پارتياعا مۇشە قابىلداۋ قىزمەتىن جوعارى ولشەممەن، جوعارى ساپامەن ويداعىداي ىستەۋ كەرەك
− ورتالىق كوميتەت ۇيىمداستىرۋ ءبولىمىنىڭ جاۋاپتىسى وزگەرىس ەنگىزىلىپ جاريالانعان «جۇڭگو كوممۋنيستىك پارتياسىنىڭ پارتياعا مۇشە قابىلداۋ قىزمەتى ەگجەي - تەگجەيلى ەرەجەسى» جونىندە ءتىلشىنىڭ سۇراۋىنا جاۋاپ بەردى
شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ پارتياعا مۇشە قابىلداۋ قىزمەتى ەگجەي - تەگجەيلى ەرەجەسىن» (تومەندە قىسقاشا «ەگجەي - تەگجەيلى ەرەجە» دەلىنەدى) باسىپ تاراتتى. بىرنەشە كۇننىڭ الدىندا ورتالىق كوميتەت ۇيىمداستىرۋ ءبولىمىنىڭ جاۋاپتىسى «ەگجەي - تەگجەيلى ەرەجەگە» وزگەرىس ەنگىزۋ جانە ونى دايەكتى اتقارۋ سياقتى ماسەلەلەر جونىندە ءتىلشىنىڭ سۇراۋىنا جاۋاپ بەردى.
سۇراۋ: «ەگجەي - تەگجەيلى ەرەجەگە» وزگەرىس ەنگىزۋدىڭ ارتقى كورىنىسى مەن ماڭىزىن تانىستىرا كەتسەڭىز؟
جاۋاپ: پارتيا مۇشەسى − پارتيا تۇلعاسىنىڭ كلەتكاسى جانە پارتيا قيمىلىنىڭ نەگىزگى تۇلعاسى. پارتياعا مۇشە قابىلداۋ قىزمەتى پارتيا قۇرىلىسىنداعى ماڭىزدى نەگىزدىك ينجەنەريا، ول پارتيا ىستەرىنىڭ ۇرپاقتان - ۇرپاققا جالعاسۋىنا، ءىزباسارلاردىڭ بولۋىنا، پارتيا تۇلعاسىنىڭ اقاۋسىزدىعى مەن جالىندى ومىرشەڭ كۇشىنە سايادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتياعا مۇشە قابىلداۋ قىزمەتىنە ايرىقشا ءمان بەرىپ كەلەدى، باس شۋجي شي جينپيڭ پارتياعا مۇشە قابىلداۋ قىزمەتى جونىندە ءبىر قىدىرۋ ماڭىزدى بايىمداۋ جاساپ، ماڭىزدى نۇسقاۋ بەرىپ، بەكىتۋ جازىپ، پارتياعا مۇشە قابىلداۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. 2014 - جىلى 5 - ايدا باسىپ تاراتىلىپ اتقارىلعان «ەگجەي - تەگجەيلى ەرەجە» پارتياعا مۇشە قابىلداۋ قىزمەتىن ارناعا تۇسىرۋدە، پارتياعا جاڭا مۇشە قابىلداۋدىڭ ساپاسىن جوعارىلاتۋدا ماڭىزدى رول اتقاردى. سونىمەن بىرگە پارتياعا مۇشە قابىلداۋ قىزمەتى جاڭا جاعدايعا، جاڭا مىندەتكە دە ءدوپ كەلىپ، داۋىرمەن بىرگە العا باسىپ، «ەگجەي - تەگجەيلى ەرەجەگە» وزگەرىس ەنگىزۋگە تۋرا كەلدى.
