جۇڭگو كوممۋنيستىك پارتياسى ورتالىق كوميتەت كەڭسەسىنىڭ، مەملەكەتتىك كەڭەس كەڭسەسىنىڭ جاڭادان جۇمىستانعان قاۋىمعا قىزمەت وتەۋ − باسقارۋدى كۇشەيتۋ جونىندەگى پىكىرى
(2025 - جىلى 10 - ايدىڭ 29 - كۇنى)
جاڭادان جۇمىستانعان قاۋىم − سوتسياليستىك ەڭبەكشىلەردىڭ ماڭىزدى قۇرامداس بولىگى، ەكونوميكالىق، قوعامدىق دامۋدا كەم بولسا بولمايتىن ماڭىزدى كۇش. قازىر ەلىمىزدىڭ جاڭادان گۇلدەنگەن سالالارى جەدەل دامۋدا، اسىرەسە، ينتەرنەت تۇعىرىن تىرەك ەتكەن جاڭا كاسىپ كۇيى كوپتەپ جارىققا شىعىپ، كولەمى زور جاڭادان جۇمىستانعان قاۋىم توپتالدى. جاڭادان جۇمىستانعان قاۋىمعا قىزمەت وتەۋ - باسقارۋدى كۇشەيتۋ ءۇشىن، پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن تومەندەگىدەي پىكىردى العا قويدىق.
ءبىرىنشى، جالپى تالاپ
شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتتىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، حالىقتى وزەك ەتۋگە تاباندى بولىپ، رەفورما جاساۋدى، جاڭالىق اشۋدى قوزعاۋشى كۇش ەتۋگە تاباندى بولىپ، قىزمەت مەحانيزمىن اقاۋسىزداندىرىپ، ءبىر تۇتاس جوسپارلاپ سايكەستىرۋدى كۇشەيتىپ، جالپىلىق شارا قولدانۋعا باسا ءمان بەرىپ، يدەيالىق - ساياسي جەتەكشىلىكتى كۇشەيتىپ، ۇيىستىرۋ، قىزمەت وتەۋ قىزمەتىن ويداعىداي ىستەپ، زاڭدى ۇقىق - مۇددەنى زاڭ بويىنشا قورعاپ، جاراسىمدى ەڭبەك قاتىناسىن ورناتىپ، جاڭادان جۇمىستانعان قاۋىمنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتىپ، جاڭادان جۇمىستانعان قاۋىمدى پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەپ، پارتيانىڭ ۇزاق ۋاقىت بيلىك جۇرگىزۋىنىڭ تاپتىق نەگىزىن، بۇقارالىق نەگىزىن، قوعامدىق نەگىزىن ۇزدىكسىز بەكەمدەۋ كەرەك.
باستى نىسانا: 2027 - جىلعا بارعاندا، جوعارى مەن تومەن بىرلەسىپ قيمىلدايتىن، سالالار مەن بولەكتەر ۇشتاسقان، ءونىمدى سايكەسەتىن قىزمەت مەحانيزمىن ونان ارى كەمەلدەندىرىپ، جاڭادان جۇمىستانعان قاۋىمىن پارتيا ۇيىمىمەن جانە پارتيا قىزمەتىمەن جاپپاي قامتىپ، ەڭبەكشى ىستەتۋدى بىرتىندەپ ارناعا ءتۇسىرىپ، جۇمىس ورتاسىن كورنەكتى جاقسارتىپ، زاڭدى ۇقىق - مۇددەنى پارمەندى قامتاماسىزداندىرۋ. تاعى 3 جىلدان 5 جىلعا دەيىن جاڭادان جۇمىستانعان قاۋىمعا قىزمەت وتەۋ - باسقارۋ ءتۇزىمىن اناعۇرلىم اقاۋسىزداندىرىپ، يدەيالىق - ساياسي جەتەكشىلىكتى اناعۇرلىم كۇشەيتىپ، ەڭبەك قاتىناسىن اناعۇرلىم جاراسىمدى، كاسىپپەن شۇعىلدانۋ ورتاسىن اناعۇرلىم مەيىرلى ەتىپ، زاڭدى ۇقىق - مۇددەنى اناعۇرلىم تولىق قامتاماسىزداندىرىپ، كاسىپتىڭ مويىندالۋ دەڭگەيىن كورنەكتى جوعارىلاتىپ، جاڭادان جۇمىستانعان قاۋىمنىڭ جان - جاقتى دامۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ كەرەك.
