”شينجياڭ فۋتبول ەرەن بىرلەسكەن جارىسى“ وزگەشە
□ انار بۇلت \ شينجياڭ گازەتىنىڭ تىلشىلەرى ليۋ ي، ۋاڭ شيڭرۇي
5 ـ ايدىڭ 16 ـ كۇنى شينجياڭ ”شينجياڭ فۋتبول ەرەن بىرلەسكەن جارىسى“ ۋاقىتىنا رەسمي كىردى. سول كۇنى كەشتە 2026 ـ جىلعى ”تىلەكتەستىك ساۋىتى“ شينجياڭ فۋتبول ەرەن بىرلەسكەن جارىسى ٴۇرىمجى وليمپيادا دەنە تاربيە ورتالىعىندا باستالدى، اۆتونوميالى رايوندا جوعارىدان تومەنگە دەيىن وسى جارىسقا ايرىقشا ٴمان بەرۋى ونىڭ وزگەشە ەكەندىگىن تولىق دالەلدەدى.
جارىس ولشەمى وزگەشە
2026 ـ جىلعى ”تىلەكتەستىك ساۋىتى“ شينجياڭ فۋتبول ەرەن بىرلەسكەن جارىسى _ شينجياڭنىڭ تۇڭعىش كەزەكتى اۆتونوميالى رايون دارەجەلى فۋتبول ەرەن بىرلەسكەن جارىسى، قازىر وتكىزىلىپ جۇرگەن كلۋبتار بىرلەسكەن جارىسىنا، ايماق، اۋدان دارەجەلى بىرلەسكەن جارىستارعا ۇقسامايدى، شينجياڭ فۋتبول ەرەن بىرلەسكەن جارىسى _ بۇكىل شينجياڭداعى ولشەمى ەڭ جوعارى، ىقپالى ەڭ زور بۇقارالىق فۋتبول ايتۋلى جارىسى، ٴار ۇلت بۇقاراسى جاپپاي ات سالىساتىن، ونەرىن ايگىلەيتىن تارتىمدى ساحنا.
وسى كەزەكتى بىرلەسكەن جارىستى اۆتونوميالى رايوندىق حالىق ۇكىمەتى مەن شينجياڭ ٴوندىرىس ـ قۇرىلىس بيڭتۋانىنىڭ جەتەكشىلىگىندە، اۆتونوميالى رايوندىق دەنە تاربيە مەكەمەسى، بيڭتۋان مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى، ايماقتىق، وبلىستىق، قالالىق حالىق ۇكىمەتتەرى (اكىمشىلىك مەكەمەلەرى)، بيڭتۋاننىڭ ٴارقايسى شى ـ قالالارى بىرلەسىپ ۇيىمداستىرىپ، اۆتونوميالى رايوندىق فۋتبولشىلار قوعامى، اۆتونوميالى رايوندىق فۋتبول سپورتىنا جاتتىقتىرۋ ورتالىعى، بيڭتۋان فۋتبولشىلار قوعامى، ايماقتىق، وبلىستىق، قالالىق دەنە تاربيە مەكەمەلەرى (مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى)، بيڭتۋاننىڭ ٴارقايسى شى ـ قالالارىنىڭ مادەنيەت، دەنە تاربيە، راديو ـ تەلەۆيزيا جانە ساياحات مەكەمەلەرى بىرگە مىندەتىنە الىپ وتكىزدى.
