− باس شۋجي شي جينپيڭنىڭ جاۋاپ حاتى قالىڭ جاستار مەن جاس قىزمەتكەرلەردى قۇلشىنا كۇرەس جۇرگىزۋگە، ۇزدىكسىز ەكپىندەي ىلگەرىلەۋگە شابىتتاندىردى
□ شينحۋا اگەنتتىگىنىڭ تىلشىلەرى
”سىزدەردىڭ ۇلى مۇراتتى كوكەيدە ساقتاپ، العان بەتتەن قايتپاي جان قيارلىقپەن كۇرەس جۇرگىزىپ، قالىڭ جاستاردى جەكە تالپىنىسىن مەملەكەتتىڭ دامۋ كەلەلى جاعدايىمەن توعىستىرۋعا جەتەكتەپ، ٴوز قىزمەت ورىندارىڭىزدى تياناق ەتىپ، ۇزدىكسىز جاڭا ناتيجە جاراتىپ، جاڭا جورىقتا جاستىق كوكتەمدەرىڭىزدىڭ كۇشىن ارناۋلارىڭىزدى ٴۇمىت ەتەمىن.“ 4 ـ مامىر جاستار مەرەكەسى كەلۋ قارساڭىندا باس شۋجي شي جينپيڭ جۇڭگو جاستار 4 ـ مامىر مەدالى جانە جاڭا داۋىردەگى جاس ۇزدىك سيلىعى يەگەرلەرىنىڭ ۋاكىلدەرىنە جاۋاپ حات جازىپ شابىتتاندىردى، بۇكىل ەلدەگى ٴار ۇلت جاستارىنىڭ مەرەكەسىن قۇتتىقتادى جانە ولارعا ىقىلاستى ٴۇمىت ارتتى.
ىقىلاستى ٴۇمىت جۇرەكتەردى نارلەندىردى. باس شۋجي شي جينپيڭنىڭ جاۋاپ حاتى قالىڭ جاستار مەن جاس قىزمەتكەرلەردى ايرىقشا جەلپىندىردى. كوپشىلىك بىلاي دەدى: باس شۋجي شي جينپيڭنىڭ جاۋاپ حاتىنىڭ رۋحىن جەتەكشى ەتىپ، ۇلى مۇرات ورناتىپ، ٴداۋىر جاۋاپكەرشىلىگىن ارقالاپ، باتىلدىقپەن قايراتتانا كۇرەس جۇرگىزىپ، ٴداۋىر مەن حالىقتىڭ ٴۇمىتىن اقتايتىن جاستىق جىرىن قۇلشىنا جازامىز.
جۇرەكتىلىكپەن جاۋاپكەرشىلىك ارقالاپ، جاستىق كوكتەمنىڭ ومىرشەڭدىگىن ايگىلەيمىز
”ٴار رەتكى 4 ـ مامىر جاستار مەرەكەسىندە باس شۋجي شي جينپيڭ نازارىن جاستارعا اۋدارادى. مەن ايرىقشا مەيىرگە بولەندىم ٴارى ەرەكشە جەلپىندىم“، ـ دەدى 2026 ـ جىلعى جۇڭگو جاستار 4 ـ مامىر مەدالىنىڭ يەگەرى، استانا مەديتسينا داشۋەسىنە قاراستى بەيجيڭ دوستىق شيپاحاناسى ەمدەۋ ىستەرى باسقارماسىنىڭ باستىعى، سالماقتى اۋرۋلار مەديتسينالىق ٴبولىمىنىڭ اعا شيپاگەرى جى دىيۋان.
قىسقى وليمپيادا سپورت جارىسىندا ەمدەۋدى قامتاماسىزداندىرۋدان بولىمدەگى كلينيكالىق ەمدەۋگە دەيىن جى دىيۋان ۇزاق جىلداردان بەرى، قاتەرلى، سالماقتى ناۋقاستاردى ەمدەۋگە 5000 رەتتەن ارتىق قاتىناستى. ”ٴبىر ناۋقاستى ارتىق قۇتقارىپ ـ ەمدەگەندە، ٴبىر وتباسىن ارتىق قورعاۋعا بولادى. مەن باس شۋجي شي جينپيڭنىڭ قامقورلىعىن جانە مەدال داڭقىن العا باسۋدىڭ قوزعاۋشى كۇشىنە اينالدىرىپ، شيپاگەرلىك رۋحتى جالعاستىرىپ، ەمدەۋ ونەرىمدى ۇزدىكسىز ۇشتاپ، سالاماتتى جۇڭگو قۇرىلىسىنا دەم بەرۋ جورىعىندا كۇش ـ قۋاتىمدى ارنايمىن“، ـ دەدى جى دىيۋان.
