چىن شياۋجياڭ، ەركىن تۇنياز اۆتونوميالى رايوندىق جاراتىلىستىق بايلىق مەڭگەرمەسى مەن گەولوگيا مەكەمەسىندە تەكسەرۋ ـ زەرتتەۋ جۇرگىزدى، اڭگىمە وتكىزدى
جاراتىلىستىق بايلىقتى قورعاۋدى جانە ونى ۇيلەسىمدى اشىپ پايدالانۋدى تىڭعىلىقتى ىلگەرىلەتىپ، سوتسياليستىك وسىزاماندانعان شينجياڭ قۇرۋعا پارمەندى تىرەك ازىرلەۋ كەرەك
4 ـ ايدىڭ 7 ـ كۇنى اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق جاراتىلىستىق بايلىق مەڭگەرمەسىنە، اۆتونوميالى رايوندىق گەولوگيا مەكەمەسىنە بارىپ تەكسەرۋ ـ زەرتتەۋ جۇرگىزدى ٴارى اڭگىمە وتكىزدى. سۋرەتتە: چىن شياۋجياڭ، ەركىن تۇنياز اۆتونوميالى رايوندىق جاراتىلىستىق بايلىق مەڭگەرمەسىندە گەولوگيالىق بارلاۋ سياقتى ٴتۇيىندى قىزمەتتەردىڭ اياق الىسىن ۇعىسۋدا.
□سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 4 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز 4 ـ ايدىڭ 7 ـ كۇنى اۆتونوميالى رايوندىق جاراتىلىستىق بايلىق مەڭگەرمەسىنە، اۆتونوميالى رايوندىق گەولوگيا مەكەمەسىنە بارىپ تەكسەرۋ ـ زەرتتەۋ جۇرگىزدى ٴارى اڭگىمە وتكىزدى. چىن شياۋجياڭ بىلاي دەپ باسا دارىپتەدى: شي جينپيڭ ەكولوگيالىق وركەنيەت يدەياسى مەن باس شۋجي شي جينپيڭنىڭ جاراتىلىستىق بايلىق قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ستراتەگيالىق ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، پارتيا ورتالىق كوميتەتىنىڭ شينجياڭعا بەلگىلەگەن ”بەس ۇلكەن ستراتەگيالىق ورنىن“ كوزدەپ، جاراتىلىستىق بايلىقتى قورعاۋدى جانە ونى ۇيلەسىمدى اشۋدى ـ پايدالانۋدى تىڭعىلىقتى ىلگەرىلەتىپ، ”15 ـ بەسجىلدىقتاعى“ ٴتۇرلى قىزمەتتەردە جاقسى باستاما اشۋدى، جاقسى قادام تاستاۋدى ىلگەرىلەتىپ، سوتسياليستىك وسىزاماندانعان شينجياڭ قۇرۋعا پارمەندى تىرەك ازىرلەۋ كەرەك.
چىن شياۋجياڭ، ەركىن تۇنياز شينجياڭ گەولوگيا، كەن ونىمدەرى مۇراجايىنا كەلىپ، شينجياڭ كەن بايلىقتارىنىڭ قورى، ورنالاسۋى جانە اشۋ، پايدالانۋ سياقتى جاعدايلاردى ىشكەرىلەي ۇعىستى؛ اۆتونوميالى رايوندىق جاراتىلىستىق بايلىق مەڭگەرمەسىندە جاعداي جونىندەگى تانىستىرۋدى تىڭداپ، قاتىستى باسقارمالارعا، كەڭسەلەرگە بارىپ گەولوگيالىق بارلاۋ سياقتى ٴتۇيىندى قىزمەتتەردىڭ اياق الىسىن ۇعىستى.
وسىدان كەيىن، چىن شياۋجياڭ، ەركىن تۇنياز قاتىستى جولداستارمەن اڭگىمە وتكىزىپ، پىكىر اۋىستىرىپ، اۆتونوميالى رايوندىق جاراتىلىستىق بايلىق مەڭگەرمەسى مەن گەولوگيا مەكەمەسىنىڭ ٴتۇرلى قىزمەتتەردى ىلگەرىلەتۋ، سونداي ـ اق ورتالىقتىڭ شارلاۋىندا اڭىس ەتىلگەن پىكىرلەر بويىنشا رەتتەۋ ـ تۇزەتۋ سياقتى جاعدايلار جونىندەگى مالىمەتىن تىڭدادى. چىن شياۋجياڭ بىلاي دەپ باسا دارىپتەدى: مەملەكەت جەرى كەڭىستىك جوباسى جۇيەسىن اقاۋسىزداندىرىپ، جوبانى زاڭدا بەلگىلەۋ پرينسيبىنە تاباندى بولىپ، مەملەكەت جەرى كەڭىستىك جوباسىنىڭ قاتاڭدىعىن، بەدەلىن جانە ورنىقتىلىعىن قورعاپ، ٴارقايسى ارناۋلى جوبالار مەن تومەن دارەجەلى جوبالارعا جەتەكشىلىك ەتۋدى، تەجەۋدى كۇشەيتىپ، نەگىزگى تۇلعالىق فۋنكتسيالىق رايون ستراتەگياسىن ىشكەرىلەي اتقارىپ، جوبانىڭ اتقارىلۋىن باقىلاۋ ـ تەكسەرۋدى، باعالاۋدى كۇشەيتىپ، جاراتىلىستىق بايلىقتى باسقارۋ مەن مەملەكەت جەرى كەڭىستىك جوباسى ”ٴبىر كارتا“ قۇرىلىسىن جەدەلدەتىپ، ٴوندىرىس كەڭىستىگى