ٴبىرىنشى ماۋسىمدا شينجياڭنىڭ سىرتقى ساۋداسى ورنىقتىلىق بارىسىندا ساپاسىن جوعارىلاتتى
ارنا ىركىلىسسىزدەندى، 100 ميلليارد يۋاننان تاعى دا استى
□ انار بۇلت \ شينجياڭ گازەتىنىڭ ٴتىلشىسى حي حۇڭۋي
ٴۇرىمجى كەدەنىنىڭ ساندى مالىمەتىندە كورسەتىلۋىنشە، بيىل ٴبىرىنشى ماۋسىمدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 111 ميلليارد 680 ميلليون يۋانعا جەتىپ، سايكەس مەزگىلدەگىدەن %3.4 ارتقان، 2025 ـ جىلدىڭ ٴبىرىنشى ماۋسىمىندا تۇڭعىش رەت 100 ميلليارد يۋاننان اسقاننان كەيىن، تاعى دا تاريحتاعى سول تۇستاعى ەڭ جوعارى دەڭگەيدى جاراتقان.
بۇكىل ەل بويىنشا سىرتقى ساۋدا جوعارى قارقىنمەن ارتقان ۇلكەن ارتقى كورىنىستە ارنا، وڭىرلىك ورىن جانە ساياسات قاباتتاسقان باسىمدىققا سۇيەنىپ، شينجياڭنىڭ سىرتقى ساۋدا اينالىمىندا كولەمدى ورنىقتىرۋ، قۇرىلىمدى ساپالىلاندىرۋ، بازاردى كەڭەيتۋ، كاسىپ كۇيىن كۇشەيتۋ سىندى دامۋ اۋقىمى جارىققا شىققاندىعى جاتىر.
وڭىرلەر كوپ تۇيىندە كۇش سالدى
شەكارا وتكەلى ارناسىنىڭ ونىمدىلىگى ۇزدىكسىز جارىققا شىعارىلدى
وڭىرلىك سايكەسىمدىلىك پەن شەكارا وتكەلىنىڭ ونىمدىلىگىن جوعارىلاتۋ شينجياڭنىڭ سىرتقى ساۋداسىندا كولەمدى ورنىقتىرۋداعى وزەكتى تىرەك.
4 ـ ايدىڭ 24 ـ كۇنى كوكدالا جينحاي بيو عىلىم ـ تەحنولوگيا شەكتى سەرىكتەستىگىنىڭ زات اينالىمى قامباسىندا قۇلجا كەدەنىنىڭ تەكسەرۋ ـ كارانتيندەۋ، باقىلاۋ ـ باسقارۋىنان وتكەن توپ ـ توپ بيولوگيالىق جەم ـ ٴشوپ قوسپالارى كەدەننەن ٴساتتى ٴوتىپ، وڭتۇستىك ازيا، ورتا شىعىس سياقتى حالىقارالىق بازارلارعا جونەلتىلدى.
قۇلجا كەدەنىنىڭ ساناق ساندى مالىمەتىندە كورسەتىلۋىنشە، ٴبىرىنشى ماۋسىمدا قاراستى اۋماقتاعى بيولوگيالىق ونىمدەردىڭ جالپى ەكسپورتى 239 توپ (رەت)، 5808.39 توننا، زات قۇنى 94 ميلليون 350 مىڭ 800 يۋان بولىپ، سايكەس مەزگىلدەگىدەن جەكە ـ جەكە 1.01 ەسە، 1.05 ەسە، %81.5 ارتىپ، ەكسپورتتىڭ ارتۋ قارقىنى قاراستى اۋماقتىڭ ەرەكشە سىرتقى ساۋدا ونىمدەرىنىڭ الدىڭعى قاتارىنا وتكەن.
بۇكىل شينجياڭ كولەمىنەن قاراعاندا، سىرتقى ساۋدا وڭىرلەرىنىڭ جىكتەلۋ، ٴبىر ـ ٴبىرىن تولىقتاۋ جاعدايى بارعان سايىن كورنەكتىلەنگەن. ىلە قازاق اۆتونوميالى وبلىسى، قاشقار ايماعى ٴداستۇرلى سىرتقى ساۋدانىڭ وزەكتى ٴوڭىرى رەتىندە، ٴبىرىنشى ماۋسىمدا يمپورت ـ ەكسپورت قۇنى جەكە ـ جەكە سايكەس مەزگىلدەگىدەن %27.7، %0.9 ارتىپ، سىرتقى ساۋدانىڭ نەگىزگى جاعدايىن مىقتاپ ورنىقتىردى؛ سانجى حۇيزۋ اۆتونوميالى وبلىسى، تارباعاتاي ايماعى كاسىپ سالاسى سىرتقى ساۋداسىنىڭ جەدەل كۇش سالۋىنا سۇيەنىپ، بۇكىل شينجياڭ سىرتقى ساۋدا مولشەرىنىڭ ارتۋىن جەتەكتەيتىن شەشۋشى كۇشكە اينالدى.