جاستار تۇتاس قوعامدىق كۇشتەردىڭ ىشىندەگى ەڭ بەلسەندى، ەڭ جالىندى كۇش، مەملەكەتتىڭ ٴۇمىتى جاستاردا، ۇلتتىڭ بولاشاعى جاستاردا.
جاۋاپ حاتىندا باس شۋجي شي جينپيڭنىڭ جاستار ۋاكىلدەرى ”ناقتى ٴىس ىستەپ، جاۋاپكەرشىلىك ارقالاپ، جاستىق ورالدارىن وكىنىشسىز جازىپ، جاڭا داۋىردەگى جۇڭگو جاستارىنىڭ وزىنە سەنەتىن، ٴوزىن الۋەتتەندىرەتىن، اسقاق جىگەرمەن العا ۇمتىلاتىن تاماشا كەلبەتىن ايگىلەدى“ دەپ تۇراقتاندىرۋى شاڭحايدىڭ ”موسۋ كەڭىستىگى“ ۇلكەن مودەلدى جاڭالىق اشۋ ەكولوگيالىق الەۋمەتتىك اۋماعىنداعى جاستار ۇجىمىن ايرىقشا ىنتالاندىردى.
”بىلتىر 4 ـ ايدا باس شۋجي شي جينپيڭ شاڭحايدا قىزمەت تەكسەرگەن كەزدە ٴبىزدى ’وتانشىلدىق سۇيىسپەنشىلىكتى كوكەيگە ۇيالاتۋعا، وتان ٴۇمىتىن اقتاۋ مۇراتىن ورناتۋعا، مەملەكەتتى قۇدىرەتتەندىرۋ قابىلەتىن كۇشەيتۋگە‘ شابىتتاندىردى، وسى رەتكى جاۋاپ حاتىندا تاعى جاستاردىڭ قول جەتكىزگەن ناتيجەلەرىن تولىق تۇراقتاندىردى. ٴبىز ٴوز قىزمەت ورنىمىزدى تياناق ەتىپ، شارۋاشىلىق قۇرۋشىلاردىڭ ساندى مالىمەت، ەسەپتەۋ قۋاتى، قولدانۋ جاعداياتى سياقتى تۇتاس كاسىپ سالاسى تىزبەگى بايلىعىن تۇيىلىستىرۋىنە كومەكتەسىپ، كاسىپ سالاسىنىڭ جاڭالىق اشا دامۋىنا جاستىق كوكتەمنىڭ اقىل ـ پاراساتىن ارنايمىز“، ـ دەدى ۇجىم مۇشەسى جاۋ كۋان.
كوكتەم مەن جازدىڭ ٴولاراسىندا شينجياڭ اتۇش قالاسى قاراجول اۋىلى شەيىت باستاۋىش مەكتەبى جاسىل جەلەك جامىلدى. ٴبىر جىلدىڭ الدىندا شەيىت باستاۋىش مەكتەبىندەگى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتى 2025 ـ جىلعى جۇڭگو جاستار 4 ـ مامىر مەدالى كوللەكتيۆى دەگەن داڭققا يە بولدى.
”ٴبىر جىلدان بەرى، ٴبىز ساباقحانا وقىتۋىن دەن قويا جۇرگىزىپ، وقۋشىلاردىڭ ۇيرەنۋ ناتيجەسىن كۇش سالا جوعارىلاتۋمەن بىرگە، بالالاردىڭ جان ـ جاقتى دامۋىنا دا باسا ٴمان بەردىك. وقۋشىلاردىڭ العا باسۋى، اتا ـ انالاردىڭ ريزاشىلىعى − ٴبىز تاپسىرعان ەڭ جاقسى جاۋاپناما. قىزمەت وتەۋ اترەتىنىڭ مۇشەسى يان زىفىڭ بىلاي دەدى: ”كەلەسى قادامدا ٴبىز باس شۋجي شي جينپيڭنىڭ تالابى بويىنشا، ٴوز تالپىنىسىمىزدى مەملەكەتتىڭ دامۋ كەلەلى جاعدايىمەن توعىستىرىپ، ناقتى ٴىس ـ ارەكەتىمىزبەن ٴتىپتى دە كوپ جاستى وقۋ ـ اعارتۋ ىستەرىنە ات سالىسۋعا ۇندەپ، سۇيىسپەنشىلىك پەن جاۋاپكەرشىلىك ارقىلى بالالاردىڭ ارمان قۋۋ جولىن نۇرلاندىرامىز“.
