− جەر ـ جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن قورعاۋدى قايتالاي ورنالاستىردى، قايتالاي تەكسەردى، قايتالاي تياناقتاندىردى
□ شينحۋا اگەنتتىگىنىڭ ٴتىلشىسى
5 ـ ايدىڭ 22 ـ كۇنى ساعات 19دان 29 مينۋت وتكەندە سانشي ولكەسى چاڭجى قالاسى چينيۋان اۋدانىنداعى سانشي تۇڭجوۋ توبى ليۋشىنيۇي كومىر شارۋاشىلىعى شەكتى سەرىكتەستىگىنىڭ شاحتاسىندا گاز قوپارىلىسى شىرعالاڭى تۋىلىپ، اۋىر ٴولىم ـ ٴجىتىم بولدى.
شىرعالاڭ تۋىلعاننان كەيىن، باس شۋجي شي جينپيڭ ايرىقشا ٴمان بەردى ٴارى ماڭىزدى نۇسقاۋ بەرىپ، بىلاي دەپ باسا دارىپتەدى: ”جارالانعانداردى بار كۇشپەن قۇتقارىپ ـ ەمدەپ، ىزدەۋ ـ قۇتقارۋ جۇمىستارىن عىلمي ۇيىمداستىرىپ، سوڭعى جۇمىستاردى ىڭعايلاستىرۋ قىزمەتىن ۇيلەسىمدى، جاقسى ىستەۋ كەرەك“، ”وڭىرلەر، تاراۋلار شىرعالاڭنان ساباق الىپ، ٴوندىرىس حاۋىپسىزدىگى سىندى وسى ارقاۋدى قاي ـ قاشان دا مىقتاپ شيراتىپ، ٴتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ، وڭاپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋى جانە ونى تەجەۋى كەرەك“.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قاتىستى جەرلەر مەن تاراۋلار مىنانى ٴبىلدىردى: حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن ماڭداي الدى ورىنعا قويىپ، قامالىپ قالعانداردى بار كۇشپەن ىزدەپ، قۇتقارىپ، جارالانعانداردى قۇتقارىپ ـ ەمدەپ، ۇيىندەگىلەردى جۇباتىپ، سوڭعى جۇمىستاردى ىڭعايلاستىرامىز. سونىمەن بىرگە شىرعالاڭدى ويداعىداي تەكسەرىپ، ٴوندىرىس حاۋىپسىزدىگى جاۋاپكەرشىلىگىن تياناقتاندىرۋدى كۇشەيتىپ، ٴتۇيىندى كاسىپ سالالارىنداعى حاۋىپسىزدىك كومەسكى كىناراتتارىن ٴبىر ـ بىردەن تەكسەرۋدى، وڭاۋدى شىن مانىندە ويداعىداي يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانامىز.
حالىقتى بارىنەن جوعارى قويدى، ٴومىردى بارىنەن جوعارى قويدى.
سانشي ولكەسى ولكە دارەجەلى شۇعىل جاعدايعا توتەپ بەرۋ بويىنشا قۇتقارۋ ـ كومەكتەسۋ جۇمىس باسى قولباسشىلىق شتابىن قۇرىپ، وعان قاراستى قاتەردەن اراشالاۋ، قۇتقارۋ ـ كومەكتەسۋ گرۋپپاسى، مەديتسينالىق قۇتقارۋ ـ ەمدەۋ گرۋپپاسى، شۇعىل جاعدايعا توتەپ بەرۋ بويىنشا قامتاماسىزداندىرۋ گرۋپپاسى سياقتى 9 قىزمەت گرۋپپاسىن ورنالاستىردى.
