5000عا جۋىق فۋتبول الاڭىندا جاسىل الاڭ ارمانىنا قانات قاقتى
شينجياڭ فۋتبول ەرەن بىرلەسكەن جارىسى فۋتبول ارقىلى كۇش ۇيىستىرىپ، جالپى حالىقتىق فۋتبول ورلەۋىن كوتەردى
□ انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ
5 - ايدىڭ 16 - كۇنى ءۇرىمجى وليمپيادا دەنە تاربيە ورتالىعىندا شامدار سامالاداي جارقىرادى. 2026 - جىلعى ”تىلەكتەستىك ساۋىتى“ شينجياڭ فۋتبول ەرەن بىرلەسكەن جارىسىنىڭ باستالۋ دابىلى وسى ارادا قاعىلدى، تيانشاننىڭ تۇستىگى مەن تەرىستىگىنەن كەلگەن 14 كوماندا، نەشە ون مىڭداعان فۋتبول جانكۇيەرى وسى كەشتىڭ دۋمانىن بىرگە اسىردى. وسى كەزەكتى بۇكىل شينجياڭ فۋتبول شاتتىعىنىڭ استارىندا 5000عا جۋىق فۋتبول الاڭىنان قۇرالعان جاسىل الاڭ كارتاسى بار، وعان شينجياڭ فۋتبولىنىڭ كاسىپتىك جارىستان نەگىزگى ساتىداعى قىزۋ ىنتا - ىقىلاسقا دەيىنگى بارلىق اسەرلى سەزىمى ءۇن - ءتۇنسىز شوعىرلانعان.
2025 - جىلدىڭ سوڭىنا دەيىن رايونىمىزدا فۋتبول الاڭى 4936 بولىپ، الاڭنىڭ اۋدانى 16 ميلليون 654 مىڭ 500 شارشى مەترگە جەتتى. وسى كەڭ - بايتاق دالاداعى تىعىز جاسىل الاڭدار شينجياڭ فۋتبول ەرەن بىرلەسكەن جارىسىن كوكتەتكەن قۇنارلى توپىراق، ونان دا ماڭىزدىسى، شينجياڭ فۋتبولىنىڭ تەبىندى ىرعاعىنىڭ دالەلى.
”تاسباقا جونىندا“ دوپ تەپتى
جارىق شوعىرلاۋىش شام شينجياڭ فۋتبول ەرەن بىرلەسكەن جارىسىنا تۇسكەندە، ەڭ الدىمەن الاڭنىڭ كاسىپتىك دەڭگەيدە بولۋىن تالاپ ەتتى. بۇل اشىلۋ سالتى وتەتىن ءۇرىمجى وليمپيادا دەنە تاربيە ورتالىعىن سىناۋمەن بىرگە، بۇكىل شينجياڭعا ورنالاسقان 13 بولىمشە جارىس وڭىرىندەگى الاڭ - سارايلاردى دا سىنايدى.
”بىلاي قاراعاندا، سپورتشىلار تەگىس الاڭدا جارىسىپ جۇرگەندەي بولعانىمەن، ءىس جۇزىندە، ءبىزدىڭ فۋتبول الاڭىمىز تاسباقانىڭ جونى پىشىندەس، بۇل ارنايى حالىقارالىق فۋتبولشىلار بىرلەستىگىنىڭ ولشەمى بويىنشا جاسالعان“. ءۇرىمجى وليمپيادا دەنە تاربيە ورتالىعىندا ءۇرىمجى جۇڭچىڭ سىلۋ دەنە تاربيە باسقارۋ شەكتى سەرىكتەستىگى جۇمىس قامتاماسىزداندىرۋ ءبولىمىنىڭ ديرەكتورى جاڭ كاي جاڭالانىپ بولعان كوگالدى نۇسقاپ بىلاي دەدى: وسى رەتكى جارىستى وتكىزۋ ءۇشىن، ءبىز 2 ايدىڭ الدىندا - اق الاڭنىڭ دارەجەسىن جوعارىلاتا باستادىق: 120 توننا ساپالى مايدا قۇمدى توپىراققا ءسىڭىرىپ، ءشوپتىڭ تامىرىن جەردى كولدەنەڭ باعىتتا تور ءتارىزدى ۇستايتىن ەتتىك؛ نازىك اسپاپتار ارقىلى فۋتبول الاڭىن ورتاسى بيىك، ءتورت جاعى الاسا، كولبەۋلىگىن شامامەن 3 − 5 گرادۋس ەتىپ تەگىستەپ شىقتىق، تاسباقانىڭ جونى پىشىندەس بۇل جوبا جاڭبىر جاۋعاندا سۋدىڭ جىلدام ىعىستىرىلۋىنا كەپىلدىك ەتىپ، فۋتبولدىڭ جىلدامدىعى مەن وربيتاسىنىڭ ورنىقتى بولۋىنا مۇمكىندىك جاسايدى.
