مادەنيەت پەن ساياحات كورىك قوستى، ومىرشەڭ كۇش تاسقىندادى
− دەمالىس كەزىندەگى تۇتىنۋ بازارىنا ۇڭىلگەندە
5 - ايدىڭ 27 - كۇنى تۇتىنۋشىلار ءۇرىمجى شانشان وتلەتس زات ساتىپ الۋ الاڭىندا قاقتامادان ءدام تاتىپ، ادەبيەت - كوركەمونەر كونسەرتىن كورۋدە. سول كۇنى وسى زات ساتىپ الۋ الاڭىندا ”مىڭ ادامدىق قاقتاما قوناعاسى كەڭىستىكتەگى داۋاز“ نەگىزگى تاقىرىبىنداعى ءدامدى تاعامدار، حالىقتىق سالت - سانا قيمىلى وتكىزىلىپ، كوپ نەگىزدى دەمالىس، سەيىل - سەرۋەن جاعدايى قالىپتاسىپ، تۇتىنۋ ىنتاسى تاسقىندادى.
□ سۋرەتتى انار بۇلت \ شينجياڭ گازەتىنىڭ ءتىلشىسى زوۋ ي تۇسىرگەن
□ انار بۇلت \ شينجياڭ گازەتىنىڭ ءتىلشىسى حي حۇڭۋي
قۇربان ايت مەرەكەسى دەمالىسى كەزىندە شينجياڭنىڭ مادەنيەت - ساياحات، ءجۇرىس - تۇرىس، ساۋدا سارايلارىنان، ەرەن بازارلاردان زات ساتىپ الۋ، ساۋدا شەڭبەرىندەگى سەيىل - سەرۋەن سياقتى تۇتىنۋ جاعدايى جاپپاي قىزا ءتۇستى. ءار ۇلت بۇقاراسى بىرگە ساياحاتتاپ، تۋىس - تۋعان، دوس - جاراندار باس قوسىپ، مەرەكەلىك زاتتار دايىندادى، بۇكىل رايوننىڭ تۇتىنۋ بازارىنىڭ ومىرشەڭ كۇشى تاسقىنداپ، جارقىن تۇيىندەر ىركەس - تىركەس جارىققا شىقتى، ءداستۇرلى تۇتىنۋدىڭ ساپاسى ءوسىپ دارەجەسى جوعارىلاپ، جاڭاشا تۇتىنۋدىڭ كولەمى كەڭەيىپ، ساپاسى ءوسىپ، بازار كومەسكى كۇشى ۇزدىكسىز جارىققا شىقتى.
5 - ايدىڭ 28 - كۇنى تاڭەرتەڭ ءۇرىمجى قالاسىنىڭ تۇرعىنى جاڭ پانپان تۋىس - تۋعان، دوس - جاراندارىن ەرتىپ شۇيموگوۋ رايونى شىرىنگوۋ حۇڭۋان يىڭحى ەكولوگيالىق ەگىس الاڭىنا بارىپ سەيىل - سەرۋەن قۇرىپ، تۇزدە تۇنەدى. جەمىس - جيدەك، كوكونىس تەردى، دالادا قاقتاما قاقتادى، بالا - شاعاسىمەن بىرگە ساياحاتتادى... ءبىر بەكەتتىك قالا ماڭى سەيىل - سەرۋەن كەشىرمەلەرى ونىڭ دەمالىسىن كوڭىلدى دە ءماندى ەتتى. ”بالامەن بىرگە تابيعات قۇشاعىندا بولدىق، سونىمەن بىرگە دوستارىمىزبەن ەمىن - ەركىن باس قوستىق، دەمالىسىمىز وتە ءماندى ءوتتى“. جاڭ پانپاننىڭ ساياحات كەشىرمەسى ءۇرىمجى قالاسىنىڭ توڭىرەگىندەگى ىشكەرىلەي ساياحاتتىڭ ۇزدىكسىز قىزا تۇسكەندىگىنىڭ ىقشام كورىنىسى.