ەكىنشى، يدەيالىق ساياسي جەتەكشىلىكتى كۇشەيتۋ
(1) جاڭادان جۇمىستانعان قاۋىمنىڭ يدەيالىق ساياسي قىزمەتىن كۇشەيتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، جاڭادان جۇمىستانعان قاۋىمنىڭ پارتيانى ساياسي جاقتان شىنايى مويىنداۋىن، يدەيالىق جاقتان شىنايى مويىنداۋىن، نازاريالىق جاقتان شىنايى مويىنداۋىن، سۇيىسپەنشىلىك جاقتان شىنايى مويىنداۋىن ۇزدىكسىز كۇشەيتۋ كەرەك. جاڭادان جۇمىستانعان قاۋىمنىڭ ءىس جۇزىندىك جاعدايىمەن ۇشتاستىرىپ، مۇرات - سەنىم تاربيەسىن ورىستەتىپ، جۇڭگوشا سوتسياليزم، جۇڭگو ۇلگىسىندەگى وسىزامانداندىرۋ جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ۇگىت تاربيەسىن ورىستەتىپ، سوتسياليستىك وزەكتى قۇن كوزقاراسى ۇگىت تاربيەسىن تەرەڭدەتىپ، ەڭبەك رۋحىن، كۇرەس رۋحىن، ۇلەس قوسۋ رۋحىن، جاسامپازدىق رۋحىن، ۇقىپتى، ۇنەمشىل بولۋ رۋحىن بارىنشا اسقاقتاتۋ كەرەك. ينتەرنەت جەلىسىندەگى مەن جەلىدەن تىسقارىنى ۇشتاستىرۋعا تاباندى بولىپ، جاڭادان جۇمىستانعان قاۋىمنىڭ ەرەكشەلىگىنە ۇيلەسەتىن ۇيرەنۋ تاربيەسى ءتاسىلى جونىندە ىزدەنىس جاساۋ كەرەك. جاڭادان جۇمىستانعان قاۋىمنىڭ مادەني تۇرمىسىن بايىتۋ كەرەك. يدەيالىق ماسەلەنى شەشۋ مەن ءىس جۇزىندىك قيىنشىلىقتاردى شەشۋدى ۇشتاستىرىپ، يدەيالىق ساياسي قىزمەتتىڭ ناقتى ونىمدىلىگىن كۇشەيتۋ كەرەك.
(2) جاڭادان جۇمىستانعان قاۋىمنىڭ پارتيا قۇرىلىسى قىزمەتىنىڭ ساپاسىن، ونىمدىلىگىن جوعارىلاتۋ كەرەك. تۇرلىشە تۇردەگى جاڭادان جۇمىستانعان قاۋىمنىڭ قىزمەت تاسىلىنە، قيمىل كولەمىنە مەڭزەس، قاراستى جەردىڭ، كاسىپورىننىڭ، كاسىپ سالاسىنىڭ ابزالدىلىعىن ساۋلەلەندىرىپ، پارتيا ۇيىمىن قۇرۋ مەن قيمىل تاسىلىندە جاڭالىق اشىپ، پارتيا ۇيىمىنىڭ قامتۋىن جانە پارتيا قىزمەتىنىڭ قامتۋىن ۇزدىكسىز كەڭەيتۋ. جۇمىسشىلار شىققان جەر مەن جۇمىس ىستەۋگە بارعان جەر ءوزارا سايكەسۋ، ينتەرنەت جەلىسىندە، جەلىدەن تىسقارىنى ءوزارا ۇشتاستىرۋ ءتاسىلىن قولدانۋ جونىندە ىزدەنىس جاساپ، جاڭادان جۇمىستانعان قاۋىم اراسىنداعى جىلجىمالى پارتيا مۇشەلەرىن تاربيەلەۋدى، باسقارۋدى، باقىلاۋدى جانە قىزمەت وتەۋدى كۇشەيتۋ جانە جاقسارتۋ كەرەك. پارتيا ۇيىمى مەن پارتيا مۇشەلەرىنىڭ رولىن ساۋلەلەندىرۋ مەحانيزمىن كەمەلدەندىرىپ، پارتيا قۇرىلىسى قىزمەتىنىڭ ءوندىرىس، شارۋاشىلىق، جاڭالىق اشۋ، شارۋاشىلىق قۇرۋ، قوعامدىق قىزمەت وتەۋ سياقتىلارمەن ورگانيكالى توعىسۋىن ىلگەرىلەتۋ كەرەك. جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمداردىڭ كوپىرلىك، دانەكەرلىك رولىن ءونىمدى ساۋلەلەندىرىپ، جاڭادان جۇمىستانعان قاۋىممەن بايلانىستى، قىزمەت وتەۋدى كۇشەيتىپ، پارتيا قىزمەتىنىڭ قامتۋ كولەمىن كەڭەيتۋ كەرەك. ءتۇرلى شەپتەرگە جانە جەلىدەگى تۇعىرلارعا سۇيەنىپ، جاڭادان جۇمىستانعان قاۋىمنىڭ پارتيا ۇيىمى قيمىلىن ورىستەتۋدىڭ ءونىمدى ءتاسىلى جونىندە ىزدەنىس جاساۋ كەرەك.