شەكارا وتكەلى سىرتقى ساۋدانىڭ ”قاقپاسى“ رەتىندە، ونىڭ كوتەرىمدىلىك قۋاتى سىرتقى ساۋدانىڭ اينالىم ونىمدىلىگىن تىكەلەي بەلگىلەيدى. ٴبىرىنشى ماۋسىمدا بۇكىل شينجياڭداعى ٴارقايسى قۇرلىق، تاس جول شەكارا وتكەلدەرىنىڭ، اۆياتسيالىق شەكارا وتكەلدەرىنىڭ ارنا ونىمدىلىگى ۇزدىكسىز جارىققا شىقتى.
قورعاس تاس جول شەكارا وتكەلى جۇڭگو − قازاقستان اۋىل شارۋاشىلىق قوسىمشا ونىمدەرىن كەدەننەن تەز وتكىزۋ ”جاسىل ارناسىن“ اشىپ، 7 × 24 ساعاتتىق الدىن الا كەلىسىپ كەدەننەن وتكىزۋ سياقتى شارالاردى اتقارىپ، جاڭا، جاس اۋىل شارۋاشىلىق ونىمدەرىنىڭ كەدەننەن ٴوتۋ ۋاقىت ونىمدىلىگىن بارىنشا جوعارىلاتتى. ساندى مالىمەتتە كورسەتىلۋىنشە، ٴبىرىنشى ماۋسىمدا قورعاس شەكارا وتكەلىنەن جيىنى 230 مىڭ توننا جەمىس ـ جيدەك، كوكونىس ەكسپورت ەتىلىپ، سايكەس مەزگىلدەگىدەن %31.5 ارتقان، ٴونىم تۇرلەرى ٴداستۇرلى جەمىس ـ جيدەكتەن 10 نەشە ٴتۇرلى ماۋسىمدىق كوكونىس، جەمىس ـ جيدەكتى قامتىعان ٴونىم تۇرىنە كەڭەيىپ، ورتا ازيا تۇتىنۋ بازارىندا ٴوتىمدى بولعان.
”الدىمەن تاپسىرىس قابىلداۋ، الدىمەن تەكسەرۋ، الدىمەن وتكىزۋ سىندى كەدەننەن وتكىزۋ ۇلگىسى جاڭا، جاس اۋىل شارۋاشىلىق ونىمدەرىنىڭ سارىپ بولۋىن تىكەلەي تومەندەتتى“. قورعاس جين ـ ي حالىقارالىق ساۋدا (توبى) شەكتى سەرىكتەستىگىنىڭ ورىنباسار باس ديرەكتورى يۇي حۋان بىلاي دەدى: كەدەننەن جوعارى ونىمدىلىكپەن وتكىزۋ رەفورماسى كاسىپورىنداردىڭ جەمىس ـ جيدەك، كوكونىس ونىمدەرىنىڭ سارىپ بولۋ مولشەرىن %5تەن %1.5تەن تومەنگە تومەندەتتى، سەرىكتەستىكتىڭ تاپسىرىسى 6 ـ ايعا دەيىن تىركەلىپ، ەكسپورتتىڭ تۇراقتىلىعى كورنەكتى كۇشەيدى.
اۋە ارناسى تەڭ قادامدا قارقىنىن تەزدەتىپ سىرتقى ساۋدانىڭ دامۋىنا جاڭا قوزعالىس قۋاتىن ۇستەدى. ٴۇرىمجى تيانشان حالىقارالىق اۋەجايىنىڭ سولتۇستىك اۆياتسيا بەكەتى اۋماعى ىسكە قوسىلعان ٴبىر جىلدان بەرى، زەردەلىلەنگەن باقىلاۋ ـ باسقارۋ جاپپاي تياناقتاندى، ٴبىرىنشى ماۋسىمدا اۋەجاي كەدەنىنىڭ باقىلاۋ ـ باسقارۋى بويىنشا شەكارادان كىرىپ ـ شىققاندار 249 مىڭ ادامعا (رەت)، حالىقارالىق جولاۋشى تاسىمال كەزەكشى ۇشاعى 1928 رەتكە جەتىپ، سايكەس مەزگىلدەگىدەن جەكە ـ جەكە %57.7 جانە %37.8 ارتتى.
