− باس شۋجي شي جينپيڭنىڭ جاۋاپ حاتى شينجياڭداعى ٴار ۇلت جاستارىن قايراتتانا ەكپىندەي ىلگەرىلەۋگە جىگەرلەندىردى
□ انار بۇلت \ شينجياڭ گازەتىنىڭ تىلشىلەرى
”سىزدەردىڭ ۇلى مۇراتتى كوكەيدە ساقتاپ، العان بەتتەن قايتپاي جان قيارلىقپەن كۇرەس جۇرگىزىپ، قالىڭ جاستاردى جەكە تالپىنىسىن مەملەكەتتىڭ دامۋ كەلەلى جاعدايىمەن توعىستىرۋعا جەتەكتەپ، ٴوز قىزمەت ورىندارىڭىزدى تياناق ەتىپ، ۇزدىكسىز جاڭا ناتيجە جاراتىپ، جاڭا جورىقتا جاستىق كوكتەمنىڭ كۇش ـ قۋاتىن ارناۋلارىڭىزدى ٴۇمىت ەتەمىن.“ 4 ـ مامىر جاستار مەرەكەسى كەلۋ قارساڭىندا باس شۋجي شي جينپيڭ جاۋاپ حات جازىپ، جۇڭگو جاستار 4 ـ مامىر مەدالى جانە جاڭا داۋىردەگى جاس ۇزدىك سيلىعى يەگەرلەرىنىڭ ۋاكىلدەرىن شابىتتاندىردى، بۇكىل ەلدەگى ٴار ۇلت جاستارىنىڭ مەرەكەسىن قۇتتىقتادى ٴارى ولارعا ىقىلاستى ٴۇمىت ارتتى.
جاستار كوركەيسە مەملەكەت گۇلدەنەدى، جاستار كۇشەيسە مەملەكەت قۇدىرەتتەنەدى. بيىل − ”15 ـ بەسجىلدىقتىڭ“ باستاما جىلى، باس شۋجيدىڭ ىقىلاستى ٴۇمىتى شينجياڭداعى ٴار ۇلت جاستارىنىڭ ەسەيىپ ـ ەرجەتۋىنە، دارىندى بولىپ جەتىلۋىنە ايقىن العا باسۋ بەتالىسىن كورسەتىپ، قۋاتتى قوزعاۋشى كۇش ۇستەدى. كوپشىلىك ٴبىر اۋىزدان مىنانى ٴبىلدىردى: ىقىلاستى تاپسىرمانى ەستە بەرىك ساقتاپ، مۇرات ـ سەنىمدى بەكەمدەپ، مەملەكەت سۇيىسپەنشىلىگىن تەرەڭدەتىپ، ىسىلعان ونەردى جەتىلدىرىپ، كۇرەس رۋحىن اسقاقتاتىپ، كۇرەسكەرلىك جاس داۋرەندى جۇڭگو ۇلگىسىندەگى وسىزامانداندىرۋدىڭ شينجياڭ امالياتىمەن توعىستىرىپ، جۇرەكتىلىكپەن جاۋاپكەرشىلىك ارقالاپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە اقىل ـ پاراساتىمىز بەن كۇش ـ قۋاتىمىزدى ارناپ، ٴداۋىر مەن حالىقتىڭ ٴۇمىتىن اقتايتىن جاستىق كوكتەم تاراۋىن قۇلشىنا جازامىز.
جاستىق ورالمەن شەكارا ٴوڭىردىڭ تىنىشتىعىن قورعايمىز
”باس شۋجيدىڭ ىقىلاستى ٴۇمىتى ٴبىزدى ەرلىكپەن العا ۇمتىلۋعا جىگەرلەندىرەتىن ۇندەۋ“، ـ دەدى اقسۋ ايماعى كۇشار قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ ۇلكەن اترەتىنىڭ جىڭۋيى لي يۇنفي تەبىرەنە.
