□ شينحۋا اگەنتتىگىنىڭ تىلشىلەرى يان فۋجيڭ، ۋاڭ يۇيشياۋ
مەملەكەتتىك قىزمەت وتەۋ كاسىبى ٴماجىلىسى 4 ـ ايدىڭ 7 ـ كۇنىنەن 8 ـ كۇنىنە دەيىن بەيجيڭدە اشىلدى. ٴماجىلىس باس شۋجي شي جينپيڭنىڭ قىزمەت وتەۋ كاسىبىن دامىتۋ جونىندە بەرگەن ماڭىزدى نۇسقاۋىن جەتكىزدى.
كەزەكتە ەلىمىز ەكونوميكاسى تيپ جاڭالاپ دارەجەسىن جوعارىلاتۋدىڭ شەشۋشى كەزەڭىندە تۇر، قىزمەت وتەۋ كاسىبىن دامىتۋدىڭ ٴدال ٴساتى كەلدى. باس شۋجي شي جينپيڭنىڭ ماڭىزدى نۇسقاۋى ستراتەگيالىق جانە جالپى جاعداي تۇرعىسىنان قىزمەت وتەۋ كاسىبىن دامىتۋدىڭ كەلەلى ٴمانىن، ماڭىزدى پرينسيبىن، ٴتۇيىندى مىندەتىن تەرەڭ بايىمدادى، يدەيالىق سيپاتى، جەتەكشىلىك سيپاتى، باعىتتامالىلىق سيپاتى توتەنشە كۇشتى، قىزمەت وتەۋ كاسىبىنىڭ دامۋ ساپاسى مەن ونىمدىلىگىن ونان ارى جوعارىلاتۋعا ٴتۇبىرلى بويسۇنۋ ولشەمىن ازىرلەدى.
باس شۋجي شي جينپيڭ ماڭىزدى نۇسقاۋىندا بىلاي دەپ اتاپ كورسەتتى: ”پارتيا 18 ـ قۇرىلتايىنان بەرى، ەلىمىزدىڭ قىزمەت وتەۋ كاسىبىنىڭ كولەمى ورنىقتى كەڭەيىپ، ساپاسى مەن ونىمدىلىگى ۇزدىكسىز جوعارىلاپ، كاسىپ سالاسى دارەجەسىنىڭ جوعارىلاۋىنا تىرەك بولۋ، حالىق تۇرمىسى قاجەتىن قاناعاتتاندىرۋ، جۇمىستاندىرۋدى كەڭەيتۋ سياقتى جاقتاردا ماڭىزدى رول اتقاردى“.
بولاشاققا بەت العاندا، قىزمەت وتەۋ كاسىبىنىڭ ساپالى، جوعارى ٴونىمدى دامۋىن قايتكەندە اناعۇرلىم ويداعىداي جەبەۋگە بولادى؟
باس شۋجي شي جينپيڭ: ”سۇرانىستىڭ جەتەكشىلىك ەتۋىن، رەفورما جاساپ قامال الۋدى، عىلىم ـ تەحنولوگيانىڭ قۋات ۇستەۋىن، ەسىك اشىپ سەلبەستىك جاساۋدى كورنەكتىلەندىرۋ كەرەك“، ـ دەپ باسا دارىپتەپ، قىزمەت وتەۋ كاسىبىنىڭ جوعارى ساپالى دامۋىنىڭ ماڭىزدى ٴتۇيىنىن جانە بەتالىسىن ايقىندادى.
باس شۋجيدىڭ ماڭىزدى نۇسقاۋىن ۇيرەنۋدە، تۇسىنۋدە سۇرانىستىڭ دارەجەسىن جوعارىلاتۋدىڭ رەفورما بەتالىسى، عىلىم ـ تەحنولوگيا ۇسىنىلىمى، ەسىك اشۋ دەڭگەيى جونىندەگى جەتەكتەۋ رولىن كورە بىلۋمەن بىرگە، رەفورمادا سەرپىلىس جاساۋدىڭ، عىلىم ـ تەحنولوگيا تىرەگىنىڭ، ەسىك اشۋدى كەڭەيتۋدىڭ بازار ٴورىسىن كەڭەيتۋدەگى جالپىلىق اسەرىن دە كورە ٴبىلۋ كەرەك. جالپى تۇلعالىق ىلگەرىلەتۋگە تاباندى بولعاندا عانا قىزمەت وتەۋ كاسىبىنىڭ دامۋ ساپاسى مەن سەرپىمدىلىگىن كۇشەيتۋگە بولادى.