”كەدەننەن ٴوتۋ بارىسى ىقشامدالىپ، كۇتۋ ۋاقىتى قىسقارىپ، ساۋدا ىستەرى ساپارى مەن زات تاسىمال ونىمدىلىگى تۇگەلدەي شىنايى جوعارىلادى“. قازاقستاندىق ساۋداگەر مۇرات زاكيەۆتىڭ تىكە اسەرى شينجياڭنىڭ ستەرەولدى شەكارا وتكەلدەرىنىڭ كەدەننەن وتكىزۋ جۇيەسىنىڭ ۇزدىكسىز كەمەلدەنۋىنىڭ جاندى بەينەسى.
ساۋدا قۇرىلىمى ۇزدىكسىز ساپالىلاندى
تاۋار مەن كاسىپ كۇيى بازاردىڭ سۇرانىسىنا ساي كەلدى
4 ـ ايدىڭ 23 ـ كۇنى تايكەشكەن شەكارا وتكەلىنىڭ جۇك تاسىمال ارناسىندا بەلورۋسسيانىڭ توڭازىتىلعان سيىر ەتى تولتىرا تيەلگەن سۋىق تىزبەكتى جۇك اۆتوموبيلى 10 كۇن ۋاقىت جۇمساپ، 5800 كيلومەتردەن استام جول باسىپ، شەكارادان ٴساتتى كىردى. التاي كەدەنىنىڭ ساناعىنا قاراعاندا، ٴبىرىنشى ماۋسىمدا تايكەشكەن شەكارا وتكەلىنەن يمپورت ەتىلگەن بەلورۋسسيانىڭ سيىر ەتى تاۋار سوماسى جيىنى 5 ميلليون 40 مىڭ يۋانعا جەتىپ، شەكارا سىرتقى ساۋداسىنىڭ جوعارى ساپالى دامۋىنىڭ جاڭا جارقىن ٴتۇيىنى بولدى.
”قازىر بازاردىڭ سيىر ەتى سياقتى ساپالى ازىق ـ تۇلىكتەرگە سۇرانىسى كۇن سايىن ارتۋدا، ال بۇل تۇردەگى ونىمدەردىڭ كۇشكە يە ۋاقىتى مەن ساپاسىنا قويىلاتىن تالاپ توتەنشە جوعارى. بۇرىن ٴبىز كەدەننەن ٴوتۋ ونىمدىلىگىنىڭ ونىمدەردىڭ جاڭا، جاس كۇيىنە ىقپال جاساۋىنان الاڭداپ كەلگەن ەدىك، التاي كەدەنى ىرىقتى تۇردە ٴتۇيىلىسىپ، ەسىك الدىنا بارىپ قىزمەت وتەپ، ٴبىزدىڭ وسى يمپورت جەلىسىن اشۋىمىزعا بەرىك قامتاماسىزدىق ازىرلەدى“، ـ دەدى الاتاۋ ساعاسى سىلۋ بىرلەسكەن ساۋدا شەكتى سەرىكتەستىگىنىڭ كاسىپتىك ديرەكتورى سى يان ـ ى.
تاۋار قۇرىلىمىنان الىپ قاراعاندا، ٴبىرىنشى ماۋسىمدا شينجياڭنىڭ سىرتقى ساۋداسى كاسىپ سالاسىنىڭ دارەجەسىن جوعارىلاتۋ جانە قوس باعىتتا قامداۋ ـ قاجەتسىنۋ ەرەكشەلىگىمەن دالمە ـ ٴدال توعىستى. ەكسپورت جاعىندا، ماشينا ـ ەلەكتر ونىمدەرىنىڭ ۇستايتىن سالىستىرماسى %40.1كە جەتىپ، ٴبىرىنشى ۇلكەن ەكسپورت ٴتۇرى ورنىن ورنىقتى يەلەدى؛ بولات ماتەريالدارىنىڭ ەكسپورت قۇنى سايكەس مەزگىلدەگىدەن %70 ارتتى، اۋىل شارۋاشىلىق ونىمدەرىنىڭ ەكسپورت قۇنى سايكەس مەزگىلدەگىدەن %17.9 ارتتى. يمپورت جاعىندا، نازار بايلىقتى قامتاماسىز ەتۋ مەن حالىق تۇرمىسى تۇتىنۋىنا شوعىرلانىپ، مەتال كەنى جانە كەن قيىرشىعى، اۋىل شارۋاشىلىق ونىمدەرىن يمپورت ەتۋ سايكەس مەزگىلدەگىدەن جەكە ـ جەكە %83.7، %80.9 ارتتى.