جاڭادان وزگەرىس ەنگىزىلگەن «ەگجەي - تەگجەيلى ەرەجە» ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابىن ىشكەرىلەي دايەكتىلەندىرىپ، پارتيانى جاپپاي قاتاڭ باسقارۋ ستراتەگيالىق باعىتىن دايەكتىلەندىرىپ، پارتيا ۋستاۆى سياقتى پارتيا ىشىندەگى قاتىستى زاڭ - ەرەجەلەرمەن ۇشتاستىرۋعا ءمان بەرىپ، جاقسى ادىستەرگە تاباندى بولىپ، جاڭا تاجىريبەلەردى قورىتىندىلاپ، جاڭا ءداۋىردىڭ جاڭا جورىعىندا پارتياعا مۇشە قابىلداۋ قىزمەتىن ويداعىداي ىستەۋگە ماڭىزدى بويسۇنۋ ولشەمىن ازىرلەدى. «ەگجەي - تەگجەيلى ەرەجەگە» وزگەرىس ەنگىزۋ، ونى جاريالاۋ پارتياعا مۇشە قابىلداۋ قىزمەتىن ونان ارى ارناعا ءتۇسىرىپ جانە كۇشەيتىپ، پارتياعا مۇشە قابىلداۋ ساپاسىن جوعارىلاتىپ، پارتيا مۇشەلەرى قوسىنىنىڭ قۇرىلىمىن ساپالىلاندىرىپ، ءار جاقتاعى ۇزدىكتەردى پارتياعا ۇزدىكسىز قابىلداپ، پارتيانىڭ العاباسارلىعى مەن كىرشىكسىزدىگىن ساقتاۋ جونىنەن كەلەلى ماڭىز الادى.
سۇراۋ: «ەگجەي - تەگجەيلى ەرەجەدە» وزگەرىس ەنگىزىلگەن باستى مازمۇنداردى تانىستىرا كەتسەڭىز؟
جاۋاپ: «ەگجەي - تەگجەيلى ەرەجەدەگى» بۇرىنعى 7 تاراۋ، 44 تارماقتىڭ جالپى تۇلعالىق جۇلگەسى وزگەرمەدى، باستىسى، مىناداي بىرنەشە جاقتان وزگەرىس ەنگىزىلدى: ءبىرىنشى، نازار ساياسي ولشەمدى ماڭداي الدى ورىنعا قويۋعا شوعىرلاندىرىلىپ، ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ تالابىن كورنەكتى تۇردە ايگىلەدى، جالپى ەرەجەدە پارتياعا ساياسي قاسيەتى كىرشىكسىز مۇشە قابىلداۋ العا قويىلدى، قاتىستى تاراۋ، تارماقتارعا ”اۋدان دارەجەلى پارتكومداردىڭ ۇيىمداستىرۋ تاراۋلارى مەن ءتارتىپ اتقارۋ، زاڭ اتقارۋ سياقتى قاتىستى تاراۋلارىنىڭ ساياسي تەكسەرۋ، بىرلەسىپ تەكسەرۋ ءتۇزىمىن ورناتۋى“ سياقتى مازمۇندار قوسىلدى. ەكىنشى، نازار شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى شوعىرلاندىرىپ، رۋحتى سومداۋعا شوعىرلاندىرىلىپ، پارتياعا يدەيالىق جاقتان كىرۋ كۇشەيتىلىپ، يدەيالىق جاقتان جەتەكشىلىك ەتۋ، نازاريامەن قارۋلانۋ جانە پارتياعا كىرۋ ماقساتىن دۇرىستاۋ، پارتيالىلىق سانانى جوعارىلاتۋ تالابى سىرلاسۋ، اڭگىمەلەسۋ، شوعىرلى باۋلۋ، پارتياعا كىرۋ سەرتىن بەرۋ سياقتى باۋلۋدىڭ، تاربيەلەۋدىڭ تۇتاس بارىسىنا، ءارقايسى بۋىندارىنا دەيىن تياناقتاندىرىلدى ءارى بايلانىس جاساۋشىلاردى، پارتياعا كىرۋگە تانىستىرۋشىلاردى تاربيەلەۋ شارتى مەن مىندەتى سياقتىلار جونىندە بەلگىلەمە جاسالدى. ءۇشىنشى، نازار پارتياعا مۇشە قابىلداۋ ءتارتىبىن كەمەلدەندىرۋگە شوعىرلاندىرىلىپ، پارتياعا كىرەتىن بەلسەندىلەردى، پارتياعا قابىلداناتىن وبيەكتىلەردى ەستەلىككە الۋ ونان ارى ساپالىلاندىرىلىپ، پارتياعا قابىلداناتىن وبيەكتىلەردى اشىق جاريالاۋ سياقتىلار جونىندە جاڭا بەلگىلەمە جاسالدى؛ سونىمەن بىرگە پارتيا باسشىلىق گرۋپپاسىنىڭ پارتياعا مۇشە قابىلداۋداعى ماڭىزدى ىستەردى تالقىلاۋى جانە ۇيعارۋى جونىندە