5 ـ ايدىڭ 22 ـ كۇنى ساعات 21دەن 15 مينۋت وتكەندە چينيۋان اۋداندىق قۇتقارۋ اترەتىنەن 20 ادام شىرعالاڭ تۋىلعان جەرگە جەتتى، باسقا قۇتقارۋ ـ كومەكتەسۋ قوسىندارى دا ەدەل ـ جەدەل كەلىپ قوسىلدى. 5 ـ ايدىڭ 23 ـ كۇنى تۇستەن كەيىنگە دەيىن سانشي ولكەسى قۇتقارۋ ـ كومەكتەسۋ، ەمدەۋ بويىنشا 7 قوسىننان 755 ادام جىبەرىپ، شۇعىل جاعدايعا توتەپ بەرۋ بويىنشا قۇتقارۋ ـ كومەكتەسۋ، مەديتسينالىق قۇتقارۋ ـ ەمدەۋ، ۇستىندە ٴبىر جاقتى ەتۋ قىزمەتىن بار كۇشپەن ورىستەتتى.
شىرعالاڭ تۋىلعان ورىندا قۇتقارۋ ـ كومەكتەسۋشىلەر ادامداردى شۇعىل ىزدەپ ـ قۇتقارۋدى، شىرعالاڭ تۋىلعان ورىندى اداقتاۋدى مىقتى يگەردى. كوپشىلىك باس شۋجي شي جينپيڭنىڭ تالابىن قاز ـ قالپىندا تياناقتاندىرىپ، بار كۇشپەن ىزدەپ ـ قۇتقارىپ، عىلمي ىزدەپ ـ قۇتقارىپ، ٴارقانداي ٴۇمىت ۇشقىنى بولسا باز كەشپەي قۇتقاراتىندىقتارىن، سونىمەن بىرگە قوسالقى ٴولىم ـ جىتىمنەن ساقتاناتىندىقتارىن ٴبىلدىردى.
− شۇعىل جاعدايعا توتەپ بەرۋدى باسقارۋ مينيسترلىگىنىڭ، مەملەكەتتىك كەن حاۋىپسىزدىگىن باقىلاۋ مەكەمەسىنىڭ قاتىستى جاۋاپتىلارى مەن قاتىستى ماماندار شىرعالاڭ تۋىلعان ورىنعا بارىپ جەتەكشىلىك ەتىپ، قۇتقارۋ ـ كومەكتەسۋ جوباسىن عىلمي جاساپ، كەنگە قاتىستى شۇعىل جاعدايعا توتەپ بەرۋ بويىنشا 6 قۇتقارۋ ـ كومەكتەسۋ قوسىنىنداعى 345 ادامدى جابدىق الىپ شىرعالاڭ تۋىلعان ورىنعا قۇتقارۋ ـ كومەكتەسۋگە قاتىناسۋعا جىبەردى.
− مەملەكەتتىك دەنساۋلىق ساقتاۋ، سالاماتتىق كوميتەتى كوپ ٴپان بويىنشا قاشىقتان بىرلەسىپ دياگنوز قويۋعا ۇيىمداستىرىپ، تىنىس جولى سالماقتى اۋرۋلارى، كۇيىك، جاراقات، سۇيەك اۋرۋلارى ٴبولىمىنىڭ ماماندارىن شىرعالاڭ تۋىلعان ورىنعا بارىپ كومەكتەسىپ، قۇتقارۋ ـ ەمدەۋگە قاتىناسۋعا جىبەرىپ، پسيحيكالىق جەتەكتەۋ سياقتى قىزمەتتەردى ويداعىداي ىستەۋ جونىندە ورنالاستىرۋ جاسادى.
− قوعام حاۋىپسىزدىگى مينيسترلىگى قاراستى جەردەگى قوعام حاۋىپسىزدىگى ورگاندارىن قۇتقارۋ ـ كومەكتەسۋ، ٴبىر جاقتى ەتۋ سياقتى قىزمەتتەردى بار كۇشپەن ورىستەتۋگە ورنالاستىرىپ جانە وعان قولباسشىلىق ەتىپ، ادامداردىڭ سالاۋاتىن بار كۇشپەن انىقتاپ، قاتىستى جاۋاپتى ادامداردى تىزگىندەدى.
