شي جينپيڭ قىزمەت وتەۋ كاسىبىنىڭ دامۋى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
سۇرانىستى جەتەكشى ەتۋدى، رەفورما جاساپ قامال الۋدى، عىلىم ـ تەحنولوگيانىڭ قۋات ۇستەۋىن، ەسىك اشىپ سەلبەستىك جاساۋدى كورنەكتىلەندىرىپ، قىزمەت وتەۋ كاسىبى جوعارى ساپالى دامۋىنىڭ جاڭا جاعدايىن اشۋعا قۇلشىنۋ كەرەك
لي چياڭ مەملەكەتتىك قىزمەت وتەۋ كاسىبى ماجىلىسىنە قاتىناستى ٴارى ٴسوز سويلەدى، ديڭ شۋەشياڭ قورىتىندى ٴسوز سويلەدى
شينحۋا اگەنتتىگىنىڭ 4 ـ ايدىڭ 8 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا قىزمەت وتەۋ كاسىبىنىڭ دامۋى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 ـ قۇرىلتايىنان بەرى، ەلىمىزدىڭ قىزمەت وتەۋ كاسىبىنىڭ كولەمى ورنىقتى كەڭەيىپ، ساپاسى مەن ونىمدىلىگى ۇزدىكسىز جوعارىلاپ، كاسىپ سالاسى دارەجەسىنىڭ جوعارىلاۋىنا تىرەك بولۋ، حالىق تۇرمىسى قاجەتىن قاناعاتتاندىرۋ، جۇمىستاندىرۋدى كەڭەيتۋ سياقتى جاقتاردا ماڭىزدى رول اتقاردى.
شي جينپيڭ بىلاي دەپ باسا دارىپتەدى: جاڭا جورىقتا جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، سۇرانىستىڭ جەتەكشىلىك ەتۋىن، رەفورما جاساپ قامال الۋدى، عىلىم ـ تەحنولوگيانىڭ قۋات ۇستەۋىن، ەسىك اشىپ سەلبەستىك جاساۋدى كورنەكتىلەندىرىپ، قىزمەت وتەۋ كاسىبىنىڭ قۋاتىن ارتتىرۋ، ساپاسىن جوعارىلاتۋ ارەكەتىن ىشكەرىلەي اتقارىپ، وندىرىستىك قىزمەت وتەۋ كاسىبىنىڭ ارنايىلانۋعا جانە قۇن تىزبەگىنىڭ جوعارى دەڭگەيگە قاراي كەڭەيۋىن ىلگەرىلەتىپ، تۇرمىستىق قىزمەت وتەۋ كاسىبىنىڭ جوعارى ساپالى، الۋان تۇرلىلەنىپ، قولايلىلانىپ دامۋىن جەبەپ، اناعۇرلىم كوپ ”جۇڭگو قىزمەت وتەۋى“ ماركاسىن جەتىلدىرىپ، قىزمەت وتەۋ كاسىبى جوعارى ساپالى دامۋىنىڭ جاڭا جاعدايىن اشۋعا قۇلشىنۋ كەرەك.
مەملەكەتتىك قىزمەت وتەۋ كاسىبى ءماجىلىسى 4 ـ ايدىڭ 7 ـ كۇنىنەن 8 ـ كۇنىنە دەيىن بەيجيڭدە اشىلدى. ٴماجىلىس شي جينپيڭنىڭ ماڭىزدى نۇسقاۋىن جەتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ٴارى ٴسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ قورىتىندى ٴسوز سويلەدى.
لي چياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىندا قىزمەت وتەۋ كاسىبىن دامىتۋدىڭ كەلەلى ٴمانى، ماڭىزدى پرينسيبى، ٴتۇيىندى مىندەتى تەرەڭ بايىمدالدى، يدەيالىق سيپاتى، جەتەكشىلىك سيپاتى، باعىتتامالىلىق سيپاتى توتەنشە كۇشتى، قاتىستى قىزمەتتەردى ويداعىداي ىستەۋگە اناعۇرلىم ايقىن بەتالىس كورسەتتى. ٴبىز مۇقيات ۇيرەنىپ، ٴتۇسىنىپ، باتىل دايەكتىلەندىرىپ، تياناقتاندىرىپ، سانالى تۇردە ستراتەگيالىق جانە جالپى جاعداي تۇرعىسىنان قىزمەت وتەۋ كاسىبى جونىندەگى تانىمدى تەرەڭدەتىپ، يقۋاتتى ارتتىرۋ مەن ساپانى جوعارىلاتۋدى قاتار جۇرگىزۋگە، دامۋ مەن باقىلاۋ ـ باسقارۋدى ٴبىر تۇتاس جوسپارلاۋعا تاباندى بولىپ، قىزمەت وتەۋ كاسىبىنىڭ ساپالى، جوعارى ٴونىمدى دامۋىن اناعۇرلىم ويداعىداي جەبەپ، ومىرشەڭ كۇشكە تولى ٴارى اقاۋسىز، ٴتارتىپتى بولۋىنا شىنايى كەپىلدىك ەتۋىمىز كەرەك.
