5 - ايدىڭ 26 - كۇنى التاي كومانداسىنىڭ دوپشىلارى التاي قالالىق 2 - ورتا مەكتەپتىڭ دەنە تاربيە الاڭىندا جارىس الدىنداعى ۇيلەسۋ جاتتىعۋىن جاساپ، 5 - ايدىڭ 30 - كۇنى باستالاتىن نەگىزگى الاڭ ايقاسىنا بار كۇشپەن دايىندالۋدا، وسى رەتكى جارىستا ولار ىلە كومانداسىمەن بەلدەسەدى.
□ سۋرەتتى جاۋ چياۋ تۇسىرگەن
□ انار بۇلت \ شينجياڭ گازەتىنىڭ ءتىلشىسى ءمۇزاپپار مۇقپۇل
قۇربان ايت دەمالىسىندا شينجياڭنىڭ جەر - جەرىندە ساياحاتقا شىعۋ جاعدايى كۇشەيىپ، ادام كوپ بولدى. سونىمەن بىرگە 2026 - جىلعى ”تىلەكتەستىك ساۋىتى“ شينجياڭ فۋتبول ەرەن بىرلەسكەن جارىسىنىڭ 3 - اينالىم جارىسى باستالۋ الدىندا تۇر. بۇكىل شينجياڭدى قامتىعان، ءار ۇلت بۇقاراسى ۇناتقان وسى فۋتبول بىرلەسكەن جارىسى جارىس الاڭىنان اسىپ، شينجياڭنىڭ مادەنيەت - ساياحات تۇتىنۋىن جانداندىرۋدىڭ جاڭا قوزعالتقىشىنا اينالدى.
جەلىدەن تىس تۇتىنۋدىڭ جاندانۋىنا دەم بەردى
شينجياڭ فۋتبول ەرەن بىرلەسكەن جارىسىنىڭ قىزۋى ەسىك بەلەتىنىڭ تەز ساتىلۋى مەن قوناق ۇيلەردەن ءبىر بولمە تابۋدىڭ قيىن بولۋىنان تىكە بەينەلەنەدى. باستالۋ سالتى مەن باستالۋ جارىسى بولعان كۇنى كەشتە 30 مىڭنان استام كورەرمەن ءۇرىمجى وليمپيادا دەنە تاربيە ورتالىعىنا جينالدى، تۇڭعىش اينالىمداعى جارىس 58 مىڭ ادامدى (رەت) سول جەردە جارىستى تاماشالاۋعا باۋرادى. ”وتە دۋماندى بولدى! مەن باستالۋ جارىسىنىڭ ەسىك بەلەتىن الۋ ءۇشىن ەرتەدەن ينتەرنەتتە تاپسىرىس بەرىپ قويسام دا ماعان بەلەت تيمەدى“، - دەدى ۇرىمجىلىك فۋتبول جانكۇيەرى ەركىن ادىل كۇرسىنە.
جارىس سەبەبىنەن تۋعان وراسان زور جولاۋشىلار اعىنى جەر - جەردىڭ جاتاق بازارىن تىكەلەي جانداندىردى. جارىستىڭ الدى - ارتىنداعى 3 كۇندە سانجى قالاسىنداعى جينجياڭ دۋچىڭ، شيلۇڭ وۋتاي، لىتۋيۇن سياقتى كوپتەگەن قوناق ۇيلەردە بوس بولمە قالمادى. قۇلجا قالاسى شۋدۋ ساۋدا ىستەرى قوناق ءۇيىنىڭ جاۋاپتىسى جاۋ مىڭ تانىستىرىپ بىلاي دەدى: ”قوناق ۇيدە جيىنى 100 بولمە بار، كۇندەلىكتى قونالقى مولشەرى ％40 − 30 ارالىعىندا بولعانىمەن، شينجياڭ فۋتبول ەرەن بىرلەسكەن جارىسى 2 - اينالىمىنىڭ ىلەدەگى نەگىزگى الاڭ جارىسى وتكەن كۇنى بولمەلەر لىق تولىپ، ءبىر بولمەنىڭ ءوزىن تابۋ قيىنعا سوقتى“.
جارىس ارقىلى ادام جيناپ، جارىس ارقىلى كاسىپتى گۇلدەندىردى. شينجياڭ فۋتبول ەرەن بىرلەسكەن جارىسى جوعارى تانىمالدىلىعى ارقىلى وراسان زور قاريدارلار اعىنىن توپتاپ، جارىس الاڭىنىڭ توڭىرەگىندەگى جاتاق جانە مادەنيەت - ساياحات تۇتىنۋ بازارىن ءونىمدى تۇردە جانداندىرىپ، جارىستىڭ اعىن مولشەرىن شوعىرلاندىرۋ كۇشى مەن پارمەندى ەكونوميكالىق قوزعاۋشىلىق كۇشىن تولىق ايگىلەدى.
