− كەزەكتەگى ەلىمىزدىڭ قىزمەت وتەۋ كاسىبىنىڭ دامۋى جونىندە جالپى شولۋ
□ شينحۋا اگەنتتىگىنىڭ تىلشىلەرى شيە شيياۋ، ۋاڭ يۇيحاۋ، حۋاڭ تاۋميڭ
قىزمەت وتەۋ كاسىبى حالىق شارۋاشىلىعىنىڭ ٴبىرىنشى ۇلكەن كاسىپ سالاسى رەتىندە، بۇقارانىڭ باقىتتى تۇرمىسىمەن تەرەڭ توعىستى، سونداي ـ اق ەكونوميكانىڭ جوعارى ساپالى دامۋىنا بەرىك تىرەك ازىرلەدى.
”جاڭادان گۇلدەنگەن كاسىپ سالالارى مەن بولاشاق كاسىپ سالالارىنىڭ شوعىرلى دامۋىن ىلگەرىلەتىپ، وندىرىستىك قىزمەت وتەۋ كاسىبىن بەلسەنە دامىتىپ، ٴداستۇرلى كاسىپ سالالارىن جاڭالاۋعا، دارەجەسىن جوعارىلاتۋعا قولداۋ كورسەتۋ كەرەك“، ”تۇرمىستىق قىزمەت وتەۋ كاسىبىن بار كۇشپەن دامىتىپ، الەۋمەتتىك قىزمەت وتەۋ دەڭگەيىن جوعارىلاتىپ، حالىق تۇرمىسى تومەنگى شەگىن مىقتاپ ساقتاۋ كەرەك“... باس شۋجي شي جينپيڭ قىزمەت وتەۋ كاسىبىنىڭ دامۋىنا بارىنشا ٴمان بەرىپ، ەكونوميكانىڭ دامۋ اۋقىمىن كوزدە ۇستاپ، قىزمەت وتەۋ كاسىبىنىڭ دامۋىنا ايقىن بەتالىس كورسەتتى.
كەزەكتە ەلىمىزدىڭ قىزمەت وتەۋ كاسىبىنىڭ دامۋ تەبىنى كۇشتى، كومەسكى كۇشى اسا زور.
ساياساتتىڭ جىلى لەبىمەن جەر ـ جەر بۇقارانىڭ تۇرمىسىنداعى جاڭا سۇرانىسقا، كاسىپ سالاسى وزگەرىسىنىڭ جاڭا بەتالىسىنا سايكەسىپ، ساپالى، جوعارى ٴونىمدى قىزمەت وتەۋ كاسىبى جاڭا جۇيەسىن جەدەل ورناتىپ، قىزمەت وتەۋ كاسىبىنىڭ جوعارى ساپالى دامۋداعى جاڭا كارتيناسى باياۋ اشىلدى.
قارىشتاپ دامىدى، بولاشاعى نۇرلى
2026 ـ جىلعى جارىس ماۋسىمىندا دۇنيە جۇزىلىك 1 ـ دارەجەلى ولشەمدى جارىس اۆتوكولىگى جۇلدەلى جارىسى (F1) جۇڭگو ۇلكەن سيلىقتى جارىسى تاياۋدا شاڭحايدا تابىسپەن اياقتالدى، 3 كۇندە 230 مىڭنان استام ادام (رەت) سول جەردە جارىستى تاماشالاپ، بەلەت كىرىسى 190 ميلليون يۋان بولىپ، 2025 ـ جىلداعىدان %35 ارتىپ، شەكارادان كىرگەن جانە قالا اتتاعان جولاۋشىلاردىڭ يەلەگەن سالىستىرماسى كورنەكتى بولىپ، مادەنيەت، ساۋدا، ساياحات، دەنە تاربيە، كورمە توعىسقان سالتاناتتى جينالىس بولدى.
بۇل ەلىمىزدىڭ قىزمەت وتەۋ تۇتىنۋىنىڭ ٴبىرشاما تەز ارتۋىنىڭ، قىزمەت وتەۋ كاسىبىنىڭ قارىشتاپ دامۋىنىڭ جاندى تۇسىندىرمەسى.