لي چياڭ بىلاي دەپ اتاپ كورسەتتى: جان سانى قۇرىلىمى وزگەرىسىنە، تۇتىنۋ قۇرىلىمى دارەجەسىنىڭ جوعارىلاۋىنا جانە كاسىپ سالاسى قۇرىلىمىنىڭ تيپ جاڭالاۋ بەتالىسىنا سايكەسىپ، نازاردى ٴوندىرىس، تۇرمىستاعى ٴتۇيىندى سالالارعا شوعىرلاندىرىپ، قىزمەت وتەۋ كاسىبىنىڭ دامۋىن ساتىعا، تۇرگە ٴبولىپ ىلگەرىلەتىپ، قىزمەت وتەۋ كاسىبىنىڭ جاڭا ارتۋ تۇيىندەرىن ۇزدىكسىز جەتىلدىرىپ، قىزمەت وتەۋ كاسىبىنىڭ سيفرلانۋ ـ زەردەلىلەنۋ، ولشەمدەنۋ، توعىسۋ، حالىقارالانۋ جاعىنداعى دامۋ دەڭگەيىن جوعارىلاتۋ كەرەك. تۇرعىنداردىڭ كۇندەلىكتى تۇرمىس قاجەتىن ارقاۋ ەتىپ، نەگىزگى سۇرانىس تۇرىندەگى قىزمەت وتەۋدىڭ اناعۇرلىم جالپىعا ٴتيىمدى، ساپالى بولۋىن جەبەۋ كەرەك. تۇرعىنداردىڭ جوعارى ساپالى تۇرمىس تالپىنىسىن ارقاۋ ەتىپ، دارەجەسى جوعارىلاتىلعان تۇردەگى قىزمەت وتەۋمەن قامداۋدى كەڭەيتۋ كەرەك. تۇرعىنداردىڭ الۋان ٴتۇرلى تۇتىنۋ قاجەتىن ارقاۋ ەتىپ، دارالىق قىزمەت وتەۋدى ناقتى، ەگجەي ـ تەگجەيلى ىستەۋ كەرەك. زەرتتەۋ ـ اشۋدىڭ، جوبالاۋدىڭ ارنايىلانۋىن، جوعارى دەڭگەيلەنۋىن ارقاۋ ەتىپ، عىلىم ـ تەحنولوگيالىق قىزمەت وتەۋدى جەدەل زورايتۋ كەرەك. ٴوندىرىس بۋىندارىنىڭ قۇنىن جوعارىلاتۋدى ارقاۋ ەتىپ، وزىق جاساۋ قىزمەت وتەۋىن كۇش سالا دامىتۋ كەرەك. بازار قۇنىن جۇزەگە اسىرۋدى ارقاۋ ەتىپ، سايكەستى كاسىپتىك قىزمەت وتەۋ دەڭگەيىن كۇش سالا جوعارىلاتۋ كەرەك.
لي چياڭ بىلاي دەپ باسا دارىپتەدى: رەفورما جاساۋ، جاڭالىق اشۋ وي جەلىسىمەن، ادىسىمەن قىزمەتتەردى ىلگەرىلەتىپ، كاسىپ سالاسىنىڭ بىرتىندەپ دامۋ بەتالىسىن ىشكەرىلەي يگەرىپ، ٴارى ”ەرىك بەرۋدىڭ جاندى“ بولۋىنا، ٴارى ”باسقارۋدىڭ جاقسى“ بولۋىنا تاباندى بولىپ، ەسىك اشۋدى بەلسەنە كەڭەيتىپ، ساياساتتىق قولداۋدىڭ باعىتتامالىلىعىن، ونىمدىلىگىن اناعۇرلىم كۇشەيتىپ، قىزمەت وتەۋ كاسىبىنىڭ دامۋىنا تاماشا ورتا ازىرلەۋ كەرەك. تاراۋلار، جەر ـ جەر دۇرىس ناتيجە كوزقاراسىن ورناتىپ جانە امالياتتا ايگىلەپ، سايكەسۋدى، سەلبەسۋدى كۇشەيتىپ، قۇلشىنا ىزدەنىس جاساپ جاڭالىق اشىپ، قىزمەت وتەۋ كاسىبىنىڭ ساپالى، جوعارى ٴونىمدى دامۋ جاڭا تاراۋىن بىرگە جازۋى كەرەك.