وسى دەمالىستا بۇكىل شينجياڭنىڭ مادەنيەت - ساياحات بازارى ەرەكشە دۋماندى بولدى، قىسقا ارالىقتى شاعىن دەمالىس پەن ۇزاق جەلىلى ساپالى ساياحات قوس باعىتتا كۇش سالىپ، تەڭ قادامدا قىزدى. مەيتۋان تۇعىرىنىڭ ساندى مالىمەتىندە كورسەتىلۋىنشە، 5 - ايدىڭ 27 - كۇنىنەن 31 - كۇنىنە دەيىن شينجياڭنىڭ مادەنيەت - ساياحات ونىمدەرىنە تاپسىرىس بەرۋ مولشەرى سايكەس مەزگىلدەگىدەن ％104 ارتقان، قونالقىعا تاپسىرىس بەرۋ مولشەرى سايكەس مەزگىلدەگىدەن ％112 ارتقان، مۇنىڭ ىشىندە بەس جۇلدىزدى، ساۋلەتتى قوناق ۇيلەرگە تاپسىرىس بەرۋ مولشەرىنىڭ ارتۋى ％240كە جەتىپ، 95 - جىلدان كەيىن تۋعان قاۋىم دەمالىس كەزىندەگى مادەنيەت - ساياحات تۇتىنۋىنىڭ نەگىزگى كۇشىنە اينالعان.
مەيتۋاننىڭ ساندى مالىمەتىندە كورسەتىلۋىنشە، جالپى ساياحاتشىلار قۇرىلىمىندا شامامەن 70 پايىزى ساياحاتقا شىققان شينجياڭنىڭ جەرگىلىكتى تۇرعىندارى بولىپ، كوپشىلىك جالاڭ نىسانالى جەر توڭىرەگىندە ىشكەرىلەي ساياحاتتاۋدى ءتىپتى دە ۇناتادى ەكەن. ىلە قازاق اۆتونوميالى وبلىسى، بايىنعولين موڭعۇل اۆتونوميالى وبلىسى، قاشقار ايماعى، التاي ايماعى بۇكىل شينجياڭداعى ساياحات القاۋلى جەرىنە اينالدى، سايرام كولى، قاناس، قوم سياقتى كلاسسيىك كورىنىس وڭىرلەرىندە ساياحاتشىلار اعىنى الدىڭعى قاتاردى تۇراقتى يەلەدى، جەرگىلىكتى ساياحاتشىلار ەلىتۋ ۇلگىسىندەگى، سەزىنۋ ۇلگىسىندەگى توڭىرەكتىك سەيىل - سەرۋەن ساياحاتىن ءتىپتى دە ۇناتادى.
دەمالىس كەزىندە 2026 - جىلعى ”تىلەكتەستىك ساۋىتى“ شينجياڭ فۋتبول ەرەن بىرلەسكەن جارىسى دابىرالى وتكىزىلۋدە. شينجياڭ فۋتبول ەرەن بىرلەسكەن جارىسىندا ”جارىس تاماشالاۋ + جاتاقحانا“ سىندى جاڭاشا تۇتىنۋ ۇلگىسى جارىققا شىعىپ، اقسۋ ايماعىنداعى قوناق ۇيلەرگە، حالىقتىق تۇسەلحانالارعا الدىن الا تاپسىرىس بەرۋ مولشەرى سايكەس مەزگىلدەگىدەن ％20كە جۋىق ارتتى. بۇكىل رايونىمىزدا 7 جانە ودان تومەن ورىندىقتى شاعىن جولاۋشىلار اۆتوكولىگىنىڭ مەرەكە دەمالىسىندا تاس جولدا اقىسىز قاتىناۋى سىندى حالىققا تيىمدىلىك جاساۋ ساياساتى قاباتتاسىپ، بۇقارانىڭ ءوز كولىگىمەن ساياحاتتاۋ تىلەگى كۇشەيىپ، تۇتاس وڭىردەگى مادەنيەت - ساياحات ساپارىنىڭ ورلەۋى ۇزدىكسىز جوعارىلادى.
مادەنيەت - ساياحات بازارى ءۇرتىس جاندانۋمەن بىرگە، اس - سۋ تۇتىنۋى قىزۋ ورلەۋگە كوتەرىلدى، جەر - جەردەگى ءتۇيىندى اس - سۋ دۇكەندەرىندە قاريدار زور مولشەردە ارتىپ، تۇتىنۋ بەينەسى كۇشەيدى.
5 - ايدىڭ 28 - كۇنى تۇستە ءۇرىمجى CCMALL ءداۋىر الاڭىنداعى حايديلاۋ دۇكەنىندە ينە شانشار جەر قالمادى. دۇكەننىڭ ديرەكتورى رۋان جىچياڭ بىلاي دەپ تانىستىردى: دەمالىستىڭ العاشقى كۇنى دۇكەن 1600دەن استام (رەت) قاريدار قابىلدادى، قاريدارلاردىڭ سوڭى تاڭعى ساعات 3كە دەيىن ورىن كۇتتى، سىرتقا جونەلتىلگەن تاپسىرىس 550دەن اسىپ، جەلىدە، جەلىدەن تىس تۇتىنۋ بىردەي جاقساردى.
