كۇسان تار كوشەسىندەگى ۇتىلامالى جالعاسقان شەبەر رۋحى
□ انار بۇلت \ شينجياڭ گازەتىنىڭ ءتىلشىسى گاۋ فىڭ، ەرىكتى ءتىلشى ۋاڭ حۇڭلي
4 - ايداعى كۇشار بايىرعى قالاسى، كۇننىڭ شۇلەن شۇعىلاسى كۇسان تار كوشەسىندەگى الۋان ءتۇستى ەسىك - تەرەزەلەرگە توگىلىپ تۇر، تۇس - تۇستان كوكتەمنىڭ تىرشىلىك تىنىسى مەن مۇندالايدى.
4 - ايدىڭ 14 - كۇنى كۇسان تار كوشەسىندەگى اتلاس قولونەر شەبەرحاناسىندا بۇرىن تالاي جىل بەيزاتتىق مۇرا لەكتورى بولعان ما شياۋيان ءوڭى اشىق اتلاس تورعىنىن قولىنا الىپ، شەبەرحانانىڭ قوجايىنى نۇرگۇل مامەتپەن جاڭا مادەنيەت جاسامپازدىعى ونىمدەرىن جوبالاپ، الداعى ساياحاتتىڭ قاۋىرت مەزگىلىنە جاڭا تۋىندىلار ازىرلەۋ جونىندە اقىلداستى.
وسى شىت جاڭا دۇكەن ەكەۋىنىڭ ”ءبىر اۋلادا شارۋاشىلىق قۇرۋدان“ ”اركىم ءوز دۇكەنىن كەڭەيتۋگە“ دەيىنگى ىشتەي ءتۇسىنىسىپ كۇش جالعاۋىنا كۋا بولدى. وسىدان ىلگەرى ولار كۇسان تار كوشەسىندەگى جەلەكتىلەر شارۋاشىلىق قۇرۋ شەبەرحاناسى اۋلاسىندا شەبەرحانا اشقان، نۇرگۇل 9 ۇلكەن تۇردەگى ەرەكشە كيىم - كەشەك پەن اشەكەي بۇيىمداردى قامتىعان اتلاس قولونەر شەبەرحاناسىن جۇرگىزسە، ما شياۋيان نەشە ونداعان بەيزاتتىق مۇرانى باسىنان كەشىرۋ نىسانى مەن ەرەكشە سالەمدەمە قورابىن قامتىعان كۇسان ۋانشياڭ بەيزاتتىق مۇرا شەبەرحاناسىن قۇرعان.
ساۋداسىنىڭ كۇن سايىن كۇسەت بولۋىنا ىلەسە، نۇرگۇلدىڭ شەبەرحاناسى الدىمەن تار كوشەدەگى اناعۇرلىم كەڭ جاڭا دۇكەنگە كوشىپ كىردى. ما شياۋيان بۇرىنعى ورنىندا قالۋ تالعامىن جاساپ، بۇكىل جەلەكتىلەر شارۋاشىلىق قۇرۋ شەبەرحاناسى اۋلاسىن تۇلعالاپ، ساۋدا - ساتتىق كولەمىن كەڭەيتۋگە كىرىستى.
ءبىر اۋلادا بولماعانىمەن، ەكى شەبەردىڭ كوڭىلى باستان - اياق ءبىر - بىرىمەن توعىسىپ جاتتى، ولار شينجياڭ ەرەكشەلىگىنە يە اتلاس تورعىنى توبە اشەكەيى، ءۇي جيھازدارى، ءساندى اشەكەي سياقتى ونىمدەردى بىرگە جوبالاپ جاساپ، ساياحاتشىلاردىڭ ايرىقشا جاقسى باعاسىنا يە بولدى.
