4 ـ ايدىڭ 8 ـ كۇنى حالىق ونەرپازدارى اۋات اۋدانى دولان تايپاسى كورىنىس وڭىرىندە دولان مۇقامىن ورىنداۋدا. ويناقى مۋزيكا ۇنىنە ىلەسە ساياحاتشىلار مەن ونەرپازدار گۇل اراسىندا بيگە باسىپ، تاماشا ساتتەردەن ٴلاززات الدى.
□ سۋرەتتى يان شوۋلين تۇسىرگەن
توقسۇننىڭ 10 مىڭ مۋلىق ورىك گۇلى بۇتاقتاردا قۇلپىرىپ تۇر، ياركەندەگى بادام گۇلىنىڭ حوش ٴيىسى شار تاراپقا تارادى، تاشقورعان − ياركەن بايىرعى جولىنداعى ورىك گۇلى مەن قارلى تاۋ ٴبىر ـ ٴبىرىن ايشىقتاپ تۇرعانداي... كوكتەم سامالى تيانشان الابىن ايمالاپ، كەڭ ـ بايتاق دالادا گۇلدەردىڭ حوش ٴيىسى اڭقىپ، گۇلمەن بايلانىستى رومانتيكالىق كەزدەيسوق كەزدەسۋلەر شينجياڭنىڭ بايتاق دالاسىندا دامىلسىز جارىققا شىعۋدا.
بيىل كوكتەمدە شينجياڭ ساياحات بازارىنىڭ دۋمانى ارتا ٴتۇسىپ، ”قار ـ مۇز ەكونوميكاسى“ ”گۇل تاماشالاۋ ەكونوميكاسىمەن“ مۇلتىكىسىز ۇلاسىپ، سەرۋەن ساياحاتى تەرەڭدەي سەزىنۋگە بۇرىلىس جاسادى. بۇگىنگى كۇندە شينجياڭ الدەقاشان ”ۋاقىت شەكتەمەسىنەن“ القىپ ٴوتىپ، تۇتاس ماۋسىمدىق، تۇتاس وڭىرلىك ساياحات جونىندە ىشكەرىلەي ىزدەنىس جاساپ، ساياحاتتىڭ ٴتورت ماۋسىمدا تۇگەلدەي دۋماندى بولۋىنا مۇمكىندىك تۋدىردى.
كوكتەم كوركىنە شومعان تيانشان ساياحاتشىلاردى باۋرادى
ويناقى، دۋماندى ٴان ـ ٴبي ساياحاتشىلاردى قاتتى قىزىقتىردى، اسەم كۇنچۇي تەاترى ادامداردى وزىنە باۋرادى، قۇلتەمىرلەر ٴبيىنىڭ عىلىم ـ تەحنولوگيالىق ٴتۇسى قويۋ بولدى... 3 ـ ايدىڭ 20 ـ كۇنى ”شينجياڭنىڭ العاشقى كوكتەمى · تۇرپاندا گۇلدەر قۇلپىردى“ 2026 تۇرپان ورىك گۇلى ماۋسىمىنداعى جەلىلەس مادەنيەت ـ ساياحات تۇتىنۋ قيمىلى جانە توقسۇن اۋدانىنىڭ 9 ـ كەزەكتى ورىك گۇلى ماۋسىمىنداعى مادەنيەت ـ ساياحاتتىڭ توعىسۋىن جەبەۋ قيمىلى توقسۇن اۋدانى شياجىن قالاشىعى نانحۋ قىستاعىندا باستالىپ، شينجياڭداعى بيىلعى گۇل تاماشالاۋ ماۋسىمىنىڭ شىمىلدىعىن اشتى. ”شينجياڭنىڭ كوكتەمى ادامعا ٴبىر ٴتۇرلى جالىندى سەزىم بەرەدى“، ـ دەپ القادى لياۋنيڭدىك ساياحاتشى جاڭ يۋانچىن شينجياڭنىڭ كوكتەم كوركىن كورگەننەن كەيىن تامسانا.
