تۇرىپ، قۇلپىتاستاعى ەسىمدەرگە كوز سالعانىمدا، بۇگىنگى باقىتتى تۇرمىستىڭ ارداگەر قۇربانداردىڭ ىستىق قانى مەن ٴومىرىنىڭ بوداۋىنا كەلگەندىگىن شىنايى سەزىندىم. ٴاربىر قۇلپىتاستىڭ استارىندا ادىلەت جولىندا باسىن ٴباي تىگۋ سىندى مەملەكەت حيكاياسى جاتىر. مەن قاھارمان قۇربانداردىڭ ىزگى ىستەرىن ەستە بەرىك ساقتاپ، ونان العا باسۋ كۇش ـ قۋاتىن قابىلدايمىن“، ـ دەدى وسى مەكتەپتىڭ وقۋشىسى ٴزۇلپيا دولقۇن تەبىرەنە.
ٴۇشتۇرپان اۋداندىق وداق كوميتەتى ۇيىمداستىرعان ”ەسكە الۋ · 2026 · چيڭميڭدە قاھارمان قۇرباندارعا ازا ٴبىلدىرۋ“ قيمىلىندا 80نەن استام باتىس بولىك جوسپارى ەرىكتىسى، وداق مۇشەسى، جاستار، پيونەرلەر ۋاكىلى جۇڭگۋلوۋعا (لين جيلۋ قۇرباننىڭ كەڭسەسىنىڭ ەسكى جۇرتى) جينالدى، ”ۇشقىن·جالىن“ جاستار ـ ورەندەر ۇگىت لەكسيا اترەتىنىڭ مۇشەلەرى لين جيلۋدىڭ قاھارماندىق ىزگى ىستەرىن جاندى باياندادى. باتىس بولىك جوسپارى ەرىكتىسى جاڭ شۋانيۇي بىلاي دەدى: ”ارداگەر قۇربانداردىڭ شەكارا وڭىرگە تامىر تارتۋ، قالتقىسىز ۇلەس قوسۋ رۋحى ٴبىزدىڭ ۇرپاقتان ـ ۇرپاققا جالعاستىرۋىمىزعا تاتيدى“.
رۋحتى جالعاستىرىپ، كۇش ـ قۋات قابىلدادى
قاھارمان قۇربانداردىڭ بەرىك سەنىمى، جالىنداعان مەملەكەت سۇيىسپەنشىلىگى اسا باعالى رۋحاني بايلىق. قاھارمان قۇربانداردىڭ ٴىزىن ىزدەپ، قىزىل قان تامىردى جالعاۋ توڭكەرىستىك اعا بۋىندارعا تەرەڭ سۇيىسپەنشىلىك، تىپتەن قىزىل گەندى جالعاستىرىپ، ەكپىندەي ىلگەرىلەۋ كۇشىن ۇيىستىرۋدىڭ داۋىرلىك تاقىرىبى.
4 ـ ايدىڭ 1 ـ كۇنى مايتاۋ قۇرباندار قابىرستاندىعىندا كۇيتۇن قالالىق قوسىننان بوساعان اسكەريلەر ىستەرى مەكەمەسى ”ەسكە الۋ · 2026 · چيڭميڭدە قاھارمان قۇرباندارعا ازا ٴبىلدىرۋ“ نەگىزگى تاقىرىپتىق ازا ٴبىلدىرۋ، قابىر سىپىرۋ قيمىلىن باس بولىپ ۇيىمداستىردى.
قابىرستاندىقتا ياۋ فىڭيۇي، چين يۇن، چىن جياڭشين سياقتى كوپتەگەن قۇربان ۇزاق ۇيقىدا جاتىر. ازا ٴبىلدىرۋ الاڭىندا ياۋ فىڭيۇي قۇرباننىڭ جاۋىنگەر سەرىگى سول ٴبىر داڭقتى جىلداردى تەرەڭ سۇيىسپەنشىلىكپەن ەسكە الدى، جان تەبىرەنتەرلىك جەرلەرىنە كەلگەندە نەشە رەت قىستىعا وكسىپ، الاڭداعىلاردى قاتتى اسەرلەندىردى.
ازا ٴبىلدىرۋ، قابىر سىپىرۋ سالتى اياقتاعاننان كەيىن، بارلىق ادام مايتاۋ − كۇشار تاس جول مۇراجايىنا بارىپ، تيانشاندا جول جاساۋ رۋحىن سەزىندى. كۇيتۇن قالالىق قوسىننان بوساعان اسكەريلەر ىستەرى مەكەمەسى پارتيا باسشىلىق گرۋپپاسىنىڭ شۋجيى جوۋ يۇنداڭ مىنانى ٴبىلدىردى: قاھارمان قۇربانداردىڭ رۋحى كەيىنگىلەردى ەرلىكپەن العا باسۋعا شابىتتاندىراتىن سارقىلماس قوزعاۋشى كۇش. بۇدان كەيىن قاھارمان قۇرباندارعا ازا ٴبىلدىرۋ قيمىلىن قىزىل تاربيە، ەرىكتى قىزمەت وتەۋ، قۇربانداردىڭ تۋىس ـ تۋعاندارىنا قامقورلىق جاساۋ سياقتى قىزمەتتەرمەن ىشكەرىلەي توعىستىرىپ، قاھارمان قۇربانداردىڭ رۋحىن اسقاقتاتامىز جانە جالعاستىرامىز.