”باس شۋجي شي جينپيڭنىڭ جاۋاپ حاتىنان جاڭا داۋىردەگى جاستاردىڭ جاۋاپكەرشىلىك ارقالاۋ بارىسىندا شىڭدالۋى، جاۋاپكەرشىلىكتى ادا ەتۋ بارىسىندا جەتىلۋى كەرەكتىگىن تەرەڭ سەزىندىم“. جۇڭگو اۋىل شارۋاشىلىق داشۋەسىندەگى انحۇي سۋجوۋ ۋيراڭ بيو عىلىم ـ تەحنولوگيا شاعىن اۋلاسىنىڭ ماگيسترانتى مياۋ مىڭحان مىنالاردى ٴبىلدىردى: اۋىل شارۋاشىلىعىن ٴسۇيۋ ىنتاسىن نىعايتىپ، قيىندىقتان تايسالماي العا ۇمتىلۋعا تاباندى بولىپ، كاسىپتىك بىلىمدەر ارقىلى اۋىل شارۋاشىلىعى وندىرىسىنە قىزمەت وتەپ، جالىندى جاستىق كوكتەمىمدى اۋىل شارۋاشىلىعىنىڭ، اۋىل ـ قىستاقتىڭ جوعارى ساپالى دامۋىن ىلگەرىلەتۋگە ارنايمىن.
ٴبىرىنشى شەپكە تامىر تارتىپ، ىسىلعان ونەر جەتىلدىرەمىز
فينانس بىلىمدەرى لەكسياسىن جاساپ، نەگىزدىك فينانس جۇمىسىن ٴبىتىردى... تالاي جىلدان بەرى، جۇڭگو اۋىل شارۋاشىلىق بانكەسى شيزاڭ بولىمشە بانكەسىنىڭ ”گىساڭ گۇلى“ فينانستىق قىزمەت وتەۋ اترەتى قارلى ۇستىرتتەگى قىستاقتار اراسىندا شاپقىلاپ، ٴۇستىرتتى، سۋىق شەكارا وڭىردە فينانستىق قىزمەت وتەۋدىڭ ”ەڭ سوڭعى ٴبىر كيلومەترىن“ ىركىلىسسىزدەندىردى. تاياۋدا ولار 2026 ـ جىلعى جۇڭگو جاستار 4 ـ مامىر مەدالى كوللەكتيۆى بولىپ باعالاندى.
”باس شۋجيدىڭ جاۋاپ حاتىن دەرەۋ ۇيرەنىپ، اترەتىمىزدەگىلەر اسا ماڭىزدى جاۋاپكەرشىلىك ارقالاپ وتىرعاندىعىن سەزىندى“. قىزمەت وتەۋ اترەتىنىڭ مۇشەسى جيايۇڭ جياسو بىلاي دەدى: ”ٴبىز ۇستىرتتە تۋىپ، ۇستىرتتە ەسەيىپ ـ ەرجەتتىك، گىساڭ گۇلى سياقتى قارلى القاپقا تامىر تارتىپ، جاستىق ورالىمىزدى پارتيا مەن مەملەكەت قاجەت ەتكەن جەردە شۇعىلا شاشتىرىپ، ىسىلعان جۇمىس قابىلەتىمىزبەن ۇستىرتتەگى سان مىڭداعان وتباسىلارىنا قىزمەت وتەيمىز“.
نەگىزگى ساتىنىڭ ٴبىرىنشى شەبىنە تامىر تارتتى، اۋەلگى ماقساتتان، بورىشتان جازبادى، جاستىق كوكتەم ۇلەس قوسۋ بارىسىندا شۇعىلا شاشتى.
”1 ـ مامىر“ دەمالىسىندا 2026 ـ جىلعى جاڭا داۋىردەگى جاس ۇزدىك سيلىعىنىڭ يەگەرى، حىنان جوۋكوۋ قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ تارماق اترەتى قاتىناس جولى ەرەكشە مىندەت اتقارۋ پۋنكتىنىڭ ساياسي جەتەكشىسى داڭ يانلۇڭ اۋەلگىدەي جاۋىنگەر سەرىكتەرىمەن بىرگە ٴبىرىنشى شەپتەن تاپجىلماي، ٴتۇيىندى ورىندارعا ٴجيى ـ ٴجيى شارلاۋ جۇرگىزىپ، ٴورت ٴسوندىرۋ، ورتتەن ساقتانۋ حاۋىپسىزدىك قالتقىسىن بەكەمدەدى.