2025 ـ جىلى ەلىمىزدىڭ قىزمەت وتەۋ كاسىبى كورنەكتى ناتيجە تىزىمدىگىن تاپسىردى: ارتقان قۇن تۇڭعىش رەت 80 تريلليون يۋاننان اسىپ، GDPدا يەلەگەن ارا سالماعى %57.7كە جەتتى؛ قىزمەت وتەۋ كاسىبىنىڭ حالىق شارۋاشىلىعىنىڭ ارتۋىنا قوسقان ۇلەسى %61.4كە جەتىپ، الدىڭعى جىلداعىدان 3.7 پايىز جوعارىلاپ، ٴۇرتىس 11 جىل حالىق شارۋاشىلىعىنىڭ تەڭ جارتىسىن يەلەدى.
”قىزمەت وتەۋ“ ارقىلى جوعارىلاعان باقىت سەزىمى بارعان سايىن قويۋلاپ، تۇرمىستىق قىزمەت وتەۋ كاسىبى تاماشا تۇرمىستى نۇرلاندىردى.
تۇرعىندار كىرىسىنىڭ جوعارىلاۋىنا جانە حالىق سانى قۇرىلىمىنىڭ وزگەرىسىنە بايلانىستى، ادامداردىڭ قىزمەت وتەۋ جونىندەگى قاجەتى ”بار ما، جوق پا“ دەگەننەن ”جاقسى ما، جاقسى ەمەس پە“ دەگەنگە قاراي بۇرىلىس جاساپ، ساياحات، مادەنيەت، دەنە تاربيە، سالاماتتىق، قارتتاردى كۇتىمدەۋ، وقۋ ـ اعارتۋ سياقتى تۇرمىستىق قىزمەت وتەۋ كاسىپتەرىنىڭ جەدەل دامۋىنا دەم بەردى.
بيىل الدىڭعى 2 ايدا ەلىمىزدىڭ قىزمەت وتەۋ بولشەك ساتۋ سوماسى سايكەس مەزگىلدەگىدەن %5.6 ارتىپ، تاۋاردىڭ بولشەك ساتىلۋ مولشەرىنىڭ ارتۋ قارقىنىنان كورنەكتى تەز بولدى. 2025 ـ جىلى ەلىمىزدىڭ قىزمەت وتەۋ تۇتىنۋى قالا، اۋىل تۇرعىندارىنىڭ جان باسىندىق تۇتىنۋ شىعىسىنىڭ %46.1ىن ۇستاپ، ىشكى سۇرانىستى ۇلعايتۋدىڭ ماڭىزدى قوزعالتقىشىنا اينالدى.
ەگجەي ـ تەگجەيلى بولىنگەن كاسىپتەر بويىنشا قاراعاندا، 2025 ـ جىلى ەلىمىزدىڭ تولايىم ساتۋ جانە بولشەك ساتۋ كاسىبىنىڭ ارتقان قۇنى 14 تريلليون 580 ميلليارد 800 ميلليون يۋان بولىپ، الدىڭعى جىلداعىدان %5.0 ارتقان؛ قاتىناس ـ تاسىمال، قامبادا ساقتاۋ جانە پوچتا كاسىبىنىڭ ارتقان قۇنى 6 تريلليون 209 ميلليارد 200 ميلليون يۋان بولىپ، %5.2 ارتقان؛ جاتاق جانە اس ـ سۋ كاسىبىنىڭ ارتقان قۇنى 2 تريلليون 640 ميلليارد 300 ميلليون يۋان بولىپ، %4.9 ارتقان.
”قىزمەت وتەۋ“ قامتىعان وندىرگىش كۇشتەر جەدەل جارىققا شىعىپ، وندىرىستىك قىزمەت وتەۋ كاسىبى سان سالالى كاسىپتەرگە قۋات ۇستەدى.