4 ـ ايدىڭ 2 ـ كۇنى تۇستەن بۇرىن ٴۇرىمجى ەكونوميكالىق ـ تەحنولوگيالىق اشۋ رايونى (توۋتۇنحى رايونى) جۇڭيا سولتۇستىك جولى ٴمالىسى شاڭحاي جولى الەۋمەتتىك اۋماعىنىڭ، چياۋدۇڭ الەۋمەتتىك اۋماعىنىڭ، شاڭبەي الەۋمەتتىك اۋماعىنىڭ پارتيا ۇيىمدارى جاڭا داۋىردەگى وركەنيەتتى امالياتتا ايگىلەۋ پۋنكتىمەن بىرلەسىپ، 50دەن استام تۇرعىن پارتيا مۇشەسىن جانە بۇقارا ۋاكىلىن ٴۇرىمجى قالاسى قۇرباندار قابىرستاندىعىنا بارىپ ”چيڭميڭدە قاھارمان قۇرباندارعا ازا ٴبىلدىرىپ، الاۋدى ماڭگى جالعاستىرامىز“ تاقىرىبىندا ازا ٴبىلدىرۋ، قابىر سىپىرۋ قيمىلىن ورىستەتۋگە ۇيىمداستىردى. بارلىق ادام ەسكەرتكىشتىڭ الدىندا ٴۇنسىز تۇرىپ، چىن تانچيۋ، ماۋ زىمين، لين جيلۋ قاتارلى توڭكەرىستىك ارداگەر قۇرباندارعا تەرەڭ سەزىممەن ٴيىلىپ تاعزىم ەتتى.
پارتيا مۇشەسى جاڭ جىيۋان تەبىرەنە بىلاي دەدى: ”بۇگىن ولاردىڭ ۇزاق ۇيقىدا جاتقان جەرىنە كەلىپ تۇرعاندا، نەنىڭ تاۋداي سەنىم، بۇلجىماس اۋەلگى ماقسات ەكەندىگىن اناعۇرلىم شىنايى سەزىندىم“.
ازا ٴبىلدىرۋ، قابىر سىپىرۋ قيمىلىنا قاتىناسقان الەۋمەتتىك اۋماق كادرلارى مىنالاردى ٴبىلدىردى: ”قىزىل ساباقحانا“، ”قارتتار ۇگىت لەكسيا ۇيىرمەسى“، ”بالالار ۇلكەندەردى جەتەكتەۋ · قاھارمان قۇرباندار شەجىرەسىن بىرگە ۇيرەنۋ“ سياقتى فورمالار ارقىلى قىزىل تاربيەنىڭ عيماراتتارعا كىرۋىن، وتباسىلارىنا كىرۋىن ىلگەرىلەتىپ، توڭكەرىس الاۋىن ۇرپاقتان ـ ۇرپاققا جالعاستىرىپ، قىزىل قان تامىردىڭ ماڭگى جالعاسۋىنا مۇمكىندىك جاسايمىز.
4 ـ ايدىڭ 3 ـ كۇنى اقسۋ قالالىق پارتكومنىڭ قوعامدىق قىزمەت ٴبولىمى وسى قالاداعى ”شاعىن، ۇساق كاسىپورىندار، جەكەشە ونەركاسىپ ـ ساۋداگەرلەر، كاسىپتىك بازار“ جالپىلىق پارتكومىمەن بىرلەسىپ، ورگانداعى پارتيا مۇشەلەرىن، كادرلاردى، بۇيىرتپا جەتكىزۋشى جىگىتتەردى ۇيىمداستىرىپ، ”ينتەرنەتتە قاھارمان قۇرباندارعا ازا ٴبىلدىرۋ“ نەگىزگى تاقىرىپتىق قيمىلىن ورىستەتتى.
”مەن توڭكەرىستىك ارداگەر قۇرباندارعا قۇرمەتىمدى قىزمەتتىڭ قوزعاۋشى كۇشىنە اينالدىرىپ، قىزمەت مىندەتىمدى وتەپ، جاۋاپكەرشىلىگىمدى ادا ەتىپ، ٴىس جۇزىندىك ارەكەتىم ارقىلى توڭكەرىستىك رۋحتى جالعاستىرامىن“، ـ دەدى بۇيىرتپا جەتكىزۋشى جىگىت يبىرايىم سۇپۇرتاش.
جاسىل تاۋلار ٴتىل قاتپايدى، ەسكەرتكىشتەر ماڭگى ساقتالادى. جەلىدەن تىس ازا ٴبىلدىرۋ، قابىر سىپىرۋدان بۇلتتىق تەرمينالدا ساعىنا ەسكە الۋعا دەيىن، ەڭكەيگەن ساقا اسكەرلەردەن، جالىنداعان جاسقا دەيىن شينجياڭداعى ٴار ۇلت حالقى ٴتۇرلى تاسىلمەن قاھارمان قۇرباندارعا قۇرمەتىن ٴبىلدىردى. بۇل ەسكە الۋ تاريحتى ەستە ساقتاۋ، تىپتەن بولاشاققا ۋادە بەرۋ بولدى. قاھارمان قۇربانداردىڭ رۋحىن جالعاستىرۋ بارىسىندا ۇزدىكسىز قاۋلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ تەلەگەي كۇشىن ۇيىستىرامىز.
(ٴتىلشى لي لين، قاتىناسقان تىلشىلەر جاڭ تيڭ، سۇي يۇنيان، ەرىكتى تىلشىلەر دۇڭ شىجۇي، حوۋ يجۇن، لان يلين، حۋ جيايۇي)