مۇنداي كاسىبيلىككە تالپىنۋ ادامدى تاڭ قالدىراتىن قارقىنمەن بۇكىل شينجياڭدا قاتار جۇرگىزىلدى. 2 ايدىڭ الدىندا شينجياڭ فۋتبول ەرەن بىرلەسكەن جارىسىن ۇيىمداستىرۋ القاسى جارىس الاڭ - سارايى ءبولىمىنىڭ ورىنباسار باستىعى جۋ جىڭحۇي ءاربىر فۋتبول الاڭىنىڭ ۇلكەن ەكرانىنا باس قاتىرۋمەن بولدى، ”ۇلكەن ەكران جالعاپ تاراتۋ جانە جارىستى تاماشالاۋ تالابىنا ۇيلەسۋى كەرەك، الايدا ءىشىنارا ايماق، وبلىس، قالالاردا ۇلكەن ەكران جوق، كەيبىرەۋى كونەرگەن. ءبىراق كوپشىلىك كۇتىپ وتىرا المايدى، سەبەبى ەكران شينجياڭ فۋتبولىنىڭ تەرەزەسى، بارلىق كۇشتى جۇمىلدىرىپ، مىقتى يگەرىپ، كەمەلدەندىرۋىمىز كەرەك“. توكشىلەر الاڭعا كىرىپ، توك سىمدارىن ورنالاستىردى، سورە دانەكەرلەدى، ەكران ورناتتى... 2 اي ىشىندە بارلىق فۋتبول الاڭىندا تولىمدى ۇلكەن ەكراندار جارقىرادى.
يوپۇرعا اۋدانىنىڭ دەنە تاربيە قيمىل ورتالىعى قاشقار كومانداسىنىڭ نەگىزگى الاڭى، جارىس ولشەمىنە جەتۋ ءۇشىن، جەرگىلىكتى ورىن 7 ميلليون 250 مىڭ يۋان ارناۋلى قارجى قوسىپ، دەنە تاربيە الاڭىنىڭ مىنبەسى، فۋنكتسيالىق ءۇي، سۋ ىعىستىرۋ، ءورت ءسوندىرۋ، ورتتەن ساقتانۋ قۇرىلعىلارى، ءتىپتى، تورەشىلەر قىزمەت كەڭسەسى سياقتىلاردىڭ دارەجەسىن جاپپاي جوعارىلاتتى. ”جارىستىڭ ءساتتى جۇرگىزىلۋىن قامتاماسىز ەتۋ كوز الداعى مىندەت، الايدا ءبىز جونىنەن العاندا، ءتىپتى دە ماڭىزدىسى، شينجياڭ فۋتبول ەرەن بىرلەسكەن جارىسى ورايىنان پايدالانىپ، 10 نەشە جىلدان استام ۋاقىتتان بەرى قولدانىستاعى وسى فۋتبول الاڭىنىڭ جۇيەلى جاڭالانۋىنا مۇمكىندىك جاساۋ. بۇل ۇسىنىلىم تەك كوز الداعى شارۋا ءۇشىن عانا ەمەس، ونان دا ماڭىزدىسى، بولاشاقتا بۇقارانى اناعۇرلىم جوعارى ولشەمدى دەنە شىنىقتىرۋ ورنىنا يە ەتۋ ءۇشىن بولىپ تابىلادى، بۇل شينجياڭ فۋتبول ەرەن بىرلەسكەن جارىسىنىڭ يوپۇرعا اۋدانىنا اكەلگەن ناقتى وزگەرىسى“، - دەدى يوپۇرعا اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى يان چۇنحۇڭ.