ساۋدا ٴتاسىلىنىڭ كوپ نەگىزدى جاڭالانۋى شينجياڭنىڭ سىرتقى ساۋداسىنىڭ حاۋىپ ـ قاتەرگە توتەپ بەرۋ قابىلەتىن ونان ارى جوعارىلاتتى. ٴبىرىنشى ماۋسىمدا ادەتتەگى ساۋدا ٴالى دە جەتەكشى ورىندى يەلەپ، يمپورت ـ ەكسپورت قۇنى سايكەس مەزگىلدەگىدەن %13.2 ارتىپ، سىرتقى ساۋدا جالپى قۇنىنىڭ %55.6ىن ۇستادى؛ وڭدەۋ ساۋداسىنىڭ، قورعامالى باجى زات اينالىمىنىڭ ارتۋ قارقىنى كورنەكتى بولىپ، جەكە ـ جەكە سايكەس مەزگىلدەگىدەن %428.1، %17.9 ارتىپ، سىرتقى ساۋدانى ارتتىرۋدىڭ ”جاڭا قوزعالتقىشىنا“ اينالدى؛ شەكارا تۇرعىندارىنىڭ ٴوزارا بازارشىلاۋ تاسىلىندەگى يمپورتى، بازاردان ساتىپ الۋ ساۋدا ەكسپورتى، سىرتقا كوتەرمەگە بەرىلگەن ينجەنەريا زاتتارى ەكسپورتى سياقتى شاعىن كاسىپ كۇيىنىڭ ارتۋ قارقىنى كورنەكتىلەنىپ، جەكە ـ جەكە %97.1كە، %57.5كە، %239.2كە جەتتى، بۇل شينجياڭنىڭ سىرتقى ساۋدا ۇلگىسىنىڭ جالاڭ ٴداستۇرلى شەكارا ساۋداسىنان كوپ ٴتۇرلى كاسىپ كۇيى قاتار داميتىن جاڭا ارناعا وزگەرگەندىگىن كورسەتەدى.
شينجياڭ قازىنا ـ ەكونوميكا داشۋەسى حالىقارالىق ەكونوميكا ـ ساۋدا شۋەيۋانىنىڭ پروفەسسورى جاۋ چيڭسۇڭ بىلاي دەپ اتاپ كورسەتتى: تاۋار قۇرىلىمىنىڭ دارەجەسىن جوعارىلاتۋ، ساۋدا ٴتاسىلىنىڭ كوپ نەگىزدەنۋى − شينجياڭنىڭ سىرتقى ساۋداسىنىڭ ورنىقتى ارتۋىنداعى وزەكتى تىرەك. ەرەكشە وڭىرلىك باسىمدىققا سۇيەنىپ، شينجياڭ ٴداستۇرلى مولاڭ تاۋارلاردى يمپورت ـ ەكسپورت ەتۋدىڭ نەگىزگى جاعدايىن ورنىقتىرۋمەن بىرگە، جوعارى دەڭگەيلى جاساۋ، ەرەكشەلىككە يە اۋىل شارۋاشىلىق ونىمدەرى، جاسىل ونىمدەر سياقتى ەكسپورتتىڭ جاڭا ارتۋ تۇيىندەرىن بىرتىندەپ جەتىلدىردى، مۇنداي قۇرىلىمدى رەتتەۋ باياندىلىققا يە بولىپ، شينجياڭنىڭ سىرتقى ساۋداسىنىڭ جوعارى ساپالى دامۋىنا ۇزاق ۋاقىتتىق قوزعاۋشى كۇش ازىرلەيدى.