”باس شۋجي شي جينپيڭ ٴبىزدى ’ٴوز قىزمەت ورنىمىزدى تياناق ەتىپ، ۇزدىكسىز جاڭا ناتيجە جاراتۋعا‘ ىنتالاندىردى. جاڭا داۋىردەگى ٴورت ٴسوندىرۋ، ورتتەن ساقتانۋ جاس قىزمەتكەرى رەتىندە، مەن ٴورت ٴسوندىرۋ، قۇتقارۋ ـ كومەكتەسۋ، قاتەردەن اراشالاۋ، اپاتتان قۇتقارۋ ٴبىرىنشى شەبىندە ۇزدىكسىز تاپجىلماي، بۇقارا ەڭ قاجەت ەتكەن جەرلەردە اتويلاپ الدا ٴجۇرىپ، حالىق بۇقاراسىنىڭ باقىتى مەن تىنىشتىعىن بار كۇشپەن قورعاپ، ناقتى ٴىس ـ ارەكەتىممەن ’حالىق ٴورت ٴسوندىرۋ، ورتتەن ساقتانۋشىلارى حالىق ٴۇشىن ىستەيدى دەيتىن‘ ايبىندى سەرتتى تۇسىندىرەمىن“، ـ دەدى داڭ يانلۇڭ.
لياۋنيڭ بىنشي، انگاڭ توبى بىنشي بولات تاقتايشا ماتەريالدارىن سۋىقتاي پىشىندەۋ باس زاۆودى قىشقىلمەن سۋىقتاي پىشىندەۋ 3 ـ ٴوندىرىس جەلىسىندە ماشينالار گۇرىلدەپ، بولات ورامدار اينالىپ جاتىر.
”بىلتىر 1 ـ ايدا باس شۋجي شي جينپيڭ لياۋنيڭدە قىزمەت تەكسەرگەندە، ٴبىزدىڭ بۇل اراداعى جاس تەحنولوگيا تىرەكتىلەرىنە ىقىلاسپەن امانداستى، بيىل 4 ـ مامىر جاستار مەرەكەسى قارساڭىندا جاستارعا تاعى دا ىقىلاستى ٴۇمىت ارتتى. باس شۋجيدىڭ قامقورلىعى ٴبىزدىڭ كۇش ـ قايراتىمىزدى ونان ارى تاسقىنداتا ٴتۇستى“. بولىك باستىعى ليۋ جانيۋە بىلاي دەدى: ”جاستىق شاق ونەرگە قاجىرلىلىقپەن جاتتىعاتىن، قابىلەتتى ۇشتايتىن التىن ٴداۋىر. مەن كاسىپ سالاسىنىڭ ٴبىرىنشى شەبىندە ۇزدىكسىز قاجىرلىلىقپەن ەڭبەكتەنىپ، ۇجىم مۇشەلەرىن باستاپ وندىرىستەگى بوگەتتەردى ۇزدىكسىز تالقانداپ، ٴاربىر تەحنولوگيانى ەڭ ساپالى دارەجەگە جەتكىزۋگە قۇلشىنىپ، جاساۋ كاسىبىندە قۋاتتى مەملەكەت قۇرۋعا جاستىق كوكتەمنىڭ اقىل ـ پاراساتى مەن ماڭداي تەرىن ارنايمىن“.
”مەكتەبىمىزدەگى جاس ۇزدىك دارىندى رەتىندە، مەن باتىس بولىككە كوشۋ رۋحىن جالعاستىرىپ جانە ونى ساۋلەلەندىرىپ، رۋح سومداپ، ادام تاربيەلەۋ قىزمەت جاۋاپكەرشىلىگى مەن بورىشىن ەستە بەرىك ساقتاپ، باتىس بولىكتەگى وڭىردە تامىر تارتىپ، مەملەكەتتىڭ كەلەلى ستراتەگيالىق قاجەتىمەن تىعىز بايلانىستىرىپ، اناعۇرلىم كوپ شەشۋشى تەحنولوگياداعى قيىن ماسەلەلەردى كۇش سالا شەشىپ، اناعۇرلىم كوپ سۋتەگى ەنەرگياسى ماماندىعىنىڭ ۇزدىك جاسامپاز دارىندىلارىن باۋلىپ، ەلىمىزدىڭ ەنەرگيا حاۋىپسىزدىگىن قورعاپ، ٴوزىمنىڭ ٴوسىپ ـ جەتىلۋىمدى قوعامنىڭ دامۋىمەن تەڭ قادام باستىرامىن، ٴبىر باعىتتا ىلگەرىلەتەمىن“، ـ دەدى شي ـ ان قاتىناس داشۋەسى حيميا ينجەنەرياسى جانە تەحنولوگيا شۋەيۋانىنىڭ پروفەسسورى ۋ جىن.
