ەركىن تۇنياز اقسۋدا جانە بايىنعولين وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
جاۋاپكەرشىلىكتى مىقتاپ ارقالاپ، قايراتتانا ەكپىندەي ىلگەرىلەپ، ”15 ـ بەسجىلدىقتىڭ“ تاماشا باستاماسىن جۇزەگە اسىرۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 5 ـ ايدىڭ 4 ـ كۇنى كورلادان حابارلايدى. 5 ـ ايدىڭ 3 ـ كۇنىنەن 4 ـ كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اقسۋ ايماعىنىڭ توقسۋ اۋدانىنا، كۇشار قالاسىنا جانە بايىنعولين موڭعۇل اۆتونوميالى وبلىسىنىڭ لوپنۇر اۋدانىنا، كورلا قالاسىنا كەلىپ، قوعام ورنىقتىلىعى، ەكونوميكالىق اينالىم، ەكولوگيالىق ورتانى قورعاۋ، حالىق تۇرمىسىن جاقسارتۋ سياقتىلارعا تەكسەرۋ ـ زەرتتەۋ جۇرگىزدى ٴارى كۇشار قالاسىندا جەر سىلكىنىسىنەن ساقتانىپ، اپات شىعىنىن ازايتۋ قىزمەتىن بەينەجازبا ارقىلى ورنالاستىردى. ول بىلاي دەپ باسا دارىپتەدى: ورتالىقتىڭ شارلاۋىندا، قازىنالىق باقىلاۋىندا اڭىس ەتىلگەن پىكىرلەردى رەتتەۋ ـ تۇزەتۋدى دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىمەن سانالى تۇردە ۇشتاستىرىپ، جاۋاپكەرشىلىكتى مىقتاپ ارقالاپ، قايراتتانا ەكپىندەي ىلگەرىلەپ، ”15 ـ بەسجىلدىقتىڭ“ تاماشا باستاماسىن كۇش سالا جۇزەگە اسىرۋ كەرەك.
شيڭفا حيميا ونەركاسىبى شەكتى سەرىكتەستىگى، انحىڭ توقىماشىلىق جارنا شەكتى سەرىكتەستىگىندە ەركىن تۇنياز كاسىپورىننىڭ ٴوندىرىس، شارۋاشىلىق، عىلىم ـ تەحنولوگيالىق زەرتتەۋ ـ اشۋ سياقتى جاعدايلارىن ەگجەي ـ تەگجەيلى ۇعىسىپ، كاسىپورىنداردى كەلەلى اۋقىمدى يگەرىپ، ورايدى مىقتى ۇستاپ، عىلىم ـ تەحنولوگيادا جاڭالىق اشۋ سەرپىنىن ارتتىرىپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كۇشەيتۋگە كۇش سالىپ، جەرگىلىكتى ورىنداعى اناعۇرلىم كوپ بۇقارانى جۇمىستانۋعا جەتەكتەۋگە شابىتتاندىردى.
ەركىن تۇنياز قۇمتۇرا تاس ۇڭگىرىنە كەلىپ، ۇڭگىر، قابىرعا سۋرەت سياقتىلاردىڭ قورعالۋ جاعدايىن كورىپ، تاس ۇڭگىر عيباداتحاناسىن قورعاۋدى، پايدالانۋدى كۇشەيتىپ، مادەنيەت مازمۇنىن ىشكەرىلەي اشىپ، ٴار ۇلت بۇقاراسىن جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەۋ كەرەكتىگىن باسا دارىپتەدى. كۇشار قالاسى ٴراستا ساياحات، سەيىل ـ سەرۋەن كوشە اۋماعىندا ەركىن تۇنياز كەشكى ەكونوميكانىڭ دامۋ جاعدايىن ۇعىسىپ، شارۋاشىلىقپەن شۇعىلدانۋشىلارمەن، ساياحاتشىلارمەن اڭگىمەلەستى. ول مىنانى ٴبىلدىردى: ەرەكشە كورمە دانەكەرىندە جاڭالىق اشىپ، جاڭا يقۋات، جاڭا كاسىپ كۇيى، جاڭا جاعدايات قالىپتاستىرىپ، تۇتىنۋشىلاردىڭ دارالىققا يە، الۋان تۇرلىلەنگەن تۇتىنۋ قاجەتىن قاناعاتتاندىرىپ، مادەنيەت ـ ساياحاتتىڭ ەكونوميكانى جەبەۋ رولىن تولىق ساۋلەلەندىرۋ كەرەك.