بۇكىل شينجياڭداعى 14 ايماق، وبلىس، قالا مەن ىرگەلەس بيڭتۋاننىڭ شى ـ قالالارى بىرلەسىپ 14 ۋاكىلدەر كومانداسىن ۇيىمداستىرىپ، وسى رەتكى بىرلەسكەن جارىسقا قاتىناستى، كوماندا ايماق، وبلىس، قالالاردىڭ قىسقارتىلعان اتىمەن اتالدى. جارىس ىستەرى وڭتۇستىك ٴوڭىر، سولتۇستىك ٴوڭىر سىندى 2 جارىس ٴوڭىرى بويىنشا ورنالاستىرىلىپ، وڭتۇستىك پەن سولتۇستىك بىرلەسىپ ارەكەتتەنەتىن، بيڭتۋان مەن جەرگىلىكتى ورىن بىرگە قۇراتىن، جالپى ٴوڭىر ات سالىساتىن جارىس وتكىزۋ جاعدايى قالىپتاستى. جارىستا جالپى 56 رەت جارىس وتكىزىلەدى، بەتاشار جارىس 5 ـ ايدىڭ 16 ـ كۇنى رەسمي باستالدى، شەشۋشى جارىس 8 ـ ايدىڭ 9 ـ كۇنى وتكىزىلەدى.
بۇقارانىڭ ات سالىسۋ دەڭگەيى وزگەشە
جۇرتقا تانىس فۋتبول كاسىپتىك بىرلەسكەن جارىسىمەن سالىستىرعاندا، شينجياڭ فۋتبول ەرەن بىرلەسكەن جارىسى بەلگىلى دارەجەدە بۇقارانىڭ وزىنە ٴتان فۋتبول جارىسى. بۇل ارادا فۋتبول سالاسىندا ايگىلى فۋتبول جۇلدىزدارى جوق، ٴبىراق بارلىق جەردە فۋتبولعا تۋما قىزىعۋشىلىق بار، بۇل ارادا تاڭ قالدىرار شابۋىل مەن قورعانىستىڭ قاس قاعىم ساتتەرىن كورۋ ەكىتالاي، ٴبىراق دوپشىلاردىڭ بار كۇشىمەن كۇرەسكەن بەينەسى ەشقاشان از بولمايدى.
باستالۋ سالتى وتكىزىلگەن كۇنى ٴۇرىمجى وليمپيادا دەنە تاربيە ورتالىعىنىڭ فۋتبول الاڭىنا 30 مىڭنان استام كورەرمەن كەلىپ، الاڭ ادامعا لىق تولىپ، قىزۋ مەرەيگە شومدى. بەتاشار جارىستاعى ەكى كوماندا ەڭ سوڭىندا نولگە قارسى ٴنول ۇپايمەن تەڭ تۇسكەنىمەن، ٴبىراق دوپشىلار شەكتەلگەن رايونعا باسىپ كىرىپ، قاقپاعا دوپ سوعىپ، شابۋىلعا ٴوتىپ، قورعانىسقا اۋىسقان سايىن تۇتاس الاڭداعى فۋتبول جان كۇيەرلەرى قايتا ـ قايتا الاقايلاپ وتىردى. ٴوز الاڭىندا، قوناق الاڭدا جارىسقا تۇسكەن ەكى كوماندانىڭ جان كۇيەرلەرىنىڭ مەدەت بەرە ايعايلاعان ۇندەرى ۇزدىكسىز جالعاسىپ، الاڭدى قىزۋ مەرەيگە شومدىردى.
جارىستى ۇستىندە تاماشالاعان گۋاڭدۇڭدىق ساياحاتشى لين شياڭشيۇڭ فۋتبول اۋەسكەرى، شينجياڭدا ساياحاتتاپ جۇرگەن كەزى ٴدال ”شينجياڭ فۋتبول ەرەن بىرلەسكەن جارىسىنىڭ“ باستالعان ساتىنە تۋرا كەلىپتى. ”ەرەكشە قىزۋ مەرەيلى بولدى، وسى رەتكى ساپارىم ٴماندى بولدى“. لين شياڭشيۇڭ تەبىرەنە بىلاي دەدى: باستالعان كۇنى شينجياڭ فۋتبولىنىڭ دۋماندى كۇيىن سەزىندىم، شينجياڭعا ساياحاتتاي كەلگەندەر جونىنەن العاندا، بۇل شينجياڭنىڭ ىقىلاستى قوناقجايلىلىعىن، جاراتىلىستىق كورىنىسى مەن جەرگىلىكتى سالت ـ ساناسىن سەزىنۋدىڭ شىت جاڭا جولى.