بىلتىر 9 ـ ايدا باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدە شينجياڭداعى ٴار ۇلت، ٴار سالا ۋاكىلدەرىن قابىلدادى، لي يۇنفي ٴساتى ٴتۇسىپ ىقىلاستى قابىلداۋدا بولدى. ”باس شۋجيدىڭ تاپسىرماسىن كوكەيىمدە قاشاندا بەرىك ساقتايمىن“. ول مىنالاردى ٴبىلدىردى: حالىقتى قورعاۋ اۋەلگى ماقساتىن باستان ـ اياق ەستە بەرىك ساقتاپ، حالىقتى اپاتتان قۇتقارۋ، حالىققا قيىن ـ قىستاۋ جاعدايدا كومەكتەسۋ سىندى ىسىلعان ونەرگە قاجىرلىلىقپەن جاتتىعىپ، ەلەۋلى حاۋىپسىزدىك حاۋىپ ـ قاتەرلەرىنەن ٴونىمدى ساقتانىپ جانە ونى جويىپ، بۇقاراعا قىزمەت وتەۋ، ۇلتتار ىنتىماعىن قورعاۋ بارىسىندا جاۋاپكەرشىلىك ارقالاپ، ۇلەس قوسىپ، اناعۇرلىم كوپ جاستى ناقتى ٴىس ىستەۋ ارقىلى شەكارا ٴوڭىردىڭ تىنىشتىعىن قورعاۋعا باستاپ، ”حالىقتىڭ ٴورت ٴسوندىرۋ، ورتتەن ساقتانۋ ىستەرىن حالىق ٴۇشىن ىستەۋ“ ايبىندى سەرتىن ىستىق قانىممەن امالياتتا ايگىلەيمىن.
”باس شۋجيدىڭ ىقىلاستى تاپسىرماسى − جاس ۇزدىكتەردى تۇراقتاندىرعاندىق، ونان دا ماڭىزدىسى، نەگىزگى ساتىعا تامىر تارتقان، ناقتى ىستەپ، شىنايى ٴىس تىندىرعان بارلىق جاستى شابىتتاندىردى“، ـ دەدى شينجياڭ ٴوندىرىس ـ قۇرىلىس بيڭتۋانى 8 ـ شى شىحىزى قالالىق قوعام حاۋىپسىزدىگى مەكەمەسى قالا رايونى قاتىناس باسقارۋ ۇلكەن اترەتىنىڭ حالىق ساقشىسى كامران اشىمجان ايرىقشا تەبىرەنە.
جاس قاتىناس ساقشىسى رەتىندە، ول باستان ـ اياق ٴبىرىنشى شەپتە تاپجىلماي، جولدىڭ ىركىلىسسىزدىگىن قورعاپ، بۇقارانىڭ اماندىعىن قامتاماسىز ەتىپ، ادالدىق جانە جاۋاپكەرشىلىك ارقالاۋ ارقىلى جاستاردىڭ بورىشىن ٴتۇسىندىردى، ”تاپسىرمانى ەستە بەرىك ساقتاپ، جەكە مۇراتىمدى شينجياڭنىڭ ورنىقتىلىق، دامۋ كەلەلى جاعدايىمەن توعىستىرىپ، قىزمەت ورنىما تامىر تارتىپ، زاڭ اتقارۋدى، مىندەت اتقارۋدى ارناعا ٴتۇسىرىپ، ٴار ۇلت بۇقاراسىنا دەن قويا، سۇيىسپەنشىلىكپەن قىزمەت وتەپ، جول قاتىناس حاۋىپسىزدىگىن بار كۇشپەن قورعاپ، جاستىق ورالمەن، كۇرەسكەرلىكپەن شينجياڭنىڭ باياندى تىنىشتىعىنا جاستىق كۇش ـ قۋاتىمدى ارنايمىن“.
قۇتتى مەكەنگە جاستىق كوكتەمىمىزدى ارنايمىز
”1 ـ مامىر“ دەمالىس كەزىندە قىزىلسۋ قىرعىز اۆتونوميالى وبلىسى اتۇش قالاسى قاراجول اۋىلى شەيىت باستاۋىش مەكتەبىنىڭ ساباقحاناسىندا شەكارانى كۇزەتۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىنىڭ مۇشەسى يان زىفىڭ دەن قويا ساباق دايىنداۋدا، باس شۋجيدىڭ جاۋاپ حاتىن ۇيرەنگەننەن كەيىن ول ەرەكشە تەبىرەندى.