ٴوندىرىس حاۋىپسىزدىگى − قىزىل سىزىق، تومەنگى شەك، ونان دا ماڭىزدىسى، جان تامىر. ”ٴوندىرىس حاۋىپسىزدىگى جاۋاپكەرشىلىگىن ٴجىتى قاداعالاپ، قاتايتىپ، ٴتۇيىندى كاسىپتەردەگى، سالالارداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى، وڭاۋدى ويداعىداي يگەرۋ كەرەك“، ”الەۋمەتتىك حاۋىپسىزدىك باسقارۋىن كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك“، ”شۇعىل جاعدايعا توتەپ بەرۋ جوباسىن كەمەلدەندىرىپ، حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرىپ، اۋىر حاۋىپسىزدىك شىرعالاڭدارىنىڭ تۋىلۋىنان باتىل ساقتانۋ جانە ونى تەجەۋ كەرەك“... باس شۋجي شي جينپيڭ تالاي رەت ماڭىزدى نۇسقاۋ بەرىپ، ٴوندىرىس حاۋىپسىزدىگى قىزمەتىن ويداعىداي ىستەۋدى باسا دارىپتەدى.
وسى رەتكى شىرعالاڭعا مەڭزەس، مەملەكەتتىك كەڭەستىڭ شىرعالاڭدى تەكسەرۋ گرۋپپاسى شىنداپ كىرىسىپ، قيىن ماسەلەلەردى شەشىپ، شىرعالاڭعا تەكسەرۋ جۇرگىزىپ، شىرعالاڭنىڭ سەبەبىن تولىق تەكسەرىپ انىقتاپ، قاراستى جەردىڭ باسقارۋىن، كاسىپ سالاسىنىڭ باقىلاۋ ـ باسقارۋىن جانە كاسىپورىننىڭ جاۋاپكەرشىلىگىن ابدەن تولىق تەكسەرىپ انىقتاپ، زاڭ، ەرەجە بويىنشا قاتاڭ جازالاپ ٴبىر جاقتى ەتەدى.
مەملەكەتتىك كەن حاۋىپسىزدىگىن باقىلاۋ ـ تەكسەرۋ مەكەمەسى مىنانى العا قويدى: جاقىندا باسىپ تاراتىلعان ”كومىر كەن قىزمەتكەرلەرىن شاحتاعا كىرۋ الدىندا تاربيەلەۋدى، باۋلۋدى كۇشەيتۋ جانە سول جەردىڭ وزىندەگى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋ، وڭاۋ جونىندەگى حابارلاندىرۋى“ بويىنشا جەر ـ جەر ٴىس جۇزىندىك ماسەلەلەردى شەشۋدى ٴبىرىنشى ولشەم ەتىپ، جۇمىس الدىنداعى ٴماجىلىس، شاحتاعا كىرۋ الدىنداعى تەكسەرۋ سياقتى ”الدىڭعى جۇمىس ٴتارتىبىن“ كورنەكتى ارناعا ٴتۇسىرىپ، كەن باسشىلارىنىڭ جۇمىسشىلاردى باستاپ شاحتاعا كىرۋى، كومەسكى كىناراتتاردى ٴبىر ـ بىردەن تەكسەرۋ، وڭاۋ سياقتى ”جۇمىس باسىندا باسقارۋدى“ كۇشەيتىپ، حاۋىپسىزدىكتى باسقارۋدىڭ ىستەن بۇرىن ساقتانۋعا قاراي بۇرىلىس جاساۋىن ىلگەرىلەتىپ، ادامداردىڭ حاۋىپتى ارەكەتتەرىن جانە جۇمىس باسىندا باسقارۋداعى ولقىلىقتاردى شىن مانىندە شەشۋ كەرەك.