زەرتتەپ اشۋ ـ جوبالاۋ، قامداۋ تىزبەگىن باسقارۋ، ساراپتاۋ ـ ولشەۋ، وسى زامانعى زات اينالىمى... ەكونوميكانىڭ جوعارى ساپالى دامۋ كەزەڭىنە قادام تاستاپ، عىلىم ـ تەحنولوگيادا جاڭالىق اشۋ قىزمەت وتەۋ كاسىبىنىڭ ساپالىلانۋىنا، دارەجەسىن جوعارىلاتۋىنا ۇزدىكسىز دەم بەرىپ، وسى زامانعى قىزمەت وتەۋ كاسىبى مەن وزىق جاساۋ كاسىبىن جىلدام تەرەڭ توعىستىرىپ، ٴار ٴتۇرلى جاڭا كاسىپ كۇيلەرىن، جاڭا ۇلگىلەردى ۇزدىكسىز جارىققا شىعاردى.
2025 ـ جىلى ينفورماتسيا جەتكىزۋ، جۇمساق بولشەك جانە ينفورماتسيا تەحنولوگياسى بويىنشا قىزمەت وتەۋ كاسىبىنىڭ ارتقان قۇنى 7 تريلليون 59 ميلليارد 900 ميلليون يۋان بولىپ، الدىڭعى جىلداعىدان %11.1 ارتقان؛ جالعا بەرۋ جانە ساۋدا ىستەرى بويىنشا قىزمەت وتەۋ كاسىبىنىڭ ارتقان قۇنى 6 تريلليون 366 ميلليارد 600 ميلليون يۋان بولىپ، %10.3 ارتقان.
”قىزمەت وتەۋدەن“ تۋىنداعان جاڭا كاسىپتەر ۇزدىكسىز جارىققا شىعىپ، جۇمىستانۋعا قابىلداۋ قابىلەتى ۇزدىكسىز كۇشەيدى.
تىكە تاراتۋدا زات ساتۋشى، بۇيىرتپا جەتكىزۋشى، ينتەرنەتتە كەلىسەتىن كىرە اۆتوكولىگىنىڭ شوفەرى، ساندى مالىمەتكە تالداۋ جاساۋشى... سوڭعى جىلداردان بەرى قىزمەت وتەۋ كاسىبىنە ىلەسە گۇلدەنگەن جاڭا كاسىپتەر بۇقارانىڭ كۇندەلىكتى تۇرمىسىمەن توعىستى. 2025 ـ جىلى قىزمەت وتەۋ كاسىبىندە جۇمىستانۋشىلاردىڭ يەلەگەن سالىستىرماسى %50 اينالاسىندا بولىپ، جۇمىستانۋعا قابىلداۋداعى نەگىزگى ارنالىق رولى كورنەكتى بولدى.
كەزەكتە ەلىمىزدىڭ ەكونوميكالىق قۇرىلىمى قىزمەت وتەۋ تيبىنە قاراي بىرتىندەپ ويىسۋدىڭ شەشۋشى كەزەڭىندە تۇر. مەملەكەتتىك دامۋ جانە رەفورما كوميتەتىنىڭ مەجەلەۋىنشە، ”15 ـ بەسجىلدىق“ كەزىندە قىزمەت وتەۋ كاسىبىنىڭ كولەمى 100 تريلليون يۋاننان اسادى ەكەن.
قۋاتتى ارتتىرىپ ساپانى جوعارىلاتتى، كومەسكى قۋاتتى جانداندىردى
قىزمەت وتەۋ كاسىبىنىڭ كولەمى ۇزدىكسىز كەڭەيۋمەن بىرگە، قۋاتىن ارتتىرىپ ساپاسىن جوعارىلاتۋ كەزەك كۇتتىرمەيتىن مىندەتكە اينالدى.
”اقىرى ريزا بولاتىنداي اپاي تاپتىم، قورەكتىك تاعامداردى سايكەستىرە بىلەدى، بالاعا قاراۋى دا كاسىبي، ۇقىپتى ەكەن“. ٴۇيى بەيجيڭدە تۇراتىن جاۋ حانىم كوكتەم مەرەكەسىنەن كەيىن اقىرى ويلاعانىنداي بوبەك باعۋشى تاۋىپ الدى. مۇنىڭ استارىندا ەلىمىزدىڭ ٴۇي شارۋاسى سالاسىنىڭ ٴالى دە 20 ميلليوننان استام جۇمىس ورنىنا ادام جەتىسپەۋ سىندى رەال قيىنشىلىق جاتىر.