(3) ۇنامدى ۇگىت پەن شابىتتاندىرۋدى، جەتەكتەۋدى كۇشەيتۋ كەرەك. اقپارات مەدياسى، ينتەرنەت تۇعىرى سياقتىلاردان جان - جاقتى پايدالانىپ ۇگىتتەۋدى، جەتەكتەۋدى كۇشەيتىپ، جاڭادان جۇمىستانعان قاۋىمعا قۇرمەت ەتەتىن، ولاردى تۇسىنەتىن تاماشا قوعامدىق راي قالىپتاستىرىلادى. تيپتەردىڭ ۇلگىلىك، جەتەكشىلىك رولىن ساۋلەلەندىرىپ، جاڭادان جۇمىستانعان قاۋىمنىڭ تاڭداۋلى ىزگى ىستەرىن ىشكەرىلەي اشۋ ءارى بەلسەنە ۇگىتتەۋ كەرەك. كورنەكتى ۇلەس قوسقان جاڭادان جۇمىستانعان قاۋىم قاتىستى بەلگىلەمەلەرگە ساي ماداقتاۋ، سيلاۋ. جاڭا داۋىردەگى قىزمەت ورنىندا ەڭبەك ءسىڭىرۋ جەلىلەس قيمىلدارىن ىشكەرىلەي ورىستەتىپ، مەرزىم بويىنشا كاسىپتىك سالالاردا كاسىپتىك شەبەرلىك جارىسىن وتكىزىپ، جاڭادان جۇمىستانعان قاۋىمنىڭ كاسىپتىك داڭق سەزىمى مەن شىنايى مويىنداۋ سەزىمىن جوعارىلاتۋ كەرەك.
ءۇشىنشى، زاڭدى ۇقىق - مۇددەنى زاڭ بويىنشا قورعاۋ
(4) جۇمىسشى ىستەتۋدى باسقارۋدى زاڭ بويىنشا ارناعا ءتۇسىرۋ كەرەك. ينتەرنەت تۇعىرى كاسىپورىندارى، جەدەل جەتكىزۋ كاسىپورىندارى سياقتىلاردىڭ جۇمىسشى ىستەتۋدى باسقارۋ ءتۇزىمىن كەمەلدەندىرۋىن ىلگەرىلەتىپ، كاسىپ سالاسى ەرەكشەلىگىنە ۇيلەسەتىن، جاڭادان جۇمىستانعان قاۋىمنىڭ قاجەتىنە تىعىز ۇيلەسەتىن ەڭبەك توقتامىن، جازباشا كەلىسىمنىڭ پايدالانۋ نۇسقاسىن جالپىلاستىرىپ جانە پايدالانىپ، جۇمىسشى ىستەتۋ فاكتى سياقتىلارعا قاراي ۇقىق پەن بورىشتى زاڭ بويىنشا ۇيلەسىمدى بەلگىلەۋ كەرەك. جاڭادان جۇمىستانعان قاۋىمدى جۇمىس ورنىنا قابىلداۋدى باسقارۋدى ارناعا ءتۇسىرىپ جانە كۇشەيتىپ، تاربيەلەپ قىزمەت ورنىنا شىعارۋ ءتۇزىمىن قاتاڭ اتقارۋ كەرەك. كاسىپورىنداردىڭ باس شتاپ رولىن ساۋلەلەندىرىپ، سەلبەستىك كاسىپورىندارىنىڭ، وداقتاس كاسىپورىنداردىڭ جانە توراپ تۇيىندەرىنىڭ، پۋنكتتەرىنىڭ، ت.ب جاۋاپكەرشىلىگىن قاتايتىپ، جاڭادان جۇمىستانعان قاۋىمنىڭ كاسىپپەن وركەنيەتتى شۇعىلدانباۋ ارەكەتىن ەرەجە - تۇزىمدەرمەن تەجەۋدى كۇشەيتۋ، حاۋىپسىزدىكتى باسقارۋ ءتۇزىمىن كەمەلدەندىرىپ، جاڭادان جۇمىستانعان قاۋىمنىڭ ەڭبەك حاۋىپسىزدىگى مەن كاسىپتىك اقاۋسىزدىعىن قامتاماسىزداندىرۋ كەرەك.