”قىزمەت وتەۋ كاسىبىنىڭ يقۋاتىن ارتتىرۋ، ساپاسىن جوعارىلاتۋ ارەكەتىن ىشكەرىلەي اتقارۋ كەرەك“ − باس شۋجي شي جينپيڭ ماڭىزدى نۇسقاۋىندا ٴبىر شەشۋشى ارەكەتتى ايقىندادى.
”ىشكەرىلەي اتقارۋدى“ قالاي تۇسىنۋگە بولادى؟ بۇل قاراپايىم عانا كولەمدى كەڭەيتۋ، ارتۋ قارقىنىن جەدەلدەتۋ جانە يەلەيتىن سالىستىرماسىن جوعارىلاتۋ عانا ەمەس، قايتا دامۋ ۇستانىمى، ۇلگىسى، ولشەمى سياقتىلاردىڭ جۇيەلىك جاڭالاۋ تۋدىرۋىن ىلگەرىلەتۋ. ”يقۋاتىن ارتتىرۋدىڭ“ ٴتۇيىنى قامداۋ مەن سۇرانىس اراسىنداعى ولقىلىقتارعا مەڭزەس ساپالى قىزمەت وتەۋدى كەڭەيتۋ، ”ساپاسىن جوعارىلاتۋدىڭ“ ماڭىزدى ٴتۇيىنى ارنايىلانۋ، ولشەمدەنۋ دەڭگەيىن جوعارىلاتىپ، قوسىمشا قۇندى ارتتىرىپ، تومەن ٴونىمدى، ٴبىر تەكتىلەنگەن باسەكەدەن ساقتانۋ دەگەندىك.
ٴمانى جاعىنان العاندا، قىزمەت وتەۋ كاسىبى دەگەنىمىز قىزمەت وتەۋ ارقىلى قاجەتتى قاناعاتتاندىرۋ، قۇن جاراتۋ، كاسىپورىنداردىڭ ٴوندىرىسى مەن تۇرعىنداردىڭ تۇرمىسىنا تىرەكتىك قامتاماسىزدىق ازىرلەۋ، بۇل وندىرىستىك قىزمەت وتەۋ كاسىبى جانە تۇرمىستىق قىزمەت وتەۋ كاسىبى سىندى ەكى تۇرگە بولىنەدى. باس شۋجي شي جينپيڭ ماڭىزدى نۇسقاۋىندا ەكى ٴتۇرلى قىزمەت وتەۋ كاسىبىنىڭ دامۋ جولىن ايقىن كورسەتتى.
”وندىرىستىك قىزمەت وتەۋ كاسىبىنىڭ ارنايىلانۋىن جانە قۇن تىزبەگىنىڭ جوعارى دەڭگەيگە قاراي كەڭەيۋىن ىلگەرىلەتۋ“ − جاڭا كەزەكتى عىلىم ـ تەحنولوگيا توڭكەرىسىنىڭ تولقىنى ٴوندىرىس، جاساۋ ٴتاسىلىن قايتا سومداپ، وندىرىستىك قىزمەت وتەۋدىڭ ارنايىلانۋىنا اناعۇرلىم جوعارى تالاپ قويدى. وسى ورايدى يگەرۋدە وزىق جاساۋعا باعىتتالعان جالپىلىق قىزمەت وتەۋ قابىلەتىن جوعارىلاتىپ، ارنايىلانعان قىزمەت وتەۋدى كاسىپ سالاسى تىزبەگىنىڭ ٴارقايسى بۋىنىمەن ساباقتاستىرۋ كەرەك.
بازار باسەكەسىنىڭ كۇشەيۋىنە جانە قوعامدىق جۇمىس ٴبولىسىنىڭ تەرەڭدەۋىنە بايلانىستى، جاساۋ بۋىنىنىڭ وزىندىك قۇنى ”تومەندەپ“، ٴتىپتى دە جوعارى قوسىمشا قۇن كەڭىستىگى ۇنەمى كاسىپ سالاسى تىزبەگىنىڭ ەكى باسىنداعى كەڭەيتىلگەن قىزمەت وتەۋدە ساقتالادى. جاساۋ جاعىنداعى ٴىرى ەلدەن جاساۋ جاعىنداعى قۋاتتى ەلگە قادام تاستاۋدا، ٴسوز جوق، ”كۇلىمسىرەۋ قيسىق سىزىعىنىڭ“ ەكى باسىنداعى ٴارقايسى وندىرىستىك قىزمەت وتەۋ بۋىندارىن يگەرىپ، جوعارى قوسىمشا قۇندى قىزمەت وتەۋ ارقىلى جاساۋ كاسىبىنىڭ جوعارى دەڭگەيگە، زەردەلىلەنۋگە، جاسىلدانۋعا قاراي تيپ جاڭالاۋىن اناعۇرلىم ويداعىداي ىلگەرىلەتۋ كەرەك.