ديڭ شۋەشياڭ قورىتىندى سوزىندە مىنالاردى ٴبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم بىرلىككە كەلتىرىپ، قۋاتتى ارتتىرىپ ساپانى جوعارىلاتۋمەن تىعىز ۇشتاستىرا وتىرىپ قىزمەت وتەۋ كاسىبىن دامىتۋداعى ٴتۇيىندى مىندەتتەردى تىڭعىلىقتى ىلگەرىلەتۋ كەرەك. جاڭالىق اشۋ ارقىلى دەم بەرۋگە ٴمان بەرىپ، عىلىم ـ تەحنولوگيالىق قىزمەت وتەۋدى كۇش سالا دامىتىپ، سيفرلىلانعان ـ زەردەلىلەنگەن قىزمەت وتەۋدى كۇشەيتىپ، جاساۋ كاسىبى مەن قىزمەت وتەۋ كاسىبىنىڭ توعىسا دامۋىن ىلگەرىلەتۋ كەرەك. وزىندىك قۇندى تومەندەتىپ، ونىمدىلىكتى ارتتىرۋعا ٴمان بەرىپ، وسى زامانعى زات اينالىمىن، فينانستىق قىزمەت وتەۋدى، ساۋدالىق قىزمەت وتەۋدى كۇشەيتىپ، ساپالىلاندىرىپ، ەكونوميكالىق اينالىمنىڭ ٴارقايسى بۋىندارىنىڭ ىركىلىسسىز بولۋىن، ٴتۇيىلىسۋىن جەبەۋ كەرەك. حالىق تۇرمىسى قاجەتىنە ٴمان بەرىپ، كۇندەلىكتى تۇرمىستىق قىزمەت وتەۋدىڭ اناعۇرلىم قولايلى بولۋىن، الەۋمەتتىك قىزمەت وتەۋدىڭ جوعارى ٴونىمدى سايكەسۋىن، مادەنيەت، ساياحات، دەنە تاربيە سياقتى جاقتاردا قىزمەت وتەۋدىڭ جاڭالىق اشا دامۋىن جەبەپ، دارا، الۋان ٴتۇرلى، جوعارى ساپالى سۇرانىستى اناعۇرلىم ويداعىداي قاناعاتتاندىرۋ كەرەك. ومىرشەڭ كۇشتى ارتتىرۋعا ٴمان بەرىپ، مەملەكەتتىك ٴبىر تۇتاس ۇلكەن بازار قۇرىلىسىن ىشكەرىلەي ىلگەرىلەتىپ، قىزمەت وتەۋ كاسىبىن ولشەمدەندىرۋ قۇرىلىسىن كۇشەيتىپ، قىزمەت وتەۋ كاسىبىندە تۇزىمدىك ەسىك اشۋدى كەڭەيتۋ كەرەك. جەر ـ جەر، تاراۋلار، ورىندار دۇرىس ناتيجە كوزقاراسىن ورناتىپ جانە امالياتتا ايگىلەپ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋى كەرەك.
مەملەكەتتىك دامۋ جانە رەفورما كوميتەتىندەگى، مەملەكەتتىك دەنساۋلىق ساقتاۋ، سالاماتتىق كوميتەتىندەگى، بازار باقىلاۋ ـ باسقارۋ باس مەكەمەسىندەگى، شاڭحاي قالاسىنداعى، حۋنان ولكەسىندەگى قاتىستى جاۋاپتى جولداستار پىكىر اۋىستىرىپ ٴسوز سويلەدى.
ۋ جىڭلۇڭ ماجىلىسكە قاتىناستى.
ٴماجىلىس تەلەۆيزور ـ تەلەفون ٴماجىلىسى فورماسىندا اشىلدى. ٴارقايسى ولكەلەردەگى، اۆتونوميالى رايوندارداعى، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ٴوندىرىس ـ قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ٴىشىنارا ورتالىق كاسىپورىندارىنداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار، ت.ب ماجىلىسكە قاتىناستى.