كوكتەمى جانعا جايلى، كورىنىسى اسەم، شينجياڭنىڭ بايتاق دالاسىندا تىرشىلىك تىنىسى جالىنداپ، وڭتۇستىك ـ سولتۇستىك شينجياڭدا ورىك گۇلى جارىسا قۇلپىرا اشىلىپ، تۇرپاننىڭ كوكتەم باسىنداعى ورىك گۇلىنەن ۇستىرتتەگى گۇل تەڭىزىنە دەيىن بۇكىل شينجياڭداعى گۇل تاماشالاۋ ۋاقىت تارتىبىندە ايقىن وڭىرلىك ەرەكشەلىكتەر بايقالدى: 3 ـ ايدا وڭتۇستىك شينجياڭ جانە تۇرپان اۋماعىنداعى ورىك گۇلى، بادام گۇلى رەتىمەن جايقالا اشىلدى؛ 4 ـ ايدا ىلە اڭعارى، تارباعاتاي سياقتى جەرلەردەگى ورىك گۇلىنەن، تاۋ گۇلىنەن ىركەس ـ تىركەس جۇپار ٴيىس اڭقىپ، گۇل تاماشالاۋدىڭ سەنترى بىرتىندەپ سولتۇستىككە قاراي جىلجىپ، ”وڭتۇستىك پەن سولتۇستىك ٴبىر ـ بىرىنە سايكەسىپ، رەتىمەن قۇلپىرا اشىلعان“ جاعداي قالىپتاستى.
”بيىل شينجياڭ ىشىندە گۇل تاماشالاۋ ۇيىرمەلەرى بۇرىنعى جىلدارداعىدان ٴبىر اپتا بۇرىن جولعا شىعىپ، تاپسىرىس مولشەرى بىلتىرعى سايكەس مەزگىلدەگىدەن %30 ارتتى“، ـ دەپ تانىستىردى شينجياڭ ساياحات سەرىكتەستىكتەرى قوعامىنىڭ باس حاتشىسى شيا جياڭتاۋ.
گۇل تاماشالاۋ ورلەۋىندە، شينجياڭنىڭ ساياحات كاسىپورىندارى كوكتەمنەن حابار كەلىسىمەن قيمىلداپ، كاسىپ كۇيىن ۇزدىكسىز بايىتتى: تيانشان بوعدا كولى كورىنىس ٴوڭىرى عارىش بولمەسى قونالقى جەرىن قۇرىپ، ”ۇشقىش اپپارات + VR“ تاماشالاۋ نىسانىن ۇسىندى؛ جالىنتاۋ كورىنىس ٴوڭىرى قىزمەت وتەۋدى ساپالىلاندىرىپ، ”التىن تاياق كوتەرۋ“ سالتى سياقتى ەلىتە سەزىنۋ نىساندارىن ۇسىنىپ، ساياحاتتىڭ مازمۇنىن بايىتتى؛ جيەيوۋ حانىشا جۇپار ٴشوپ باقشاسى ەرەكشە مادەنيەت زەرتتەۋ ـ ۇيرەنۋ ساياحاتىن دايىنداپ، ساياحاتشىلاردىڭ سەزىنۋىن جان ـ جاقتى جوعارىلاتتى.
تەمپەراتۋرانىڭ جوعارىلاۋىنا ىلەسە، جەر ـ جەر ەرەكشە گۇل بايلىعىنا سۇيەنىپ، مازمۇنى باي مادەنيەت ـ ساياحات قيمىلدارىن دەن قويا دايىنداپ، كوكتەمگى ساياحاتتىڭ دۋمانىن اسىرىپ، تۇتاس جىلدىق مادەنيەت ـ ساياحاتتىڭ دامۋىنا بەرىك نەگىز قالادى.
