ٴتۇيىندى كاسىپتەردەگى، سالالارداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى، رەتتەۋ ـ وڭاۋدى ويداعىداي يگەرىپ، الەۋمەتتىك حاۋىپسىزدىك بويىنشا باسقارۋدى كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك

　　شي جينپيڭ حۋنان چاڭشانىڭ ليۋياڭ قالاسىنداعى ٴبىر جارقىلداق زاۆودىندا تۋىلعان جارىلىس شىرعالاڭى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

　　ٴتۇيىندى كاسىپتەردەگى، سالالارداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى، رەتتەۋ ـ وڭاۋدى ويداعىداي يگەرىپ، الەۋمەتتىك حاۋىپسىزدىك بويىنشا باسقارۋدى كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك

　　لي چياڭ بەكىتۋ جازدى

　　شينحۋا اگەنتتىگىنىڭ 5 ـ ايدىڭ 4 ـ كۇنى بەيجيڭنەن بەرگەن حابارى. 5 ـ ايدىڭ 4 ـ كۇنى ساعات 16دان 40 مينۋت مولشەرىندە حۋنان چاڭشانىڭ ليۋياڭ قالاسىنداعى حۋاشىڭ جارقىلداق جاساۋ ـ اتۋ شەكتى سەرىكتەستىگىنىڭ سەحىندا جارىلىس تۋىلىپ، اۋىر ٴولىم ـ ٴجىتىم بولدى.

　　شىرعالاڭ تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ وسكەلەڭ ٴمان بەردى ٴارى ماڭىزدى نۇسقاۋ بەرىپ، بىلاي دەپ اتاپ كورسەتتى: حۋنان چاڭشانىڭ ليۋياڭ قالاسىنداعى ٴبىر جارقىلداق زاۆودىندا جارىلىس تۋىلىپ، اۋىر ٴولىم ـ ٴجىتىم بولدى. ٴىز ـ دەرەكسىز كەتكەندەردى ىزدەۋدى مىقتى يگەرىپ، جارالانعانداردى بار كۇشپەن قۇتقارىپ ـ ەمدەپ، سوڭعى جۇمىستاردى ىڭعايلاستىرۋ سياقتى قىزمەتتەردى ۇيلەسىمدى ويداعىداي ىستەۋ كەرەك. شىرعالاڭنىڭ سەبەبىن تەز ارادا انىقتاپ، جاۋاپكەرشىلىكتى قاتاڭ قۋزاستىرۋ كەرەك.

　　شي جينپيڭ بىلاي دەپ باسا دارىپتەدى: وڭىرلەر جانە قاتىستى تاراۋلار تەرەڭ ساباق الىپ، ٴوندىرىس حاۋىپسىزدىگى جاۋاپكەرشىلىگىن ٴجىتى قاداعالاپ، قاتايتىپ، ٴتۇيىندى كاسىپتەردەگى، سالالارداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى، رەتتەۋ ـ وڭاۋدى ويداعىداي يگەرىپ، الەۋمەتتىك حاۋىپسىزدىكتى باسقارۋدى كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىنە شىنايى كەپىلدىك ەتۋى كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: ادام سانىن انىقتاۋدى مىقتى يگەرىپ، جارالانعانداردى بار كۇشپەن قۇتقارىپ ـ ەمدەپ، ىزدەۋ ـ قۇتقارۋعا عىلمي ۇيىمداستىرىپ، قوسالقى اپاتتان قاتاڭ ساقتانىپ، سوڭعى جۇمىستاردى ىڭعايلاستىرۋ قىزمەتىن ۇيلەسىمدى ويداعىداي ىستەۋ كەرەك. سونىمەن بىرگە شىرعالاڭنىڭ سەبەبىن تەز ارادا انىقتاپ، زاڭ، ەرەجە بويىنشا قاتاڭ ٴبىر جاقتى ەتۋ كەرەك. قازىر ٴدال ەڭبەكشىلەر مەرەكەسى دەمالىسى كەزى، مەملەكەتتىك كەڭەس ٴوندىرىس حاۋىپسىزدىگى كوميتەتى كەڭسەسى جەر ـ جەردى وسىدان عيبىرات الىپ، ٴتۇيىندى كاسىپتەردىڭ، سالالاردىڭ ٴوندىرىس حاۋىپسىزدىگى قىزمەتىن ونان ارى كۇشەيتىپ، اۋىر، ەرەكشە اۋىر شىرعالاڭداردىڭ تۋىلۋىنان قاتاڭ ساقتانۋعا قۋزاۋى كەرەك.

　　شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناقتى ورىنعا بارىپ جەتەكشىلىك ەتۋگە جىبەردى. حۋنان ولكەسى كۇش ۇيىمداستىرىپ جارالانعانداردى قۇتقارۋ ـ ەمدەۋ جانە ناقتى ورىندا ٴبىر جاقتى ەتۋ قاتارلى قىزمەتتەردى بار كۇشپەن ويداعىداي ىستەدى. قازىر ٴتۇرلى قىزمەتتەر جۇرگىزىلۋدە.