كوپ نەگىزدى بازار ىشكەرىلەي كەڭەيدى
ساياسات ارقىلى كەدەننەن وتكىزۋ سايكەستىرىلىپ، دامۋداعى ولقىلىقتار تولىقتاندى
بازار ورنالاسىمىنىڭ كوپ نەگىزدەنۋى − شينجياڭنىڭ سىرتقى ساۋداسىنىڭ ”ورنىقتىلىق بارىسىندا ساپانى جوعارىلاتۋىنداعى“ شەشۋشى شارا. ٴبىرىنشى ماۋسىمدا شينجياڭنىڭ سىرتقى ساۋداسى جالاڭ بازارعا يەك سۇيەۋدەن بىرتىندەپ ارىلىپ، ”ورتا ازيانى وزەك ەتكەن، RCEP ارتۋ مولشەرى بولعان، كوپ ٴوڭىر تولىقتاعان“ ناقتى جاعداي قالىپتاستى. مۇنىڭ ىشىندە ورتا ازياداعى 5 ەلگە باعىتتالعان يمپورت ـ ەكسپورت سالىستىرماسى %52.7كە جەتىپ، وزەكتى ساۋدا سەرىكتەستىك ورنى ۇزاق ۋاقىت ورنىقتى بولدى؛ شىعىس وڭتۇستىك ازيا ەلدەرى وداعىنا باعىتتالعان يمپورت ـ ەكسپورت %30.6 ارتىپ، ارتۋ جىلدامدىعى شەتەل بازارلارىندا باسىم ورىندى يەلەدى؛ ”ٴبىر بەلدەۋ، ٴبىر جولدى“ بىرگە قۇراتىن ەلدەرگە باعىتتالعان يمپورت ـ ەكسپورت سالىستىرماسى %87.8تى يەلەپ، شينجياڭنىڭ ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋداعى وزەكتى توراپتىق رولىن ايگىلەدى.
ساياسات ارقىلى قۋات ۇستەۋ مەن كەدەننەن ٴوتۋدى قولايلىلاندىرۋ رەفورماسى سىرتقى ساۋدانىڭ دامۋىنداعى القىمداعان ماسەلەلەردى شەشىپ، ولقىلىقتاردى تولىقتادى.
قۇلجا كەدەنى بيولوگيالىق جاساۋ كاسىپورىندارىنىڭ شەتەلدەگى كىرۋگە رۇقسات ەتۋ شارتى جوعارى بولۋ، ەرەجەگە ۇيلەستىرىپ مالىمدەۋ قابىلەتى جەتەرسىز بولۋ سياقتى ماسەلەلەرگە مەڭزەس، ارناۋلى كومەكتەسۋ ـ سۇيەمەلدەۋ گرۋپپاسىن قۇرىپ، بۇرىن وندىرىلگەن جەرگە پايدا جەتكىزۋ، R C E P كەدەن باجىسى ساياساتى جەتەكشىلىگىن ورىستەتىپ، جەرگىلىكتى ورىننىڭ بيولوگيالىق جەم ـ ٴشوپ قوسپاسى سياقتى ونىمدەرىنىڭ وڭتۇستىك ازيا، ورتا شىعىس سياقتى جەرلەرگە ەكسپورت ەتىلۋىنە دەم بەردى.
”شەكارا سىرتىندا تىزىمدەتىپ، ەستەلىككە الدىرۋدان كۇندەلىكتى كەدەننەن ٴوتۋدى مالىمدەۋگە دەيىن كەدەن تۇتاس بارىسقا جەتەكشىلىك ەتىپ، كاسىپورىنداردىڭ كوپ ەل بازارىن جەدەل اشۋىنا كومەكتەستى“، ـ دەدى كوكدالا جينحاي بيو عىلىم ـ تەحنولوگيالىق شەكتى سەرىكتەستىگىنىڭ قاتىستى جاۋاپتىسى.