بەلگىلەمە جاسالدى. ءتورتىنشى، نازار پارتيا مۇشەلەرى قوسىنىنىڭ قۇرىلىمىن ساپالىلاندىرۋعا شوعىرلاندىرىلىپ، جالپىلىق تەپە - تەڭدىك، تۇرگە ءبولىپ جەتەكشىلىك ەتۋ باسا دارىپتەلىپ، جاستار جانە ونەركاسىپ جۇمىسشىلارى، شارۋالار، زيالىلار اراسىنان پارتياعا مۇشە قابىلداۋعا باسا ءمان بەرۋ ايقىندالدى، سونىمەن بىرگە وندىرىستە، قىزمەتتىڭ ءبىرىنشى شەبىندە پارتياعا مۇشە قابىلداۋعا ءمان بەرىپ، جاڭادان گۇلدەنگەن سالالاردا پارتياعا مۇشە قابىلداۋ قىزمەتىن ويداعىداي ىستەۋ مازمۇنى قوسىلدى. بەسىنشى، نازار پارتيانى جاپپاي قاتاڭ باسقارۋ تالابىن تياناقتاندىرۋعا شوعىرلاندىرىلىپ، پارتياعا مۇشە قابىلداۋ قىزمەتىندە بەلگىلەمەگە، تارتىپكە قايشىلىق جاساۋ ماسەلەسى ورىن تەۋىپ وتىرعان پارتيا ۇيىمدارى مەن قاتىستى جاۋاپتى ادامداردى، بەلگىلەمەگە قايشى تۇردە پارتياعا كىرگەندەردى ەرەجە، ءتارتىپ بويىنشا قاتاڭ ءبىر جاقتى ەتىپ، پارتياعا مۇشە قابىلداۋ قىزمەتىنىڭ ساياسي سيپاتىن، قاتاڭدىعىن باتىل قورعاۋ كەرەكتىگى باسا دارىپتەلدى.
سۇراۋ: «ەگجەي - تەگجەيلى ەرەجەدە» ”ساياسي ولشەمدى ماڭداي الدى ورىنعا قويۋ“ تالابى قالاي ايگىلەنگەن؟
جاۋاپ: «ەگجەي - تەگجەيلى ەرەجەدە» پارتيا ۋستاۆىندا بەلگىلەنگەن پارتيا مۇشەسى ولشەمىنە تاباندى بولىپ، ساياسي ولشەم سىندى ماڭداي الدى وتكەلدى قاتاڭ يگەرۋدەن جازباي، شەشۋشى بۋىنداردى مىقتى يگەرىپ، ساياسي قاسيەتى كىرشىكسىز مۇشە قابىلداۋ باسا دارىپتەلدى. ءبىرىنشى، جالپى ەرەجەدە جۇڭگو كوممۋنيستىك پارتياسىنىڭ مۇشەسى جۇڭگو جۇمىسشى تابىنىڭ كوممۋنيستىك ساناعا يە ۇزدىك جاۋىنگەرى ەكەندىگى ايقىندالىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ العاباسار بەلسەندىلەردى پارتياعا قابىلداۋدىڭ ماڭىزدى ولشەمى ەتىلدى. ەكىنشى، پارتياعا كىرۋ بەلسەندىلەرىن تۇراقتاندىرۋ جانە تاربيەلەۋ بارىسىندا پارتياعا كىرۋگە ءوتىنىش بەرۋشىنىڭ نەگىزگى جاعدايىن ۇعىسىپ، ولارعا كوممۋنيستەردىڭ سەنىمىن، نانىمىن تانىستىرۋ جانە ءتۇسىندىرۋ، پارتيا مۇشەلەرىنىڭ ولشەمى مەن شارتىن تانىستىرۋ كەرەكتىگى ايقىندالدى؛ پارتياعا كىرۋ بەلسەندىلەرىمەن ۇنەمى سىرلاسىپ، اڭگىمەلەسىپ، ولاردىڭ ساياسي ساناسى، ءمورالدىق قاسيەتى سياقتى جاعدايلارىن ۇعىسىپ، باۋلۋ، تاربيەلەۋ قىزمەتىن ويداعىداي ىستەۋ كەرەكتىگى ايقىندالدى. پارتياعا قابىلداۋ وبيەكتىسىن بەلگىلەۋ جانە تەكسەرۋ بارىسىندا ساياسي تەكسەرۋدى قاتايتىپ، پارتياعا قابىلداۋ وبيەكتىسىنىڭ پارتياعا كىرۋ ماقساتى، ساياسي ساپاسى جانە رەال بەينەسى سياقتى جاعدايلارىن ىشكەرىلەي ۇعىسۋ كەرەكتىگى ايقىندالدى. ءۇشىنشى، پارتياعا مۇشە قابىلداۋ قىزمەتى تارتىبىندە پارتيا ۇيىمىنا قاتىستى جاعدايلاردى قاز - قالپىندا مالىمدەمەي، جەكە ارحيۆ ماتەريالدارىن وزگەرتكەن، جالعاننان جاساعان، پارتياعا كىرۋدەن بۇرىنعى اۋىر قاتەلىگىن جاسىرعان ادامداردى ءتارتىپ، ەرەجە بويىنشا ءبىر جاقتى ەتۋ تالاپ ەتىلدى، ت. ب.
