عىلىم - تەحنولوگيانىڭ قۋات ۇستەۋى قىزمەت وتەۋ كاسىبىنىڭ ساپالى، جوعارى ءونىمدى دامۋىن جۇزەگە اسىرادى
− باس شۋجي شي جينپيڭنىڭ قىزمەت وتەۋ كاسىبىنىڭ دامۋى جونىندە بەرگەن ماڭىزدى نۇسقاۋىنىڭ رۋحىن ۇيرەنۋ، دايەكتىلەندىرۋ جونىندە جەلىلەس شولۋ (3)
□ شينحۋا اگەنتتىگىنىڭ تىلشىلەرى حۋ جى، ليۋ جىن
باس شۋجي شي جينپيڭ جۋىقتا قىزمەت وتەۋ كاسىبىنىڭ دامۋى جونىندە ماڭىزدى نۇسقاۋ بەرىپ، ”سۇرانىستىڭ جەتەكشىلىك ەتۋىن، رەفورما جاساپ قامال الۋدى، عىلىم - تەحنولوگيانىڭ قۋات ۇستەۋىن، ەسىك اشىپ سەلبەستىك جاساۋدى كورنەكتىلەندىرۋدى“ باسا دارىپتەپ، جاڭا داۋىردەگى قىزمەت وتەۋ كاسىبىنىڭ جوعارى ساپالى دامۋىنا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. مۇنىڭ ىشىندە ”عىلىم - تەحنولوگيانىڭ قۋات ۇستەۋى“ − شەشۋشى تىرەك.
پارتيا 18 - قۇرىلتايىنان بەرى، ەلىمىزدىڭ قىزمەت وتەۋ كاسىبىنىڭ كولەمى ورنىقتى كەڭەيىپ، ساپاسى، ونىمدىلىگى ۇزدىكسىز جوعارىلاپ، كاسىپ سالاسىنىڭ دارەجەسىن جوعارىلاتۋ، حالىق تۇرمىسى قاجەتىن قاناعاتتاندىرۋ، جۇمىستانۋ اياسىنىڭ كەڭەيۋىن جەبەۋ سياقتى جاقتاردا ماڭىزدى رول اتقاردى. جاڭا جاعداي، جاڭا مىندەت الدىندا، عىلىم - تەحنولوگيادا جاڭالىق اشۋ سىندى وسى ”بۇيدانى“ مىقتاپ يگەرىپ، عىلىم - تەحنولوگيانىڭ قۋات ۇستەۋى ارقىلى قىزمەت وتەۋ كاسىبىنىڭ قۋاتىن ارتتىرىپ ساپاسىن جوعارىلاتۋىنا دەم بەرۋ كەرەك.
عىلىم - تەحنولوگيانىڭ قۋات ۇستەۋى − قىزمەت وتەۋ كاسىبىنىڭ تيبىن جاڭالاپ دارەجەسىن جوعارىلاتۋىن، جوعارى دەڭگەيلى كاسىپ سالاسىنا قاراي كەڭەيۋىن ىلگەرىلەتۋدىڭ وزەكتى جولى.
باس شۋجي شي جينپيڭ وندىرىستىك قىزمەت وتەۋ كاسىبىنىڭ ارنايىلانۋعا جانە قۇن تىزبەگىنىڭ جوعارى دەڭگەيگە قاراي كەڭەيۋىن ىلگەرىلەتۋدى باسا دارىپتەدى. پارتيا 20 - قۇرىلتايىنىڭ بايانداماسىندا ساپالى، جوعارى ءونىمدى قىزمەت وتەۋ كاسىبىنىڭ جاڭا جۇيەسىن ورناتىپ، وسى زامانعى قىزمەت وتەۋ كاسىبىنىڭ وزىق جاساۋ كاسىبىمەن، وسى زامانعى اۋىل شارۋاشىلىعىمەن ىشكەرىلەي توعىسۋىن ىلگەرىلەتۋ ايقىن تالاپ ەتىلدى.
ونىمدىلىك − قىزمەت وتەۋ كاسىبىنىڭ باسەكەلىك قابىلەتىنىڭ وزەگى، عىلىم - تەحنولوگيادا جاڭالىق اشۋ قىزمەت وتەۋ كاسىبىندەگى بايلىقتىڭ ورنالاستىرىلۋىنىڭ اناعۇرلىم ساپالىلانۋىن، كاسىپ سالالارىنىڭ سايكەسۋىنىڭ اناعۇرلىم ىركىلىسسىزدەنۋىن ىلگەرىلەتەدى.
