شينحۋا اگەنتتىگىنىڭ 5 ـ ايدىڭ 21 ـ كۇنى شىنجىننان بەرگەن حابارى. 2026 ـ جىلعى مادەنيەتتە قۋاتتى ەل قۇرۋ جوعارى دارەجەلى باسشىلار تالقى مىنبەرى 5 ـ ايدىڭ 21 ـ كۇنى گۋاڭدۇڭنىڭ شىنجىنىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي قاتىناستى ٴارى ارقاۋ ٴسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ قاتىناستى ٴارى ٴسوز سويلەدى.
ماجىلىسكە قاتىناسقان سيلى قوناقتار بىلاي دەپ قارادى: مادەنيەت مەملەكەتتىڭ نەگىزىنە، مەملەكەت تاعدىرىنا سايادى. باس شۋجي شي جينپيڭ تاريحتىڭ مادەنيەت جۇلگەسىنىڭ جالعاسۋىنا جانە مادەنيەتتە جاڭالىق اشۋعا، جاسامپازدىق جاراتۋعا ايرىقشا ٴمان بەرىپ، ٴبىر قىدىرۋ ماڭىزدى بايىمداۋلار جاساپ، مادەنيەتتى جالعاستىرۋدى، دامىتۋدى ىلگەرىلەتۋگە ٴتۇبىرلى بويسۇنۋ ولشەمىن ازىرلەدى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى مەن ”15 ـ بەسجىلدىق“ جوبا باعدارلاماسىندا بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتۋ، سوتسياليستىك مادەنيەتتى گۇلدەندىرۋ، دامىتۋ جونىندە ورنالاستىرۋ جاسالدى. ٴبىز ىشكەرىلەي ۇيرەنىپ، ٴتۇسىنىپ، جاپپاي دايەكتىلەندىرەمىز، تياناقتاندىرامىز.
ماجىلىسكە قاتىناسقان سيلى قوناقتار مىنالاردى ٴبىلدىردى: مادەنيەتتىڭ گۇلدەنىپ ـ كوركەيۋى جۇڭگو ۇلگىسىندەگى وسىزامانداندىرۋدىڭ ماڭىزدى بەلگىسى. شي جينپيڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، مادەنيەت جۇلگەسىن جالعاستىرۋ ارقىلى جۇڭحۋا ۇلتىنىڭ مادەنيەت نەگىزگى تۇلعاسى سيپاتىن اسقاقتاتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ مادەنيەت نەگىزىن بەكەمدەيمىز. سيفرلى زەردەلىلەندىرۋ ارقىلى قۋات ۇستەپ، مادەنيەت رەفورماسىنىڭ، دامۋىنىڭ ومىرشەڭ كۇشىن تاسقىنداتىپ، ينتەرنەت شارت ـ جاعدايىنداعى جاڭا بۇقارالىق ادەبيەت ـ كوركەمونەردى گۇلدەندىرىپ، قارىشتاپ دامىعان مادەنيەت ەكولوگياسىن قالىپتاستىرامىز. قورعاۋدى ٴبىرىنشى ورىنعا قويۋ جانە ەڭ از كيلىگۋ پرينسيبىن تياناقتاندىرىپ، مادەنيەت مۇرالارىن جۇيەلى قورعاۋدى كۇشەيتەمىز. مادەنيەت ارقىلى دۇنيە جۇزىمەن تىلدەسۋ ۇستانىمىن كۇشەيتىپ، حالىقارالىق گۋمانيتارلىق اۋىس ـ كۇيىس پەن سەلبەستىكتى ونان ارى كەڭەيتەمىز.
وسى كەزەكتى تالقى مىنبەرىنىڭ تاقىرىبى _ ”مادەنيەت جۇلگەسىن، مادەنيەت اۋقىمىن جالعاستىرۋ جانە مادەنيەتتە جاڭالىق اشۋ، جاسامپازدىق جاراتۋ“، ورتالىق كوميتەت ۇگىت ٴبولىمى باس بولىپ ۇيىمداستىردى. ورتالىقتىڭ ۇگىت، مادەنيەت ورىندارىنداعى، ولكەلىك، اۆتونوميالى رايوندىق، توتە قاراستى قالالىق پارتكومداردىڭ ۇگىت بولىمدەرىندەگى، ورتالىقتىڭ قاتىستى مينيسترلىكتەرى مەن كوميتەتتەرىندەگى، ٴىشىنارا مادەنيەت كاسىپورىندارى مەن ٴىسورىندارىنداعى قاتىستى جاۋاپتى جولداستار جانە قاتىستى اقىل ـ پاراسات قويماسى مامان ـ وقىمىستىلارى سياقتىلار تالقى مىنبەرىنە قاتىناستى.