(5) زاڭدى ۇقىق - مۇددەنى قامتاماسىزداندىرۋدى كۇشەيتۋ كەرەك. ينتەرنەت تۇعىرى كاسىپورىندارى، جەدەل جەتكىزۋ كاسىپورىندارى سياقتىلاردى قىزمەت مىندەتى، ەڭبەك كۇشەمەلىلىگى سياقتىلارعا نەگىزدەلىپ، جاڭادان جۇمىستانعان قاۋىمنىڭ ەڭبەكاقىسىن ۇيلەسىمدى تۇراقتاندىرىپ، دەر كەزىندە تولىق بەرۋگە قۋزاۋ كەرەك. جاڭادان جۇمىستانعان قاۋىمنىڭ دەمالىس ۇقىق - مۇددەسىن قامتاماسىزداندىرىپ، ناشار اۋا رايى سياقتى ەرەكشە جاعدايداعى ەڭبەكتى قورعاۋدى كۇشەيتۋ كەرەك. كاسىپورىنداردىڭ ىشكى بولىگىندە تالاپ - تىلەكتەردى جەتكىزۋ ارناسىن ىركىلىسسىزدەندىرىپ، داۋ - شاردى ءبىر جايلى ەتۋ مەحانيزمىن كەمەلدەندىرىپ، شاعىم ايتۋ، ارىز بەرۋدى ءادىل، ۇيلەسىمدى ءبىر جاقتى ەتىپ، ءار جاقتىڭ ورىندى ۇقىق - مۇددەسىن قورعاۋ كەرەك. جاڭادان جۇمىستانعان قاۋىمنىڭ ۇقىق - مۇددەسىنە ساياتىن ماڭىزدى ىستەردى ۇدايىلاندىرىپ اقىلداسۋ، شىنايى كەڭەسۋ مەحانيزمىن ورناتىپ جانە كەمەلدەندىرىپ، كەڭەسۋ ناتيجەسىن ۇيلەسىمدى فورما ارقىلى جاڭادان جۇمىستانعان قاۋىمعا اشىق جاريالاۋ كەرەك. ۇيلەسىمسىز اقى الۋ، سىرىڭكەلىك الۋ، اعىن مولشەرىن تەڭسىز بولىسكە سالۋ، سونداي - اق بازاردىڭ مەڭگەرۋ ورنىنان بەتالدى پايدالانۋ سياقتى زاڭعا، بەلگىلەمەگە قايشى ارەكەتتەردى زاڭ بويىنشا، بەلگىلەمە بويىنشا تەكسەرىپ ءبىر جاقتى ەتۋ كەرەك. جاڭادان جۇمىستانعان قاۋىمنىڭ زاڭدى ۇقىق - مۇددەسىن قامتاماسىزداندىرۋدى كاسىپورىنداردىڭ قوعامدىق جاۋاپكەرشىلىگىن باعالاۋ جۇيەسىنە ەنگىزىپ، قاتىستى قوعامدىق ۇيىمداردىڭ كاسىپ سالاسى تەجەمىن جەبەۋدى ىلگەرىلەتۋدى قولداۋ كەرەك.
(6) ينتەرنەت تۇعىرىنىڭ ەسەپتەۋ ءتاسىلىن باسقارۋدى كۇشەيتۋ كەرەك. ينتەرنەت تۇعىرى كاسىپورىندارىن قوعامدىق جاۋاپكەرشىلىكتى شىنايى اتقارۋعا قۋزاپ، ەسەپتەۋ ءتاسىلىن ارناعا ءتۇسىرىپ، جاريالىلىقتى جوعارىلاتىپ، جاڭادان جۇمىستانعان قاۋىمنىڭ ەسەپتەۋ ءتاسىلىنىڭ قاعيدالارىن ءبىلۋ ۇقىعىن، ات سالىسۋ ۇقىعىن، تاڭداۋ ۇقىعىن قامتاماسىز ەتۋ كەرەك. ەسەپتەۋ ءتاسىلى مەحانيزمى قاعيداسىن ساپالىلاندىرىپ، رەتتەپ، جۇمىسشى ۇيىمى، جاڭادان جۇمىستانعان قاۋىمنىڭ ۋاكىلدەرى سياقتىلاردىڭ پىكىرىن تولىق تىڭداپ، ءبولىس قاعيداسىن، باعا ەسەپتەۋ قاعيداسىن، ۋاقىتىن الدىن الا مولشەرلەۋ سياقتىلاردى ۇيلەسىمدى بەلگىلەۋ كەرەك. ەسەپتەۋ ءتاسىلى مەن قولدانۋ جەتىستىگىن مەرزىم بويىنشا تەكسەرىپ، باعالاپ، دالەلدەپ، ەسەپتەۋ ءتاسىلىن ەستەلىككە الۋ ءتۇزىمىن قاتاڭ اتقارۋ كەرەك. جاساندى زەردە، زات ينتەرنەتى سياقتى جاڭالىق اشۋ تەحنولوگياسىنان پايدالانىپ ەسەپتەۋ ءتاسىلىن ساپالىلاندىرۋعا باسا ءمان بەرۋ. ەسەپتەۋ ءتاسىلىنىڭ حاۋىپسىزدىگىن باعالاۋ جانە باقىلاۋ - تەكسەرۋ قىزمەتىن زاڭ بويىنشا ورىستەتۋ كەرەك.