جىجياڭدا نيڭبو جينشان شۋاڭلۋ باتارەيا ءوندىرىس بازاسى 5G ورتاسىنداعى زەردەلى زات اينالىمى تورىن قۇرىپ، اۆتوماتتى باعىتتالاتىن تاسىمال كولىگى ارقىلى باتارەيا شيكىزاتىنىڭ، جارتىلاي وڭدەلگەن بۇيىمنىڭ جانە دايىن بۇيىمنىڭ اۆتوماتتى ورنالاستىرىلۋىن جانە اينالىمعا سالىنۋىن جۇزەگە اسىرىپ، قامبادا ساقتاۋ اينالىم ونىمدىلىگىن زور دارەجەدە جوعارىلاتتى. بۇل كورىنىس ءدال وسى زامانعى قىزمەت وتەۋ كاسىبى مەن وزىق جاساۋ كاسىبىنىڭ ىشكەرىلەي توعىسۋىنىڭ، ءداستۇرلى جاساۋ كاسىبىنىڭ زەردەلى جاساۋ كاسىبىنە قاراي تيپ جاڭالاۋىن ىلگەرىلەتۋدىڭ جاندى ىقشام كورىنىسى.
وسى تەكتەس وزگەرىستەر بۇكىل ەلدىڭ جەر - جەرىندە تۋىلۋدا: حۋناننىڭ چاڭشا قالاسى مالانشان بەينەجازبا مادەنيەت جاسامپازدىعى كاسىپ سالاسى باقشاسىنا سۇيەنىپ، دىبىس - بەينە جابدىقتارى كاسىپ سالاسى مەن سيفرلى مادەنيەت كاسىپ سالاسىنىڭ سايكەستى دامۋىن ىلگەرىلەتتى؛ گۋاڭشيدىڭ گۇيگاڭ قالاسىنداعى ينۇڭ كۇرىش زەردەلى ەگىس الاڭىندا بەيدوۋ جول نۇسقاۋى بويىنشا زەردەلى جۇرگىزۋ جۇيەسى جەر جىرتۋدىڭ جالپى بارىسىندا ادامسىز جۇمىس جۇرگىزۋدى جۇزەگە اسىردى.
وندىرىستىك قىزمەت وتەۋ كاسىبى ءوندىرىس قيمىلىنىڭ تۇتاس تىزبەگىنە سىڭىرىلگەن، كاسىپ سالاسىنىڭ تىزبەكتى ۇزارتىپ قۇنىن ارتتىرۋىنىڭ تىرەگى. اماليات سيفرلانۋعا، زەردەلىلەنۋگە بۇرىلىس جاساۋ تەزدەگەن جاعدايدا، عىلىم - تەحنولوگيانىڭ قۋات ۇستەۋىنىڭ وندىرىستىك قىزمەت وتەۋ كاسىبىنىڭ قۇن تىزبەگىنىڭ جوعارى دەڭگەيىنە قاراي كەڭەيۋىن كۇن سايىن ىلگەرىلەتەتىندىگىن كورسەتتى.
عىلىم - تەحنولوگيانىڭ قۋات ۇستەۋى − حالىقتىڭ تاماشا تۇرمىس قاجەتىن قاناعاتتاندىرۋدىڭ، قىزمەت وتەۋ ازىرلەۋ دەڭگەيىن جوعارىلاتۋدىڭ تابيعي تالابى.
باس شۋجي شي جينپيڭ تۇرمىستىق قىزمەت وتەۋ كاسىبىنىڭ جوعارى ساپالى، الۋان تۇرلىلەنىپ، قولايلىلانىپ دامۋىن جەبەۋدى باسا دارىپتەدى. بىلتىر جىل سوڭىندا اشىلعان ورتالىقتىڭ ەكونوميكالىق قىزمەت ماجىلىسىندە ”ساپالى تاۋارلارمەن جانە قىزمەت وتەۋمەن قامداۋدى كەڭەيتۋ“، ”قىزمەت وتەۋ تۇتىنۋىنىڭ كومەسكى كۇشىن اشۋ“ ورتاعا قويىلدى.
حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرۋ ءۇشىن، عىلىم - تەحنولوگيانىڭ قۋات ۇستەۋى ارقىلى نازاردى حالىق تۇرمىسىنىڭ قاجەتىنە شوعىرلاندىرعان تۇرمىستىق قىزمەت وتەۋ كاسىبى جەدەل دامۋدا.
