□ شينحۋا اگەنتتىگىنىڭ ٴتىلشىسى ۋي گۋانيۇي
”1 ـ ماۋسىم“ حالىقارالىق بالالار مەرەكەسى قارساڭىندا باس شۋجي شي جينپيڭ جۇڭگو كوممۋنيستىك پارتياسى 1 ـ قۇرىلتايى ەسكەرتكىش سارايى، نانحۋ كولى توڭكەرىستىك ەسكەرتكىش سارايى پيونەرلەر وتريادىنىڭ قىزىل گالستۋكتى تۇسىندىرۋشىلەرىنە شىن ىقىلاسپەن جاۋاپ حات جازىپ، ولاردى وترياد تۋىن بيىك ۇستاپ، پارتياعا ىلەسىپ، قىزىل گەندى جالعاستىرىپ، ٴبىلىم ـ قابىلەتتى ارتتىرىپ، ەرىك ـ جىگەردى شىڭداپ، پارتيا مەن حالىقتىڭ توڭكەرىسشىل ۇرپاعى بولىپ، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرۋگە شابىتتاندىردى ٴارى ولاردىڭ جانە بۇكىل ەلدەگى كىشكەنتاي دوستاردىڭ مەرەكەسىن قۇتتىقتادى.
باس شۋجي شي جينپيڭگە حات جازعان پيونەرلەر وتريادىنىڭ قىزىل گالستۋكتى تۇسىندىرۋشىلەرى جۇڭگو كوممۋنيستىك پارتياسى دۇنيەگە كەلگەن جەر − شاڭحاي مەن جىجياڭنىڭ جياشيڭىنەن. 2017 ـ جىلى باس شۋجي شي جينپيڭ پارتيا 19 ـ قۇرىلتايى جابىلعاننان كەيىن تۇڭعىش رەت بەيجيڭنەن اتتانىپ، جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ ارنايى ەكى جەرگە بارىپ، جۇڭگو كوممۋنيستىك پارتياسىنىڭ 1 ـ قۇرىلتايى اشىلعان جەر مەن نانحۋ كولىندەگى قىزىل قايىقتى قاستەرلەي كورىپ، پارتيا قۇرۋ تاريحىن ەسكە الىپ، توڭكەرىستىك اعا بۋىنداردىڭ وسكەلەڭ رۋحىنان ۇيرەندى، پارتيانىڭ كۇرەس جۇرگىزۋ بارىسىن ەستە بەرىك ساقتاپ، اۋەلگى ماقساتتى قاي ـ قاشان دا ۇمىتپاۋدى باسا دارىپتەدى.
قىزىل قان تامىردى جالعاستىرۋ − باس شۋجي شي جينپيڭنىڭ ۇزاق ۋاقىتتان بەرى قالىڭ ٴوسپىرىم بالالاردان كۇتكەن شىنايى ٴۇمىتى.
10 جىلدىڭ الدى، جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىندا، باس شۋجي شي جينپيڭ ”1 ـ ماۋسىم“ قارساڭىندا داچىنداۋ ارالىنداعى ساقا تىڭ يگەرۋشىلەردىڭ ۇرپاعى، جىجياڭ ولكەسى تايجوۋ قالاسى جياۋجياڭ رايونىنداعى باستاۋىش مەكتەپتىڭ 12 وقۋشىسىنا جاۋاپ حات جازىپ، ولاردى داچىنداۋ ارالى تىڭ يگەرۋ رۋحىنا مۇراگەرلىك ەتىپ جانە ونى اسقاقتاتىپ، وتاندى قىزۋ ٴسۇيىپ، جاقسى وقىپ، مىنەز ـ قۇلىقتى شىڭداۋعا شابىتتاندىردى؛ 5 جىلدىڭ الدى، پارتيا قۇرىلعاندىعىنىڭ 100 جىلدىعىندا باس شۋجي ”1 ـ ماۋسىم“ قارساڭىندا جياڭسۋ ولكەسى حۋاي ـ ان قالاسى شين ـ ان باستاۋىش مەكتەبىندەگى پيونەرلەرگە جاۋاپ حات جازىپ، پارتيانىڭ سوزىنە قۇلاق اسۋ، پارتياعا ىلەسۋ بەكىمىن كىشكەنتايىنان بەكەمدەۋگە ىنتالاندىردى؛ بيىل پارتيا قۇرىلعاندىعىنىڭ 105 جىلدىعى، باس شۋجي بالالاردان ”وترياد تۋىن بيىك ۇستاپ، پارتياعا ىلەسۋدى“ تاعى دا ٴۇمىت ەتتى... مول تاريحي ەستەمەلەردى ارقالاعان وسى ساتتەردىڭ بارلىعى قالىڭ ٴوسپىرىم بالالاردى مۇرات ـ سەنىمدى بەكەمدەۋگە، قىزىل گەندى جالعاستىرۋعا جەتەكتەيتىن قىمباتتى وراي.
