كىشى لاڭگار قىستاعىنداعىلار باقىتقا شومىپ، سۋرەتكە ءتۇسىپ ەستەلىك قالدىردى
□ انار بۇلت \ شينجياڭ گازەتىنىڭ ءتىلشىسى دۋ جيانحۇي، ەرىكتى ءتىلشى سۇن شىحان
”اعاي، ءسال قىرىنداڭىز، اپاي، ءوزىڭىزدى ەركىن ۇستاپ، كۇلىمسىرەڭىز، وتە رۋحتى كورىندىڭىزدەر“! 5 - ايدىڭ 27 - كۇنى كورلا قالاسى اۋات اۋىلى كىشى لاڭگار قىستاعىنىڭ تۇرعىنى كەرىم ابىلەزدىڭ ءۇيى دىر - دۋمانعا شومدى، كورلا قالالىق پارتكوم ۇگىت ءبولىمىنىڭ كىشى لاڭگار قىستاعىندا تۇراتىن قىزمەت اترەتىنىڭ مۇشەسى ليۋ لين سابىرلىلىقپەن قارتتاردىڭ بەينەسىن تۇزەپ، قىزىقتى سوزدەرمەن ولاردى كوڭىلدەندىرىپ، اپپارات وسى تاماشا ساتتەردى ەستەلىككە الدى.
وسى دەمالىستا كوپشىلىكتىڭ اۋىلىنا قايتىپ ۇيدەگىلەرىمەن باس قوسۋىنان پايدالانىپ، قىستاقتا تۇراتىن قىزمەت اترەتىنىڭ مۇشەلەرى اپپاراتتارىن، مەرەكەلىك كيىمدەر مەن گۇلدەردى الىپ، قىستاق تۇرعىندارىنىڭ ۇيىنە بارىپ ولاردى ەستەلىك سۋرەت، وتباسىلىق سۋرەت سياقتى سۋرەتتەرگە تەگىن ءتۇسىردى.
كەرىم مەن ونىڭ جۇبايى 42 جىل بىرگە ءۇي ۇستادى، بۇرىن وتباسىنىڭ شارت - جاعدايى جار بەرمەگەندىكتەن، توي جاساعان كەزدە تويلىق سۋرەتكە تۇسە الماعان، بۇل ولارعا ءبىر وكىنىش بولىپ قالعان ەدى. ”بۇرىن شارت - جاعداي جوق ەدى، كەيىن اقشا تاۋىپ بالا - شاعامدى باعام دەپ قاربالاستانىپ ءجۇرىپ تويلىق سۋرەتتى تولىقتاپ تۇسۋگە دە مۇرسامىز تيمەدى، بۇگىن قىزمەت اترەتى مەنىڭ ارمانىمدى ورىندادى، شىنىندا، وتە اسەرلەنىپ تۇرمىن“، - دەدى سۋرەتكە ءتۇسىپ بولعاننان كەيىن كەرىم قۋانا.
قىستاق تۇرعىنى رىزۋانگۇل ابدىرەيىمنىڭ اۋلاسىنا دا ادامدار لىق تولدى.
”جايشىلىقتا ۇيدەگىلەر ءوز جۇمىستارىمەن قاربالاستانىپ، باسىمىز تولىق قوسىلمايتىن ەدى، وتباسىلىق سۋرەتكە ءتۇسۋدىڭ وراتى دا كەلمەي جۇرگەن. بۇگىن ءبارىمىز تۇگەل كەزدە قىزمەت اترەتىندەگىلەر دە بىلگەندەي ۇيگە سۋرەتكە تۇسىرۋگە كەلىپتى، سونىمەن وتباسىلىق سۋرەتكە اقىرى ءتۇسىپ الدىق“، - دەدى رىزۋانگۇل قۋانىپ.