راس، بۇل فۋتبول اۋەسكەرلەرىنىڭ جارىسى، اسىرەسە، شينجياڭنىڭ ٴوزىن ايگىلەيتىن ساحناسى. وسى كەزەكتى شينجياڭ فۋتبول ەرەن بىرلەسكەن جارىسىندا جالپى 490 ادام جارىسقا قاتىناسۋ تولىمدىلىعىنا يە بولدى، دوپشىلاردىڭ جاسى ەڭ ۇلكەنى 39 جاستا، ەڭ كىشكەنەسى 16 جاستا. دوپشىلاردىڭ اراسىندا ەگىنشى ـ مالشىلار، جۇمىسشىلار، وقىتۋشىلار، وقۋشىلار دا، ەرەن بازاردىڭ اقشا الۋشىلارى، جەدەل جەتكىزۋشىلەر دە بار، ولار فۋتبول سەبەبىنەن باس قوسىپ، الاڭدا سايىسىپ، الاڭنان شىققان سوڭ سىرلاسىپ، فۋتبول سپورتىنىڭ شاتتىعىنا بارىنشا بولەنىپ، ٴبىر نيەت، ٴبىر تىلەكپەن اۋىلىنا داڭق اپەرۋگە تىرىستى، جارىس الاڭى ادامگەرشىلىك پەن تىرشىلىك تىنىسىنا تولدى.
وسى كەزەكتى بىرلەسكەن جارىستا بۇكىل شينجياڭ بويىنشا ٴبىر باعامەن بەلەت ساتىپ الۋ اتقارىلدى، ٴاربىر دوپ جارىسى بەلەتىنىڭ باعاسى 9.9 يۋان بولىپ، جالپى حالىق ات سالىسۋ ۇستانىمىن اناعۇرلىم ايگىلەپ، فۋتبولدى سۇيەتىن ٴاربىر ادامنىڭ جارىس الاڭىنا كىرىپ، دوستارىمەن بىرگە جاسىل الاڭنىڭ شەتىندە فۋتبولدىڭ قۇدىرەتىن سەزىنۋىنە مۇمكىندىك جاسادى.
جارىس الاڭىنىڭ ٴىشى ـ سىرتىنداعى ارالاسۋ، ىشتەسۋ، توعىسۋ وزگەشە
وسى كەزەكتى بىرلەسكەن جارىستىڭ اتى ”تىلەكتەستىك ساۋىتى“، بۇل شينجياڭداعى 26 ميلليون ٴار ۇلت بۇقاراسىنىڭ اناردىڭ دانىندەي تىعىز ۇيىسىپ، تىلەكتەس بولىپ پارتياعا تالپىنىپ، تىلەكتەس بولىپ ارمانعا قانات قاعىپ، تىلەكتەس بولىپ ەكپىندەي ىلگەرىلەۋ ماعىناسىن بىلدىرەدى. ۇيىمداستىرۋشى جاق ”تىلەكتەستىكتى“ جارىس وتكىزۋدىڭ جالپى بارىسىنا ٴسىڭىرىپ، فۋتبول جارىسى ارقىلى ٴار ۇلت بۇقاراسىنىڭ ”تىلەكتەستىك“ كەلبەتىن ايگىلەپ، ”تىلەكتەستىك“ كۇشىن ۇيىستىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەدى.