ٴوتىمدى ويىن نومىرلەرىنىڭ بەلەتىن الۋ قيىن، ماماندانعان قىزمەت وتەۋ دارىندىلارى ٴالى دە جەتىسپەيدى، الەۋمەتتىك قىزمەت وتەۋ كاسىبىندە ٴالى دە ولقىلىقتار ورىن تەبۋدە... ەلىمىزدىڭ قىزمەت وتەۋ كاسىبى تەز قارقىندى دامۋمەن بىرگە، ٴالى دە قامداۋ قۇرىلىمى ساپالى بولماۋ، جوعارى دەڭگەيلى قىزمەت وتەۋمەن قامداۋ جەتكىلىكسىز بولۋ سياقتى ماسەلەلەرگە ٴدوپ كەلىپ وتىر.
”تالماۋ تۇيىندەردىڭ“ استارىندا وراسان زور بازار كومەسكى كۇشى مەن ورايى جاتىر.
”مەيلى حالىقارالىق سالىستىرمادان قاراعاندا بولسىن، الدە دامۋ بەتالىسىنان قاراعاندا بولسىن، ەلىمىزدىڭ قىزمەت وتەۋ كاسىبى دامۋىنىڭ قابىلەت دەڭگەيى، ساپاسى مەن ونىمدىلىگى ٴالى دە دەرلىكتەي جوعارى ەمەس، ٴالى دە اشۋعا بولاتىن وراسان زور كومەسكى كۇش بار“ دەگەن ويىن ٴبىلدىردى مەملەكەتتىك كەڭەس زەرتتەۋ كەڭسەسىنىڭ مەڭگەرۋشىسى شىن دانياڭ وسىنىڭ الدىندا.
بيىلعى ۇكىمەت قىزمەتىنەن باياندامادا ”قىزمەت وتەۋ كاسىبىنىڭ قۋاتىن ارتتىرىپ ساپاسىن جوعارىلاتۋ“ العاش رەت ورتاعا قويىلىپ، ”فينانس، ينفورماتسيا تەحنولوگياسى، وسى زامانعى زات اينالىمى، ٴبىلىم مەنشىك ۇقىعى، ساراپتاۋ ـ ولشەۋ سياقتى وندىرىستىك قىزمەت وتەۋ كاسىپتەرىن دامىتۋ“، ”تۇرمىستىق قىزمەت وتەۋ كاسىبىنىڭ جوعارى ساپالى، الۋان ٴتۇرلى، قولايلى بولۋعا قاراي دامۋىن جەبەۋ“ ايقىندالدى.
”15 ـ بەسجىلدىق“ جوبا باعدارلاماسىندا مىنالار العا قويىلدى: قىزمەت وتەۋ كاسىبىنىڭ ساپاسىن، ونىمدىلىگىن جانە باسەكەلىك قۋاتىن جاپپاي جوعارىلاتىپ، قىزمەت وتەۋ كاسىبىنىڭ كاسىپ سالاسىنىڭ دارەجەسىن جوعارىلاتۋعا، حالىق تۇرمىسىنىڭ قاجەتىن قاناعاتتاندىرۋعا، جۇمىستاندىرۋدىڭ كولەمىن كەڭەيتۋ ٴۇشىن باستاماشىلدىق ەتۋگە تىرەك بولۋ رولىن اناعۇرلىم ويداعىداي ساۋلەلەندىرۋ كەرەك.
وندىرىستىك قىزمەت وتەۋ كاسىبىنىڭ ماماندانۋعا جانە قۇن تىزبەگىنىڭ جوعارى دەڭگەيىنە قاراي كەڭەيۋىن ىلگەرىلەتتى −
بەيجيڭدەگى شىجيڭشانعا ورنالاسقان ادام ٴتارىزدى قۇلتەمىردى ساندى مالىمەتتەرگە جاتتىقتىرۋ ورتالىعىندا 100دەن استام قىزمەتكەر جاتتىقتىرۋشى، ساندى مالىمەتتەردى ەنگىزىپ تەكسەرۋشى، قۇلتەمىردىڭ جۇمىس جۇرگىزۋىن باپتاۋشى سياقتى جۇمىس ورىندارىندا ٴوزارا سايكەسىپ، قۇلتەمىرلەردىڭ قايتا ـ قايتا جاتتىعۋ بارىسىندا اناعۇرلىم اقىلدى بولۋىنا مۇمكىندىك جاساۋدا.