باس شۋجي شي جينپيڭ ورتاعا قويعان ”جەر ـ جەر، تاراۋلار شىرعالاڭنان ساباق الۋى كەرەك“ دەگەن تالاپقا ساي، ىشكى موڭعۇل اۆتونوميالى رايوندىق كەن حاۋىپسىزدىگىن باقىلاۋ ـ باسقارۋ مەكەمەسى بۇكىل رايوننىڭ كومىر كەن گازى قوپارىلىسىنان ساقتانۋ جانە ونى تىزگىندەۋ قىزمەتى جونىندە دەرەۋ ورنالاستىرۋ جاساپ، قىزمەت گرۋپپاسىن جىبەرىپ، بۇكىل رايوننىڭ قالىپتى ٴوندىرىس ـ قۇرىلىس جۇرگىزەتىن گازدى كەن شاحتالارىنا جاپپاي حاۋىپسىزدىك تەكسەرۋىن جۇرگىزىپ، گاز قوپارىلىسىنان ساقتانۋ جانە ونى تىزگىندەۋ شارالارىنىڭ تياناقتانباۋى، ۇلگى الىپ تەكسەرۋدە ولشەمگە جەتپەۋ، گازعا قاتىستى نورمادان اسىرىپ جۇمىس ىستەۋ، گازدى باقىلاۋ، مەڭگەرۋ جۇيەسىندە جالعانشىلىق ىستەۋ قاتارلى زاڭعا، بەلگىلەمەگە قايشى ارەكەتتەردى قاتاڭ تەكسەرىپ ٴبىر جاقتى ەتتى.
يۇننان ولكەسى كومىرگە ساياتىن 9 وبلىس، قالا مەن ٴتۇيىندى كاسىپورىنعا نۇسقاۋ رۋحىن جەتكىزىپ، باقىلاۋ ـ باسقارۋ قىزمەتكەرلەرىنىڭ قىزمەت ورنىندا كەزەكشىلىك ىستەپ، كەندە تۇراتىن قىزمەتكەرلەردىڭ 24 ساعات قاداعالاپ كۇزەتۋىن، كاسىپورىنداردىڭ تۇلعالىق جاۋاپكەرشىلىگىن باتىل قاتايتۋىن تالاپ ەتتى. ”باس شۋجي شي جينپيڭ ٴتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ وڭاۋدى تالاپ ەتتى. يۇننان ولكەسى بۇكىل ولكەدەگى كومىر كەن گازىن باسقارۋ جانە تاسقىن مەزگىلىندەگى حاۋىپسىزدىك، ساقتانۋ ارناۋلى ارەكەتىن دەرەۋ ورىستەتىپ، اۋىر حاۋىپ ـ قاتەرلەردى، كومەسكى كىناراتتاردى تۇبەگەيلى تەكسەرىپ، ەڭ قاتاڭ ولشەم، ەڭ قاتاڭ شارا ارقىلى اۋىر، ەرەكشە اۋىر شىرعالاڭداردان ساقتانىپ جانە ونى تىزگىندەپ، ەنەرگيا حاۋىپسىزدىگىن جانە كاسىپپەن شۇعىلدانۋشىلاردىڭ باس اماندىعىن بار كۇشپەن قامتاماسىز ەتەدى“، ـ دەدى يۇننان ولكەلىك ەنەرگيا مەكەمەسىنىڭ باستىعى چىن جيە.
شاندۇڭ ولكەسى لين ـ ي قالالىق ٴورت ٴسوندىرۋ، ورتتەن ساقتانۋ قۇتقارۋ ـ كومەكتەسۋ مەكەمەسىنىڭ ورىنباسار باستىعى چين جيانبو بىلاي دەدى: باس شۋجيدىڭ ماڭىزدى نۇسقاۋىن، تالابىن باتىل دايەكتىلەندىرىپ، تياناقتاندىرىپ، ٴتۇيىندى كاسىپ سالالارىنداعى حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى، وڭاۋدى مىقتى يگەرىپ، اس ـ سۋ، كەشكى بازار سياقتى ورىندارعا باعىتتاي وتىرىپ، گاز قۇبىرىنىڭ كونەرۋى، جۇمساق قۇبىردىڭ ٴبۇلىنۋى، بەلگىلەمەگە قايشى گاز پايدالانۋ جانە ەلەكتر سىمىن ٴوز بەتىمەن بەتالدى جالعاۋ، ەلەكتردەن شەكتەن تىس پايدالانۋ، ەلەكتر سىمدارىنداعى قورعانۋ جۇمىستارىنىڭ تياناقتانباۋى سياقتى كورنەكتى كومەسكى كىناراتتاردى قاتاڭ تەكسەرىپ، ٴورت اپاتىنىڭ تۋىلۋىن تۋ باستان تەجەۋ كەرەك.