باستالۋ سالتىندا «شينجياڭ جاقسى جەر» اتتى ٴان ـ ٴبي ٴنومىرى الاڭ دۋمانىن شىرقاۋ شەگىنە جەتكىزدى. ارتيستەر 56 ۇلتتىڭ ەرەكشەلىككە يە كيىم ـ كەشەگىن كيىپ بىرگە شاتتانا بيگە باسىپ، ٴبىر ٴۇيلى جانداي ەتەنە بولدى. 30 سەرىك ارتيسى كەزەكپەن ساحناعا شىعىپ ونەر كورسەتىپ، ٴار ۇلت حالقىنىڭ ەرجۇرەك، قايسار، جاڭالىق اشاتىن، جاسامپازدىق جاراتاتىن رۋحاني بەينەسىن پاش ەتىپ، جۇڭحۋا ۇلتىنىڭ كوپ نەگىزدى ٴبىر تۇلعالى مادەنيەتىنىڭ تارتىمدىلىعىن ايگىلەدى.
تۇتاس قيمىل نازاردى جۇڭحۋانىڭ كوپ نەگىزدى مادەنيەتىنىڭ كوركەمدىگىن ايگىلەۋگە شوعىرلاندىرىپ، كلاسسيكالىق مۋزيكالاردى، ۇلتتىق ٴان ـ بيلەردى، بەيزاتتىق مادەنيەت مۇرا ويىندارىن فۋتبول ەلەمەنتتەرىمەن ورگانيكالى ۇشتاستىردى، كوپ ۇلت ارتيستەرى ٴبىر ساحنادا بىرگە ويىن قويدى، ٴار ۇلت مادەنيەتى ٴبىر ـ بىرىنە شۇعىلا شاشتى. قيمىل تاعى ساحنا مەن ساحنا سىرتى اراسىنداعى شەكارانى بۇزىپ، تۇتاس الاڭ بولىپ حور ايتۋ، تاماشالاۋ مىنبەسىندەگى ٴوزارا ىقپالداستىق سياقتى ەلىتۋ ۇلگىسىندەگى بۋىنداردى جوبالاپ، الاڭداعى كورەرمەندەردى قيمىلدىڭ نەگىزگى كەيىپكەرىنە اينالدىرىپ، بارلىق ادام ات سالىساتىن، بارلىق ادام تەڭ يگىلىكتەنەتىن قىزۋ راي قالىپتاستىرىپ، فۋتبولدى دانەكەر ەتىپ، جالپى حالىقتىڭ سۇيىسپەنشىلىگىن ۇيىستىرىپ، ىنتىماقتاسا ەكپىندەي ىلگەرىلەۋ، پارتيانى ٴسۇيۋ، وتاندى ٴسۇيۋ تەرەڭ سۇيىسپەنشىلىگىن جەتكىزدى.
ٴاربىر كوماندانىڭ بارىندە 3تەن استام ۇلت سپورتشىسى بار، كوپشىلىك بىرگە كوماندا ۇيىمداستىرىپ، بىرگە جاتتىعىپ، بىرگە جارىسقا قاتىناسىپ، تىزە قوسا شايقاساتىن جاقسى سەرىك بولدى. كورەرمەندەر مىنبەسىندە ٴار ۇلت دوپ جانكۇيەرلەرى قول ۇستاسا مەدەت بەرىپ، كوماندا ٴۇشىن بىرگە الاقايلاپ، اتا مەكەندەرىن القادى، ٴار رەتكى جارىس ٴار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ جاندى امالياتى سانالادى.
الاڭدا ىشتەي تۇسىنىسكەن سەرىك، الاڭ سىرتىندا ەتەنە اعا ـ باۋىر بولدى. فۋتبول اتىمەن كۇللى جۇرتتىڭ تىلەگىن ۇيىستىردى، شينجياڭ فۋتبول ەرەن بىرلەسكەن جارىسىنىڭ جۇرت جۇرەگىن ەڭ تەبىرەنتكەن جەرى مىنە وسى.