قاجىماي ـ تالماي كۇرەس جۇرگىزىپ، جاستىق كوكتەمنىڭ كۇشىن تاسقىنداتامىز
جاڭا داۋىردەگى جۇڭگو جاستارىنىڭ دارىنىن ايگىلەيتىن ساحنا شەكسىز كەڭ، ارمانىن جۇزەگە اسىرۋ بولاشاعى شەكسىز نۇرلى.
” ’15 ـ بەسجىلدىقتىڭ‘ باستاما جىلىندا مەن ’جاستاردىڭ ٴدال ۇلەس قوساتىن كەزى‘ دەگەننىڭ ماڭىزدى ٴمانىن اناعۇرلىم تەرەڭ سەزىندىم“. جۇڭگو عارىش عىلىم ـ تەحنولوگيا توبى 1 ـ زەرتتەۋ ورنى استانا عارىش ماشينالارى شەكتى سەرىكتەستىگىنىڭ جالپى تۇلعالىق قۇراستىرۋ جۇمىسشىسى سۇي مىڭيۋان بىلاي دەپ تانىستىردى: ۇجىمىمىز باس شۋجيدىڭ عارىش ىستەرى جاستارىنا ارتقان ىقىلاستى ٴۇمىتىن باستان ـ اياق ەستە بەرىك ساقتاپ، جالپى تۇلعالىق قۇراستىرۋدىڭ ٴبىرىنشى شەبىندە اۋەلگى ماقساتتى امالياتتا ايگىلەدى. ”جاڭا جورىقتا ٴبىز جالپى تۇلعالىق قۇراستىرۋ شەبەرلىگى جاعىندا ىشكەرىلەي ەڭبەكتەنىپ، شەشۋشى بۋىندارعا قاداعالاي نازار اۋدارىپ، عارىش ىستەرىن ادالدىقپەن قورعاپ، ۇشى ـ قيىرسىز عارىشتا ٴتىپتى دە كوپ جۇڭگو جاستارىنىڭ ۇزدىك جاۋاپناماسىن جازامىز“.
حىبەي ولكەسى لاۋتيڭ اۋدانى پاڭگىجۋاڭ اۋىلى كانتيان گىجۋاڭ قىستاعىندا جەمىس ـ جيدەك، كوكونىس جىلىجايىندا قىپ ـ قىزىل تورسيعان پاميدوردىڭ ٴوسۋ جاعدايى كىسىنى قۋانتادى. 2026 ـ جىلعى جۇڭگو جاستار 4 ـ مامىر مەدالىنىڭ يەگەرى، كانتيان گىجۋاڭ قىستاعى پارتيا ياچەيكاسىنىڭ شۋجيى، قوسىمشا قىستاق تۇرعىندار كوميتەتىنىڭ مەڭگەرۋشىسى لي ياۋ قوناقتارعا قىستاقتىڭ اۋىل شارۋاشىلىق كاسىپ سالاسىنىڭ جاعدايىن تانىستىرۋدا.
لاۋتيڭ اۋدانى لي داجاۋدىڭ مەكەنى. قىزىل قۇتتى مەكەندە تۇرعاندىعىمدى ايرىقشا داڭق سانايمىن ٴارى ماڭىزدى مىندەت ارقالاپ وتىرعاندىعىمدى تەرەڭ سەزىنەمىن“. لي ياۋ مىنالاردى ٴبىلدىردى: ”بيىل جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى. مەن جۇڭگو كوممۋنيستەرىنىڭ اۋەلگى ماقساتى مەن بورىشىن ەستە بەرىك ساقتاپ، اۋىل ـ قىستاقتى جاپپاي گۇلدەندىرۋگە بەلسەنە ات سالىسىپ، اۋىلداستاردى ەگىنشىلىكپەن شۇعىلدانۋعا، كاسىپ سالاسىمەن اينالىسۋعا باستاپ، كوپشىلىكتىڭ تۇرمىسىنىڭ بارعان سايىن جاقسارۋىنا، بۇقارانىڭ تۇرمىسىنىڭ بارعان سايىن باقىتتى بولۋىنا مۇمكىندىك جاسايمىن“.