تاياۋدا حۋناننىڭ حىڭياڭ قالاسى ٴىرى ساۋدا سارايلارى، ەرەن بازارلار، ماي قۇيۋ پۋنكتتەرى، اۋىل شارۋاشىلىق ساۋدا بازارلارى سياقتى ٴتۇيىندى ورىنداردى جاپپاي اداقتاپ تەكسەرىپ، جەدەل رەتتەپ، تۇزەتىپ، ٴتۇيىندى سالالاردا، ورىنداردا تور جايۋ ۇلگىسىندە ٴبىر شەتىنەن جاپپاي كومەسكى كىناراتتاردى تەكسەرىپ، اشىق ەسەپ ورناتتى، ٴتىزىمدى باسقاردى، جابىق اينالىمدى رەتتەۋ ـ تۇزەتۋ جۇرگىزدى؛ تاڭعى بازار، كەشكى بازار، اۋىل ـ قىستاق جارمەڭكەسى سياقتىلارعا مەڭزەس، حيلۇڭجياڭ ولكەسى حاربين قالالىق قوعام حاۋىپسىزدىگى ورگاندارى شارلاۋ، قورعانۋ تورىن بەكەمدەۋ، قايشىلىقتاردى سول جەردىڭ وزىندە شەشۋ سياقتى شارالار ارقىلى ”تىرشىلىك تىنىسىن“ بار كۇشپەن قورعادى ٴارى اۋىل شارۋاشىلىعىنا پايدالانىلاتىن اۆتوكولىكتەر زاڭعا قايشى ادام الىپ ٴجۇرۋ، اۆتوبۋزدار نورمادان اسىرا ادام الۋ سياقتى ارەكەتتەردى قاتاڭ تەكسەرىپ، شىرعالاڭ حاۋىپ ـ قاتەرىن تۋ باستان تومەندەتتى...
تاياۋداعى قاتتى جاۋعان جاڭبىردىڭ كولەمى كەڭ، كۇشەمەلىلىگى زور، اۋىرلىق دارەجەسى جوعارى بولدى. حۋنان، گۇيجوۋ قاتارلى ولكەلەردەگى ٴىشىنارا جەرلەردە تۇرلىشە دارەجەدە قاتتى جاڭبىر جاۋىپ، سەل اپاتىنا ۇشىرادى.
باس شۋجي شي جينپيڭ بىلاي دەپ باسا دارىپتەدى: قازىر ٴدال تاسقىن مەزگىلى، شۇعىل جاعدايعا توتەپ بەرۋ بويىنشا كەزەكشىلىكتى كۇشەيتىپ، تاسقىننان ساقتانۋ، اپاتتان قۇتقارۋ قىزمەتىن تىڭعىلىقتى ىستەپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن شىنايى قورعاۋ كەرەك.
مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى سول كۇنى اۋا رايى، سۋ يگىلىگى، جاراتىلىستىق بايلىق سياقتى تاراۋلاردى جانە حۋبەي، چۇڭچيڭ، شانشي سياقتى ٴتۇيىندى ولكەلەردى ۇيىمداستىرىپ، 5 ـ ايدىڭ 23 ـ كۇنىنەن 27 ـ كۇنىنە دەيىن جاڭا كەزەكتى قاتتى جاڭبىر بارىسىنىڭ دامۋ بەتالىسىن اقىلداسىپ تۇجىرىمداپ، ٴتۇيىندى رايونداردىڭ تاسقىننان ساقتانۋ قىزمەتىن ورنالاستىردى. 5 ـ ايدىڭ 23 ـ كۇنى مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى حۋبەي، چۇڭچيڭدە تاسقىننان ساقتانۋ 4 ـ دارەجەلى شۇعىل جاعدايعا توتەپ بەرۋ اتتانىسىن ىسكە قوسىپ، حۋناندا تاسقىننان ساقتانۋ 4 ـ دارەجەلى شۇعىل جاعدايعا توتەپ بەرۋ اتتانىسىن ۇزدىكسىز ساقتادى. مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى كەڭسەسى حۋبەيگە قىزمەت گرۋپپاسىن جىبەرىپ، تاسقىننان ساقتانۋ قىزمەتىنە كومەكتەسىپ جەتەكشىلىك ەتتى.
