شەكارانى كۇزەتەتىن جاستاردى كاڭشيۋا قۇرباندار قابىرستانىنا بارىپ ەڭ ٴمولدىر ماحابباتىن ەڭ سۇيىكتى وتانعا ارناۋعا ۇيىمداستىردى؛ 4 ـ مامىر قوزعالىسىنىڭ 107 جىلدىعىن ەسكە ٴتۇسىرۋ بويىنشا ۇگىت لەكسيا قيمىلىن ورىستەتىپ، جاستاردىڭ پارتيانى ٴسۇيۋ، وتاندى ٴسۇيۋ سۇيىسپەنشىلىگىن قاۋلاتتى؛ جاڭا وداق مۇشەلەرىنىڭ شوعىرلى وداققا كىرۋ سالتىن وتكىزىپ، جاستاردى مۇرات ـ سەنىمدى بەكەمدەۋگە شابىتتاندىردى... 4 ـ مامىر جاستار مەرەكەسى كەلۋ قارساڭىندا بۇكىل شينجياڭنىڭ جەر ـ جەرى الۋان ٴتۇرلى نەگىزگى تاقىرىپتىق قيمىلدار وتكىزىپ، جاڭا داۋىردەگى جاستاردى جاستىق ورالمەن، كۇرەسكەرلىكپەن كورىكتى شينجياڭ قۇرۋدىڭ جاستىق جىرىن قۇلشىنا جازۋعا ىنتالاندىردى.
ٴداۋىردىڭ اۋىر مىندەتى ۇقساماعانىمەن، الاۋلاعان جاستىق كوكتەم تامىرلاس. 107 جىلدىڭ الدىندا ٴبىر توپ العاباسار وتانشىل جاستار دەموكراتيا جانە عىلىم تۋىن بيىك ۇستاپ، بۇكىل ۇلتتىڭ ويانۋىنا تۇرتكى بولدى. باسىپ وتكەن جولعا قايىرىلا قاراساق، ٴار ۇرپاق جاستار پارتيانىڭ ۇندەۋىنە ٴۇن قوسىپ، تيانشان الابىنا تامىر تارتىپ، جاستىق كوكتەمىن شينجياڭنىڭ رەفورما، دامۋ تاسقىنىمەن توعىستىردى.
جاڭا داۋىردەگى جاڭا جورىقتا گۇزالنۇر ابلا جاستىق كوكتەمىمەن شەكارانى كۇزەتۋ بورىشىن ۇتىلامالى ارقالاپ، قارلى ۇستىرتتە ”جىلجىمالى شەكارا تاسىن“ ورناتتى؛ جاۋ يان اۋىل ـ قىستاقتى گۇلدەندىرۋدىڭ ٴبىرىنشى شەبىندە كۇرەس جۇرگىزىپ، بۇقارانى ەرەكشەلىككە يە كاسىپ سالالارىن دامىتۋعا، كىرىستى ارتتىرىپ بايۋعا باستادى؛ تاڭ ياكۇن عىلىم ـ تەحنولوگيا، وقۋ ـ اعارتۋ قۇنارلى توپىراعىنا تەرەڭ تامىر تارتىپ، ادام تاربيەلەۋ، دارىندى تاربيەلەۋ ىستەرىن دەن قويا زەرتتەدى... شينجياڭنىڭ بايتاق دالاسىنا كوز جىبەرسەك، تاعى دا كوپتەگەن جاس ولار سياقتى نەگىزگى ساتىداعى الەۋمەتتىك اۋماققا، مەكتەپكە، شيپاحاناعا، شەكارا وتكەلىنە، قاراۋىل ورىندارىنا، كاسىپ سالاسىنىڭ ٴبىرىنشى شەبىنە تامىر تارتتى، ولاردا كوزدىڭ جاۋىن الاتىنداي مارتەبە بولماۋى مۇمكىن، ٴبىراق قاراپايىم ورتادا ەرەكشە تاباندى بولدى؛ ولار، بالكىم، تاڭعالارلىق ۇلى ٴىس ىستەمەگەن بولۋى مۇمكىن، ٴبىراق ەلەۋسىز بۋىنداردا جاۋاپكەرشىلىك ارقالاۋدى ايگىلەدى.
”سىزدەردىڭ ۇلى مۇراتتى كوكەيدە ساقتاپ، العان بەتتەن قايتپاي كۇرەس جۇرگىزىپ، قالىڭ جاستاردى جەكە تالپىنىسىن مەملەكەتتىڭ دامۋ كەلەلى جاعدايىمەن توعىستىرۋعا جەتەكتەپ، ٴوز قىزمەت ورىندارىڭىزدى تياناق ەتىپ، ۇزدىكسىز جاڭا ناتيجە جاراتىپ، جاڭا جورىقتا جاستىق كوكتەمنىڭ كۇش ـ قۋاتىن ارناۋلارىڭىزدى ٴۇمىت ەتەمىن“. باس شۋجي شي جينپيڭنىڭ جۇڭگو جاستار 4 ـ مامىر مەدالى جانە جاڭا داۋىردەگى جاس ۇزدىك سيلىعى يەگەرلەرىنىڭ ۋاكىلدەرىنە جازعان جاۋاپ حاتى، ٴسوز جوق، قالىڭ شينجياڭ جاستارىن ادال جۇرەكپەن ٴداۋىر ۋادەسىنە اتتانىپ، ەكپىندەي ىلگەرىلەگەن بەينەمەن ٴومىردىڭ شۇعىلالى تاراۋىن جازىپ، ەڭ جاقسى داۋىردە ەڭ شۋاقتى شۇعىلا شاشۋعا شابىتتاندىرادى.
(«جياڭ شياۋيان» ماقالا جولداۋ حات ساندىعى: xjrbplb@126.com)