بايىنعولين وبلىسى كومانداسىنىڭ نەگىزگى الاڭى بايىن دەنە تاربيە الاڭىن جاڭالاپ، دارەجەسىن جوعارىلاتىپ، جالپى اۋماعى شامامەن 7700 شارشى مەتر كەلەتىن 11 ادامدىق جاساندى شىمدى فۋتبول الاڭىن سالۋدان ىلە كومانداسىنىڭ نەگىزگى الاڭى قۇلجا قالالىق دەنە تاربيە ورتالىعىنا 37 ميلليون 500 مىڭ يۋان قارجى قوسىپ، دەنە تاربيە ورتالىعىنىڭ قۇرىلعىلارىنىڭ دارەجەسىن جاپپاي جوعارىلاتىپ، كورەرمەندەر ورنىن 8416عا جەتكىزۋگە دەيىن، ونان ەكى كەزەك ”اتۇش ساۋىتى“ فۋتبول ۇسىنىس جارىسىن ءساتتى وتكىزگەن اتۇش قالاسى فۋتبول باقشاسىنا دەيىنگى مۇنداي ”دارەجەسىن جوعارىلاتۋ حيكايالارى“ بۇكىل شينجياڭداعى شينجياڭ فۋتبول ەرەن بىرلەسكەن جارىسىنىڭ بولىمشە جارىس الاڭدارىندا قاتار جارىققا شىعۋدا. ءبىر رەتكى ەڭ جوعارى دەڭگەيدەگى حالىقتىق فۋتبول جارىسى تيانشان الابىنداعى جارىس تاماشالاۋشىلاردىڭ ىنتا - ىقىلاسىن قوزعاپ قانا قويماي، اسىرەسە، كۇشتى قوزعالىس قۋاتىنداي، جەر - جەردىڭ دەنە تاربيە قۇرىلعىلارىنىڭ دەڭگەيىن جوعارىلاتىپ دارەجەسىن ءوسىرۋدىڭ ءتىستى دوڭگەلەكتەرىنىڭ جەدەل جۇمىس جۇرگىزۋىن ىلگەرىلەتتى.
جۇرتتىڭ فۋتبول ىنتا - ىقىلاسىن لاۋلاتتى
شينجياڭ فۋتبول ەرەن بىرلەسكەن جارىسىنىڭ ورلەۋى حالىقتىق فۋتبولعا ىنتا - ىقىلاستى جەدەل لاۋلاتتى. كاسىبي الاڭ - سارايلار شينجياڭ فۋتبول ەرەن بىرلەسكەن جارىسىنىڭ دۋمانىن اسىرعاندا، قالا مەن اۋىلدارداعى نەشە مىڭداعان الەۋمەتتىك اۋماق، مەكتەپ جانە ساۋدالىق دوپ الاڭدارى قاراپايىم ادامداردىڭ ەڭ تىكە شاتتىعىن ارقالادى.
كورلا سىلۋ شيۋاڭ فۋتبول كلۋبىندا جاستار مەن ورەندەردىڭ جاتتىعۋى ەندى عانا اياقتاعانىمەن، الاڭداعى شامدار سونبەگەن ەدى. كەشكە قاراي بۇل جەر 400گە جۋىق ەرەسەك فۋتبول اۋەسكەرلەرىنىڭ شاتتىق سايران باعىنا اينالدى. شيپاگەرلەر، وقىتۋشىلار، ساقشىلار، تىلشىلەر... ءار سالا، ءار كاسىپتەگى ادامداردىڭ بارلىعى بار. وسى كلۋبتىڭ باس جاتتىقتىرۋشىسى قايسار قاھارمان كۇلىمسىرەپ بىلاي دەدى: ”شينجياڭ فۋتبول ەرەن بىرلەسكەن جارىسى قىرۋار وت ۇشقىنىن تۇتاندىردى، اتا - انالار بالالارىن ەرتىپ جارىس كورۋگە بارادى، اتا - انالار دا قىزمەتتەن قايتقاننان كەيىن دوپ تەپكىسى كەلەدى“. كورلادا اپتا سوڭىندا ادامعا لىق تولاتىن ءدال وسىنداي 8 − 9 فۋتبول الاڭى بار.
مۇنداي دۋماندى جاعداي اتۇشتاعى لۇييىنمىڭ فۋتبول كلۋبىندا اناعۇرلىم ناقتى كورىنىس بەردى. 2000 شارشى مەتر كەلەتىن، سونداي - اق باسكەتبولدان بىرگە يگىلىكتەنەتىن الاڭدا جاس جاتتىقتىرۋشى ەرشات مۇحتار الدىن الا كەلىسۋ ەستەلىگىن رەتتەۋمەن قاربالاس، ”سەنبى كۇنى تاڭەرتەڭنەن كەشكە دەيىن 10 الاڭعا تولىق تاپسىرىس ءتۇسىپ بولدى، الدىن الا تالاسىپ كەلىسۋگە تۋرا كەلەدى“. ول مىناداي ءبىر ەسەپ كورسەتتى: سەنبى، جەكسەنبى كۇندەرى وسى الاڭدى جالداۋ اقىسىنان 2000 يۋانعا جۋىق كىرىس كىرەدى، ”’اتۇش ساۋىتىنىڭ‘ اتاعى اسپانداعاننان باستاپ، وسى 2 جىلدا فۋتبول تەبەتىندەر بارعان سايىن كوبەيدى، كوپشىلىك جاپپاي فۋتبول تەبۋگە ۇيىمداسىپ، شاتتىققا شومادى“.
