شي جينپيڭ ٴتورت قاتىناس داشۋەسىندەگى بارلىق وقىتۋشى ـ وقۋشىلارعا جاۋاپ حات جازىپ، بىلاي دەپ باسا دارىپتەدى
باتىس بولىككە كوشۋ رۋحىن جالعاستىرىپ، اسقاقتاتىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، وقۋ ـ اعارتۋدا قۋاتتى ەل، عىلىم ـ تەحنولوگيادا قۋاتتى ەل، دارىندىلاردا قۋاتتى ەل قۇرۋعا تىڭ ۇلەس قوسۋ كەرەك
جاۋاپ حات
شاڭحاي قاتىناس داشۋەسىندەگى، شي ـ ان قاتىناس داشۋەسىندەگى، شينان قاتىناس داشۋەسىندەگى، بەيجيڭ قاتىناس داشۋەسىندەگى بارلىق وقىتۋشى ـ وقۋشىلارعا:
حاتتارىڭىزدى تاپسىرىپ الىپ مازمۇنىنان حاباردار بولدىم. سىزدەردىڭ ٴتورت جوعارى مەكتەپتەرىڭىز تامىرلاس، بيىل مەكتەپ قۇرىلعاندىعىنىڭ 130 جىلدىعىن بىرگە قارسى الىپ وتىرسىزدار، وسى بايلانىسپەن بارلىق وقىتۋشى ـ وقۋشىلاردى، قىزمەتكەرلەردى، قالىڭ مەكتەپتەستەردى قۇتتىقتايمىن.
سىزدەردىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ناقتى ۇيرەنۋگە ۇمتىلۋ، ناقتى كاسىپكە تالپىنۋ“ سىندى مەكتەپ باسقارۋ باس ماقساتىنان جازباي، باتىس بولىككە كوشۋ رۋحىن جالعاستىرىپ، اسقاقتاتىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، عىلىم ـ تەحنولوگيادا دەربەس جاڭالىق اشۋ مەن دارىندىلاردى دەربەس باۋلۋدى كۇشەيتىپ، ٴوندىرىس، وقىتۋ، زەرتتەۋدىڭ ىشكەرىلەي توعىسۋىن جەبەۋ جاعىندا اناعۇرلىم كوپ سەرپىلىستى جۇزەگە اسىرىپ، وقۋ ـ اعارتۋدا قۋاتتى ەل، عىلىم ـ تەحنولوگيادا قۋاتتى ەل، دارىندىلاردا قۋاتتى ەل قۇرۋعا تىڭ ۇلەس قوسۋلارىڭىزدى ٴۇمىت ەتەمىن.
شي جينپيڭ
2026 ـ جىلى 4 ـ ايدىڭ 7 ـ كۇنى
(شينحۋا اگەنتتىگىنىڭ 4 ـ ايدىڭ 7 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 4 ـ ايدىڭ 7 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاڭحاي قاتىناس داشۋەسىندەگى، شي ـ ان قاتىناس داشۋەسىندەگى، شينان قاتىناس داشۋەسىندەگى، بەيجيڭ قاتىناس داشۋەسىندەگى بارلىق وقىتۋشى ـ وقۋشىلارعا جاۋاپ حات جازىپ، مەكتەپتىڭ دامۋى جونىندە ىقىلاستى ٴۇمىتىن العا قويدى.
شي جينپيڭ بىلاي دەپ اتاپ كورسەتتى: سىزدەردىڭ ٴتورت جوعارى مەكتەپتەرىڭىز تامىرلاس، بيىل مەكتەپ قۇرىلعاندىعىنىڭ 130 جىلدىعىن بىرگە قارسى الىپ وتىرسىزدار، وسى بايلانىسپەن بارلىق وقىتۋشى ـ وقۋشىلاردى، قىزمەتكەرلەردى، قالىڭ مەكتەپتەستەردى قۇتتىقتايمىن.
شي جينپيڭ بىلاي دەپ باسا دارىپتەدى: سىزدەردىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ناقتى ۇيرەنۋگە ۇمتىلۋ، ناقتى كاسىپكە تالپىنۋ“ سىندى مەكتەپ باسقارۋ باس ماقساتىنان جازباي، باتىس بولىككە كوشۋ رۋحىن جالعاستىرىپ، اسقاقتاتىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، عىلىم ـ تەحنولوگيادا ٴوز كۇشىنە سۇيەنىپ جاڭالىق اشۋدى جانە دارىندىلاردى ٴوز كۇشىنە سۇيەنىپ باۋلۋدى كۇشەيتىپ، ٴوندىرىس، وقىتۋ، زەرتتەۋدىڭ ىشكەرىلەي توعىسۋىن جەبەۋ جاعىندا اناعۇرلىم كوپ سەرپىلىستى جۇزەگە اسىرىپ، وقۋ ـ اعارتۋدا قۋاتتى ەل، عىلىم ـ تەحنولوگيادا قۋاتتى ەل، دارىندىلاردا قۋاتتى ەل قۇرۋعا تىڭ ۇلەس قوسۋلارىڭىزدى ٴۇمىت ەتەمىن.
شاڭحاي قاتىناس داشۋەسىنىڭ، شي ـ ان قاتىناس داشۋەسىنىڭ، شينان قاتىناس داشۋەسىنىڭ، بەيجيڭ قاتىناس داشۋەسىنىڭ توركىنى جەكە ـ جەكە 1896 ـ جىلى قۇرىلعان نانياڭ گۇڭشۋە مەكتەبى، بەيياڭ تەمىر جول گۋانشۋەتاڭ مەكتەبى جانە 1909 ـ جىلى قۇرىلعان تەمىر جول باسقارۋ بويىنشا جالعاستىرۋ ـ وقىتۋ ورنى، 1921 ـ جىلى بىرىكتىرىلىپ قاتىناس داشۋەسى بولىپ قۇرىلعان. جۋىقتا ٴتورت قاتىناس داشۋەسىندەگى بارلىق وقىتۋشى ـ وقۋشىلار باس شۋجي شي جينپيڭگە حات جازىپ، مەكتەپتىڭ 130 جىلداعى دامۋ بارىسى مەن مەكتەپ باسقارۋ ناتيجەلەرى جونىندە مالىمەت بەرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىنە كۇش قوسۋ بەكىمدەرىن ٴبىلدىردى.
