شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «جۇڭگو كوممۋنيستىك پارتياسىنىڭ پارتياعا مۇشە قابىلداۋ قىزمەتى ەگجەي - تەگجەيلى ەرەجەسىن» (تومەندە قىسقارتىلىپ «ەگجەي - تەگجەيلى ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: پارتياعا مۇشە قابىلداۋ قىزمەتى − پارتيا قۇرىلىسىنداعى ماڭىزدى نەگىزدىك ينجەنەريا. ءار دارەجەلى پارتكومدار مەن ونىڭ ۇيىمداستىرۋ تاراۋلارى جاڭا داۋىردەگى پارتيا قۇرىلىسىنىڭ جالپى تالابىن ىشكەرىلەي دايەكتىلەندىرىپ، پارتيانى جاپپاي قاتاڭ باسقارۋ ستراتەگيالىق باعىتىن دايەكتىلەندىرىپ، پارتياعا مۇشە قابىلداۋ قىزمەتىن ويداعىداي يگەرۋدى كەلەلى ساياسي جاۋاپكەرشىلىك ەتىپ، «ەگجەي - تەگجەيلى ەرەجەدەگى» بەلگىلەمەلەردى مۇقيات دايەكتىلەندىرىپ، اتقارىپ ءارى قۋزاۋ - جەتەكشىلىك ەتۋدى كۇشەيتىپ، ولشەمگە تاباندى بولىپ، تارتىپتەرىن قاتايتىپ، وتكەلدى يگەرۋدى قاتايتىپ، ءتارتىپتى قاتاڭداستىرىپ، پارتياعا مۇشە قابىلداۋ قىزمەتىنىڭ ساپاسىن ۇزدىكسىز جوعارىلاتۋى كەرەك. ساياسي ولشەمدى ماڭداي الدى ورىنعا قويىپ، تاربيەلەۋدى، باۋلۋدى كۇشەيتىپ، يدەيالىق جاقتان پارتياعا كىرۋدى كۇشەيتىپ، ساياسي جاقتان قاتاڭ تەكسەرىپ، پارتياعا قابىلداناتىن وبيەكتىنىڭ پارتياعا كىرۋ ماقساتىن، ساياسي ساپاسىن جانە ناقتى بەينەسىن ىشكەرىلەي تەكسەرىپ، كىرۋ وتكەلىن قاتاڭ يگەرۋ كەرەك. پارتيا مۇشەلەرى قوسىنى قۇرىلىمىن ۇزدىكسىز ساپالىلاندىرىپ، جاستار جانە ونەركاسىپ جۇمىسشىلارى، شارۋالار، زيالىلار اراسىنان پارتياعا مۇشە قابىلداۋعا ءمان بەرىپ، جاڭادان گۇلدەنگەن سالالاردا پارتياعا مۇشە قابىلداۋ قىزمەتىن ويداعىداي ىستەپ، نەگىزدى ونان ارى بەكەمدەپ، پارتيانىڭ ۇندەۋ قۋاتىن، ۇيىستىرۋ قۋاتىن، ىقپالىن ۇزدىكسىز كۇشەيتۋ كەرەك.
حابارلاندىرۋدا مىنالار تالاپ ەتىلدى: وڭىرلەر، تاراۋلار «ەگجەي - تەگجەيلى ەرەجەنى» اتقارۋداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋى كەرەك.