بىلتىر يان زىفىڭ مەن اترەت مۇشەلەرى باس شۋجيگە حات جازىپ، شەكارانى كۇزەتۋ، وقۋ ـ اعارتۋعا كومەكتەسۋ جاعدايىنان مالىمەت بەرگەن بولاتىن، 4 ـ مامىر جاستار مەرەكەسى كەلۋ قارساڭىندا جاۋاپ حات تاپسىرىپ الدى، ”وتان مەن حالىق ەڭ قاجەت ەتكەن جەرگە بارىپ رولدارىڭدى ساۋلەلەندىرىڭدەر“ دەگەن تاپسىرما ونىڭ كوزىنە ىستىق جاس الدىرىپ، ەرەكشە شابىتتاندىردى. بيىل 7 ـ ايدا قىزمەت وتەۋ مەرزىمى اياقتايدى، ول باتىلدىقپەن قالۋعا بەل بۋدى: ”بىرنەشە جىل ۋاقىت جۇمساپ، ٴومىر بويى ەستەن كەتپەس ٴىس ىستەيمىن. ساباق مىنبەسىنەن تاپجىلماي، شەكارا وڭىردەگى وقۋشىلاردى دەن قويا، سۇيىسپەنشىلىكپەن باۋلىپ، ٴىس جۇزىندىك ارەكەتىم ارقىلى ’پارتيا الاڭسىز بولىڭىز، مەملەكەتتى قۇدىرەتتەندىرۋدە مەن بارمىن‘ دەگەن جاستىق كوكتەم سەرتىمدى امالياتتا ايگىلەيمىن“.
باتىس بولىككە، نەگىزگى ساتىعا، وتان مەن حالىق ەڭ قاجەت ەتكەن جەرگە بارامىز. بۇل باتىس بولىك جوسپارى اتقارىلعاننان بەرى 600 مىڭعا جۋىق جوعارى مەكتەپ بىتىرگەن ەرىكتىنىڭ جاۋابى.
بىلتىر شاندۇڭ ولكەسى جينان قالاسىنان جوعارى مەكتەپ تاۋىسقان لي جياحۋا ارمان ارقالاپ، باتىس بولىك جوسپارى ەرىكتىلەر قوسىنىنا قاتىناسىپ، قۇلجا اۋدانىنا كەلىپ قىزمەت ىستەدى.
5 ـ ايدىڭ 3 ـ كۇنى تۇستەن كەيىن ينتەرنەتتەن باس شۋجي شي جينپيڭنىڭ جۇڭگو جاستار 4 ـ مامىر مەدالى جانە جاڭا داۋىردەگى جاس ۇزدىك سيلىعى يەگەرلەرىنىڭ ۋاكىلدەرىنە جازعان جاۋاپ حاتىن كورگەندە، ونىڭ كوڭىلى تولقىپ كەتتى: ”باس شۋجيدىڭ تاپسىرماسى ٴارى شابىتتاندىرۋ، سونداي ـ اق جەتەكتەۋ، جاستىق كوكتەمىم مەن ماڭداي تەرىمدى شينجياڭ سىندى ۇمىتكە تولى وسى قۇتتى مەكەنگە ارناۋ مەنىڭ ەڭ ماقتانىش ەتەتىن ٴىسىم. ۇلگىلەردەن ۇيرەنىپ، بۇقاراعا قىزمەت وتەۋ، نەگىزگى ساتىعا ۇلەس قوسۋ بارىسىندا ىسىلعان ونەر جەتىلدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جاستىق كۇش ـ قۋاتىمدى ارنايمىن“.
جاستىق كوكتەمىمىز ارقىلى دامۋ كەلەلى جاعدايىنا كۇش قوسامىز
وتاننىڭ بايتاق دالاسىن قادامىمەن ولشەپ، حالىقتىڭ ۇنىنە شىن جۇرەكتەن قۇلاق اسىپ، كۇرەس ارقىلى ٴداۋىردىڭ ۇندەۋىنە جاۋاپ قايتارىپ، اتىز باسىنان زاۆود سەحتارىنا دەيىن، عىلىم ـ تەحنولوگيانىڭ الدىڭعى لەگىنەن شەكارا ٴوڭىردىڭ ٴبىرىنشى شەبىنە دەيىن قالىڭ جاستار ٴىس جۇزىندىك ارەكەتتەرى ارقىلى وتان ٴۇمىتىن اقتاۋ مۇراتىن امالياتتا ايگىلەپ، وكىنىشسىز جاستىق كوكتەمدى جازدى.
