شي جينپيڭ بۇكىل ارمياداعى جوعارى دارەجەلى كادرلار كۋرسىنىڭ ساباق باستاۋ سالتىندا ماڭىزدى ٴسوز سويلەپ، بىلاي دەپ باسا دارىپتەدى
يدەيالىق جاقتا ستيل دۇرىستاۋ ورىستەتىپ، ساياسي جاقتان رەتتەۋ ـ تاربيەلەۋدى تەرەڭدەتىپ، ارميا قۇرىلعاندىعىنىڭ 100 جىلدىعىن شىت جاڭا ساياسي بەينەمەن قارسى الۋ كەرەك
4 ـ ايدىڭ 8 ـ كۇنى تۇستەن بۇرىن بۇكىل ارمياداعى جوعارى دارەجەلى كادرلار كۋرسى مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ساباق باستاۋ سالتىنا قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
شينحۋا اگەنتتىگىنىڭ 4 ـ ايدىڭ 8 ـ كۇنى بەيجيڭنەن بەرگەن حابارى (ٴتىلشى مەي چاڭۋي). بۇكىل ارمياداعى جوعارى دارەجەلى كادرلار كۋرسى 4 ـ ايدىڭ 8 ـ كۇنى تۇستەن بۇرىن مەملەكەت قورعانىسى داشۋەسىندە ساباق باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ساباق باستاۋ سالتىنا قاتىناستى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، يدەيالىق جاقتا ستيل دۇرىستاۋ ورىستەتىپ، ساياسي جاقتان رەتتەۋ ـ تاربيەلەۋدى تەرەڭدەتىپ، ارميامىزدىڭ كادرلار قوسىنىنىڭ توڭكەرىستىك شىڭدالۋىن كۇشەيتىپ، حالىق ارمياسىنىڭ كىرشىكسىزدىگىن، داڭقىن باستان ـ اياق ساقتاپ، ارميا قۇرىلعاندىعىنىڭ 100 جىلدىعىن شىت جاڭا ساياسي بەينەمەن قارسى الۋ كەرەك.
شي جينپيڭ بىلاي دەپ اتاپ كورسەتتى: پارتيامىز، ارميامىز مۇرات ـ سەنىم ارقىلى ۇيىسقان، وسى پارتياعا كىرگەندە، وسى ارمياعا قاتىناسقاندا ماركسيزمگە شىن سەنۋ كەرەك، پارتيا جونىندەگى سەنىمگە، پارتيا ۇيىمىنا، پارتيا ىستەرىنە ادال بولۋ كەرەك. پارتيانىڭ جاسامپازدىق نازارياسىن مۇقيات ۇيرەنىپ، وعان سىڭىرىلگەن ماركسيزمدىك تۇرعىنى، كوزقاراستى، ٴادىستى يگەرىپ، نازاريالىق جاقتاعى سەرگەكتىك ارقىلى ساياسي جاقتاعى تاباندىلىققا كەپىلدىك ەتۋ كەرەك. ارمياداعى باسشى كادرلار، اسىرەسە، جوعارى دارەجەلى كادرلار پارتيا ىشىندەگى ساياسي تۇرمىستى باستاماشىلدىقپەن قاتايتىپ، شىن سويلەۋدىڭ جاقسى ۇلگىسى بولىپ، دارىندىلاردى سيدىراتىن كەڭ پەيىلدىلىكتى جەتىلدىرىپ، ناقتى جاعدايدى ايتاتىن، اقىل ـ كەڭەس بەرەتىن، كۇرەس جۇرگىزۋگە باتىلدىق ەتەتىن قويۋ راي قالىپتاستىرۋ كەرەك.
شي جينپيڭ بىلاي دەپ باسا دارىپتەدى: پارتيامىز _ باستان ـ اياق قالىڭ حالىقتىڭ ٴتۇبىرلى مۇددەسىنە ۋاكىلدىك ەتەتىن ماركسيزمدىك ساياسي پارتيا، ٴوزىنىڭ ەشقانداي ەرەكشە مۇددەسى جوق، جەكە مۇددەنى كوزدەيتىن، شىرىكتەسەتىن بارلىق يدەيا مەن ارەكەت تۇگەلدەي پارتيانىڭ سيپاتىنا، باس ماقساتىنا ساي كەلمەيدى. ارمياداعى ٴار دارەجەلى كادرلار سانالى تۇردە ورنىن دۇرىستاپ، بۇقارالىق تۇرعىدا بەرىك تۇرىپ، بۇقارادان قول ۇزەتىن وزىمشىلدىك وي اتاۋلىنى جەڭۋى كەرەك. جوعارى دارەجەلى كادرلار پارتيامىزدىڭ، ارميامىزدىڭ تاڭداۋلى ٴداستۇرىن باستاماشىلدىقپەن قالپىنا كەلتىرىپ جانە اسقاقتاتىپ، تورەسىنۋدى تاستاپ، توڭكەرىستىك اسكەريلەردىڭ قاسيەتىنە قايتا ورالىپ، جاڭا ستيل، دۇرىس سالتتى اسكەري بولىمدەردە اناعۇرلىم ساۋلەلەندىرۋى كەرەك. زاڭ ـ ٴتارتىپتى ٴبىلىپ، قاعيدانى ايقىنداپ، يمەنۋدى ٴبىلىپ، زاڭ ـ ەرەجە، ٴتۇزىم الدىندا بارلىق ادامنىڭ تەرەزەسى تەڭ بولۋدى، زاڭ ـ ەرەجەگە، تۇزىمگە بويسۇنۋدا ەرەكشەلەنبەۋدى، زاڭ ـ ەرەجە، ٴتۇزىمدى اتقارۋدا قاعىس قالدىرماۋدى ورىنداۋى كەرەك.
شي جينپيڭ بىلاي دەپ اتاپ كورسەتتى: پارتيامىز، ارميامىز ٴتۇرلى قاتە يدەيالارعا، ستيلدەرگە قارسى كۇرەس جۇرگىزۋ بارىسىندا ۇزدىكسىز دامىپ، زورايدى. جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە حالىق ارمياسىنىڭ، ٴسوز جوق، جاڭا تاريحي شارت ـ جاعدايدا بۇرىن بولىپ كورمەگەن ىنتىماق، بىرلىك ارقىلى توڭكەرىستىك اعا بۋىنداردىڭ قالاۋىنان شىعاتىن، 100 جىلدىق ۇلى ىستەردىڭ قالاۋىنان شىعاتىن، ۇلى ٴداۋىردىڭ قالاۋىنان شىعاتىن ارميانى قۇدىرەتتەندىرۋ، گۇلدەندىرۋ تىڭ تاراۋىن جازاتىندىعىنا سەنەمىن.
ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ شىڭمين ساباق باستاۋ سالتىن باسقاردى. بۇكىل ارمياداعى جوعارى دارەجەلى كادرلار كۋرسىنىڭ 1 ـ كەزەكتى كۋرسانتتارى، اسكەري ىستەر كوميتەتى ورگانىنىڭ ٴارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار قاتارلىلار قاتىناستى. ساباق باستاۋ سالتى تەلەۆيزور ـ تەلەفون ٴماجىلىسى فورماسىندا ۇيىمداستىرىلىپ، بۇكىل ارمياداعى جۇن دارەجەلىدەن جوعارى قاتىستى ورىنداردا بولىمشە ٴماجىلىس الاڭى ورنالاستىرىلدى.