شوعىرلى، جوعارى ٴونىمدى، تۇرمىس كەڭىستىگى قونىسقا جايلى، ۇيلەسىمدى، ەكولوگيالىق كەڭىستىگىنىڭ تاۋى جاسىل، سۋى تۇنىق مەملەكەت جەرى كەڭىستىك جاعدايىن قالىپتاستىرۋ كەرەك. ەگىستىك جەردى قورعاۋ مەن جەردەن پايدالانۋدى قامتاماسىز ەتۋدى كۇشەيتىپ، بۇلجىماس تەجەمگە، سان مەن ساپاعا تەڭ ٴمان بەرۋگە تاباندى بولىپ، ەگىستىك جەر مەن ماڭگىلىك نەگىزگى ەگىنجايلاردى قورعاۋ قىزىل سىزىعىن قاتاڭ ساقتاپ، ەگىستىك جەردى قورعاۋدىڭ بەرىك قورعانىس شەبىن بەكەمدەپ، جەردەن پايدالانۋ قۇرىلىمى مەن كەڭىستىك ورنالاسۋىن ساپالىلاندىرىپ، جەردەن پايدالانۋ ونىمدىلىگىن جوعارىلاتىپ، كەلەلى ستراتەگيانىڭ اتقارىلۋى مەن كەلەلى نىسانداردىڭ تياناقتانۋىنا اناعۇرلىم ويداعىداي قىزمەت وتەپ، مەملەكەت مەنشىگىندەگى اۋىل شارۋاشىلىعىنا پايدالانىلاتىن جەردى باسقارۋداعى كورنەكتى ماسەلەلەردى ارناۋلى وڭاۋدى تەرەڭدەتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي تىرەك بولۋ جانە ونى قامتاماسىز ەتۋ كەرەك. كەن بايلىعىن بارلاۋدى، اشۋدى تارتىپپەن ىلگەرىلەتىپ، جاڭا كەزەكتى كەن ىزدەۋدە قامال الۋ ستراتەگيالىق ارەكەتىن ىشكەرىلەي اتقارىپ، شەشۋشى كەن بايلىعىمەن قامداۋدى قامتاماسىز ەتۋ قابىلەتىن جوعارىلاتىپ، كەن بايلىعىن بازارلاندىرۋ، زاڭمەن باسقارۋ بويىنشا ورنالاستىرۋدى ىلگەرىلەتىپ، كەن ۇقىعىن باسقارۋدى زاڭ ـ ەرەجە بويىنشا كۇشەيتىپ، جاسىل كەن كاسىبى جانە وڭدەۋ كاسىپ سالاسى شوعىرى قۇرىلىسىن ىلگەرىلەتىپ، شينجياڭنىڭ كەن بايلىعى ابزالدىلىعىن كاسىپ سالاسى ابزالدىلىعىنا، دامۋ ابزالدىلىعىنا اينالدىرۋدى جەدەلدەتىپ، بۇقاراعا اناعۇرلىم ويداعىداي تيىمدىلىك جاساپ، حالىق تۇرمىسىنا باقىت جاراتۋ كەرەك. ەكولوگيانى قورعاۋدى، قالپىنا كەلتىرۋدى جانە جاراتىلىستىق اپاتتاردان جان ـ جاقتى ساقتانۋدى ـ تىزگىندەۋدى كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، تاۋ، سۋ، ورمان، اتىز، كول، جايلىم، قۇمدى ٴبىر تۇلعالاندىرىپ قورعاۋ جانە قالپىنا كەلتىرۋ ينجەنەرياسىن ىشكەرىلەي اتقارىپ، كەندەردى باسقارۋدى، قالپىنا كەلتىرۋدى تىڭعىلىقتى ىلگەرىلەتىپ، ەكولوگيالىق حاۋىپسىزدىك قالتقىسىن شىن مانىندە بەكەمدەپ، گەولوگيالىق اپاتتى تەكسەرۋ مەن كومەسكى قاتەر بويىنشا باسقارۋدى عىلمي اتقارىپ، شۇعىل جاعدايعا توتەپ بەرۋ بويىنشا ساقتانۋ جانە باسقارۋ قابىلەتىن كۇش سالا جوعارىلاتىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن قامتاماسىز ەتۋ كەرەك. ورتالىقتىڭ شارلاۋىندا اڭىس ەتىلگەن پىكىرلەر بويىنشا رەتتەۋ ـ تۇزەتۋ ساياسي جاۋاپكەرشىلىگىن باتىل ارقالاپ، رەتتەۋ ـ تۇزەتۋ قىزمەتىن دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋمەن ۇشتاستىرىپ، كەن سالاسىنداعى پاكتىك حاۋىپ ـ قاتەرى كورنەكتى ماسەلەلەرىن ارناۋلى وڭاۋدى تەرەڭدەتىپ، ۇقىقتى بەتالدى پايدالانۋ، جاۋاپكەرشىلىك جەتكىلىكسىز بولۋ، ستيل شىنايى بولماۋ، ٴتۇزىم جەتكىلىكسىز بولۋ، شىرىكتەسۋ ٴوسىپ ـ ٴوربۋ سياقتى ماسەلەلەردى ٴجىتى قاداعالاپ، شەگە قاعۋ رۋحىمەن رەتتەۋ ـ تۇزەتۋدى ناقتاپ تياناقتاندىرىپ، حالىق ٴۇشىن ناتيجە شىعارۋعا، ناقتى ٴىس ىستەۋ ارقىلى ناتيجە شىعارۋعا قۇلشىنىپ، بۇكىل رايونىمىزدىڭ جاراتىلىستىق بايلىق ىستەرىنىڭ جوعارى ساپالى دامۋىنا پارمەندى كەپىلدىك ازىرلەۋ كەرەك.
ٴيۇسۇپجان مامەت، قادەن كابەن قيمىلعا قاتىناستى.
