□ انار بۇلت \ شينجياڭ گازەتىنىڭ تىلشىلەرى گو چيان، سۇن فاڭتيڭ
4 ـ ايدىڭ 19 ـ كۇنى ساعات 11دە ٴۇرىمجى قالاسى تيانشان رايونى بايگە الاڭى ٴمالىسى بايگە الاڭى باتىس الەۋمەتتىك اۋماعىنداعى ۋانكى فيسۇي تيانجياۋ شاعىن اۋماعى B اۋماعى قاقپاسىنىڭ ٴبىر جاق تام قابىرعاسىنا: ”جەتكىزۋشىلەرگە مەيىر سيلاۋ شاعىن اۋماعى ’ايشيىن‘ كولىك توقتاتۋ ورنى“ دەپ جازىلعان، مەيتۋان بۇيىرتپا جەتكىزۋشىسى ۋاڭ يالۇڭ ەلەكترسيكلدى جول شەتىندەگى اق سىزىقتى كولىك توقتاتۋ ورنىنا ورنىقتى توقتاتتى.
ول جۇگىرە باسىپ شاعىن اۋماقتىڭ كىرەر اۋزىنا بارىپ، ۆەلوسيپەدكە ٴمىندى. ”بۇرىن وسى شاعىن اۋماققا كەلىپ تاماق جەتكىزۋ ٴبىزدى ٴبىرشاما اۋرەشىلىككە سالاتىن“، ـ دەدى ۋاڭ يالۇڭ.
بۇرىن ٴبىر ٴبولىم شاعىن اۋماقتار باسقارۋعا قولايلى بولۋ ٴۇشىن جەتكىزۋشىلەردىڭ ەلەكترسيكلمەن كىرۋىنە تيىم سالاتىن، جەتكىزۋشىلەر عانا ەمەس، تۇرعىندار دا نارازى بولاتىن. ۋانكى فيسۇي تيانجياۋ شاعىن اۋماعىن الىپ ايتساق، بىرنەشە ايدىڭ الدىندا وسى شاعىن اۋماقتان تاپسىرىس قابىلداسا، ۋاڭ يالۇڭ ۋايىمعا باتاتىن. شاعىن اۋماق جاياۋلار جولى مەن اۆتوكولىك جولى بولىنگەندىكتەن، ەلەكترسيكل كىرە المايتىن. ول كولىگىن جول شەتىنە توقتاتىپ، تاماقتى جاياۋ جەتكىزىپ بەرەتىن، ٴبىراق قولىنداعى باسقا تاپسىرىستار اسىقتىراتىندىقتان، قاتتى ابىرجىپ، جول بويى جۇگىرۋگە تۋرا كەلەتىن.
ال قازىر جاعداي باسقاشا.
اۆتونوميالى رايوندىق پارتكوم قوعامدىق قىزمەت ٴبولىمى تۇرعىن ٴۇي جانە قالا، اۋىل قۇرىلىسى تاراۋلارىمەن بىرگە ”جەتكىزۋشىلەرگە مەيىر سيلاۋ شاعىن اۋماعى“ قۇرىلىسىن ٴبىر تۇتاس جوسپارلاپ ىلگەرىلەتىپ، ”ەسىكتەن كىرۋ قيىن بولۋ، كولىك توقتاتۋ قيىن بولۋ، عيمارات ىزدەۋ قيىن بولۋ“ ماسەلەسىن ۇزدىكسىز شەشتى. اناعۇرلىم كوپ شاعىن اۋماقتار ۇتىمسىز باسقارۋدى قۇنتتاپ قىزمەت وتەۋگە وزگەرتىپ، جەدەل جەتكىزۋشىلەردىڭ ”كوڭىل جابىرقاۋ جولىن” “مەيىر جەتكىزۋ جولىنا“ اينالدىردى.
قازىر ۋانكى فيسۇي تيانجياۋ شاعىن اۋماعى قاقپاسىنىڭ سىرتىندا 4 ارناۋلى كولىك توقتاتۋ ورنى اشىلىپ، ارناۋلى بۇيىرتپا جەتكىزۋشىلەر مەن جەدەل جەتكىزۋشىلەردىڭ ەلەكترسيكل توقتاتۋىنا بەرىلدى.