شەكارا وتكەلدەرى جاڭا جاعداياتقا سۇيەنىپ، سىرتقى ساۋدانىڭ جاڭا ارتۋ مولشەرىن جارىققا شىعاردى، تايكەشكەن، جەمەنەي سياقتى شەكارا وتكەلدەرى TIR (حالىقارالىق تاس جول تاسىمال شارتى)، شەكارا اتتاپ ٴوزى اۆتوكولىك جۇرگىزىپ ساياحاتتاۋ سياقتى جاڭا كاسىپ كۇيلەرىنەن تولىق پايدالانىپ، سىرتقى ساۋدانىڭ ساپاسىن جوعارىلاتىپ ونىمدىلىگىن ارتتىرۋدى جۇزەگە اسىردى. ٴبىرىنشى ماۋسىمدا تايكەشكەن شەكارا وتكەلىنەن TIR ارقىلى شەكارادان شىعاتىن اۆتوكولىكتەردىڭ، تاۋارلاردىڭ قۇنى جەكە ـ جەكە سايكەس مەزگىلدەگىدەن %133، %224 ارتتى، قوسىمشا قۇنى جوعارى ماشينا ـ ەلەكتر ونىمدەرى، نازىك اسپاپتار بىرتىندەپ ٴداستۇرلى تومەن قۇندى ٴتۇرلى بۇيىمداردىڭ ورنىن باسىپ، ەكسپورت قۇرىلىمى ۇزدىكسىز ساپالىلاندى؛ جەمەنەي شەكارا وتكەلىندە شەكارا اتتاپ ٴوزى اۆتوكولىك جۇرگىزگەن جولاۋشىلاردىڭ سانى زور مولشەردە ارتىپ، اۋىل شارۋاشىلىق ونىمدەرىنىڭ، جەڭىل ونەركاسىپ ونىمدەرىنىڭ يمپورت ـ ەكسپورتىنىڭ قوس باعىتتا ارتۋىن قاتار جەبەپ، ”جولاۋشى اعىنى ارقىلى زات اينالىمىن جەتەكتەۋ، زات اينالىمى ارقىلى ساۋدانى جەبەۋدەي“ ۇتىمدى اينالىم جۇزەگە استى.
وبيەكتيۆ تۇرعىدان قاراعاندا، بۇكىل ەلدىڭ سىرتقى ساۋداسىنىڭ دامۋ دەڭگەيىمەن سالىستىرعاندا شينجياڭدا ٴالى دە كورنەكتى ولقىلىقتار ورىن تەۋىپ وتىر. جاۋ چيڭسۇڭ بىلاي دەپ قارادى: شينجياڭ وڭىرلىك ورىن، بايلىق، شەكارا وتكەلى، ساياسات، گۋمانيتار سىندى 5 ۇلكەن نەگىزدىك ابزالدىلىققا يە، جۇڭگو (شينجياڭ) ەركىن ساۋدا سىناق رايونى قۇرىلىسىن تۇتقا ەتىپ، قورعامالى باجى بويىنشا وڭدەۋ، شەكارا اتتاعان ەلەكتروندى ساۋدا، شەتەلدەگى قامبا، بازاردا ساتىپ الۋ سياقتى جاڭا كاسىپ كۇيى ارتىقشىلىعىن زورايتىپ، كەدەننەن وتكىزۋدىڭ وزىندىك قۇنىن ۇزدىكسىز ازايتىپ، باقىلاۋ ـ باسقارۋ ٴتارتىبىن ىقشامداپ، بۇكىل مەملەكەتتىڭ دامۋىمەن بولعان پارىقتى ازايتۋ كەرەك.
قازىر شينجياڭداعى ٴتۇرلى شەكارا وتكەلدەرى كەدەننەن ٴوتۋدى قولايلىلاندىرۋ رەفورماسىن ۇزدىكسىز تەرەڭدەتىپ، اۋىل شارۋاشىلىق قوسىمشا ونىمدەرىن سۋىق تىزبەكتى ەكسپورت ەتۋدەن، بايلىق سيپاتتى ونىمدەردى ورنىقتى يمپورت ەتۋدەن جوعارى دەڭگەيلى جاساۋ، بيولوگيالىق كاسىپ سالاسى، باجىسىز وڭدەۋ سياقتى كوپ تۇيىندە قامال الۋعا دەيىن شينجياڭنىڭ سىرتقى ساۋداسى ەندىگارى كىلەڭ كولەمنىڭ جەتەكتەۋىنە عانا سۇيەنبەي، قايتا قۇرىلىمنىڭ، كاسىپ كۇيىنىڭ، قىزمەت وتەۋدىڭ، بازاردىڭ جان ـ جاقتى ساپاسىن جوعارىلاتۋ ارقىلى باتىسقا ەسىك اشۋداعى كاسىپ سالالارى مەن ساۋدانىڭ نەگىزىن ورنىقتى بەكەمدەپ، جوعارى ساپالى دامۋ نىساناسىنا قاراي نىق قادام تاستاۋدا.