مادەنيەت، دەنە تاربيە، ساياحاتتىڭ توعىسا دامۋىنىڭ كومەسكى كۇشى وزگەشە
وسى كەزەكتى بىرلەسكەن جارىستىڭ نەگىزگى ۇرانى: ”تىلەكتەس بولىپ ارمانعا قانات قاعۋ، شينجياڭنىڭ بولاشاعى نۇرلى“ . ”تىلەكتەس بولىپ ارمانعا قانات قاعۋ“ جۇڭحۋا ۇلتى ورتاق تۇلعا تانىمىن بەكەمدەۋ وزەكتى تاقىرىبىمەن تىعىز بايلانىستىرىلدى؛ ”شينجياڭنىڭ بولاشاعى نۇرلى“ دەگەن ٴسوزدىڭ يكەمدى قولدانىلۋى شينجياڭنىڭ بولاشاعىنىڭ ۇمىتكە تولى ەكەندىگىن كورسەتۋمەن بىرگە، فۋتبول سپورتىنىڭ شينجياڭنىڭ دامۋىنا ومىرشەڭ كۇش ۇستەيتىندىگىن دە اڭعارتتى.
وسى كەزەكتى شينجياڭ فۋتبول ەرەن بىرلەسكەن جارىسىنىڭ رەسمي باستالۋىمەن شينجياڭنىڭ جەر ـ جەرى دەنە تاربيە جارىستارى ارقىلى تۇتىنۋدى جەبەپ، بازاردىڭ رولىن جانداندىرىپ، مادەنيەت، دەنە تاربيە، ساياحاتتى توعىستىرا دامىتۋ ورلەۋىن كوتەردى.
بۇكىل شينجياڭنىڭ ساۋدا ىستەرى تاراۋلارى ”جارىس ارقىلى جۇرت تىلەگىن توعىستىرۋ، تۇتىنۋ ارقىلى بازاردى گۇلدەندىرۋ، حالىققا تيىمدىلىك جاساپ ومىرشەڭ كۇشتى ارتتىرۋ، كاسىپ ارقىلى دامۋدى جەبەۋدى“ باعدار ەتىپ، دەنە تاربيە، مادەنيەت ـ ساياحات تاراۋلارىمەن، سونداي ـ اق كاسىپتىك قوعامدارمەن بىرلەسىپ، ”جارىستى تاماشالاۋ + تۇتىنۋ + سەزىنۋ“ سىندى ٴبىر بەكەتتىك قىزمەت وتەۋ تۇتىنۋىنىڭ جاڭا جاعداياتىن قالىپتاستىردى. جەر ـ جەر جارىس قيمىلدارىمەن ۇشتاستىرىپ ٴبىر قىدىرۋ ”ارناۋلى تيىمدىلىك جاساۋ ۇلكەن سي ـ تارتۋىن“ ۇسىندى. جارىس كەزىندە كورەرمەندەر جارىس بەلەتى تۇبىرشىگى نەمەسە جارىس كورۋ ىسپاتى سياقتىلار ارقىلى قيمىلعا قاتىناسقان اس ـ سۋ ، جاتىن ورىن، اجارلاندىرۋ، شاش ساندەۋ، جۋۋ سياقتىلارعا قاتىستى بەلگىلەنگەن دۇكەندەردە، كاسىپورىنداردا باعاسىن ارزانداتىپ جەڭىلدىك جاساۋ، ەرەكشەلىككە يە ٴدامدى تاعامدار، ارناۋلى تاپسىرىستاعى جەلىلەس تاعامدار سياقتى ارناۋلى يگىلىكتەردەن يگىلىكتەنە الادى.
اۆتونوميالى رايوننىڭ مادەنيەت ـ ساياحات تاراۋلارى ٴبىر قىدىرۋ ٴتيىمدى ساياساتتار مەن ەرەكشەلىككە يە قيمىلداردى ۇسىنىپ، جارىس اعىن مولشەرىن مادەنيەت ـ ساياحاتتىڭ ارتۋ مولشەرىنە اينالدىرىپ، كورىنىس وڭىرلەرىنىڭ سەيىل ـ سەرۋەن، زات ساتىپ الۋ، اس ـ سۋ، جاتىن ورىن، ونەر كورسەتۋ جانە بەيزاتتىق مادەنيەت مۇرا جاسامپازدىعى سياقتى مادەنيەت ـ ساياحات تۇتىنۋىنىڭ ۇزدىكسىز جوعارىلاۋىنا جاپپاي دەم بەردى.