شينجياڭداعى ءىرى ساۋدا شەڭبەرلەرى دە ساپالى بايلىقتى بەلسەنە بىرىكتىرىپ، تۇتىنۋ جاعدايىندا جاڭالىق اشىپ، كوپ ءتۇرلى كاسىپ كۇيى، كوپ ءتۇرلى قيمىل قاباتتاسا كۇش سالىپ، ساۋدا شەڭبەرىنىڭ دىر - دۋمانعا شومۋىنا ۇزدىكسىز دەم بەرىپ، اس - سۋ، بولشەك ساتۋ تۇتىنۋى ورلەۋىن ءونىمدى جەبەپ، قالانىڭ دەمالىس كۇنى ەكونوميكاسىنا قوزعالىس قۋات قوستى. ءۇرىمجى دوستىق ساۋدا سارايى، شانشان وتلەتس زات ساتىپ الۋ الاڭى سياقتى ءىرى ساۋدا شەڭبەرلەرى الما - كەزەك بەلگىلى سانعا تولعاندا ارزانداتۋ، حالىقتىق سالت - سانا كورمەلىك قويىلىمى، نەگىزگى تاقىرىپتىق مۋزيكا فەستيۆالى، جىل ورتاسىنداعى ساتۋدى جەبەۋ سياقتى جەلىلەس قيمىلداردى ورىستەتتى، بۇل تۇتاس ءونىم تۇرىندەگى تۇتىنۋ قاجەتىن قامتىدى.
”دەمالىستىڭ العاشقى كۇنى ساۋدا سارايىنداعى قاريدار مولشەرى، ساتىلىم سوماسى سايكەس مەزگىلدەگىدەن تۇگەلدەي ％5 ارتتى“. ءۇرىمجى تيانشان ۋانكى الاڭىنىڭ بازاردا جالپىلاستىرۋ جاۋاپتىسى ياڭ ليۋ بىلاي دەپ تانىستىردى: دەمالىس كەزىندە ساۋدا سارايى نازاردى حالىقتىق سالت - سانانى سەزىنۋ، ەرەكشەلىككە يە اس - سۋ، سەيىل - سەرۋەن بازارى سياقتى كوپ نەگىزدى كاسىپ كۇيىنە شوعىرلاندىرىپ، ەلىتۋ ۇلگىسىندەگى مادەنيەت - ساياحات تۇتىنۋىنىڭ جاڭا جاعدايىن قالىپتاستىردى. ساۋدا سارايلارى شينجياڭنىڭ تۇڭعىش كەزەكتى گامبۋرگ مەرەكەسىن وتكىزدى، شىت جاڭا كوشپەندى مالشىلار كوشە اۋماعى سىرتقا رەسمي اشىلدى، بايىرعى ادىسپەن كيىز باسۋ، ۇلتتىق مۋزيكا اسپاپتارى كورمەلىك قويىلىمى سياقتى بەيزاتتىق مۇرا نىساندارى تارتىمدى قويىلىپ، ءداستۇرلى حالىقتىق سالت - سانا مادەنيەتى مەن قالا اعىمىنداعى تىرشىلىك تىنىسى ىشكەرىلەي توعىسىپ، كوپتەگەن تۇتىنۋشىلاردى وزىنە باۋرادى.
دەمالىس كەزىندە بۇكىل شينجياڭنىڭ جەر - جەرىندە مەرەكەلىك زات ساتىپ الۋ جاعدايى كۇشەيدى، حالىق تۇرمىسى تۇتىنۋ بازارىنىڭ زات قاينارى جەتكىلىكتى، قامداۋ - ساتۋ كۇسەت، ءتارتىپتى بولىپ، مەرەكەلىك تۇتىنۋدىڭ ومىرشەڭ كۇشى تولىق جارىققا شىعارىلدى.
قاشقار قالاسىنىڭ كوشە - كوشەلەرى قويۋ مەرەكەلىك تۇسكە ەندى، قاشقار قالاسى ازاتتىق سولتۇستىك جولىنداعى قۇرعاق جەمىس بازارىنىڭ ساۋداسى كۇسەت بولىپ، مەيىز، بادام سياقتى ەرەكشەلىككە يە قۇرعاق جەمىستەردىڭ ساتىلۋ مولشەرى جايشىلىقتاعىدان 2 ەسەدەن استام ارتتى. ساۋداگەر ماحمۇت يالقۇن دەمالىس كەزىندە دۇكەندە الارمانداردىڭ اياعى ۇزىلمەي، زاتتاردىڭ ساتىلۋ مولشەرى زور دارەجەدە جوعارىلاپ، ساۋدا كۇسەت بولعاندىعىن ايتتى.