(7) باقىلاۋ - باسقارۋدى كەمەلدەندىرۋ كەرەك. كاسىپ سالاسى اينالىمىن باقىلاۋدى كۇشەيتىپ، كاسىپپەن شۇعىلدانۋ ينفورماتسياسىن جاريالاۋ ءتۇزىمىن كەمەلدەندىرىپ، جاڭادان جۇمىستانعان قاۋىمنىڭ ۇيلەسىمدى كىرىس جانە مامىلە مەجەسىن قالىپتاستىرۋىنا جەتەكشىلىك ەتۋ كەرەك. ”ىشكى قاراتالاسۋ ۇلگىسىندەگى“ باسەكەنى جان - جاقتى وڭاپ، جاڭادان جۇمىستانعان قاۋىمنىڭ زاڭدى ۇقىق - مۇددەسىنە زيان جەتكىزۋدەن قاتاڭ ساقتانۋ كەرەك. جاڭادان جۇمىستانعان قاۋىمنىڭ جەكە قۇپيالىعىن، جەكە ينفورماتسياسىنىڭ حاۋىپسىزدىگىن قورعاۋدى زاڭ بويىنشا كۇشەيتۋ كەرەك. فينانستىق باقىلاۋ - باسقارۋدى كۇشەيتىپ، جاڭادان جۇمىستانعان قاۋىمعا ساياتىن شارۋاشىلىق قارىز اقشاسىن باسقارۋدى اناعۇرلىم ارناعا ءتۇسىرۋ كەرەك. جاڭادان جۇمىستانعان قاۋىمعا ساياتىن الداۋ، الداپ قارىز اقشا الۋ سياقتى زاڭعا قايشى قىلمىستىق ارەكەتتەرگە باتىل سوققى بەرۋ كەرەك.
ءتورتىنشى، قامقورلىق جاساۋ تەبىنىن ارتتىرۋ
(8) الەۋمەتتىك قىزمەت وتەۋ ورەسىن جوعارىلاتۋ كەرەك. تۇراقتى قونىستانعان جەردىڭ نەگىزگى الەۋمەتتىك قىزمەت وتەۋمەن قامداۋىن جالپىلاستىرىپ، ءىس جۇزىندىكپەن ۇشتاستىرىپ قاتىستى الەۋمەتتىك قىزمەت وتەۋدىڭ اداممەن بىرگە ءجۇرۋىن بىرتىندەپ ىلگەرىلەتۋ كەرەك. جاڭادان جۇمىستانعان قاۋىمنىڭ ەرەكشەلىگىنە ۇيلەسەتىن قوعامدىق قامتاماسىزداندىرۋ ءتۇزىمى جۇيەسىن اقاۋسىزداندىرىپ، قوعامدىق قامسىزداندىرۋ قاتىناسىن اۋىستىرۋ - جالعاستىرۋ مەحانيزمىن كەمەلدەندىرۋ كەرەك. كاسىپتىك جاقتان زاقىمدالۋدى قامتاماسىزداندىرۋدى تۇيىندە سىناق ەتۋدى كەڭەيتىپ، كاسىپتىك جاقتان زاقىمدالۋدى قامتاماسىزداندىرۋ ءتۇزىمىن ورناتۋ جانە اقاۋسىزداندىرۋ كەرەك. كاسىپتىك اۋرۋلاردان ساقتانۋ جانە ونى ەمدەۋ قىزمەتىن ويداعىداي ىستەۋ كەرەك. ولكە اتتاپ باسقا جەردە ەمدەلۋدە تىكەلەي ەسەپ جابۋ قىزمەت وتەۋىن ويداعىداي ىستەۋ كەرەك. جاڭادان جۇمىستانعان قاۋىمنىڭ تۇرعىن ءۇي الەۋمەتتىك قورىنا قاتىناسۋ ءتۇزىمىن ورنىقتى ىلگەرىلەتۋ كەرەك. كاسىپتىك شەبەرلىككە باۋلۋدى كۇشەيتىپ، كاسىپتىك شەبەرلىكتىڭ دارەجەسىن تۇراقتاندىرۋ جانە كاسىپتىك اتاقتى باعالاۋ ساياساتىن كەمەلدەندىرىپ، كاسىپتىك دامۋ ارناسىن ىركىلىسسىزدەندىرۋ كەرەك. جاڭادان جۇمىستانعان قاۋىمنىڭ اراسىنداعى مۇگەدەكتەرگە قىزمەت وتەۋ قىزمەتىن ويداعىداي ىستەۋ كەرەك. بەلگىلەمە بويىنشا تۇرمىسىندا قيىنشىلىعى بار جاڭادان جۇمىستانعان قاۋىمعا سايكەستى قوعامدىق كومەك بەرىپ، قىزمەت بارىسىندا كەزدەيسوق جارالانعان، قايتىس بولعان جەكەلەرگە جانە ولاردىڭ وتباسىنداعىلارعا كومەكتەسۋ كەرەك. قوعامدىق پسيحولوگيالىق قىزمەت وتەۋدى كۇشەيتىپ، قوعامدىق قىزمەت كاسىبي قىزمەتكەرلەرى، ت.