ەرشات جوعارى مەكتەپ وقۋشىسى، كلۋبتا قوسىمشا قىزمەت ىستەيدى. وقۋى قاربالاس بولعاندىقتان، ول وسى كەزەكتى شينجياڭ فۋتبول ەرەن بىرلەسكەن جارىسىنا قاتىناسا المادى، ”كەلەر جىلى وقۋ تاۋىسامىن، مەن سياقتى فۋتبولعا اۋەس كاسىپتەن سىرتقى سپورتشىلاردىڭ جوعارى دەڭگەيدەگى جارىسقا قاتىناسۋ ورايىنا يە بولۋىن ءۇمىت ەتەمىن. قازىردەن باستاپ قۇلشىنا جاتتىعىپ، كەلەر جىلعى شينجياڭ فۋتبول ەرەن بىرلەسكەن جارىسىنا قاتىناسۋعا قۇلشىنامىن“، - دەدى ول.
قالالار مەن اۋىل - قىستاقتاردا ”15 مينۋتتىق دەنە شىنىقتىرۋ شەڭبەرى“ سپورتتى شينجياڭداعى ءار ۇلت بۇقاراسىنىڭ تۇرمىسىنىڭ ءبىر بولىگىنە اينالدىرۋدا. ۇزدىكسىز كەمەلدەنگەن دەنە تاربيە نەگىزدىك قۇرىلعىلارىنا سۇيەنىپ، شينجياڭنىڭ دەنە تاربيە الاڭدارىنىڭ سانى ۇزدىكسىز ارتتى. 2025 - جىلدىڭ سوڭىنا دەيىن بۇكىل رايوندا دەنە تاربيە الاڭدارىنىڭ جالپى سانى 94 مىڭ 900گە جەتىپ، ادام باسىنا ورتا ەسەپپەن تۋرا كەلەتىن دەنە تاربيە الاڭىنىڭ اۋدانى 88. 2 شارشى مەتردەن 01. 3 شارشى مەترگە جوعارىلاپ، تۇڭعىش رەت 3 شارشى مەترلىك وتكەلدەن ءوتتى. مەيلى قالادا، الدە اۋىل - قىستاقتا بولسىن، قولجەتىمدى، پايدالانۋعا بولاتىن، باپتاۋشىسى بار سپورت الاڭدارى جۇرتشىلىقتىڭ اينالاسىنان كورۋگە بولاتىن كورىنىسكە اينالدى، دەنە تاربيە ەندىگارى تەك جارىس نەمەسە شىنىعۋ عانا ەمەس، قايتا ءار ۇلت بۇقاراسىنىڭ كۇندەلىكتى تۇرمىسىنا ەنىپ ۇلگىردى.
جاسىل الاڭ كارتاسىنىڭ ”ءوسۋ قۇپيا سيفرى“
2025 - جىلدىڭ سوڭىنا دەيىن، اۆتونوميالى رايونداعى 4936 فۋتبول الاڭىنىڭ ىشىندە 11 ادامدىق فۋتبول الاڭى 1549 بولىپ، ％38. 31تى، 7 ادامدىق فۋتبول الاڭى 1735 بولىپ، ％15. 35تى، 5 ادامدىق فۋتبول الاڭى 1624 بولىپ، ％9. 32تى، جاعاجاي فۋتبول الاڭى 28 بولىپ، ％57. 0تى يەلەدى. 5000عا جۋىق فۋتبول الاڭى ءبىر كۇندە سالىنا سالعان جوق، مۇنىڭ تەرەڭ قاتپارداعى قۇپيا سيفرى حالىق اراسىنداعى ارىنداعان سۇرانىس پەن دالمە - ءدال، پارمەندى ساياساتتىڭ قادامداستىعىندا.
مەكتەپ اۋلاسى فۋتبولىنىڭ جالپىلاستىرىلۋى، جاستار - ورەندەردى فۋتبولعا جاتتىقتىرۋ جۇيەسىنىڭ كەڭەيۋى جوعارى ساپالى فۋتبول الاڭىنا سۇرانىستى ۇزدىكسىز جارىققا شىعارۋدا. سۇرانىستى رەالدىققا اينالدىرۋ جوعارى دەڭگەيدە جوبالاۋدىڭ پارمەندى تىرەگىنەن ايرىلا المايدى.