توڭازىتقىش ازىق - تۇلىك ماتەريالدارىن پارىقتاعاننان كەيىن، جاس كۇيىندە ساقتاۋدى باسقارۋ جانە زات ساتىپ الۋ ۇسىنىسىن بەرەدى، كىر جۋعىش كيىم - كەشەكتىڭ ماتەريالىنا قاراي جۋۋ - كۇتۋ جوباسىن اۆتوماتتى شىعارىپ بەرەدى؛ شاڭحاي قاتىناس داشۋەسىنىڭ مەديتسينا شۋەيۋانىنا قاراستى رۇيجين شيپاحاناسى ۇسىنعان كوپ مودەلدى پاتولوگيالىق ۇلكەن مودەلى جيىنى 100 مىڭنان استام قولدانۋدى ورىنداپ، اۋرۋعا دياگنوز قويۋ مەن ەمدەۋگە ءونىمدى دەم بەردى؛ گۋگۇڭ AI مادەني ەسكەرتكىش - مۇراجاي كومەكشىسى مادەني مۇرالاردىڭ جاي - جاپسارىن پارىقتاپ قانا قويماي، ساياحاتشىلاردىڭ ايالداعان ۋاقىتىنا قاراي ءتۇسىندىرۋ تەرەڭدىگىن زەردەلى رەتتەيدى...
ۇلكەن ساندى مالىمەتتى، جاساندى زەردەنى ۋاكىل ەتكەن عىلىم - تەحنولوگيالىق جاڭا كۇشتەر تۇتىنۋشىلاردىڭ قاجەتىنە ىشكەرىلەي كوز جەتكىزىپ، كۇندەلىكتى وتباسىلىق تۇرمىس، دالمە - ءدال سالاماتتىق باسقارۋ، تاپسىرىستىق مادەنيەت - ساياحات سەزىنۋى سياقتى قىزمەت وتەۋلەرىن ازىرلەۋدى اناعۇرلىم جۇرت جۇرەگىنە جاناسىمدى ەتەدى.
”جاساندى زەردە +“ ارەكەتىن اتقاردى، جاساۋ كاسىبىنىڭ سيفرلانۋعا، زەردەلىلەنۋگە قاراي تيپ جاڭالاۋىن ىلگەرىلەتتى... عىلىم - تەحنولوگيادا جاڭالىق اشۋدى قۇدىرەتتى قوزعالتقىش ەتسەك، قىزمەت وتەۋ كاسىبىنىڭ جالپى كولەمىنىڭ 2030 - جىلعا بارعاندا 100 تريلليون يۋاندىق ساتىعا كوتەرىلۋىنە دەم بەرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋدەن ءۇمىت بار.
عىلىم - تەحنولوگيانىڭ قۋات ۇستەۋى − ادامدى نەگىز ەتۋگە تاباندى بولۋداعى، دامۋ جەتىستىكتەرىنىڭ جالپىعا ءتيىمدى، قولجەتىمدى بولۋىنا مۇمكىندىك جاساۋداعى ماڭىزدى شارا.
باس شۋجي شي جينپيڭ بىلاي دەپ اتاپ كورسەتتى: سيفرلانۋدىڭ، جەلىلەنۋدىڭ، زەردەلىلەنۋدىڭ دامۋ بەتالىسىنا ۇيلەسىپ، ”سيفر جىلعاسىن“ جويۋعا بىرگە كۇش سالىپ، قىزمەت وتەۋ ساۋداسىنىڭ سيفرلانۋ اياق الىسىن جەبەۋ كەرەك.
عىلىم - تەحنولوگيا − ءتاسىل، قىزمەت وتەۋ − ماقسات. ادامنىڭ قاجەتىن باستان - اياق ماڭداي الدى ورىنعا قويىپ، عىلىم - تەحنولوگيا ارقىلى قىزمەت وتەۋ قابىلەتىن كۇشەيتىپ، كاسىپتىك تەرەڭدىكتى ارتتىرىپ، گۋمانيتارلىق مەيىردى ساقتاپ، عىلىم - تەحنولوگيانىڭ قۋات ۇستەۋىنىڭ قارتتارعا، مۇگەدەك جاندارعا، اۋىل - قىستاقتارعا جانە شالعاي وڭىرلەرگە قاراي كەڭەيۋىن ىلگەرىلەتۋ كەرەك.
بۇگىنگى كۇندە كورۋ مۇمكىندىگى جوق جاندار زەردەلى سوقىرلار ءيتى ارقىلى كوشەدەن وتە الاتىن بولدى، شەت، شالعاي اۋىل - قىستاقتاعى وقۋشىلار جەلىدەگى ساباقحانا ارقىلى ايگىلى ۇستازدارمەن ناقتى ۋاقىتتا ىقپالداسا الادى، قارتتار دا قىسقا بەينەجازبا تۇعىرىندا شىعارماشىلىقتارىمەن ءبولىسىپ، ”قارت ينتەرنەت جۇلدىزىنا“ اينالدى.