كوممۋنيستىك جاستار وداعى پارتيانىڭ جاستار قىزمەتىندەگى ماڭىزدى كۇش، جاستارعا جەتەكشىلىك ەتۋ، ولاردى ۇيىستىرۋ، جاستاردى ۇيىمداستىرۋ، جۇمىلدىرۋ، جاستارمەن بايلانىس جاساۋ، ولارعا قىزمەت وتەۋ مىندەتىن ارقالاعان.
”باس شۋجي شي جينپيڭنىڭ جاۋاپ حاتى ٴبىزدىڭ قىزمەتتى جاستاردىڭ كوڭىلىنەن شىعاتىنداي، شەشۋشى ماسەلەلەردى شەشەتىندەي ەتىپ ىستەۋىمىزگە ايقىن بەتالىس نۇسقادى. مەن جاستار نازارياسىن زەرتتەۋ، وداق كادرلارىن تاربيەلەۋ ـ باۋلۋ سياقتى جاقتارعا ۇزدىكسىز كۇش سالىپ، پارتيانىڭ جاسامپازدىق نازارياسىن جاستار تىڭداپ تۇسىنەتىن، شىنايى مويىندايتىن، امالياتتا ايگىلەۋدى قالايتىن يدەيالىق كۇشكە اينالدىرۋعا قۇلشىنىپ، جاستار ٴجىتى قاداعالاپ وتىرعان رەال ماسەلەلەردى ەگجەي ـ تەگجەيلى، ويداعىداي زەرتتەپ، وعان ويداعىداي جاۋاپ قايتارىپ، پارتيا مەن حالىق ىستەرى ٴۇشىن قاجىماي ـ تالماي كۇرەس جۇرگىزەتىن جاستىق كوكتەمنىڭ كۇشىن ۇزدىكسىز ۇيىستىرامىن“، ـ دەدى ورتالىق وداق مەكتەبىنىڭ ۇنەمىلىك ىستەرگە جاۋاپتى ورىنباسار باستىعى ليان سى.
اسقاق ارمان ارقالاعان جاستار ەكپىندەي ىلگەرىلەۋدىڭ ٴدال ساتىندە تۇر.
گۋاڭشي گۇيليننىڭ چۋانجوۋ اۋدانىندا قىزىل ارميانىڭ ۇزاق جورىعىنداعى شياڭجياڭ شايقاسى ەسكەرتكىش سارايىندا ساياحاتشىلاردىڭ اياعى ۇزىلمەدى. كوپتەگەن ساياحاتشى وسى اراعا كەلۋدى تاڭداپ، شياڭجياڭ شايقاسىنىڭ تاريحىن ٴتۇسىنىپ، ۇزاق جورىق رۋحىنىڭ داۋىرلىك مازمۇنىن سەزىندى.
”بيىل قىزىل ارميا ۇزاق جورىعى جەڭىسكە جەتكەندىگىنىڭ 90 جىلدىعى. ەرەكشە ۋاقىت كەزەڭى مەنىڭ قىزمەتىمە ەرەكشە قۇن سيلادى“. ەسكەرتكىش سارايىنىڭ جاس ٴتۇسىندىرۋشىسى ياڭ شىجىن بىلاي دەدى: ”ٴتۇسىندىرۋ ەجەلدەن تاريحتى جاي عانا قايتالاپ ايتىپ بەرۋ ەمەس، قايتا ۋاقىت پەن كەڭىستىكتەن اتتاپ وتكەن تىلدەسۋ. مەن باس شۋجي شي جينپيڭنىڭ ’جاڭا جورىقتا جاستىق كوكتەمنىڭ كۇش ـ قۋاتىن ارناۋ‘ تالابىن كوكەيىمدە بەرىك ساقتاپ، كاسىپتىك دەڭگەيدە تۇسىندىرۋمەن، شىنايى پوزيتسيامەن شياڭجياڭ شايقاسى حيكاياسىن جاقسى بايانداپ، ۇزاق جورىق رۋحىن اسقاقتاتىپ، جاڭا داۋىردەگى ۇزاق جورىقتى ويداعىداي باسۋعا قۇلشىنامىن“.
(شينحۋا اگەنتتىگىنىڭ 5 ـ ايدىڭ 3 ـ كۇنى بەيجيڭنەن بەرگەن حابارى)