قۇرىلىمداردىڭ مەجەلەۋىنشە، تەك جۇمساق بولشەك جانە ينفورماتسيالىق قىزمەت وتەۋ كاسىبىنىڭ الداعى 5 جىلداعى جىلدىق ورتاشا ارتۋ قارقىنىنىڭ %12 اينالاسىنا جەتۋىنەن ٴۇمىت بار؛ جاساندى زەردە قولدانۋ قىزمەت وتەۋى بازارى كولەمىنىڭ 800 ميلليارد يۋاننان اسۋىنان ٴۇمىت بار.
ونەركاسىپ جانە ينفورماتسيالاندىرۋ مينيسترلىگى قاتارلىلار قىزمەت وتەۋ تيبىندەگى جاساۋ كاسىبىنىڭ جاڭالىق اشا دامۋىن ىشكەرىلەي ىلگەرىلەتتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلىلار ادام كۇشى بايلىعى بويىنشا قىزمەت وتەۋ كاسىبى مەن جاساۋ كاسىبىنىڭ توعىسپالى دامۋىن تۇيىندە سىناق ەتۋدى باستادى؛ گۋاڭدۇڭ عىلىم ـ تەحنولوگيا فينانسىنىڭ عىلىم ـ تەحنولوگيا تيبىندەگى كاسىپورىنداردىڭ جاڭالىق اشا دامۋىمەن تەرەڭ توعىسۋىن جانە وعان دەم بەرۋىن جەدەل ىلگەرىلەتتى، شاڭحايدىڭ لينگاڭى بۇكىل ەلدەگى تۇڭعىش كاسىپ سالاسى باقشا رايونى وندىرىستىك قىزمەت وتەۋ جەتەكشىلىگى ٴتىزىمىن شىعاردى... ورتالىقتان جەرگىلىكتى ورىندارعا دەيىن، ەلىمىز قىزمەت وتەۋ كاسىبىنىڭ جاڭاشا وندىرگىش كۇشتەردىڭ دامۋىنا قۋات ۇستەۋىنىڭ ناقتى جولى جونىندە جەدەل ىزدەنىس جاساۋدا.
تۇرمىستىق قىزمەت وتەۋ كاسىبىنىڭ جوعارى ساپالى، الۋان ٴتۇرلى، قولايلى بولۋعا قاراي دامۋىن جەبەدى −
قازىر جەر ـ جەر ”15 مينۋتتىق حالىققا قولايلى تۇرمىس شەڭبەرىن“ جەدەل قۇرىپ، بۇقارانىڭ ۇيىنەن الىستاماي ـ اق قارتتاردى كۇتىمدەۋ، بالانى اماناتتاپ باقتىرۋ، اس ـ سۋ سياقتى ساپالى قىزمەت وتەۋدەن يگىلىكتەنۋىنە مۇمكىندىك جاسادى. زەرتتەۋلەر الەۋمەتتىك اۋماق قىزمەت وتەۋ كاسىپ سالاسى 10 تريلليون دارەجە كولەمىندەگى تۇتىنۋ بازارىن قالىپتاستىرعاندىعىن كورسەتتى.
الەۋمەتتىك اۋماق كىرىكپەلى قارتتاردى كۇتىمدەۋ قۇرىلىمدارى، جالپىعا ٴتيىمدى بالانى اماناتتاپ باقتىرۋ قۇرىلىمدارى جەدەل ورنالاستىرىلدى؛ زەردەلى ٴۇي شارۋاسى، ەلىتە سەزىنۋ سياقتى جاڭا جاعدايلار جەدەل جالپىلاستىرىلدى؛ ”قىستاق ايگىلى ماركاسىنداعى“ بۇقارالىق مادەنيەت، دەنە تاربيە قيمىلدارى دابىرالى تۇردە تانىمال بولىپ، اۋىل شارۋاشىلىعى، مادەنيەت، دەنە تاربيە، ساياحات، ساۋدا ىستەرىنىڭ توعىسۋى ۇزدىكسىز كۇشەيدى... جەر ـ جەر جان سانى قۇرىلىمىنىڭ وزگەرىسىنە، قالا ـ قالاشىقتانۋ اياق الىسى اكەلگەن جاڭا سۇرانىسقا سايكەسىپ، زەينەتكە شىققان قاۋىم سياقتى قىزمەت وتەۋدىڭ ەگجەي ـ تەگجەيلى بولىنگەن بازارىن ىشكەرىلەي اشىپ، قىزمەت وتەۋ تۇتىنۋىن ۇزدىكسىز جانداندىرىپ، قىزمەت وتەۋ كاسىبىنىڭ ساپاسىن جوعارىلاتىپ دەڭگەيىن كوتەرۋىنە دەم بەردى.