ب رولىن ساۋلەلەندىرىپ، جاڭادان جۇمىستانعان قاۋىمنىڭ كاسىپتىك ۋايىمىن باسەڭدەتۋ كەرەك. قوعامدىق ۇيىمداردان نەمەسە باسقا قابىلداعان نەگىزگى تۇلعالاردان قىزمەت وتەۋدى ساتىپ الۋ سياقتى تاسىلدەر ارقىلى جاڭادان جۇمىستانعان قاۋىمعا قاتىستى قىزمەت وتەۋ جونىندە ىزدەنىس جاساۋ كەرەك.
(9) جاراسىمدى، مەيىر سيلايتىن كاسىپپەن شۇعىلدانۋ ورتاسىن قالىپتاستىرۋ كەرەك. الەۋمەتتىك اۋماق، ساۋدا شەڭبەرى، عيمارات، باقشا رايونى، قاتىناس تورابى، تاس جول قىزمەت وتەۋ اۋماعى، ينتەرنەتتە تىكە تاراتۋ بولمەسى سياقتىلاردىڭ مەيىر سيلاۋ ورتاسى قۇرىلىسىن ىلگەرىلەتۋ كەرەك. پارتيا مۇشەلەرىنە، بۇقاراعا قىزمەت وتەۋ ورتالىعى، جاڭا ءداۋىر وركەنيەت امالياتى ورتالىعى (ورىن، پۋنكت)، جۇمىسشى ۇيىمى ايالداماسى، جاستار وتاۋى، ايەلدەر ءۇيى، شوفەر ءۇيى سياقتىلاردى ءبىر تۇتاس جوسپارلاپ پايدالانۋدى جانە ىسكە قوسۋدى، قورعاۋدى، باسقارۋدى كۇشەيتىپ، قىزمەت وتەۋ تورىن كەمەلدەندىرۋ كەرەك. ءىس جۇزىندىكپەن ۇشتاستىرا وتىرىپ، جاڭادان جۇمىستانعان قاۋىمنىڭ جاتىن ورىن، تاماق، اۆتوكولىك توقتاتۋ، جول قاتىناسى سياقتى ماسەلەلەرىن شەشۋىنە سايكەسىپ كومەكتەسۋ كەرەك. قاتىستى كاسىپورىندار توراپ تۇيىندەرى، پۋنكت تۇيىندەرى مەن اۋىل - قالاشىقتارمەن (ءمالى)، قىستاقتارمەن (الەۋمەتتىك اۋماق) قىزمەت بايلانىسىن كۇشەيتىپ، پۋنكت باستىعى، اترەت باستىعى قاتارلىلاردىڭ تىرەكتىلىك رولىن ساۋلەلەندىرىپ، جاڭادان جۇمىستانعان قاۋىم مەن قىستاق (تۇرعىن) تۇرعىندارى، قوجالىق قىزمەت وتەۋشىلەر، اماندىق قورعاۋشىلار، ساۋداگەرلەر مەن زات يەسى سياقتىلاردىڭ اۋىس - كۇيىسىن، قارىم - قاتىناسىن كۇشەيتۋىن جەبەۋ كەرەك. اۋىل - قالاشىق (ءمالى)، قىستاق (الەۋمەتتىك اۋماق) باستاماشى بولعان كوپ جاقتى كەڭەسۋ مەحانيزمىن ورناتىپ، اقاۋسىزداندىرىپ، جاڭادان جۇمىستانعان قاۋىمعا قامقورلىق جاساۋدى، قىزمەت وتەۋدى جانە وعان قۇرمەت ەتۋدى، قولداۋ كورسەتۋدى كۇشەيتىپ، جاڭادان جۇمىستانعان قاۋىمنىڭ توعىسۋ سەزىمىن، تاۋەلدىلىك سەزىمىن كۇش سالا جوعارىلاتۋ كەرەك.