رىزۋانگۇلدىڭ قىزى ءسۇراييا ازەز دە قاتتى اسەرلەندى: ”قىزمەت اترەتى تۇسىرگەن ءبىزدىڭ وتباسىلىق سۋرەت ءبارىمىزدىڭ باس قوسقان ءساتىمىز عانا ەمەس، قويۋ سۇيىسپەنشىلىك پەن ەڭ باعالى ەستەمە سانالادى. قىزمەت اترەتىنىڭ بۇل قيمىلى وتە جاقسى بولدى، كوپشىلىكتى مەيىرگە بولەدى“.
قىستاق تۇرعىنى ابدۇعيني ابلا كورشىسى يۇي جاۋحۇيمەن 15 جىل ءوزارا قارايلاسىپ، تەرەڭ كورشىلىك سۇيىسپەنشىلىك ورناتقان. سول كۇنى ەكى ءۇيلى جان بىرگە توپتىق سۋرەتكە ءتۇستى.
”ءبىز 10 نەشە جىل كورشى بولدىق، بىرگە تۋىسقانداي ەتەنە بولىپ كەتتىك، كىمنىڭ ۇيىندە قيىنشىلىق بولسا ىرىقتىلىقپەن قول ۇشىن بەرەمىز، مەرەكە - مەيرامداردا ءبىر - بىرىمىزگە قۇتتى بولسىن ايتىپ، باس قوسىپ تۇرامىز. مىنا توپتىق سۋرەتتى قاتتى ۇناتتىم“، - دەدى ابدۇعيني. ىقىلاسقا تولى توپتىق سۋرەت ەكى وتباسىنىڭ شىنايى ءارى تەرەڭ سۇيىسپەنشىلىگىنىڭ ايعاعى، ءارى ءار ۇلت قىستاق تۇرعىندارىنىڭ تاتۋ - ءتاتتى جاراسىمدىلىعىنىڭ، ءوزارا قارايلاسۋىنىڭ جاندى بەينەسى.
قىستاق تۇرعىنى حاينيساحان اسىم وتباسىلىق سۋرەتكە ءتۇسىپ بولعاننان كەيىن قىستاقتا تۇراتىن قىزمەت اترەتىندەگىلەرمەن دە بىرگە سۋرەتكە ءتۇستى. ”بىرنەشە جىلدىڭ الدىندا وتباسىمىزدىڭ كىرىسى تۇراقتى ەمەس ەدى، قىستاقتا تۇراتىن قىزمەت اترەتىنىڭ كومەگىندە تۇرمىسىمىز بارعان سايىن جاقساردى. بۇل توپتىق سۋرەتتى جاقسىلاپ ساقتايمىن، قىزمەت اترەتىنىڭ ىستەرىن بالالارىما اڭگىمەلەپ بەرىپ، ولارعا العىس ايتۋدى ۇيرەتەمىن“، - دەدى حاينيساحان.
الاقانداي سۋرەت تۋىسقاندىق سۇيىسپەنشىلىكتى، كورشىلەر ارا سۇيىسپەنشىلىكتى، كادرلار مەن بۇقارانىڭ سۇيىسپەنشىلىگىن ارقالاپ، جۇرت تىلەگىن ونان ارى ۇيىستىردى. كورلا قالالىق پارتكوم ۇگىت ءبولىمىنىڭ كىشى لاڭگار قىستاعىندا تۇراتىن ءبىرىنشى شۋجيى، قىزمەت اترەتىنىڭ باستىعى سۇڭ جىمين بىلاي دەدى: ”بۇل جولعى الەۋمەتتىك يگىلىك سيپاتتى سۋرەتكە تارتۋ قيمىلى قىستاق تۇرعىندارىنىڭ وكىنىشىنىڭ ورنىن تولىقتاپ، وتباسى مەيىرىمىن ەستەلىك ەتىپ قالدىرۋمەن بىرگە، تاماشا وتباسى سالتىن دا نارلەندىرىپ، كادرلار مەن بۇقارانىڭ اراسىن جاقىنداتتى. ءبىز الداعى جەردە وسىنداي قيمىلداردى كوپتەپ وتكىزىپ، ءار ۇلت قىستاق تۇرعىندارىنىڭ ارالاسۋىن، ىشتەسۋىن، توعىسۋىن جەبەيمىز“.