جەتكىزۋشىلەردىڭ ٴتارتىپتى كىرىپ ـ شىققانىن كورىپ، قوجالىق كەزەكشى ديرەكتورى ۋاڭ شۇي تىلشىگە بىلاي دەدى: وسى شاعىن اۋماقتا جيىنى 803 وتباسى بار، كۇندەلىكتى بۇيىرتپا جەتكىزۋ مولشەرى كوپ. بۇرىن جەتكىزۋشىلەر ەلەكترسيكلىن ەسىك الدىنا بەتالدى توقتاتسا، قاتىناۋعا ىقپال جاسايتىن ٴارى وڭاي قايشىلىق تۋىلاتىن. ”قازىر ارناۋلى كولىك توقتاتۋ ورنى بار، جەتكىزۋشىلەرگە قولايلى بولدى، شاعىن اۋماقتىڭ ٴتارتىبى دە جاقساردى“، ـ دەدى ۋاڭ شۇي.
ارناۋلى كولىك توقتاتۋ ورنى ”توقتاتۋ“ ماسەلەسىن شەشتى. ٴبىراق جەتكىزۋشىلەردىڭ باسى قاتىپ جۇرگەنى جاياۋ ٴجۇرۋ بولدى.
ۋانكى فيسۇي تيانجياۋ شاعىن اۋماعىنىڭ B اۋماعىندا جالپى 8 عيمارات، 10 كورپۋس بار، ٴار عيمارات 20 نەشە قابات ەدى. شاعىن اۋماقتىڭ ەسىك الدىنان ەڭ ىشىندەگى عيماراتقا دەيىن 15 مينۋت جاياۋ جۇرۋگە تۋرا كەلەدى. كۇبىلى سۋ، ۇلكەن بولشەكتەردى جەدەل جەتكىزۋگە تۋرا كەلسە، جەدەل جەتكىزۋشىلەردىڭ دەنە قۋاتى كوپ سارىپ بولاتىن.
وسى تالماۋ تۇيىنگە قاراتا، بۇل شاعىن اۋماقتىڭ قوجالىق ىستەرى ارناۋلى جەتكىزۋ ۆەلوسيپەدىنەن تورتەۋىن ساتىپ الىپ ەسىك الدىنا قويىپ، جەتكىزۋشىلەردىڭ تاپسىرىس جەتكىزگەن كەزدە تەگىن پايدالانۋىنا بەردى. بۇدان سىرت، قول اربا ورنالاستىرىلىپ، ۇلكەن بولشەكتەردى تاسۋعا قولايلىلىق جاراتتى.
ۋاڭ يالۇڭ وسى بىرنەشە ۆەلوسيپەدتى اۋىز جاپپاي ماقتادى، ”مىنا ۆەلوسيپەدتەر بولعاننان كەيىن، ونىمدىلىك جوعارى بولا ٴتۇستى. بۇرىن ەڭ الىس عيماراتتا ارلى ـ بەرلى جۇگىرىپ جەتكىزۋگە 8 _ 7 مينۋت ۋاقىت جۇمسالاتىن، ال قازىر ۆەلوسيپەدپەن 3 مينۋتتا جەتكىزىپ بولامىز. ۇلكەن بولشەكتەرگە جولىققاندا، قول اربامەن تاسىپ، كوپ كۇش ۇنەمدەيمىز“.
كولىك توقتاتۋ مەن جاياۋ ٴجۇرۋ ماسەلەسى شەشىلدى، ٴبىراق تاعى ٴبىر داعدىلى ماسەلە بار: عيمارات ىزدەۋ قيىن.
كوپتەگەن شاعىن اۋماقتارداعى عيماراتتاردىڭ بەلگىسى كۇڭگىرت، جەتكىزۋشىلەر ۇنەمى باعىتتان اداسىپ قالادى. ۋانكى فيسۇي تيانجياۋ شاعىن اۋماعىنىڭ بەلگىسى ٴبىرشاما انىق بولعانىمەن، كەلىپ كورمەگەن جەتكىزۋشىلەر اۋەلگىسىندەي جولدان وڭاي اداسادى.
2025 ـ جىلى 11 ـ ايدا وسى شاعىن اۋماقتىڭ كىرەر اۋزىنا عيماراتتاردىڭ ورنالاسۋ كارتاسى ورناتىلدى، ٴاربىر ايقاسپالى جول اۋىزدارىنا كورسەتكىش تاقتاسى ورناتىلدى.
ٴتىلشى ۋاڭ يالۇڭعا ىلەسىپ ٴبىر تاپسىرىس جەتكىزىپ كوردى، شاعىن اۋماققا كىرگەننەن كەيىن، ول الدىمەن عيماراتتاردىڭ ورنالاسۋ كارتاسىن كورىپ، جولدى تۇراقتاندىرىپ، ونان سوڭ ۆەلوسيپەدپەن نىسانالى جەرگە توتە تارتتى. ”وسى بەلگىلەر بولعاندىقتان، جاڭا كەلگەن جەتكىزۋشىلەر جولدان اداسۋدان الاڭدامايتىن بولدى. بۇرىن ارلى ـ بەرلى اينالىپ جۇرەتىنبىز، قازىر ٴبىر قاراپ ـ اق قايدا باراتىنىمىزدى بىلەمىز“، ـ دەدى ۋاڭ يالۇڭ.