ەكەۋى قىزۋ تالقى جۇرگىزىپ جاتقاندا ما شياۋياننىڭ قول تەلەفونى شىرىلدادى، كۇسان تار كوشەسىنەن كىلەم دۇكەنىن اشقان ميھراي مامەت جاڭادان جاساعان كىلەمشە اسپا سۋرەت ۇلگىسىن الىپ جەلەكتىلەر شارۋاشىلىق قۇرۋ شەبەرحاناسىنا بارىپ، ونىڭ قايتىپ بارىپ باعالاۋىن كۇتىپ وتىر ەكەن.
ءوز شەبەرحاناسىنا قايتىپ كەلگەننەن كەيىن، ما شياۋيان ميھرايمەن بىرگە اسپا سۋرەتتىڭ ورنەگى مەن تەحنولوگياسىن باعالادى. بىلتىر ما شياۋيان جەرگىلىكتى ورىنداعى 4 تاعامجايدىڭ كىلەم - كىلشە سياقتى ءۇي ءىشىن اشەكەيلەۋ نىسانىن ورىنداۋعا جەتەكشىلىك ەتىپ، جوبا نۇسقاسىن جوبالاۋ، ورنەكتەرىن قۇراستىرۋ، ماتەريالدارىن تاڭداپ سايكەستىرۋدەن تارتىپ قۇرىلىس سالىپ بولعانعا دەيىنگى تۇتاس بارىستى باسقاردى، بارلىق نىسانعا قاجەتتى كىلەم ماتەريالدارىن تۇگەلدەي ميھرايدىڭ كىلەم دۇكەنىنەن الىپ، ءبىر جولدا - اق كىلەم دۇكەنىنە 100 نەشە مىڭ يۋاندىق ساۋدا سوماسىن بەردى.
ميھراي بىلاي دەدى: ”وسىناۋ دۋماندى تار كوشەدەن بولىمشە دۇكەن اشۋىم بۇكىلدەي ما شياۋيان ۇستازدىڭ قايتا - قايتا مەنى باستاپ نىسان ىستەۋگە جەتەكتەۋىنىڭ ناتيجەسى. قازىر كىلەمدى جەرگە توسەپ قانا قويماي، تاعى اسپا سۋرەت، قولونەر بۇيىمى ەتىپ جاسايتىن بولدىق، بۇرىن مۇندايدى مۇلدە ويلاماعان ەكەنبىز“.
بولاشاق جوباسىن تىلگە تيەك ەتكەندە ما شياۋياننىڭ كوزىنەن ارمان وتى ۇشقىنداپ بىلاي دەدى: دۇكەننىڭ كولەمىن ۇزدىكسىز كەڭەيتەمىن، مەن تاعى دا تۇڭۋىنگى سارايىن اشىپ، بۇكىل ەلدىڭ جەر - جەرىندەگى بەيزاتتىق مۇرا ورنەكتەرىن ارناۋلى جينادىم. بولاشاقتا مەرەكە قيمىلدارى، قولونەردى ىستەپ كورۋ سياقتىلار ارقىلى ەلىتە سەزىنۋ ۇلگىسىندەگى مادەنيەت كورىنىستەرىن تۇلعالاپ، ساياحاتشىلارعا كۇسان مادەنيەتىنىڭ باۋرامدىلىعىن تەرەڭ سەزىندىرۋدى ءۇمىت ەتەمىن.
ءبىر اۋلادا شارۋاشىلىق قۇرۋدان ءوز الدىلارىنا دۇكەندەرىن كەڭەيتۋگە دەيىن، اتلاس تورعىنى ارقىلى مادەنيەت جاسامپازدىعىندا جاڭالىق اشۋدان كىلەمشە اسپا سۋرەت جاساۋعا، اشۋعا دەيىن ما شياۋيان جانىنداعى بەيزاتتىق مۇرا قولونەرشىلەرىمەن بىرگە شەبەرلىكتى دانەكەر ەتىپ، كۇشار كونە قالاسىنىڭ تىرشىلىك تىنىسى ىشىندە بايىرعى ونەردى جالعاستىرۋدا، سونداي - اق كوپشىلىكتىڭ شارۋاشىلىق قۇرىپ كىرىستى ارتتىرۋ جولىن كەڭەيتۋدە.