ٴشول دالانىڭ تەرەڭ قويناۋىندا قۇدىق بۇرعىلاۋدان گۇرىلدەي شىققان داۋىس ەستىلدى. 5 ـ ايدىڭ 3 ـ كۇنى تۇستەن كەيىن مەملەكەتتىك جۇمىسشىلار ۇزدىگى اتاعىن العان جۇڭگو مۇناي توبى باتىس بولىك بۇرعىلاۋ ـ بارلاۋ ينجەنەرياسى شەكتى سەرىكتەستىگى بايىنعولين وبلىستىق بولىمشە سەرىكتەستىگىنىڭ 120001 ـ بۇرعىلاۋ اترەتى تيانشان تاۋىنىڭ وڭتۇستىك بوكتەرىندە جىنتان 1 ـ قۇدىعىن بۇرعىلاپ بارلاۋدا ەدى. باس شۋجيدىڭ جاۋاپ حاتىن ۇيرەنگەننەن كەيىن، ورتاشا جاسى 35كە جەتپەيتىن وسى جاس قوسىن ەرەكشە شابىتتانىپ، قايراتى تاسقىنداي ٴتۇستى.
باتىلدىقپەن قامال الىپ، باتىلدىقپەن ىستەيتىن بۇرعىلاۋشى قۇرىش قوسىن رەتىندە، ولار ازياداعى قۇرلىقتاعى ەڭ تەرەڭ قۇدىق لۇنتان 1 ـ قۇدىعى، ازياداعى ەڭ تەرەڭ تىك قۇدىق شىندي تاكى 1 ـ قۇدىعى سياقتىلاردى بۇرعىلادى، قازىر اناعۇرلىم بايىرعى جەر قاباتى سيناستانا جۇيەسىنە قاراي بۇرعىلاپ، تىڭنان مۇناي ـ تابيعي گاز بايقاۋعا ىزدەنىس جاساۋدا. ”باس شۋجي شي جينپيڭنىڭ جاۋاپ حاتى بىزگە اۋىر جاۋاپكەرشىلىكتى تەرەڭ سەزىندىردى.“ 120001 ـ بۇرعىلاۋ اترەتى پارتيا ياچەيكاسىنىڭ شۋجيى لين نان مىنالاردى ٴبىلدىردى: مۇناي رۋحىن، قۇرىش ادام رۋحىن كۇش سالا اسقاقتاتىپ، تەرەڭ جەردى بارلاۋ عىلىم ـ تەحنولوگياسىنىڭ شىڭىنا باتىلدىقپەن شىعىپ، تەحنولوگيالىق قيىن ماسەلەلەردەن كۇش سالا قامال الىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، مۇناي ىستەرىنىڭ جوعارى ساپالى دامۋىن ىلگەرىلەتۋگە جاستىق كۇش ـ قۋاتىمىزدى ارنايمىز.
كۇشار قالاسى تارىم قالاشىعى تارىم قىستاعىنىڭ تۇرعىنى زۇبايدام قۇربان بەيجيڭ ٴتىل داشۋەسىنە قابىلداندى، وقۋ تاۋىسقاننان كەيىن ٴىرى قالادا قالىپ جۇمىستانۋ ورايىنان باتىلدىقپەن باز كەشىپ، قىستاققا قايتىپ اۋىل ـ قىستاق قۇرىلىسىنا ات سالىستى، قازىر قىستاق ۇگىت مۇشەسى، ايەلدەر بىرلەستىگىنىڭ ٴتوراعاسى مىندەتىن وتەيدى. ”باس شۋجيدىڭ ىقىلاستى ٴۇمىتى مەنىڭ العاشقى تالعامىمدى ونان ارى بەكەمدەي ٴتۇستى“. ول بىلاي دەدى: قىستاعىمىزدا سوڭعى جىلدارى زور وزگەرىستەر تۋىلدى، تىڭعىلىقتى ىستەپ، ونەرگە قاجىرلىلىقپەن جاتتىعىپ، مەكەنىمىزدىڭ قۇرىلىسىنا ۇلەس قوسىپ، اۋىلداستاردى ٴتىپتى دە جاقسى تۇرمىس كەشىرۋگە باستايمىن.
(ٴتىلشى لي جيا ـ ني، قاتىناسقان تىلشىلەر گو ليڭ، ۋاڭ نا، يۇي جياڭيان، سۇڭ ۋيگو، ەرىكتى ٴتىلشى ەرفانجان كەرىم)