ساندى مالىمەتتەردە كورسەتىلۋىنشە، 2025 - جىلدىڭ سوڭىنا دەيىن قارتتاردىڭ تۇرمىسىمەن تىعىز قاتىستى 3000نان استام سايت پەن APP قارتتارعا ۇيلەسىمدى جانە كەدەرگىسىز ەتىپ وزگەرتىلگەن؛ ەلىمىزدىڭ اۋىل - قىستاقتارىندا ينتەرنەتتىڭ جالپىلاسۋ مولشەرى ％5. 69كە جەتكەن.
قاشىقتان ەمدەۋدەن بۇلتتىق ساباقحاناعا دەيىن، زەردەلى ءۇي جيھازدارىنان پاراساتتى دەنساۋلىق كۇتۋگە دەيىن، كەزىندەگى قيالداعى كورىنىستەر عىلىم - تەحنولوگيالىق ءتاسىل ارقىلى تاماشا كۇندەلىكتى تۇرمىسقا اينالدى. عىلىم - تەحنولوگيا ”سيفر جىلعاسىن“ ”سيفر تيىمدىلىگىنە“ اينالدىرىپ، دامۋ جەتىستىكتەرىنىڭ اناعۇرلىم جالپىعا ءتيىمدى، قولجەتىمدى بولۋىنا مۇمكىندىك جاسادى.
مەملەكەتتىك كەڭەس كەڭسەسى باسىپ تاراتقان «قارتتاردىڭ زەردەلى تەحنولوگيادان پايدالانۋ قيىنشىلىعىن شىنايى شەشۋ جونىندەگى اتقارۋ جوباسىندا» قارتتاردىڭ زەردەلى تەحنولوگيادان پايدالانۋ جاعىندا جولىققان قيىنشىلىقتارىن شىنايى شەشۋ تالاپ ەتىلدى؛
9 تاراۋ بىرلەسىپ «عىلىم - تەحنولوگيا ارقىلى مۇگەدەكتەرگە كومەكتەسۋدى ىلگەرىلەتۋ جونىندەگى جەتەكشى پىكىردى» باسىپ تاراتىپ، مۇگەدەكتەرگە كومەكتەسۋ عىلىم - تەحنولوگياسىن زەرتتەپ اشۋ سەرپىنىن ارتتىرىپ، ساپالى عىلىم - تەحنولوگيا جەتىستىكتەرىمەن قامداۋ سەرپىنىن ارتتىرۋدى ورتاعا قويدى؛
2026 - جىلعى ورتالىقتىڭ 1 - ءنومىرلى حۇجاتىندا سيفرلى اۋىل - قىستاقتى جوعارى ساپالى دامىتۋ ارەكەتىن اتقارىپ، اۋىل - قىستاقتاردىڭ جانە شەت - شالعاي وڭىرلەردىڭ ينتەرنەتپەن قامتىلۋ دەڭگەيىن جوعارىلاتۋ ايقىندالدى...
ءبىر قىدىرۋ ساياساتتار جەدەل تياناقتانىپ، عىلىم - تەحنولوگيانىڭ قۋات ۇستەۋى زەردەلى قىزمەت وتەۋمەن قامتاماسىزداندىرۋ تورىن بارعان سايىن جيىلەتە ءتۇستى.
عىلىم - تەحنولوگيا كوركەيسە، كاسىپ سالاسى كوركەيەدى، جاڭالىق اشۋ كۇشەيسە، قىزمەت وتەۋ كۇشەيەدى.
”15 - بەسجىلدىقتا“ جاڭا جورىقتىڭ باستاماسى اشىلىپ، قادام تاستالدى، ءبىز، ءسوز جوق، باس شۋجي شي جينپيڭنىڭ قىزمەت وتەۋ كاسىبىن دامىتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم - تەحنولوگيانىڭ قۋات ۇستەۋى ارقىلى ساپالى، جوعارى ءونىمدى وسىزاماندانعان قىزمەت وتەۋ كاسىبىنىڭ جاڭا جۇيەسىن جەدەل ورناتۋىمىز كەرەك.
عىلىم - تەحنولوگيادا جاڭالىق اشۋدىڭ جاپپاي، تەرەڭدەي قۋات ۇستەۋىنە بايلانىستى اناعۇرلىم ءتوزىمدى، اناعۇرلىم ومىرشەڭ، اناعۇرلىم مەيىرلى وسىزاماندانعان قىزمەت وتەۋ كاسىبىنىڭ جاڭا جۇيەسى، ءسوز جوق، جەدەل قالىپتاسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە اناعۇرلىم پارمەندى قامتاماسىزدىق ازىرلەيدى.
(شينحۋا اگەنتتىگىنىڭ 4 - ايدىڭ 25 - كۇنى بەيجيڭنەن بەرگەن حابارى)