العاشقى مەجەگە قاراعاندا، 2030 ـ جىلعا بارعاندا، ەلىمىزدىڭ قالا، اۋىل تۇرعىندارىنىڭ جان باسىندىق قىزمەت وتەۋ تيبىندەگى تۇتىنۋ دەڭگەيى 18 مىڭ يۋاندىق ٴىرى وتكەلدەن ٴوتىپ، قىزمەت وتەۋ تيبىندەگى تۇتىنۋدىڭ يەلەگەن سالىستىرماسى %55 − %60كە جەتەتىندىگىنەن ٴۇمىت بار.
مەملەكەتتىك كەڭەس كەڭسەسى تاياۋدا قىزمەت جوباسىن باسىپ تاراتىپ، قىزمەت وتەۋ تۇتىنۋىنىڭ جاڭا ارتۋ تۇيىندەرىن جەدەل جەتىلدىرىپ، قاتىناس، ٴۇي شارۋاسى، ينتەرنەتتىك كورۋ ـ تىڭداۋ، ويىن قويۋ، دەنە تاربيە جارىسى سياقتى قىزمەت وتەۋ سالالارىنداعى قاتىستى كاسىپتەردىڭ دامۋ قارقىنىن ارتتىرۋىن ىلگەرىلەتتى.
رەفورما جاساپ، ەسىك اشتى، كەدەرگىلەردى جويۋدى بار كۇشپەن جەبەدى
تاياۋدا حيلۇڭجياڭ حاربين قالاسىنىڭ نانگاڭ رايونىنداعى ٴبىر ەمدەۋ ـ اجارلاندىرۋ ەمحاناسى وسى قالاداعى تۇڭعىش جاڭا كاسىپ كۇيى ”رۇقسات كۋالىگىنە“ يە بولدى.
ساۋدا سارايىنا ورنالاسقان وسى ەمدەۋ ـ اجارلاندىرۋ ەمحاناسى بۇرىنعى تەكسەرىپ بەكىتۋ ٴتارتىبىن تىكەلەي قولدانۋعا كەلمەۋ سەبەبىنەن ”كىم باسقاراتىنى بەلگىسىز، كىمنىڭ ايتقانى ەسەپ بولاتىنى بەلگىسىز، قانداي ولشەم بويىنشا قارالاتىندىعى بەلگىسىز“ بولىپ، كاسىپورىننىڭ شارۋاشىلىق جۇرگىزۋىنە رۇقسات بەرۋ تەكسەرىپ بەكىتۋ بۋىنىنا بوگەلىپ قالعان ەدى.
حاربين قالاسى جاڭا كاسىپ سالاسىن، جاڭا كاسىپ كۇيىن تەكسەرىپ بەكىتۋ قىزمەت مەحانيزمىن جەدەل ىسكە قوسىپ، قالا، رايون ەكى دارەجەلى شارۋاشىلىق ـ ساۋدا، دەنساۋلىق ساقتاۋ ـ سالاماتتىق تاراۋلارى ىشكەرىلەي اقىلداسىپ، تولىق دالەلدەپ، ەسىك الدىنا بارىپ جەتەكشىلىك ەتتى. بيىل 3 ـ ايدا وسى كاسىپورىن ەمحانانى تىزىمگە ٴتۇسىرۋ كۋالىگىن ٴساتتى الدى.