”جي ـ ان جياڭشيدىڭ تاسقىننان ساقتانۋداعى ٴتۇيىندى ٴوڭىرى رەتىندە، جاۋىن ـ شاشىن، سۋ جاعدايىن ۇزدىكسىز اقىلداسۋدى، تۇجىرىمداۋدى كۇشەيتىپ، اپات الدىندا ’شاقىرۋ‘ مەحانيزمىن قاتاڭ اتقارىپ، شارلاۋ، باسقارۋ ـ مەڭگەرۋدى جيىلەتەدى“. جياڭشي ولكەسى جي ـ ان قالالىق شۇعىل جاعدايعا توتەپ بەرۋدى باسقارۋ مەكەمەسىنىڭ باستىعى يان جوجوۋ بىلاي دەدى: سونىمەن بىرگە قۇتقارۋ ـ كومەكتەسۋ كۇشتەرىن، قاتەردەن قۇتقارۋ زاتتارىن جانە حابارلاسۋ جابدىقتارىن الدىن الا ورنالاستىرىپ، قاتەردەن عىلمي، حاۋىپسىز اراشالاپ، حاۋىپ ـ قاتەر جاعدايىن تەز، جوعارى ٴونىمدى ٴبىر جاقتى ەتىپ، ٴولىم ـ ٴجىتىم تۋىلماۋ، اۋىر حاۋىپ ـ قاتەر تۋىلماۋ سىندى تومەنگى شەكتى باتىل ساقتايمىز.
گۋاڭشيدىڭ شۇعىل جاعدايعا توتەپ بەرۋدى باسقارۋ تاراۋلارى ٴبىر تۇتاس جوسپارلاۋ، سايكەستىرۋ فۋنكتسياسىن تولىق ساۋلەلەندىرىپ، بۇكىل رايوننىڭ تاسقىننان ساقتانۋ ارناۋلى ٴماجىلىسىن 20 نەشە رەت ۇيىمداستىرىپ، ٴتۇيىندى اۋدان وڭىرىنە، اۋىل ـ قالاشىقتارعا 30 ميلليون 130 مىڭ كەلتە حات جولداپ، 2579 ادامدى (رەت) شۇعىل تۇردە حاۋىپتەن تاسالاندىرىپ جونەلتتى. ”كەلەسى قادامدا ٴبىز باس شۋجي شي جينپيڭنىڭ ماڭىزدى نۇسقاۋىنىڭ تالابىنا ساي، حاۋىپسىزدىك سىندى ارقاۋدى ۇزدىكسىز شيراتىپ، كومەسكى كىناراتتاردى ٴبىر ـ بىردەن ىشكەرىلەي تەكسەرىپ، باقىلاۋ ـ تەكسەرۋدى، ساقتاندىرۋدى كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتەمىز“، ـ دەدى گۋاڭشي جۋاڭزۋ اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنىڭ باستىعى جوۋ چاڭچيڭ.
حاۋىپسىزدىك − دامۋدىڭ العى شارتى، جوعارى دەڭگەيدەگى حاۋىپسىزدىك − جوعارى ساپالى دامۋدىڭ ماڭىزدى قامتاماسىزدىعى.
جەر ـ جەر، تاراۋلار باس شۋجي شي جينپيڭنىڭ ٴوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، حاۋىپسىزدىك كومەسكى كىناراتتارىن ٴبىر ـ بىردەن تەكسەرۋدى، وڭاۋدى ىشكەرىلەي ىلگەرىلەتىپ، كومەسكى كىناراتتاردى تۋ باستان، اپات تۋىلۋدان بۇرىن اناعۇرلىم زور تەبىنمەن، اناعۇرلىم ٴونىمدى شارالارمەن جويىپ، ٴوندىرىس حاۋىپسىزدىگىنىڭ حالىقتىق قورعانىس شەبىن باتىل بەكەمدەيدى.
(شينحۋا اگەنتتىگىنىڭ 5 ـ ايدىڭ 23 ـ كۇنى بەيجيڭنەن بەرگەن حابارى)