(10) ءجىتى قاداعالاپ وتىرعان ىستەرگە دەر كەزىندە جاۋاپ قايتارۋ كەرەك. پارتيا ۇيىمى، كاسىپ باسقارۋ جانە كاسىپ باقىلاۋ - باسقارۋ تاراۋلارى، بۇقارالىق ۇيىمدار، ينتەرنەت تۇعىرى كاسىپورىندارى، جەدەل جەتكىزۋ كاسىپورىندارى، سونداي - اق كاسىپتىك قوعامدار، ساۋدا قوعامدارى سياقتى كوپ جاقتىڭ رولىن ساۋلەلەندىرىپ، جاڭادان جۇمىستانعان قاۋىمنىڭ شوعىرلى تالاپ - تىلەكتەرىن جيناپ، اڭىس ەتىپ، ۇيلەسىمدى تالاپ - تىلەكتەردى دەر كەزىندە شەشۋدى ىلگەرىلەتۋ كەرەك. اكىمشىلىك قىزمەت وتەۋ حالىققا قولايلى ىستىق لەنياسى سياقتىلارعا سۇيەنىپ، تاراۋ اتتاپ، ءوڭىر اتتاپ، ۇكىمەت پەن كاسىپورىننىڭ سەلبەسىپ ءبىر جاقتى ەتۋىن ىلگەرىلەتىپ، جوعارى جيىلىكتەگى تالاپ - تىلەكتەر مەن جالپىلىق سيپات العان ماسەلەلەردى كۇش سالا شەشۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، قايشىلىقتاردى شەشۋ مەحانيزمىندە جاڭالىق اشىپ جانە ونى كەمەلدەندىرىپ، تۋ باستان وڭاۋدى كۇشەيتۋ كەرەك. ەڭبەكتى قامتاماسىزداندىرۋدى باقىلاۋ - تەكسەرۋ، زاڭ اتقارۋ تەبىنىن كۇشەيتىپ، جاڭادان جۇمىستانعان قاۋىمنىڭ ەڭبەگىن قامتاماسىزداندىرۋ، ۇقىق - مۇددەسىن زاڭ بويىنشا دەر كەزىندە، ءونىمدى قورعاۋ كەرەك. ەڭبەك داۋ - شارىن كەڭەسۋ، جاراستىرۋ قىزمەت مەحانيزمىن اقاۋسىزداندىرىپ، ءبىر ورىندا جاراستىرۋدى كۇشەيتىپ، جاڭادان جۇمىستانعان قاۋىمنىڭ ەڭبەك داۋ - شارىنا تورەلىك ايتۋ ەرەجەسىن كەمەلدەندىرۋ كەرەك.
بەسىنشى، قوعاممەن توعىسۋىن جەبەۋ
(11) تاماشا وبرازدى ايگىلەۋ كەرەك. كاسىپتىك قاسيەتتى جەتىلدىرۋدى، كاسىپتىك رۋحتى جەتىلدىرۋدى كورنەكتىلەندىرىپ، جاڭادان جۇمىستانعان قاۋىمدى قىزمەت ورنىن سۇيۋگە، قوعامعا ۇلەس قوسۋعا جەتەكتەۋ كەرەك. جاڭادان جۇمىستانعان قاۋىمنىڭ قوعامدىق بارىس - كەلىس، الەۋمەتتىك ورىندارداعى ارەكەت ولشەمىنە سانالى بويسۇنۋىن دارىپتەپ، وركەنيەت ساپاسىن ايگىلەۋ كەرەك. جاڭادان جۇمىستانعان قاۋىمنىڭ زاڭمەن باسقارۋ تانىمىن، سەنىمدىلىك تانىمىن جانە جاۋاپكەرشىلىك تانىمىن كۇش سالا كۇشەيتىپ، اقاۋسىز، بايىپتى كوڭىل كۇيدى جەتىلدىرىپ، جاڭادان جۇمىستانعان قاۋىمدى ءوزىن قۇرمەتتەۋگە، وزىنە سەنۋگە، بەلسەنە العا باسۋعا جەتەكتەۋ كەرەك. جاڭادان جۇمىستانعان قاۋىمدى توراپ كەڭىستىگىندە ءمورالدى ارداقتاپ، زاڭعا بويسۇنۋعا، وركەنيەتتى ىقپالداستىق جاساۋعا، بايىپتىلىقپەن بەينەلەۋگە تاربيەلەپ جانە جەتەكتەپ، تاماشا توراپ ءتارتىبىن سانالىلىقپەن قورعاۋ كەرەك.