قازىر ورتالىقتان جەرگىلىكتى ورىندارعا دەيىن قىزمەت وتەۋ كاسىبىنىڭ ٴتۇزىلىس ـ مەحانيزم رەفورماسى تەرەڭدەتىلىپ، شارۋاشىلىق ـ ساۋدا ورتاسىنىڭ ”ساپالى“ بولۋى ارقىلى قىزمەت وتەۋ كاسىبىنىڭ دامۋى جەبەلۋدە.
بازارعا كىرۋگە رۇقسات ەتۋدەگى ۇنامسىز تىزىمگە وزگەرىس ەنگىزىپ، قارتتاردى كۇتىمدەۋ، ەمدەۋ سياقتى كوپتەگەن سالانىڭ بازارعا كىرۋ شەكتەمەسى جەڭىلدەتىلدى؛ حالىقتىق قارجى قوسۋ ونان ارى جەبەلىپ، قىزمەت وتەۋ كاسىبى شارۋاشىلىق تۇلعالارىنىڭ بازارعا كىرۋىندەگى ۇيلەسىمسىز شەكتەمەلەر اداقتالدى؛ بۇكىل ەلدەگى 50 قالا تۇتىنۋ جاڭا كاسىپ كۇيىن، جاڭا ۇلگىسىن، جاڭا جاعدايىن تۇيىندە سىناق ەتۋ قۇرىلىسىن ورىستەتىپ، تۇڭعىش توپتا 8 ميلليارد 600 ميلليون يۋان قازىنالىق قولداۋ قارجىسى بوساتىلدى... ٴبىر قىدىرۋ ساياساتتار شوعىرلى ورنالاستىرىلىپ، اتقارىلىپ، قىزمەت وتەۋ كاسىبىنىڭ دامۋىنا ناقتى دا شىنايى قولداۋ كورسەتتى.
بەيجيڭنىڭ ويىن قويۋ، كوڭىل اشۋ ىستەرىن تەكسەرىپ بەكىتۋ ۇقىعى تومەنگە بەرىلدى، حالىقتىق تۇسەلحانا، اس ـ سۋ كاسىبىندەگى ”ٴبىر كاسىپ، ٴبىر كۋالىك“ رەفورماسى ىركەس ـ تىركەس حاندان سىناق تۇيىنىندە تياناقتاندىرىلدى، حىفي تەڭىز، قۇرلىق، اۋە جالپى كەڭىستىگىندە ادامسىز جۇيە قۇرىلىسىن ىلگەرىلەتتى... كوپتەگەن جەرلەر قىزمەت وتەۋ كاسىبىن تۇتقا ەتىپ، رەفورمانى يگەرىپ، ورتانى ساپالىلاندىرىپ، ەكونوميكانىڭ جاڭا قوزعالىس قۋاتىن سومدادى.
قىزمەت وتەۋ كاسىبىنىڭ قۋاتىن ارتتىرىپ ساپاسىن جوعارىلاتۋدا ٴارى ىشكى مۇمكىندىكتەردى اشۋ، ٴارى سىرتقى كۇشتەرگە سۇيەنۋ كەرەك.
گۋاڭدۇڭ جۋىردا 2 ـ توپتاعى شەكارادان كىرىپ ساياحاتتاۋ سارا جەلىسىن رەسمي ۇسىنىپ، گۋمانيتارلىق ىستەر، ەكولوگيا، تەڭىز جاعالاۋى، سىرىن اشۋ سياقتى كوپ نەگىزدى كاسىپ كۇيىن توعىستىردى؛ چۇڭچيڭ سياقتى جەرلەر جۇڭي شيپاگەرلىگى، دارىگەرلىگى بويىنشا قىزمەت وتەۋ تۇتىنۋى مەن ساۋدانى توعىستىرا دامىتۋ سىناق ٴتۇيىنى بولىپ تاڭدالدى...