شينجياڭ ەجەلدەن فۋتبول قىزمەتىنە ءمان بەرىپ كەلەدى. «شينجياڭ ۇيعۇر اۆتونوميالى رايونىنىڭ فۋتبول الاڭى قۇرىلعى قۇرىلىسى جوباسىندا (2017 - جىلدان 2020 - جىلعا دەيىن)» فۋتبول الاڭى قۇرىلعى قۇرىلىسى ماڭىزدى حالىق تۇرمىسى ينجەنەرياسى مەن بۇكىل شينجياڭنىڭ فۋتبول ىستەرى دامۋىنداعى نەگىزدىك ينجەنەريا ەتىلدى. بىلتىر 10 - ايدا شينجياڭ فۋتبول قىزمەتى ءماجىلىسى اشىلىپ، ”فۋتبول الاڭى قۇرىلعىلارىن جۇرگىزۋدى باسقارۋ ۇلگىسىندە جاڭالىق اشۋ“، ”قوعامدىق فۋتبولدى جالپىلاستىرىپ دامىتۋ“ ايقىن العا قويىلدى، بۇل فۋتبول الاڭى قۇرىلىسىنا ايقىن ساياساتتىق بەتالىس جانە بايلىق قامتاماسىزدىعىن ازىرلەدى. جەر - جەردىڭ يوپۇرعا اۋدانى سياقتى جارىس ىستەرىن جالعاستىرۋ ءۇشىن، الاڭ - سارايلاردىڭ دارەجەسىن ىرىقتىلىقپەن جوعارىلاتۋى ءدال ساياساتتىڭ ۇندەۋىنە بەلسەنە ءۇن قوسۋى بولىپ تابىلادى.
ويداعىداي قۇرۋ − نەگىز، ويداعىداي پايدالانۋ − تەتىك. شينجياڭ فۋتبول قىزمەتى ماجىلىسىندە بەلسەندى، العاباسار فۋتبول مادەنيەتىنىڭ مەكتەپ اۋلاسىنا، الەۋمەتتىك اۋماقتارعا، جارىس الاڭدارىنا ەنۋىن جەبەۋ تالاپ ەتىلدى. كورلانىڭ فۋتبول كلۋپتارىندا كۇندىز بالالار جاتتىعۋ جاساسا، تۇندە ەرەسەكتەرگە قىزمەت وتەيدى، اتۇش قالاسىنداعى شاعىن فۋتبول الاڭدارى اپتا سوڭىندا ءار سالا، ءار كاسىپتەگى فۋتبول اۋەسكەرلەرىن قارسى الادى، بۇل ءدال فۋتبول الاڭىنان جوعارى ونىمدىلىكپەن پايدالانۋدىڭ، جالپى حالىقتىق دەنە شىنىقتىرۋعا قىزمەت وتەۋدىڭ ءونىمدى سىناعى.
ءۇرىمجى وليمپيادا دەنە تاربيە ورتالىعىنىڭ تاسباقا جونى پىشىندەس كوگالىنان بۇكىل شينجياڭنىڭ جەر - جەرىندەگى شامدارى سامالاداي سامسىعان شاعىن الاڭدارعا دەيىن، شينجياڭداعى 5000عا تاياۋ فۋتبول الاڭىندا قاتتى بولشەك تورى عانا ەمەس، ونان دا ماڭىزدىسى، كەمەلدى فۋتبول ەكولوگياسى قالىپتاستى. بۇل ارادا كاسىپتىك جارىستار ۇلگىلى تۇردە جەبەلىپ، حالىق اراسىنداعى ىستىق ىنتا - ىقىلاس بەلسەنە ات سالىسقان، اسىرەسە، ساياسات پەن جوبا ۇزاق بولاشاقتىق نەگىز قالاعان.
شينجياڭ فۋتبول ەرەن بىرلەسكەن جارىسىندا ءار رەتكى سايىس اياقتاعاننان كەيىن، فۋتبول اۋەسكەرلەرى كەشكى بازارعا بارادى، فۋتبولدىڭ اسەرلى سەزىمى مەن قالانىڭ تۇنگى دۋمانى ءبىر - بىرىمەن قابىسادى. وسى توپىراقتاعى جاسىل الاڭ كارتاسى جارىستىڭ ىسقىرىق ءۇنى مەن كاسىپتەن سىرتقى فۋتبول اۋەسكەرلەرىنىڭ شات كۇلكىسى ىشىندە ۇزدىكسىز ەسەيىپ ۇمىتكە تولۋدا.
