شىنجوۋ − 23 الەم كەمەسىنىڭ عارىشكەرلەر توبى ”تيانگۇڭعا“ ءساتتى ورنالاستى
جۇڭگو عارىشكەرلەرى 8 - رەت ”الەم كەڭىستىگىندە كەزدەستى“
شينحۋا اگەنتتىگىنىڭ 5 - ايدىڭ 25 - كۇنى جيۋچۋاننان بەرگەن حابارى (تىلشىلەر لي گولي، گاۋ رۇي). شىنجوۋ − 23 الەم كەمەسىنىڭ عارىشكەرلەر توبى 5 - ايدىڭ 25 - كۇنى ”تيانگۇڭعا“ ءساتتى ورنالاسىپ، جۇڭگو عارىشكەرلەرى 8 - رەت ”الەم كەڭىستىگىندە كەزدەستى“.
جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ تانىستىرۋىنا قاراعاندا، عارىشكەرلى الەم كەمەسى مەن كەڭىستىك بەكەتىنىڭ قۇراماسى ءساتتى تۇيىلىسكەننەن كەيىن، شىنجوۋ − 23 الەم كەمەسىنىڭ عارىشكەرلەر توبى الەم كەمەسىنىڭ قايتا ورالۋ كابيناسىنان وربيتالىق كابيناعا ءساتتى كىرگەن. 5 - ايدىڭ 25 - كۇنى ساعات 5تەن 13 مينۋت وتكەندە، وربيتادا مىندەت اتقارىپ جۇرگەن شىنجوۋ − 21 الەم كەمەسىنىڭ عارىشكەرلەر توبى ”ءۇيدىڭ“ ەسىگىن اشىپ، شالعايدان كەلگەن شىنجوۋ − 23 الەم كەمەسىندەگى عارىشكەرلەردىڭ جۇڭگو كەڭىستىك بەكەتىنە كىرۋىن قارسى الدى. وسىدان كەيىن ەكى عارىشكەرلەر توبى ”وتباسىلىق سۋرەتكە“ ءتۇسىپ، وزدەرىنىڭ قامىن جەگەن بۇكىل ەل حالقىنا اماندىقتارىن جەتكىزدى.
بۇل جۇڭگونىڭ عارىش ىستەرى تاريحىنداعى 8 - رەتكى ”الەم كەڭىستىگىندە كەزدەسۋ“ ءارى ”تيانگۇڭعا“ شياڭگاڭنان كەلگەن عارىشكەرلەردىڭ تۇڭعىش رەت ورنالاسۋى.
وسىدان كەيىن ەكى عارىشكەرلەر توبى كەڭىستىك بەكەتىندە وربيتادا كەزەك اۋىستىرادى.