”تۇرمىستىق قىزمەت وتەۋ كاسىبىنىڭ جوعارى ساپالى، الۋان تۇرلىلەنىپ، قولايلىلانىپ دامۋىن جەبەۋ“ − ەلىمىزدىڭ قالا ـ قالاشىقتاندىرۋ مولشەرىنىڭ ورنىقتى جوعارىلاۋىنا، ورتاشا كىرىستەگى قاۋىمنىڭ ورنىقتى كەڭەيۋىنە ساي، اناعۇرلىم كوپ تۇرعىننىڭ تۇرمىستىق قىزمەت وتەۋگە سۇرانىسى ٴتىپتى دە جوعارىلاپ، تۇتىنۋ ٴتۇيىنى ”اناعۇرلىم كوپ تاۋار ساتىپ الۋدان“ ”اناعۇرلىم جاقسى قىزمەت وتەۋدەن جانە سەزىنۋدەن يگىلىكتەنۋگە“ قاراي ويىستى.
بيىلعى ۇكىمەت قىزمەتىنەن باياندامادا ”ىشكى سۇرانىستى ارتتىرۋدىڭ تىڭ ٴورىسىن اشۋ“ ايقىن العا قويىلدى. حالىق بۇقاراسىنىڭ نەگىزگى سۇرانىسىن، دارەجەسى جوعارىلاۋ تۇرىندەگى سۇرانىسىن جانە دارالىق سۇرانىسىن ارقاۋ ەتىپ، جالپىعا ٴتيىمدى، ساپالى قىزمەت وتەۋدى ۇزدىكسىز ارتتىرىپ، دارالىق قىزمەت وتەۋدى ناقتى، ەگجەي ـ تەگجەيلى ىستەگەندە عانا قىزمەت وتەۋ تۇتىنۋىنىڭ كومەسكى كۇشىن ۇزدىكسىز قاۋلاتىپ، ىشكى سۇرانىستى اناعۇرلىم ويداعىداي جەبەپ، ەل ىشىندەگى ۇلكەن اينالىمنىڭ ورنىقتىلىعىن كۇشەيتۋگە بولادى.
ماركا − كاسىپورىننىڭ بازار بەلگىسى. الەمدىك باسەكەلىك قۋاتتى جوعارىلاتۋدى كوزدەي وتىرىپ، باس شۋجي شي جينپيڭ ”اناعۇرلىم كوپ ’جۇڭگو قىزمەت وتەۋى‘ ماركاسىن جەتىلدىرۋدى“ العا قويدى.
ەلىمىزدىڭ قىزمەت وتەۋ كاسىبىنىڭ جالپىلىق قۋاتى ۇزدىكسىز كۇشەيىپ، ماركالاردىڭ سانى كوبەيگەنىمەن، حالىقارالىق تانىمال ماركالار ٴالى دە جەتكىلىكسىز، ماركالاردى جەتىلدىرۋ جالپى تۇلعالىق جاقتان ٴالى دە ٴبىرشاما كەنجە. بازاردا تانىلۋ دارەجەسى جوعارى، باسەكەلىك قۋاتى كۇشتى ٴتىپتى دە كوپ تانىمال قىزمەت وتەۋ ماركاسىن جاراتىپ، ”جۇڭگو قىزمەت وتەۋىن“ ساپالى قىزمەت وتەۋدىڭ، جوعارى دەڭگەيدە قىزمەت وتەۋدىڭ بالاماسىنا اينالدىرعاندا عانا ەلىمىزدىڭ قىزمەت وتەۋ كاسىبىنىڭ قوسىمشا قۇنىن ٴتىپتى دە ويداعىداي جوعارىلاتىپ، قيان ـ كەسكى حالىقارالىق باسەكەدە دامۋ ىرىقتىلىعىن مىقتى يگەرۋگە بولادى.
”15 ـ بەسجىلدىقتىڭ“ باستاماسى اشىلىپ، قادام تاستالدى، باس شۋجي نۇسقاعان بەتالىستى بويلاپ، جاڭا كاسىپ كۇيىن جەدەل جەتىلدىرۋدى، جاڭا تەحنولوگيانى قولدانۋدى، جاڭا سالانى كەڭەيتۋدى جەدەلدەتۋ، ٴسوز جوق، قىزمەت وتەۋ كاسىبىنىڭ جوعارى ساپالى دامۋى ارقىلى وسىزاماندانعان كاسىپ سالاسى جۇيەسى قۇرىلىسىن دەمەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا اناعۇرلىم شەشۋشى رول اتقاراتىندىعى داۋسىز.
(شينحۋا اگەنتتىگىنىڭ 4 ـ ايدىڭ 9 ـ كۇنى بەيجيڭنەن بەرگەن حابارى)
