لي چياڭ تەلەگرامما جولداپ، لي ميڭشيڭنىڭ ۆيەتنام ۇكىمەتىنىڭ زۇڭليى بولىپ سايلانعاندىعىن قۇتتىقتادى
شينحۋا اگەنتتىگىنىڭ 4 ـ ايدىڭ 7 ـ كۇنى بەيجيڭنەن بەرگەن حابارى. 4 ـ ايدىڭ 7 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ سۋ لينگە تەلەگرامما جولداپ، ونىڭ ۆيەتنامنىڭ مەملەكەت ٴتوراعاسى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو − ۆيەتنام ەكى ەل − ستراتەگيالىق مانگە يە تاعدىرلاس ورتاق تۇلعا. سوڭعى جىلدارى ەكى پارتيا، ەكى ەل باسشىلارىنىڭ بىرگە جەتەكشىلىك ەتۋى مەن ىلگەرىلەتۋىندە جۇڭگو − ۆيەتنام قارىم ـ قاتىناسى قارىشتاپ دامىپ، جاپپاي ستراتەگيالىق سەلبەستىكتە سۇبەلى جەتىستىكتەرگە قول جەتكىزىپ، ەكى ەل حالقىنا ناقتى قۇت ـ ىرىس اكەلدى. بيىل جىل باسىنان بەرى، ەكى جاق جوعارى جىكتەگىلەردىڭ ستراتەگيالىق تىلدەسۋىن ساقتاپ، جان ـ جاقتى ٴوزارا پايدا جەتكىزۋ سەلبەستىگىن ۇزدىكسىز ىلگەرىلەتىپ، ”جولداستىق ٴارى باۋىرلاستىق“ تەرەڭ دوستىق سۇيىسپەنشىلىكتى تولىق ايگىلەدى.
شي جينپيڭ بىلاي دەپ باسا دارىپتەدى: جەدەل قۇبىلعان دۇنيە ٴجۇزىنىڭ 100 جىلدىق وزگەرىسى الدىندا جۇڭگو − ۆيەتنام ەكى جاقتىڭ ىنتىماقتى، سەلبەستىكتى كۇشەيتۋى ەكى پارتيانىڭ، ەكى ەلدىڭ ورتاق مۇددەسىنە ۇيلەسەدى. مەن جۇڭگو − ۆيەتنام ەكى پارتيا، ەكى ەل قارىم ـ قاتىناسىنىڭ دامۋىنا ايرىقشا ٴمان بەرەمىن، باس شۋجي، مەملەكەت ٴتوراعاسى سۋلينمەن بىرگە قۇلشىنىپ، دامۋدى، گۇلدەنۋدى بىرگە جوسپارلاپ، جۇڭگو − ۆيەتنام تاعدىرلاس ورتاق تۇلعاسى قۇرىلىسىنىڭ ۇزدىكسىز العا باسۋىنا جەتەكشىلىك ەتىپ، ٴوزدى ـ ٴوزىمىزدىڭ سوتسياليزم ىستەرىمىزدى ۇزدىكسىز زورايتىپ، ەكى ەل حالقىن اناعۇرلىم ويداعىداي باقىتقا كەنەلتىپ، وڭىرگە، ٴتىپتى، دۇنيە جۇزىنە ورنىقتىلىق پەن وڭ ەنەرگيا ۇستەۋدى قالايمىن.
سول كۇنى مەملەكەتتىك كەڭەستىڭ زۇڭليى لي چياڭ تەلەگرامما جولداپ، لي ميڭشيڭنىڭ ۆيەتنام ۇكىمەتىنىڭ زۇڭليى بولىپ سايلانعاندىعىن قۇتتىقتادى، لي ميڭشيڭ زۇڭليمەن بىرگە قۇلشىنىپ، ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ٴتۇبىرلى بويسۇنۋ ولشەمى ەتىپ، ٴوزارا پايدا جەتكىزىپ تەڭ يگىلىككە كەنەلەتىن سەلبەستىك جاعدايىن جەدەل قالىپتاستىرىپ، ستراتەگيالىق مانگە يە جۇڭگو − ۆيەتنام تاعدىرلاس ورتاق تۇلعاسى قۇرىلىسىن ىلگەرىلەتۋگە بەلسەندى ۇلەس قوسۋدى قالايتىندىعىن ٴبىلدىردى.