(12) قوعامدىق باسقارۋعا ات سالىسۋعا جەتەكتەۋ كەرەك. قىزمەت مەحانيزمى مەن شابىتتاندىرۋ مەحانيزمىن ورناتىپ، اقاۋسىزداندىرىپ، جاڭادان جۇمىستانعان قاۋىمنىڭ ەرەكشەلىگى مەن ارتىقشىلىعىن ساۋلەلەندىرىپ، جاڭادان جۇمىستانعان قاۋىمنىڭ قوعامدىق باسقارۋعا ات سالىسۋ بەلسەندىلىگىن، ىرىقتىلىعىن جۇمىلدىرۋ كەرەك. جاڭادان جۇمىستانعان قاۋىمدى نەگىزگى ساتىنى باسقارۋعا جانە ەرىكتى قىزمەت وتەۋگە ات سالىسۋعا ىنتالاندىرۋ، جەتەكتەۋ كەرەك. جاڭادان جۇمىستانعان قاۋىمنىڭ كاسىپ سالاسىن باسقارۋعا زاڭ بويىنشا ات سالىسۋىن قولداپ، ۇيلەسىمدى تالاپ - تىلەكتەردى تارتىپپەن اڭىس ەتىپ، قوعامدىق باقىلاۋ رولىن ويداعىداي ساۋلەلەندىرىپ، ينتەرنەت تۇعىرى كاسىپورىندارى سياقتىلاردىڭ اينالىم ۇلگىسىن ۇزدىكسىز كەمەلدەندىرۋىن، قىزمەت وتەۋ دەڭگەيىن جوعارىلاتۋىن ىلگەرىلەتۋى كەرەك.
التىنشى، ۇيىمداستىرىپ اتقارۋدى كۇشەيتۋ
وڭىرلەر، قاتىستى تاراۋلار پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءىس جۇزىندىك جاعدايمەن ۇشتاستىرىپ، وسى پىكىردى دايەكتىلەندىرۋدى، تياناقتاندىرۋدى ويداعىداي يگەرۋى كەرەك. ءار دارەجەلى پارتكومدار مەن ۇكىمەتتەر ۇيىمدىق باسشىلىقتى كۇشەيتىپ، جاڭادان جۇمىستانعان قاۋىمعا قىزمەت وتەۋ - باسقارۋ قىزمەتىندەگى ءتۇيىندى، قيىن ماسەلەلەردى دەر كەزىندە اقىلداسىپ شەشۋى كەرەك. پارتكوم باسشىلىق ەتەتىن، پارتكومنىڭ قوعامدىق قىزمەت تاراۋلارى جەتەكشىلىك ەتىپ ىلگەرىلەتەتىن، كاسىپ سالاسىن باسقارۋ جانە كاسىپتىك باقىلاۋ - باسقارۋ تاراۋلارى ناقتى ىلگەرىلەتەتىن، قاتىستى تاراۋلار سايكەسەتىن، سەلبەسەتىن قاراستى جەر باسقاراتىن قىزمەت ارناسىن قالىپتاستىرۋ كەرەك. قىزمەتكەرلەر كۇشى، شەپ بايلىعى، قاراجات سياقتى جاقتارداعى قامتاماسىزداندىرۋدى تياناقتاندىرۋ كەرەك. بولجامپازدىق زەرتتەۋى مەن امالياتتىق ىزدەنىستى كۇشەيتىپ، جاڭادان جۇمىستانعان قاۋىمعا قىزمەت وتەۋ - باسقارۋعا قاتىستى زاڭ، زاڭ - ەرەجەلەر جانە ءتۇزىم قۇرىلىسىن جەدەل ىلگەرىلەتۋ كەرەك.
(شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى)