سۇراۋ: «ەگجەي - تەگجەيلى ەرەجەدە» پارتياعا مۇشە قابىلداۋ قىزمەتىنىڭ ءتارتىبىن قاتايتۋ قالاي باسا دارىپتەلگەن؟
جاۋاپ: «ەگجەي - تەگجەيلى ەرەجەدە» پارتياعا مۇشە قابىلداۋ قىزمەتىنىڭ ءتارتىبىن قاتايتۋ، بەلگىلەمەگە، تارتىپكە قايشى ماسەلەلەر مەن بۇرىس ستيلدەردى قاتاڭ تەكسەرىپ ءبىر جاقتى ەتۋ سياقتىلار جونىندە ايقىن بەلگىلەمە جاسالدى. ءبىرىنشى، قىزمەت ءىس جۇزىندىگىمەن ۇشتاستىرىپ، پارتيا ۇيىمى جانە قاتىستى جاۋاپتى ادامدار، بەلگىلەمەگە قايشى تۇردە پارتياعا كىرۋشىلەر سياقتى تۇرلىشە سۋبيەكتتەرگە باعىتتاي وتىرىپ، بەلگىلەمەگە، تارتىپكە قايشىلىق جاساۋدىڭ باستى جاعدايلارى جەكە - جەكە كورسەتىلدى. ەكىنشى، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» سياقتى پارتيا ىشىندەگى زاڭ - ەرەجەلەرمەن ۇشتاستىرىلىپ، پارتياعا مۇشە قابىلداۋ قىزمەتىندە جارىققا شىققان بەلگىلەمەگە، تارتىپكە قايشىلىق جاساۋ ماسەلەلەرى سياقتىلاردى بەلگىلەمە، ءتارتىپ بويىنشا ءبىر جاقتى ەتۋ كەرەكتىگى ايقىندالدى. ءۇشىنشى، بەلگىلەمەگە، تارتىپكە قايشى تيپتىك دەلولاردى دەر كەزىندە حابارلاندىرۋ كەرەكتىگى ايقىندالدى. سونىمەن بىرگە بەلگىلەمەگە قايشى تۇردە پارتياعا قابىلدانعاندارعا جان - جاقتى تالداۋ جاساپ، تۇجىرىمداۋ، پارتيا مۇشەسى شارتىنا ۇيلەسپەيتىندەردىڭ پارتيا مۇشەسىندىك سالاۋاتىن مويىنداماۋ ءارى پارتيا ياچەيكاسىنىڭ پارتيا مۇشەلەرى جينالىسىندا جاريالاۋ كەرەكتىگى تالاپ ەتىلدى.