وسى رەتكى بىرلەسكەن جارىستا جارىس تاماشالاۋ بويىنشا كورەرمەن باستاۋداعى ماڭىزدى جەر رەتىندە، شيحۋ قالاسى ”ساۋاندا جارىس تاماشالاۋ، ادامداردى شيحۋعا باستاۋ“ سىندى ىقپالداستىق وي جەلىسى بويىنشا مادەنيەت، دەنە تاربيە، ساۋدا، ساياحاتتى توعىستىرۋ، تۇتىنۋدى جەبەۋ جەلىلەس شارالارىن العا قويدى. فۋتبول جانكۇيەرلەرى جارىس بەلەتى تۇبىرشىگى ارقىلى شينجياڭ شيحۋ فوشان مەملەكەتتىك ورمان باقشاسى دايفۋسىڭ كورىنىس ٴوڭىرى، قىزىلجار كولى سياقتى ايگىلى كورىنىس تۇيىندەرىندە ەسىك بەلەتى نەمەسە ويىن ـ ساۋىق تۇرلەرىندە جارتى باعاداعى تيىمدىلىكتەن يگىلىكتەنە الادى. سونىمەن بىرگە بۇكىل قالاداعى كوپتەگەن جۇلدىزدى قوناق ۇيلەر، تۇسەلحانالار دا فۋتبول جانكۇيەرلەرىنە جاتىن ورىن جاعىنان تيىمدىلىك جاساۋ، باعانى ارزانداتۋ قىزمەت وتەۋىن ازىرلەدى.
”شينجياڭ فۋتبول ەرەن بىرلەسكەن جارىسى بيىلعى جازعى مادەنيەت ـ ساياحات كاسىبىنىڭ دامۋىنا تىڭ ارتۋ ومىرشەڭدىگىن اكەلەدى“. شينجياڭ شيحۋ فوشان مەملەكەتتىك ورمان باقشاسى كورىنىس ٴوڭىرىنىڭ ورىنباسار ديرەكتورى چيان كۇن بىلاي دەدى: بۇكىل ەلدىڭ جەر ـ جەرىندەگى فۋتبول جانكۇيەرلەرى دوستاردىڭ دوپ جارىسىن تاماشالاۋدان سىرت، جارىس الاڭىنان شىعىپ، كورىكتى شينجياڭنىڭ وزگەشە تارتىمدىلىعىن سەزىنۋىن ٴۇمىت ەتەمىن.
قازىر شينجياڭداعى قوناق ٴۇي، اس ـ سۋ، اسپازدىق سياقتى كاسىپتىك قوعامدارعا مۇشە 150دەن استام كاسىپورىن جارىس كەزىندە تۇرلىشە تيىمدىلىكتەر مەن كەڭەيتىلگەن قىزمەت وتەۋ ۇسىنىپ وتىر، مۇنان سىرت، ٴتىپتى دە كوپ كاسىپ سالاسى شينجياڭ ەرەن بىرلەسكەن جارىس ورلەۋىنە قاتىناسپاقشى. دەنە تاربيە جارىسى مەن قىزمەت وتەۋ تۇتىنۋىنىڭ قوس باعىتتا كورەرمەن باستاۋى تۇتىنۋشىلاردى كوزبەن كورىپ، قولمەن ۇستاۋعا بولاتىن تيىمدىلىكتەن يگىلىكتەندىرەدى، سونداي ـ اق شينجياڭ فۋتبول ەرەن بىرلەسكەن جارىسىنىڭ ومىرشەڭ كۇشى مەن دۋمانىن اسىرادى.