بۇگىنگى تاڭدا، شەكارادان كىرگەن ساياحاتشىلار ”كورىنىسكە كوز جىبەرۋدەن“ ” ٴونىم ساتىپ الۋعا، قىزمەت وتەۋ ساتىپ الۋعا، سەزىنۋگە بۇرىلىس جاساۋعا“ دەيىن، بازاردىڭ وراسان زور ارتۋ مولشەرىن جانداندىردى. 2025 ـ جىلى جۇڭگوعا شەكارادان كىرگەن ساياحاتشى 150 ميلليون ادامنان (رەت) اسىپ، جۇمساعان اقشاسى 130 ميلليارد دوللاردان استى. ساياحاتتىق قىزمەت وتەۋ جۇڭگونىڭ قىزمەت وتەۋ ساۋداسىنىڭ ٴبىرىنشى ۇلكەن سالاسىنا اينالىپ، يمپورت ـ ەكسپورت كولەمىنىڭ قىزمەت وتەۋ ساۋداسىنىڭ جالپى سوماسىندا يەلەگەن ارا سالماعى تورتتەن بىرىنەن استى.
دۇنيە جۇزىنە نازار سالساق، جۇڭگونىڭ ٴدامدى تاعامدارىنىڭ حوش ٴيىسى شەتەلدەرگە تارالىپ، جۇڭگو ويىندارى شەتەلدىك جانكۇيەرلەردى باۋراپ، جۇڭگونىڭ ەلەكتروندى ساۋدا تىزبەگى بۇكىل دۇنيەگە ىقپال كورسەتتى... قازىرگى ۋاقىتتا ەلىمىزدىڭ قىزمەت وتەۋ ساۋداسىنىڭ كولەمى ۇزدىكسىز كەڭەيىپ، دۇنيە ٴجۇزى بويىنشا ەكىنشى ورىندى ورنىقتى يەلەدى.
جوعارى دەڭگەيدە سىرتقا ەسىك اشۋ ارقىلى ساپالى قىزمەت وتەۋ يمپورت ـ ەكسپورتىن كەڭەيتۋ − قىزمەت وتەۋ كاسىبىنىڭ قۋاتىن ارتتىرىپ ساپاسىنىڭ جوعارىلاۋىن ىلگەرىلەتۋدىڭ، جۇڭگونىڭ قىزمەت وتەۋ ماركاسىن جارقىراتۋدىڭ تاعى ٴبىر شەشۋشى كۇش سالۋ ٴتۇيىنى.
شەتەل قارجىسىنىڭ بازارعا كىرۋىنە رۇقسات ەتۋدەگى شەكتەۋ شارالارىن ۇزدىكسىز قىسقارتىپ، تەلەگراف، ينتەرنەت، وقۋ ـ اعارتۋ، مادەنيەت، ەمدەۋ سياقتى سالالارداعى ەسىك اشۋدىڭ تارتىپپەن كەڭەيتىلۋىن ىلگەرىلەتتى؛ جىل سايىن قىزمەت وتەۋ ساۋدا كورمەسى، سيفرلى ساۋدا كورمەسى سياقتى كەلەلى كورمەلەردى وتكىزىپ، قىزمەت وتەۋ ساۋداسىنىڭ جاڭالىق اشا دامۋىن ىلگەرىلەتتى؛ قىزمەت وتەۋ كاسىبىندەگى ەسىك اشۋدى كەڭەيتۋ بويىنشا جالپىلىق سىناق ٴتۇيىنى كولەمى 20عا جەتىپ، شىعىس، ورتا، باتىس، شىعىس سولتۇستىك وڭىرلەردى قامتىدى...
ەلىمىز قىزمەت وتەۋ كاسىبىن ٴتۇيىن ەتىپ، جوعارى دەڭگەيدە سىرتقا ەسىك اشۋدى كەڭەيتىپ، ساپالى قىزمەت وتەۋلەردى جۇڭگوعا تەرەڭ تامىر تارتۋعا باۋراپ، جۇڭگو قىزمەت وتەۋىنىڭ ”جەلكەن جايىپ تەڭىزگە شىعۋىنا“ دەم بەرىپ، قىزمەت وتەۋ كاسىبىنىڭ دامۋ ورايىنان دۇنيە جۇزىندەگى ٴار ەلمەن بىرگە يگىلىكتەنۋدە.
قولايلى ساتتەن پايدالانىپ العا ۇمتىلعان قىزمەت وتەۋ كاسىبى دامۋدىڭ كوكتەمىن قارسى الۋدا.
(شينحۋا اگەنتتىگىنىڭ 4 ـ ايدىڭ 6 ـ كۇنى بەيجيڭنەن بەرگەن حابارى)
