شينحۋا اگەنتتىگىنىڭ 5 - ايدىڭ 30 - كۇنى بەيجيڭنەن بەرگەن حابارى (ءتىلشى ۋىن جيڭحۋا). 5 - ايدىڭ 30 - كۇنى 2026 - جىلعى مەملەكەتتىك عىلىم - تەحنولوگيا قىزمەتكەرلەرى كۇنى نەگىزگى الاڭ قيمىلى جانە 4 - كەزەكتى مەملەكەتتىك جاڭالىق اشۋ، ۇزدىك بولۋعا تالپىنۋ سيلىعى بويىنشا ماداقتاۋ - سيلاۋ جينالىسى بەيجيڭدە وتكىزىلدى. جينالىس 4 - كەزەكتى مەملەكەتتىك جاڭالىق اشۋ، ۇزدىك بولۋعا تالپىنۋ سيلىعى بويىنشا ماداقتاۋ - سيلاۋ قاۋلىسىن وقىدى ءارى سيلانعاندارعا سيلىق تاراتتى، 291 عىلىم - تەحنولوگيا قىزمەتكەرى جانە 9 ۇجىم سيلىق الدى.
مۇنىڭ ىشىندە سۇڭلياۋ ويپاتى حالىقارالىق ۇلى قۇرلىق عىلمي بۇرعىلاپ بارلاۋ ينجەنەرياسى جاڭالىق اشۋ كوللەكتيۆى سياقتى 9 ۇجىم 4 - كەزەكتى مەملەكەتتىك جاڭالىق اشۋ، ۇزدىك بولۋعا تالپىنۋ مەدالىن الدى؛ نانجيڭ ينفورماتسيا ينجەنەريا داشۋەسىندەگى ۋاڭ حۇيجۇن قاتارلى 29 ادام 4 - كەزەكتى مەملەكەتتىك جاڭالىق اشۋ، ۇزدىك بولۋعا تالپىنۋ مەدالىن الدى ءارى ولكە، مينيسترلىك دارەجەلى ماداقتاۋ - سيلاۋ سيلىعىنىڭ يەگەرلەرى مامىلەسىنەن يگىلىكتەندى؛ شاڭحاي قاتىناس داشۋەسى مەديتسينا شۋەيۋانىنا قاراستى رىنجي شيپاحاناسىنداعى بۋ جۇن قاتارلى 262 ادام 4 - كەزەكتى مەملەكەتتىك جاڭالىق اشۋ، ۇزدىك بولۋعا تالپىنۋ سيلىعىن الدى.
جۇڭگو عىلىم - تەحنولوگيا قوعامىنىڭ ءتوراعاسى ۋان گاڭ ارناۋ سوزىندە قالىڭ عىلىم - تەحنولوگيا قىزمەتكەرلەرىن ورايدى يگەرىپ، سىن - سايىستاردى قارسى الىپ، عىلىم - تەحنولوگيادا قۋاتتى ەل قۇرۋ بورىشى مەن اۋىر مىندەتىن ارقالاپ، جاڭالىق اشۋدىڭ ”جان باسپاعان وڭىرىنە“ ەرلىكپەن اتوي سالىپ، ”0دەن 1گە دەيىنگى“ قامال الۋ جانە ”10 جىلدا قىلشىلداعان سەمسەر دايىنداۋ“ جەتىستىگى ارقىلى دۇنيە جۇزىنە جۇڭگونىڭ عىلىم - تەحنولوگيا سالاسىنىڭ ءوز كۇشىنە سۇيەنىپ ءوزىن الۋەتتەندىرەتىن، بولاشاققا جەتەكشىلىك ەتەتىن اسقاق جىگەرى مەن قابىلەتىن ايگىلەۋگە شابىتتاندىردى.
قيمىل ورنىندا تاعى ”ساقا عالىمداردىڭ عىلمي جەتىلۋ ماتەريالدارىن جيناۋ ينجەنەرياسى“ بويىنشا جاڭا ءبىر توپ ماتەريالدى قويماعا ەنگىزۋ سالتى وتكىزىلىپ، ”جاس عىلىم - تەحنولوگيا دارىندىلارىن جەتىلدىرۋ ينجەنەرياسىنىڭ“ امالياتتىق جەتىستىكتەرى شوعىرلى كورسەتىلدى. سيلىق العان عىلىم - تەحنولوگيا قىزمەتكەرلەرىنىڭ ۋاكىلدەرى سول جەردە ورتاقتاسۋ نەمەسە بەينە ەكرانمەن بايلانىس جاساۋ سياقتى تاسىلدەر ارقىلى عىلمي زەرتتەۋ حيكايالارىن بايانداپ، عىلىم - تەحنولوگيا قىزمەتكەرلەرىنىڭ كەلبەتىن ايگىلەدى.
مەملەكەتتىك عىلىم - تەحنولوگيا قىزمەتكەرلەرى كۇنى قيمىلى كەزىندە جۇڭگو عالىمدار مۇراجايىنىڭ جەلىلەس كورمەسى جۇرتشىلىققا اشىق ۇستالدى، بۇلار بۇكىلدەي جاڭارتىلىپ دارەجەسى وسىرىلگەن «رەسپۋبليكانىڭ تىرەگى − جۇڭگو عالىمدار مۇراجايىندا ساقتالعان تاڭداۋلى بۇيىمدار كورمەسى»، جاڭادان جوبالانعان «جول باستاۋ · شۇعىلاعا تالپىنۋ − ءار كەزەكتى مەملەكەتتىك ەڭ جوعارى عىلىم - تەحنولوگيا سيلىعىنىڭ يەگەرلەرى ەرەكشە كورمەسى»، «ءبىر ءومىر، ءبىر ءىس، ءبىر فاڭجوۋ − ”حالىق عالىمى“ گۋ فاڭجوۋ دۇنيەگە كەلگەندىگىنىڭ 100 جىلدىعىن ەسكە ءتۇسىرۋ كورمەسى»، «يان - ان مەزگىلىندەگى پارتيا باسشىلىعىنداعى عىلىم - تەحنولوگيا قوعامدىق ۇيىمدارى ارناۋلى كورمەسى» سياقتىلاردى قامتىدى.
بيىلعى مەملەكەتتىك عىلىم - تەحنولوگيا قىزمەتكەرلەرى كۇنى جەلىلەس قيمىلىن جۇڭگو عىلىم - تەحنولوگيا قوعامى ورتالىق كوميتەتتىڭ ۇگىت بولىمىمەن، عىلىم - تەحنولوگيا مينيسترلىگىمەن بىرلەسىپ وتكىزدى، نەگىزگى تاقىرىبى − ”’15 - بەسجىلدىقتا‘ ەكپىندەي ىلگەرىلەپ، عىلىم - تەحنولوگيانىڭ جاڭا تاراۋىن جازۋ“. قيمىل كەزىندە مەملەكەتتىك عىلمي قوعامدار، جەرگىلىكتى ورىندارداعى عىلىم - تەحنولوگيا قوعامدارى، نەگىزگى ساتى ۇيىمدارى قيمىلدىڭ نەگىزگى تاقىرىبىن ارقاۋ ەتىپ، فورماسى الۋان ءتۇرلى بۇقارالىق امالياتتىق قيمىلداردى كەڭ كولەمدە ورىستەتىپ، تۇتاس قوعامدا عىلىمدى قاستەرلەيتىن، دارىندىلاردى قۇرمەتتەيتىن تاماشا راي قالىپتاستىردى.