”ٴبىر ماۋسىمداعى قىزۋ ورلەۋ“ ” ٴتورت ماۋسىمداعى قاۋىرت ورلەۋگە“ اينالدى
3 ـ ايدىڭ باس شەنىندە التاي قالاسى ٴابيتان قالاشىعى شۋەدۋ قىستاعى ٴالى دە قار ـ مۇز قۇرسانىپ جاتقانىمەن، قىستاقتاعى ”التاي شوپان جىرى · حالىقتىق سالت ـ سانا قولونەرىن وتباسىنا بارىپ كورۋ ٴتۇيىنى“ مەيىرگە تولى بولدى، جاۋاپتى نازەركە گىمىڭبەك ساياحاتشىلاردى كۇتۋمەن قاربالاس، ”بۇرىن، باستىسى، باعىمشىلىققا، ەگىنشىلىككە سۇيەنىپ تۇرمىس كەشىرەتىنبىز، قازىر اۋىلىمىزدىڭ مادەنيەت ـ ساياحات كاسىپ سالاسىنىڭ دامۋ اياق الىسىنا ىلەسىپ، ٴوز ٴۇيىمىزدى ەرەكشە وتباسىنا بارىپ كورۋ ٴتۇيىنى ەتىپ قۇرىپ، ەسىك الدىندا ’ساياحات كەسەسىن‘ قولعا الدىق“، ـ دەدى.
نازەركە وتباسىنىڭ وزگەرىسى − التاي قالاسىنداعى كوپتەگەن ەگىنشى ـ مالشى تۇرمىسى وزگەرىستەرىنىڭ ىقشام كورىنىسى. التاي قالاسى قار ـ مۇز، حالىقتىق سالت ـ سانا سياقتى بايلىقتاردى تياناق ەتىپ، مادەنيەت ـ ساياحات، دەنە تاربيەنى توعىستىرۋدى ىلگەرىلەتىپ، ”سۋىق بايلىقتان“ ۇزبەي ”جىلۋ اسەرىن“ جارىققا شىعارىپ، ”كوركەم كورىنىستىڭ“ ”كورىكتى ەكونوميكاعا“ اينالۋىن ىلگەرىلەتتى.
2025 ـ جىلى شينجياڭ 323 ميلليون ساياحاتشى (رەت) قابىلدادى، ساياحاتشىلار 370 ميلليارد يۋان جۇمسادى، مادەنيەت ـ ساياحات كاسىپ سالاسىنىڭ ەكونوميكالىق، قوعامدىق دامۋعا قوسقان جالپىلىق ۇلەسى كورنەكتى جوعارىلادى. ٴوزى كولىك جۇرگىزىپ ساياحاتتاۋ، قار ـ مۇز ساياحاتى، ەكسپەديتسيا ساياحاتى سياقتى كاسىپ كۇيلەرى جەدەل دامىدى، مايتاۋ − كۇشار تاس جولى، S101، التاي − قوم تاس جولى سياقتىلار ينتەرنەتتە تانىمال جەلىگە اينالىپ، جەلى بويى ەكونوميكاسىنىڭ دامۋىن جەبەدى؛ ماركالى جارىس، زەرتتەۋ ـ ۇيرەنۋ، سالاماتتىق جانە كۇتىنۋ، اۋىل ـ قىستاق، قىزىل ساياحات سياقتى كوپ نەگىزدى ونىمدەر جۇيەسى كۇن سايىن كەمەلدەندى.