سۇراۋ: «ەگجەي - تەگجەيلى ەرەجەدە» پارتيا مۇشەلەرىنىڭ ارحيۆ ماتەريالدارىن ارناعا ءتۇسىرۋ جونىندە قانداي بەلگىلەمەلەر جاسالدى؟
جاۋاپ: «ەگجەي - تەگجەيلى ەرەجەدە» ماسەلەنى باعدار ەتۋدەن جازباي، نەگىزگى ساتىنىڭ كوڭىل ءبولىپ وتىرعان ماسەلەلەرىنە جاۋاپ قايتارىلىپ، پارتياعا مۇشە قابىلداۋ ارحيۆ ماتەريالدارى ونان ارى ءبىر تۇتاس جۇيەگە ءتۇسىرىلدى. ءبىرىنشى، ورتالىق كوميتەت ۇيىمداستىرۋ ءبولىمىنىڭ «پارتياعا كىرۋ بەلسەندىلەرىن تاربيەلەۋ، تەكسەرۋ بويىنشا تىزىمدەۋ كەستەسى»، «كانديدات پارتيا مۇشەلەرىن تاربيەلەۋ، تەكسەرۋ بويىنشا تىزىمدەۋ كەستەسى» نۇسقاسىن ءبىر تۇتاس جاسايتىندىعى، ولكە دارەجەلى پارتكومداردىڭ ۇيىمداستىرۋ تاراۋلارىنىڭ ونى كوشىرىپ باسۋ، باسقارۋ سياقتىلاردى ورنالاستىرۋعا جاۋاپتى بولاتىندىعى ايقىندالدى؛ سونىمەن بىرگە «جۇڭگو كوممۋنيستىك پارتياسىنىڭ پارتياعا كىرۋ ەرىكتى ءوتىنىشى» نۇسقاسىنا وزگەرىس ەنگىزىلدى. ەكىنشى، ارحيۆتە ساقتالاتىن ماتەريالدار پارتياعا كىرۋ ەرىكتى ءوتىنىشى، پارتياعا كىرۋ ءوتىنىشى، «پارتياعا كىرەتىن بەلسەندىلەردى تاربيەلەۋ، تەكسەرۋ بويىنشا تىزىمدەۋ كەستەسى»، ساياسي تەكسەرۋ ماتەريالى، «كانديدات پارتيا مۇشەلەرىن تاربيەلەۋ، تەكسەرۋ بويىنشا تىزىمدەۋ كەستەسى»، رەسميلەستىرۋ ءوتىنىشى سياقتىلاردى قامتۋ كەرەكتىگى ايقىندالدى. ءۇشىنشى، شارت - جاعدايى بار جەرلەر مەن ورىندار پارتيا مۇشەلەرى ارحيۆىن ەلەكترونداندىرىپ باسقارۋعا شابىتتاندىرىلدى.
سۇراۋ: «ەگجەي - تەگجەيلى ەرەجەدە» پارتياعا مۇشە قابىلداۋ قىزمەتىنە باسشىلىقتى كۇشەيتۋ جونىندە قانداي جاڭا تالاپتار قويىلدى؟
جاۋاپ: پارتياعا مۇشە قابىلداۋ ساياسي سيپاتى، ساياساتتىق سيپاتى وتە كۇشتى قىزمەت، «ەگجەي - تەگجەيلى ەرەجەدە» پارتياعا مۇشە قابىلداۋ قىزمەتىنە باسشىلىقتى كۇشەيتىپ، جاۋاپكەرشىلىكتى قاتايتۋ، ناقتىلاندىرۋ باسا دارىپتەلدى. ءبىرىنشى، پارتياعا مۇشە قابىلداۋ قىزمەتىن يگەرۋدىڭ جاۋاپكەرشىلىك مەحانيزمىن اقاۋسىزداندىرۋ. ءار دارەجەلى پارتكومداردىڭ پارتياعا مۇشە قابىلداۋ قىزمەتىن ماڭىزدى كەڭەستىك كۇن تارتىبىنە قويىپ، پارتيا قۇرىلىسى قىزمەتى جاۋاپكەرشىلىك تۇزىمىنە ەنگىزىپ، پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋ بويىنشا ەسەپ بەرۋ، باعالاۋ، تەكسەرۋ، شارلاۋ، شارلاپ تەكسەرۋ جانە پارتيا ىستەرىن جاريا ۇستاۋدىڭ ماڭىزدى مازمۇنى ەتۋى كەرەكتىگى تالاپ ەتىلدى. ەكىنشى، پارتيا ۇيىمدارىنىڭ تەكسەرۋ وتكەلىن يگەرۋىن كۇشەيتۋ. اۋدان دارەجەلى پارتكومداردىڭ ۇيىمداستىرۋ تاراۋلارى مەن نەگىزگى ساتى