لوپنۇر اۋدانى تارىم وزەنىنىڭ وڭتۇستىك جاعالاۋىنداعى لوپنۇر كەندىرى ەگىمشىلىگىنەن ۇلگى كورسەتۋ وڭىرىندە بايىنعولين وبلىسىنىڭ قۇمايتتانۋدان ساقتانۋ، قۇمدى تىزگىندەۋ پۋنكتىنىڭ تاجىريبە بازاسىندا ەركىن تۇنياز عىلمي زەرتتەۋ قىزمەتكەرلەرىمەن بەتپە ـ بەت اڭگىمەلەسىپ بىلاي دەپ باسا دارىپتەدى: شىندىقتى ٴىس جۇزىنەن ىزدەۋگە، قۇمدى عىلمي تىزگىندەۋگە تاباندى بولىپ، جەرگىلىكتى جاعدايعا قاراي كوپ ٴتۇرلى ٴتاسىل قولدانىپ، ”جاسىل ٴشارپىنىڭ“ كەڭدىگىن كەڭەيتۋ كەرەك. عىلىم ـ تەحنولوگيا ارقىلى قۋات ۇستەۋگە تاباندى بولىپ، قۇمايتتانۋدان ساقتانۋ، قۇمدى تىزگىندەۋ مەن بۇقارانىڭ كىرىسىن ۇشتاستىرۋ مەحانيزمىن ورناتىپ جانە كەمەلدەندىرىپ، قۇمدى تىزگىندەۋ مەن كىرىستى ارتتىرۋدا تەڭ يگىلىككە كەنەلۋدى جۇزەگە اسىرۋ كەرەك.
ەركىن تۇنياز كورلا قالالىق ٴۇي جيھازدارىن قۇراستىرۋ كاسىپ سالاسى باقشاسىنا كەلىپ، كاسىپ سالاسىنىڭ دامۋى ارقىلى جۇمىستاندىرۋدى جەبەۋ جاعدايىن ۇعىسىپ، ساپا وتكەلىن ويداعىداي يگەرىپ، ۇگىتتەۋدى، ساتۋدى كۇشەيتىپ، ماركا قالىپتاستىرىپ، اناعۇرلىم كوپ بۇقارانىڭ ەسىك الدىندا جۇمىستانۋىنا مۇمكىندىك جاساۋ كەرەكتىگىن اتاپ كورسەتتى. بايىنعولين وبلىستىق حالىق ىستەرى يگىلىك باقشا اۋماعىندا ەركىن تۇنياز قارتتار مەن بالالارعا امانداسا باردى، جاس ەرىكتىلەرمەن اڭگىمەلەستى، كوپشىلىكتىڭ ”4 ـ مامىر“ جاستار مەرەكەسىنىڭ كوڭىلدى بولۋىن تىلەپ، نازاردى ”قارتتار مەن بالالار“ جانە ەرەكشە قيىنشىلىعى بار قاۋىمعا شوعىرلاندىرىپ، قامقورلىق جاساۋ، كومەكتەسۋ ـ سۇيەمەلدەۋ مەحانيزمىن كەمەلدەندىرىپ، پارتيا مەن ۇكىمەتتىڭ قامقورلىعىن بۇقاراعا جەتكىزۋ كەرەكتىگىن باسا دارىپتەدى.
تەكسەرۋ ـ زەرتتەۋ بارىسىندا ەركىن تۇنياز بىلاي دەپ باسا دارىپتەدى: ورنىقتىلىقتى قورعاۋدى ماڭداي الدى ورىنعا قويىپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى تىڭعىلىقتى ىلگەرىلەتۋ كەرەك. جەر سىلكىنىسى، ورمان، جايلىم ٴورت اپاتى سياقتى جاراتىلىستىق اپاتتاردى توڭىرەكتەي وتىرىپ، حاۋىپ ـ قاتەرگە تۇجىرىم جاساۋدى، باقىلاۋ ـ ولشەۋدى، الدىن الا ساقتاندىرۋدى ويداعىداي ىستەپ، ٴتۇرلى كومەسكى حاۋىپ ـ قاتەرلەردەن ٴبىر تۇتاس جوسپارلاپ ساقتانۋ جانە ونى جويۋ كەرەك. ارتۋ ٴتۇيىنىن، سەرپىلىس ٴتۇيىنىن دالمە ـ ٴدال تاۋىپ، باعىتتامالى شارالار قولدانىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. ورتالىقتىڭ شارلاۋىندا، قازىنالىق باقىلاۋىندا اڭىس ەتىلگەن پىكىرلەر بويىنشا رەتتەۋ ـ تۇزەتۋدى وسكەلەڭ ساياسي جاۋاپكەرشىلىك سەزىممەن ويداعىداي يگەرىپ، دەر كەزىندە، ساپا مەن سانعا كەپىلدىك ەتە وتىرىپ ناقتى رەتتەۋ ـ تۇزەتۋ كەرەك. دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ىشكەرىلەي ورىستەتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋدى مىقتى يگەرىپ، دامۋ مەن ەكولوگيالىق ورتانى قورعاۋدى عىلمي ٴبىر تۇتاس جوسپارلاپ، قىزمەت ستيلىندە ۇزدىكسىز بۇرىلىس جاساپ، ٴتۇرلى شەشىمدەردىڭ، ورنالاستىرۋلاردىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك.