حوتان ايماعى حوتان تۋانچىڭ، يوتقان بايىرعى قالاسى سياقتى ەرەكشە كورىنىس وڭىرلەرىن قۇرىپ، تاريحي مادەنيەتتىڭ جانە حالىقتىق سالت ـ سانانىڭ ىشكى ٴمانىن تەرەڭ اشىپ، ”مادەنيەت + ساياحات“ ۇلگىسى ارقىلى بەيزاتتىق مۇرالار كورمەسى ـ كونسەرتى، حالىقتىق سالت ـ سانانى سەزىنۋ سياقتى فاكتورلاردى كورىنىس وڭىرلەرىمەن، كورىنىس تۇيىندەرىمەن توعىستىرىپ، ”ٴبىر قادامدا ٴبىر كورىنىس، ٴبىر كورىنىستە ٴبىر مادەنيەت“ سىندى ەرەكشە جاعدايات قالىپتاستىردى؛ التاي ايماعى ”جالپى وڭىرلىك دامۋ، ٴتورت ماۋسىم گۇلدەنۋ“ جاعدايىن كۇش سالا تۇلعالادى، التاي − قوم تاس جولى ساياحاتتىڭ ”جاڭا جەر بەلگىسىنە“ اينالدى، ”قىسقى قار ـ مۇز“ جانە ”جازدا ىستىقتان ساقتانۋ“ قوس تەگەرشىگى دامۋدى جەبەدى؛ سانجى حۇيزۋ اۆتونوميالى وبلىسى ”ايگىلى ماركانىڭ ساپاسىن ٴوسىرۋ، كاسىپ سالاسىنىڭ ونىمدىلىگىن ارتتىرۋ، توعىسا قۋات ۇستەۋدى“ ٴتۇيىن ەتىپ، اۋىل ـ قىستاق ساياحاتى مەن كەشكى ەكونوميكانى ۇزدىكسىز دامىتتى، ”شينجياڭ جاقسى جەر · كوركى كوز سۇرىندىرەتىن ەڭ جاقىن جەر سانجى“ سىندى ايگىلى ماركانىڭ اسەرىن ونان ارى كۇشەيتتى.
التايدىڭ قار ـ مۇز بايلىعىنان حوتاننىڭ جىبەك جولى سالت ـ ساناسىنا دەيىن، ودان سانجىنىڭ كوپ نەگىزدى توعىسۋىنا دەيىن شينجياڭنىڭ جەر ـ جەرى مادەنيەت پەن ساياحاتتىڭ تەرەڭ توعىسۋىن ىلگەرىلەتىپ، ساياحاتتىڭ ”ٴبىر ماۋسىمداعى قىزۋ ورلەۋدەن” “ٴتورت ماۋسىمداعى قاۋىرت ورلەۋگە“ قاراي ويىسۋىن ىلگەرىلەتىپ، جۇمىستانۋدى ورنىقتىرۋ، كىرىستى ارتتىرۋدى جەبەۋ، حالىق تۇرمىسىنا تيىمدىلىك جاساۋ بارىسىندا بەلسەندى رول اتقاردى.
التىن ٴارىپتى ماڭدايشالىق اناعۇرلىم جارقىراي ٴتۇستى
بيىل اۆتونوميالى رايوننىڭ ۇكىمەت قىزمەتىنەن بايانداماسىندا شينجياڭنىڭ كۇنلۇن تاۋى، لوپنۇرلىقتار قىستاعى سياقتىلاردا مەملەكەتتىك 5A دارەجەلى ساياحات كورىنىس ٴوڭىرىن قۇرۋدى ىلگەرىلەتۋ العا قويىلدى. بۇل ورنالاستىرۋ ٴتۇيىندى كورىنىس وڭىرلەرىنىڭ ساپاسىن جوعارىلاتۋ تالابى بولۋمەن بىرگە، ونان دا ماڭىزدىسى، ”15 ـ بەسجىلدىقتىڭ“ باستاما جىلىنداعى شينجياڭنىڭ ”شينجياڭ جاقسى جەر“ التىن ٴارىپتى ماڭدايشالىعىن اناعۇرلىم جارقىراتىپ، مادەنيەت ـ ساياحاتتىڭ جوعارى ساپالى دامۋىن ىلگەرىلەتۋىنىڭ ماڭىزدى تۇتقاسى بولدى.