جارىس ”اعىن مولشەرى“ مادەنيەت - ساياحات ”ارتۋ مولشەرىنە“ اينالدى
”فۋتبول جارىسىن كورۋ، اسىرەسە، سانجىنى ساياحاتتاۋ كەرەك“. سانجى حۇيزۋ اۆتونوميالى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى ساياحاتتى جالپىلاستىرۋ ءبولىمىنىڭ باستىعى جيا جين بىلاي دەدى: جارىستى تاماشالاۋشىلاردى الىپ قالۋ ءۇشىن، سانجى وبلىسى ەكولوگيانى تاماشالاۋ، قىزىل زەرتتەپ ۇيرەنۋ، حالىقتىق سالت - سانانى سەزىنۋ، ءدامدى تاعامداردى ىزدەۋ سىندى 4 ۇلكەن تاقىرىپتى ارقاۋ ەتىپ، 16 تاڭداۋلى جەلىنى دەن قويا قالىپتاستىردى. ”بارلىق جەلى سانجى دەنە تاربيە الاڭىنداعى، شىحىزى قالالىق دەنە تاربيە الاڭىنداعى باستالۋ تۇيىنىنەن باستالىپ، ءبىر كۇندىك ساياحات، 2 كۇندىك ساياحات سىندى ەكى ءتۇرلى تاڭداۋ ورنالاستىرىلىپ، ساياحاتشىلاردىڭ جارىستى تاماشالاۋدىڭ الدى - ارتىندا سانجىنىڭ جاراتىلىستىق كورىنىسىن، قىزىل ەستەلىكتەرىن، حالىقتىق سالت - سانا مادەنيەتىن جانە ەرەكشە ءدامدى تاعامدارىن ىشكەرىلەي سەزىنۋىنە قولايلىلىق جاسالىپ، جارىستى تاماشالاۋدىڭ ’اعىن مولشەرى‘ شىن مانىندە قالدىرىلىپ، سانجىنىڭ مادەنيەت ساياحاتىنىڭ ’قالۋ مولشەرىنە‘ اينالدىرىلدى“.
جارىس كەزىندە ءارقايسى جارىس اۋماعىنداعى مادەنيەت - ساياحات بازارىنىڭ ومىرشەڭ كۇشى كورنەكتى ارتتى. شينجياڭ فۋتبول ەرەن بىرلەسكەن جارىسىنىڭ باستالۋ سالتى ءۇرىمجى قالاسىنىڭ 19 ميلليون 860 مىڭ يۋان تۇتىنۋىن جەبەدى، تۇڭعىش كەزەكتى شينجياڭ فۋتبول ەرەن بىرلەسكەن جارىسى كەزىندە ءۇرىمجى قالاسىندا ساياحاتشى مولشەرى سايكەس مەزگىلدەگىدەن ％3. 7 ارتتى.
جارىستىڭ ادامدار لەگىن شوعىرلاندىرۋعا، قونالقى ورىن جانە جارىس تاماشالاۋ تۇتىنۋىنا پارمەندى قوزعاۋشىلىق ەتۋىمەن تۇرپان جارىس اۋماعى جارىس كەزىندە بۇكىل قالاداعى كورىنىس وڭىرلەرى، كورىنىس تۇيىندەرى 200 مىڭ ساياحاتشى (رەت) قابىلداپ، سايكەس مەزگىلدەگىدەن ％45. 17 ارتتى؛ جالپى كىرىس 11 ميلليون 537 مىڭ 400 يۋان بولىپ، سايكەس مەزگىلدەگىدەن ％96. 239 ارتتى. كارىز حالىقتىق سالت - سانا باقشاسى، ايدىنكول، قۇمتاع ءشولى سياقتى كورىنىس وڭىرلەرىندەگى ساياحاتشىلار سانىنىڭ ارتۋ قارقىنى ”1 - مامىر“ دەمالىسىنداعى ساياحاتشىلاردىڭ ارتۋ قارقىنىمەن قارايلاس بولدى.