پارتكومدارىنىڭ پارتياعا كىرۋ بەلسەندىلەرى قوسىنىنىڭ جاعدايىنا ءار جىلى ءبىر رەت تالداۋ جاساۋى تالاپ ەتىلدى؛ پارتياعا قابىلداۋ وبيەكتىلەرى قاتارىنا ەنگىزىلەتىندەردى پارتيا ياچەيكاسى مۇشەلەرى ءماجىلىسى اقىلداسىپ تالقىلايدى ءارى جوعارى دارەجەلى پارتكومنىڭ ماقۇلداۋىنا جولدايدى؛ پارتيا ۇيىمى، ءسوز جوق، پارتياعا قابىلداۋ وبيەكتىسىنە ساياسي تەكسەرۋ جۇرگىزۋى كەرەك، نەگىزگى ساتى پارتكومى قاجەتكە قاراي قاتىستى تاراۋلاردىڭ پىكىرىن تىڭدايدى، ت . ب. ءۇشىنشى، تاڭداۋلىلاردى سۇرىپتاپ، قىزمەت كۇشىن كۇشەيتۋ. اۋىل - قالاشىق، ءمالى، مەملەكەت مەنشىگىندەگى كاسىپورىن، جوعارى مەكتەپ سياقتى نەگىزگى ساتى پارتكومدارىنىڭ بەلگىلەمە بويىنشا بەلگىلى مولشەردە ارناۋلى، قوسىمشا مىندەت وتەيتىن ۇيىمداستىرۋ قىزمەتكەرلەرىن دايىنداپ، كاسىپتىك جەتەكشىلىك پەن باسقارۋدى كۇشەيتىپ، ولاردىڭ پارتياعا مۇشە قابىلداۋ قىزمەتىندەگى رولىن تولىق ساۋلەلەندىرۋى تالاپ ەتىلدى. سونىمەن بىرگە جىلجىمالى پارتيا مۇشەلەرى پارتيا ۇيىمىنىڭ پارتياعا مۇشە قابىلداۋ مىندەت جاۋاپكەرشىلىگى جونىندە دە بەلگىلەمە جاسالدى.
سۇراۋ: ءار دارەجەلى پارتيا ۇيىمدارىنىڭ «ەگجەي - تەگجەيلى ەرەجەنى» دايەكتىلەندىرۋى، تياناقتاندىرۋى جونىندە قانداي ورنالاستىرۋ بار؟
جاۋاپ: جۇڭگو كوممۋنيستىك پارتياسى ورتالىق كوميتەتى كەڭسەسى «ەگجەي - تەگجەيلى ەرەجەنى» باسىپ تاراتۋ جونىندەگى حابارلاندىرۋدا «ەگجەي - تەگجەيلى ەرەجەنى» دايەكتىلەندىرۋ، تياناقتاندىرۋ جونىندە ايقىن تالاپتار قويدى. ءار دارەجەلى پارتكومدار مەن ونىڭ ۇيىمداستىرۋ تاراۋلارى پارتياعا مۇشە قابىلداۋ قىزمەتىنىڭ كەلەلى ساياسي جاۋاپكەرشىلىگىن ارقالاپ، پارمەندى شارالار قولدانىپ، قۋزاۋ - جەتەكشىلىك ەتۋدى كۇشەيتىپ، «ەگجەي - تەگجەيلى ەرەجەدەگى» بەلگىلەمەلەردىڭ ناقتاپ تياناقتاندىرىلۋىنا شىنايى كەپىلدىك ەتۋى كەرەك. «ەگجەي - تەگجەيلى ەرەجەنى» ۇگىتتەۋدى، ءتۇسىندىرۋدى جانە ول جونىندەگى ۇيرەنۋدى، باۋلۋدى ويداعىداي يگەرىپ، كاسىپتىك جاقتان جەتەكشىلىك ەتۋ، شوعىرلى باۋلۋ سياقتى تاسىلدەر ارقىلى ءار دارەجەلى پارتيا ۇيىمدارى مەن قالىڭ پارتيا ىستەرى قىزمەتكەرلەرىنىڭ «ەگجەي - تەگجەيلى ەرەجەنىڭ» رۋحىن ىشكەرىلەي ءتۇسىنىپ، «ەگجەي - تەگجەيلى ەرەجەنىڭ» تالاپتارىن جاپپاي يگەرىپ، پارتياعا مۇشە قابىلداۋ قىزمەتىن ويداعىداي ىستەۋ قابىلەتى مەن ونەرىن ۇزدىكسىز جوعارىلاتۋىن جەبەۋ كەرەك. وڭىرلەر، تاراۋلار «ەگجەي - تەگجەيلى ەرەجەنى» اتقارۋ بارىسىنداعى ماڭىزدى جاعدايلار مەن ۇسىنىستاردى دەر كەزىندە مالىمدەپ تۇرۋى كەرەك.