تۇسكى تاماقتىڭ قاۋىرت مەزگىلىنىڭ ەڭ سوڭعى تاپسىرىسىن جەتكىزىپ بولعاننان كەيىن، ۋاڭ يالۇڭ قول تەلەفوننان ۋاقىتتى كوردى. ”قازىر شاعىن اۋماققا تاماق جەتكىزۋ قارقىنىمىز ٴتىپتى دە تەزدەدى، تۇستە تاپسىرىستى كوبىرەك جەتكىزۋگە بولادى“، ـ دەدى ول.
ۋانكى فيسۇي تيانجياۋ شاعىن اۋماعىنىڭ وزگەرىسى ىشىنارا جايت ەمەس. قازىرگە دەيىن ٴۇرىمجى قالاسىندا 2443 ”جەتكىزۋشىلەرگە مەيىر سيلاۋ شاعىن اۋماعى“ قۇرىلدى.
بۇل ”مەيىر سيلاۋدىڭ“ استارىندا ناقتى باسقارۋ ونەرى جاتىر. بايگە الاڭى باتىس الەۋمەتتىك اۋماعى پارتكومىنىڭ شۋجيى ما شياۋرۇڭ بىلاي دەپ تانىستىردى: الەۋمەتتىك اۋماق مەرزىم سايىن قوجالىق، تۇرعىندار، تۇعىر كاسىپورىندار مەن جەتكىزۋشىلەر ۋاكىلدەرىن ۇيىمداستىرىپ كەڭەس ٴماجىلىسىن اشادى، جەتكىزۋشىلەر تالاپ ـ تىلەك قويسا، كوپشىلىك ٴادىس ـ امال قاراستىراتىن. مەيىرلى شارالار مىنە وسىلاي ٴبىر ـ بىردەن اقىلداسۋدان كەلگەن.
اناعۇرلىم تەرەڭ قاتپارلى تىرەك مەحانيزمدە جاڭالىق اشۋدان كەلگەن. ”ٴبىز مەيىر سيلاۋ ورتاسى قۇرىلىسىن تۇتقا ەتىپ، پارتكومنىڭ قوعامدىق قىزمەت تاراۋلارى باستاماشى بولاتىن، كوپ تاراۋ سايكەسىپ بىرلەسە قيمىلدايتىن، قوعامدىق كۇشتەر كەڭ كولەمدە ات سالىساتىن قىزمەت مەحانيزمىن ورناتىپ، جاڭادان جۇمىستانعان قاۋىمنىڭ شۇعىل، قيىن، ۋايىمداعان، ٴزارۋ ماسەلەسىن شەشۋدى ىلگەرىلەتتىك“. اۆتونوميالى رايوندىق پارتكوم قوعامدىق قىزمەت ٴبولىمىنىڭ قاتىستى جاۋاپتىسى مىنانى ٴبىلدىردى: وسى مەحانيزمنىڭ ەڭ سوڭعى ماقساتى _ جاڭادان جۇمىستانعان قاۋىمعا قىزمەت وتەۋدىڭ ناقتى شاراسىن نەگىزگى ساتىنى باسقارۋمەن تەرەڭ توعىستىرىپ، ”مەيىر سيلاۋ“ ارقىلى ”شەبەرلىكپەن باسقارۋدى“ جەبەپ، ٴبىر باعىتتا باسقارۋدان كوپ نەگىزدى بىرگە باسقارۋعا بۇرىلىس جاساۋدى جۇزەگە اسىرۋ.
ەسىكتەن كىرۋ وڭاي، كولىك توقتاتۋ وڭاي، بەلگى انىق بولدى، قاراماققا شاعىن كورىنەتىن وسى شارالاردا قالانىڭ كۇرەسكەرلەرگە قۇرمەتى مەن قامقورلىعى ايگىلەندى، نەگىزگى ساتىنى باسقارۋدىڭ دالدىگى مەن مەيىرى جەتكىزىلدى.
تۇسكى كۇن ساۋلەسى شاعىن اۋماق قاقپاسىنا شۋاق شاشۋدا، تاعى ٴبىر جەتكىزۋشى ەلەكترسيكلدى ارناۋلى كولىك توقتاتۋ ورنىنا توقتاتىپ، ۆەلوسيپەدپەن نىسانالى عيماراتقا قاراي ٴجۇردى.
