شينحۋا اگەنتتىگىنىڭ 4 ـ ايدىڭ 23 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى جالپىلىق باعالاۋ ـ تەكسەرۋ ٴادىسىن» باسىپ تاراتتى ٴارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
«تەكسەرۋ ادىسىندە» مىنالار اتاپ كورسەتىلدى: كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدىڭ، كومىر قىشقىل گازىن بەيتاراپتاندىرۋدىڭ ستراتەگيالىق جەتەكتەۋ رولىن ساۋلەلەندىرىپ، كومىر قىشقىل گازىنىڭ شىعارىلۋ جالپى مولشەرى مەن كۇشەمەلىلىگى سىندى قوس تىزگىندەۋ ٴتۇزىمى جۇيەسىن جەدەل ورناتىپ، جەرگىلىكتى پارتكومدار مەن ۇكىمەتتەردىڭ دۇرىس ناتيجە كوزقاراسىن ورناتىپ جانە امالياتتا ايگىلەپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ جاۋاپكەرشىلىگىن باتىل ارقالاۋىن ىلگەرىلەتۋ ٴۇشىن، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشىقىل گازىن بەيتاراپتاندىرۋ قىزمەتىن ويداعىداي ىستەۋ جونىندەگى پىكىرىنە»، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ جونىندەگى پىكىرىنە» جانە قاتىستى بەلگىلەمەلەرگە ساي وسى ٴادىس جاسالدى.
پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، باعالاۋ ـ تەكسەرۋ قىزمەتىنە ورتالىق كوميتەت ۇيىمداستىرۋ ٴبولىمى ٴبىر تۇتاس جەتەكشىلىك ەتەدى، مەملەكەتتىك دامۋ جانە رەفورما كوميتەتى قاتىستى تاراۋلارمەن بىرگە اتقارادى. باعالاۋدا، تەكسەرۋدە پارتكوم مەن ۇكىمەت بىردەي جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك ارقالاۋ اتقارىلىپ، ٴبىر تۇتاس جوسپارلاپ، تەڭ ٴمان بەرۋ، وبيەكتيۆ تە ٴادىل بولۋ، عىلمي دا جۇيەلى بولۋ، ناقتى ونىمدىلىككە ٴمان بەرۋ سىندى قىزمەت پرينسيبىنە تاباندى بولادى.
«تەكسەرۋ ٴادىسى» جالپى ەرەجە، باعالاۋ ـ تەكسەرۋ مازمۇنى، باعالاۋ ـ تەكسەرۋ ٴتارتىبى، باعالاۋ ـ تەكسەرۋ ناتيجەسىن قولدانۋ، باعالاۋ ـ تەكسەرۋدى اتقارۋ جانە قوسىمشا ەرەجە سىندى 6 تاراۋ 25 تارماقتى مازمۇندى قامتيدى. بۇل 2026 ـ جىلدان باستاپ ٴارقايسى ولكەلىك (اۆتونوميالى رايوندىق، توتە قاراستى قالالىق) پارتكومدار مەن ۇكىمەتتەردىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىسانا ـ مىندەتتەرىن تياناقتاندىرىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋ اياق الىسىن جەدەلدەتۋ جاعدايىن باعالاۋعا، تەكسەرۋگە قولدانىلادى.