”15 ـ بەسجىلدىق“ مەزگىلىندە شينجياڭنىڭ ساياحات كاسىبى ”كولەمدىك ارتۋدان“ ”قۇن جەتەكشىلىگىنە“ دەيىنگى تاريحي سەكىرىستى قارسى الدى. شينجياڭ ”ٴبىر وزەك، ٴۇش بەلدەۋ، ٴتورت سەنتر، كوپ ٴتۇيىن“ كاسىپ سالاسى ورنالاسىمىن قالىپتاستىرىپ، 2030 ـ جىلعا بارعاندا، بۇكىل شينجياڭدا جىلىنا 400 ميلليوننان استام ساياحاتشى (رەت) قابىلداۋدى جۇزەگە اسىرىپ، مادەنيەت ـ ساياحات، دەنە تاربيە كاسىپ سالاسىنىڭ جالپىلىق تيجارات كىرىسىن ٴبىر تريلليون يۋانعا جەتكىزىپ، مادەنيەت جانە ساياحات، سونداي ـ اق قاتىستى كاسىپ سالالارىنىڭ ارتقان قۇنىنىڭ وڭىرلىك ٴوندىرىس جالپى ٴونىم قۇنىندا ۇستايتىن سالماعىن %10كە جەتكىزىپ، بار كۇشپەن تريلليون يۋاندىق مادەنيەت ـ ساياحات كاسىپ سالاسى شوعىرىن قالىپتاستىرۋدى جوسپارلاۋدا.
وڭتۇستىك ـ سولتۇستىك شينجياڭ سايكەستى دامىعان جاعدايدا جەر ـ جەر كۇش ـ قايرات توپتاپ، شارالاردى ەگجەي ـ تەگجەيلەندىردى. سانجى وبلىسى تيانشان بوعدا كولى، بەيتيڭ بايىرعى قالاسى سياقتى سارا كورىنىس وڭىرلەرى شوعىرىن تۇلعالاۋ ارقىلى قار ـ مۇز، سيفرلى مادەنيەت ـ ساياحات سياقتى ەرەكشە كاسىپ كۇيىن الۋەتتەندىرىپ، مادەنيەت پەن ساياحاتتىڭ توعىسۋىن تەرەڭدەتىپ، ماركانىڭ ىقپال كۇشىن كەڭەيتىپ، 2030 ـ جىلى ساياحات كىرىسىن 232 ميلليارد يۋاننان اسىرۋعا كۇش سالدى. التاي ايماعى نازاردى تۇتاس ماۋسىمدىق ساياحات ۇلگىسىن قالىپتاستىرۋعا شوعىرلاندىرىپ، 2030 ـ جىلعا بارعاندا جاڭادان قوسىلعان مەملەكەتتىك A دارەجەلى ساياحات كورىنىس ٴوڭىرىنىڭ 20دان كەم بولماۋىن، اۆتونوميالى رايون دارەجەلىدەن جوعارى ساياحات ماركاسىنىڭ 10نان كەم بولماۋىن، تۇتاس ٴوڭىر، تۇتاس ۋاقىتتا جوعارى ساپالى ونىمدەرمەن قامداۋدى بايىتۋ ارقىلى ەل ٴىشى ـ سىرتىنداعى ايگىلى ساياحات نىسانالى جەرىن قالىپتاستىرۋدى جوسپارلادى.
”15 ـ بەسجىلدىق“ مەزگىلىندە شينجياڭ ”توعىسۋعا بولاتىندارىن توعىستىرۋ، توعىستىرۋعا قولايلى بولعاندارىن مۇمكىندىكتىڭ بارىنشا توعىستىرۋ“ پرينسيبىنە تاباندى بولىپ، مادەنيەت، ادەبيەت ـ كوركەمونەر، مادەني ەسكەرتكىش ـ مۇراجاي جانە ساياحاتتىڭ تۇتاس تىزبەكتە توعىسۋىن ۇزدىكسىز ىلگەرىلەتەدى، سونىمەن بىرگە ”مادەنيەت ـ ساياحات + ٴتۇرلى كاسىپ“ ۇلگىسىن تەرەڭدەتىپ، ساۋدا ـ ساتتىق، اۋىل شارۋاشىلىعى، دەنە تاربيە، قاتىناس سياقتىلاردىڭ شەكارا اتتاپ توعىسۋىن جەبەپ، مادەنيەت ـ ساياحات، ساۋدا جالپىلىق تۇلعاسى، سەيىل ـ سەرۋەن ەگىس الاڭى، ايگىلى ماركا جارىسى سياقتى توعىسپالى ونىمدەردى قالىپتاستىرادى، شينجياڭ ساياحاتىنىڭ ”ٴتورت ماۋسىم جىرى“ بارعان سايىن اسقاقتايدى.
