گازەتىمىزدىڭ 4 ـ ايدىڭ 6 ـ كۇنى ۇرىمجىدەن بەرگەن حابارى. 4 ـ ايدىڭ 6 ـ كۇنى اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز ۇرىمجىدە وزبەكستان سىر داريا وبلىسىنىڭ باستىعى ەركىنجون تۇرديموۆپەن كەزدەستى.
چىن شياۋجياڭ جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى، اۆتونوميالى رايوندىق حالىق ۇكىمەتى اتىنان تۇرديموۆتى جانە ونىڭ ساپارلاستارىن قارسى الاتىندىعىن ٴبىلدىردى. ول بىلاي دەدى: تاياۋدا جۇڭگونىڭ مەملەكەتتىك ەكى ٴماجىلىسى جەڭىسپەن جابىلدى، ماجىلىستە بەكىتىلگەن ”15 ـ بەسجىلدىق“ جوبا باعدارلاماسى جۇڭگونىڭ الداعى 5 جىلداعى دامۋىنا جوبا كەسكىندەپ، وزگەرىس پەن بىلىقپالىق قاباتتاسقان دۇنيە جۇزىنە باعالى ايقىندىلىق جانە ورنىقتىلىق ۇستەدى. جۇڭگو مەن وزبەكستان دوس كورشى جانە جاڭا داۋىردەگى بارلىق جاعدايدا بىردەي جاپپاي ستراتەگيالىق سەرىكتەر، ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، جۇڭگو _ وزبەكستان سەلبەستىگى جەدەل ارناعا ٴتۇستى. جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، ٴتوراعا شي جينپيڭ مەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىردى، قوعامدىق كەلەلى جاعداي ٴۇرتىس ورنىقتىلىقتى ساقتاپ، جۇڭحۋا ۇلتى ورتاق تۇلعا تانىمى جۇرت جۇرەگىنە تەرەڭ ۇيالاپ، ەكونوميكالىق ناقتى قۋات جاعىندا تاريحي سەكىرۋ جۇزەگە استى، نەگىزدىك قۇرىلعىلار كۇن سايىن كەمەلدەنىپ، ەرەكشە، ابزال وسىزاماندانعان كاسىپ سالاسى جۇيەسى جەدەل قۇرىلدى، اشىلعان ەسىك بارعان سايىن ايقارا اشىلىپ، حالىق تۇرمىسى قۇت ـ ىرىسى ۇزدىكسىز ارتىپ، دامۋى ەڭ جاقسى، وزگەرىسى ەڭ زور، ٴار ۇلت بۇقاراسى ناقتى تيىمدىلىككە ەڭ كوپ كەنەلگەن تاريحي مەزگىلگە قادام تاستادى. جۇڭگو شينجياڭى مەن وزبەكستاننىڭ جەرگىلىكتى ورىندارى اراسىنداعى ناقتى ىستەر سەلبەستىگىنىڭ بەرىك نەگىزى، ٴبىر ـ ٴبىرىن تولىقتاۋ ارتىقشىلىعى جانە كەڭ بولاشاعى بار، ەكى جاقتىڭ ەكونوميكا ـ ساۋدا، اۋىل شارۋاشىلىعى جانە ەمدەۋ ـ دەنساۋلىق ساقتاۋ سياقتى سالالارداعى سەلبەستىك جەتىستىكتەرى كورنەكتى بولدى. كەلەسى قادامدا جۇڭگو شينجياڭى وزبەكستان جاقپەن بىرگە قۇلشىنىپ، سەلبەستىك كومەسكى كۇشى مەن بايلىق ابزالدىلىعىن اشىپ، اۋىل شارۋاشىلىعىن وسىزامانداندىرۋ سەلبەستىگىن ۇزدىكسىز ىلگەرىلەتىپ، ەكونوميكا ـ ساۋدا سالاسىنداعى سەلبەستىك پەن كاسىپتىك دارىندىلاردى باۋلۋدى، اۋىس ـ كۇيىس جاساۋدى كۇشەيتىپ، اناعۇرلىم تىعىز جۇڭگو _ وزبەكستان تاعدىرلاس ورتاق تۇلعاسىن قۇرۋعا ۇلەس قوسۋدى قالايدى.
تۇرديموۆ جۇڭگو شينجياڭىنىڭ ىستىق ىقىلاسپەن كۇتىپ العاندىعىنا العىس ايتتى. ول بىلاي دەدى: تاياۋ جىلداردان بەرى، وزبەكستان مەن جۇڭگونىڭ قارىم ـ قاتىناسى ۇزدىكسىز دامىپ، ٴار سالاداعى سەلبەستىگى كۇن سايىن كەڭەيدى. وزبەكستان سىر داريا وبلىسىنىڭ بايلىق ابزالدىلىعى كورنەكتى، قارجى قوسۋ كومەسكى كۇشى زور، شينجياڭ كاسىپورىندارىنىڭ كەلىپ قارجى قوسىپ، شارۋاشىلىقتى گۇلدەندىرىپ، دامۋ جەتىستىكتەرىنەن بىرگە يگىلىكتەنۋىن قارسى الامىز. ەكى ەل مەملەكەت باسشىلارىنىڭ ماڭىزدى ورتاق تانىمىنىڭ جەتەكشىلىگىندە، سىر داريا وبلىسى مەن شينجياڭنىڭ دوستىق قارىم ـ قاتىناسىن ونان ارى تەرەڭدەتىپ، اۋىل شارۋاشىلىق ونىمدەرىن وڭدەۋ، تۇقىم جەتىلدىرۋ، حيميا ونەركاسىپ كاسىپ سالاسى، سۋ ۇنەمدەپ سۋارۋ سياقتى سالالارداعى اۋىس ـ كۇيىستى كۇشەيتىپ، ەكى جەردىڭ ناقتى ىستەر سەلبەستىگىن تىڭ دەڭگەيگە كوتەرىپ، وزبەكستان مەن جۇڭگونىڭ جاڭا داۋىردەگى بارلىق جاعدايدا بىردەي جاپپاي ستراتەگيالىق سەرىكتەستىك قارىم ـ قاتىناسىنا ۇلەس قوسۋىن ٴۇمىت ەتەمىن.
وزبەكستاننىڭ جۇڭگودا تۇراتىن باس ەلشىسى جانە قاتىستى تاراۋلاردىڭ جاۋاپتىلارى كەزدەسۋگە قاتىناستى.
ۋاڭ جيانشين، قادەن كابەن، اۆتونوميالى رايوننىڭ قاتىستى تاراۋلارىنداعى نەگىزگى جاۋاپتى جولداستار كەزدەسۋگە قاتىناستى.