كوپ ءتۇيىندى ورنالاستىرۋ شارپۋ اسەرىن كەڭەيتتى
شينجياڭ فۋتبول ەرەن بىرلەسكەن جارىسىندا 14 نەگىزگى الاڭ عانا بولعانىمەن، جەر - جەر جارىس الاڭىمەن عانا ”شەكتەلىپ“ قالعان جوق. نەگىزگى الاڭنىڭ ورنى شەكتى، جارىستى تاماشالاۋدىڭ قولايسىز بولۋىنداعى وكىنىشتىڭ ورنىن تولتىرۋ ءۇشىن، كوپ جەر وي جۇگىرتىپ ءادىس قاراستىردى − ساۋدا شەڭبەرىندە، الاڭدا، كورىنىس وڭىرىندە ۇلكەن ەكران ورناتىپ، دىبىس ۇلعايتقىشپەن جابدىقتاپ، ”الاڭ سىرتىنداعى جارىس تاماشالاۋ ءتۇيىنىن“ تۇلعالاپ، فۋتبول الاڭىنا كىرە الماعان قالا تۇرعىندارى مەن ساياحاتشىلاردىڭ دا دۋماندى كوشەلەردە، كوركەم كورىنىس وڭىرلەرىندە بىرگە جارىس تاماشالاۋىنا، بىرگە شاتتانۋىنا مۇمكىندىك جاسادى.
تۇرپان قالالىق مادەنيەت جاسامپازدىعى ورتالىعىنىڭ مەڭگەرۋشىسى شا ۋي مىنانى ءبىلدىردى: تۇرپان ”ءبىر نەگىزگى جارىس الاڭى + 21 بىرلەسپە جارىس تاماشالاۋ ءتۇيىنى“ سىندى جالپى ءوڭىر شوعىرىن قۇرىپ، توڭىرەكتەگى اس - سۋ، بولشەك ساتۋ تۇتىنۋىنىڭ بىلتىرعى سول تۇستاعىدان ％20 اسۋىنا تىكەلەي قوزعاۋشىلىق ەتتى. قاشقار ايماعى يوپۇرعا اۋدانىنداعى 2 دالادا جارىس تاماشالاۋ ءتۇيىنى 2300دەن استام بۇقارانى جارىستى تاماشالاۋعا باۋراپ، ادام اعىنىن ءونىمدى شوعىرلاندىرىپ، كوشە اۋماعىنىڭ تۇتىنۋ ومىرشەڭ كۇشىن جانداندىردى.
5 - ايدىڭ 23 - كۇنى كەشتە قۇلجا قالاسىنداعى التىشۋار ەرەكشە دۋمانعا بولەندى، سىرت جەرلەردەن كەلگەن كوپتەگەن ساياحاتشىلار جارىس الاڭىنىڭ سىرتىندا شينجياڭ فۋتبولىنىڭ تارتىمدىلىعىن سەزىندى. چىڭدۋدان كەلگەن ليۋ شياۋيىن دە ايەلى مەن ۇلىن ەرتىپ ۇلكەن ەكراننىڭ الدىندا جارىستى تاماشالادى، ”قازانشىعا ساياحاتتاي كەلگەنىمىزدە ءدال شينجياڭ فۋتبول ەرەن بىرلەسكەن جارىسى تىكە تاراتىلىپ جاتىر ەكەن، باسقا جەردىڭ كوشەلەرىندە دوپ جارىسىن كوردىك، وزگەشە ءلاززات الدىق“، - دەدى ول.
دۋماندى جارىس تاماشالاۋ رايىنىڭ جەبەۋىمەن، جەر - جەر جاعدايعا قاراي جارىستىڭ سايكەستى ەكونوميكاسىن جانداندىردى. سانجى كومانداسىنىڭ نەگىزگى جارىس الاڭىنان سىرت، بەيزاتتىق مادەنيەت مۇرالارى كورمەسى، ەرەكشەلىككە يە جەڭىل تاعامدار، مادەنيەت جاسامپازدىعى ونىمدەرى سياقتى 36 جايما ورنى تولىپ كەتتى. جارىستىڭ الدى - ارتىندا جايما ورنىنىڭ الدىندا كورەرمەندەر لىق تولىپ، فۋتبول جارىسىن كورۋ، سەيىلدەۋ، زات ساتىپ الۋ ءبىر جەردە تۇگەل ورىندالىپ، فۋتبول الاڭىنداعى دۋمان كوشەدەگى تۇتىنۋدىڭ قىزۋ ورلەۋىنە اينالدى.
شينجياڭ فۋتبول ەرەن بىرلەسكەن جارىسىنىڭ 3 - اينالىمى باستالۋ الدىندا تۇر، مۇنداي دۋماندى كورىنىس بۇكىل شينجياڭدا جالعاسادى. جارىس قاي جەردە بولسا، ادام دا سول جەرگە جەتەدى. وسى فۋتبول سالتاناتى ءوزى اكەلگەن ادامدار اعىنى ارقىلى تۇتاس شينجياڭنىڭ مادەنيەت، ساياحات تۇتىنۋ بازارىن جانداندىرۋدا.