وسى رەتكى جاۋاپ حاتىندا باس شۋجي شي جينپيڭ بالالاردىڭ ”پارتيانى ٴسۇيۋ، وتاندى ٴسۇيۋ، سوتسياليزمدى ٴسۇيۋ سۇيىسپەنشىلىگىن تەرەڭ ورناتىپ، شىڭدالعاندارىنا جانە ەسەيىپ ـ ەرجەتكەندەرىنە“ توتەنشە ٴسۇيىندى، جاستار مەن ورەندەردىڭ يدەيا ـ ساياسي تاربيەسىنە وسكەلەڭ ٴمان بەرگەندىگى سوزىنەن ٴبىلىندى.
قىزىل بايلىق − پارتيامىزدىڭ جاپالى دا شۇعىلالى كۇرەس بارىسىنىڭ ايعاعى، ەڭ باعالى رۋحاني بايلىق؛ قىزىل الاڭ ـ سارايلار، قىزىل كورمەلەر − جاندى يدەيا ـ ساياسي ۇلكەن ساباقحاناسى. بيىل كوكتەمدە حىبەي شيۇڭ ـ ان جاڭا رايونىندا قىزمەت تەكسەرگەن كەزدە باس شۋجي شي جينپيڭ بەيجيڭ 4 ـ ورتا مەكتەبى شيۇڭ ـ ان مەكتەپ اۋماعىنا كەلىپ، ساباقحاناعا كىرىپ، بالالاردىڭ ”حۋاڭحى وزەنىنە ماداقتى“ داۋىستاپ وقىعانىن كوردى. جاپون شاپقىنشىلارىنا قارسى سوعىس ورتىندە جازىلعان ”حۋاڭحى وزەنىنە ماداق“ ۋاقىت پەن كەڭىستىكتى ەندەي وتكەن كۇش ـ قۋاتتى تاراتىپ، ”ۇلكەن ٴتىل ـ ادەبيەت ساباعى“ مەن ”ۇلكەن يدەيا ـ ساياسي ساباعىنىڭ“ رۋحاني ازىعىنا اينالدى.
يدەيا ـ ساياسي تاربيەسى − ”پارتيا مەن حالىقتىڭ توڭكەرىسشىل ۇرپاقتارىن“ باۋلۋدىڭ ماڭىزدى كەپىلى. يدەيا ـ ساياسي تاربيەسىن قالاي ويداعىداي جۇرگىزۋگە باس شۋجي شي جينپيڭ باستان ـ اياق ايرىقشا كوڭىل ٴبولىپ كەلەدى: ”قىزىل بايلىقتان ويداعىداي پايدالانىپ، توڭكەرىستىك ٴداستۇرلى تاربيەنى، وتانشىلدىق تاربيەنى، جاستار مەن ورەندەردىڭ يدەيا ـ ٴمورال تاربيەسىن كۇشەيتۋ كەرەك“، ”يدەيا ـ ساياسي تاربيەسى ’شاعىن ساباقحاناسى‘ مەن قوعام ’ۇلكەن ساباقحاناسىن‘ ٴونىمدى توعىستىرۋ قاجەت“...
ٴوسپىرىم بالالار مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ىلگەرىلەتۋدىڭ بولاشاق جالىندى كۇشى، جان ـ جاقتى دامۋدى، وزىنە سەنىمدى بولۋدى، ٴوزىن الۋەتتەندىرۋدى قاجەت ەتەدى. باس شۋجي شي جينپيڭنىڭ وسى رەتكى جاۋاپ حاتىندا ٴوسپىرىم بالالاردىڭ ەسەيىپ ـ ەرجەتۋى، دارىندى بولۋى جونىندەگى ۇزاق بولاشاقتىق تولعانىسى قامتىلعان، وسىدان بۇرىنعى بالالارعا ارتقان ۇمىتىمەن ساباقتاسقان.
كىشكەنتاي دوستارعا ”ەمتيحان ناتيجەسى تەك ٴبىر جاعى عانا، ەڭ الدىمەن، اقاۋسىز ادام بولىپ، بولاشاقتا قوعامعا اناعۇرلىم ويداعىداي ۇيلەسۋلەرىڭ كەرەك“ دەپ تاپسىردى؛ استاناداعى مىندەتتى اعاش ەگۋگە قاتىناسقاندا، پيونەرلەردى ”ٴبىلىمدى سۇيۋگە، ەڭبەكتى سۇيۋگە، تابيعاتتى سۇيۋگە، احىلاق، اقىل ـ وي، دەنە، ەستەتيكا، ەڭبەك جاقتارىنان جان ـ جاقتى جەتىلۋگە“ شابىتتاندىردى؛ مەملەكەتتىك ەكى ٴماجىلىس كەزىندە ۇيىرمە ـ گرۋپپالارعا بارعاندا، ”ٴبىزدىڭ وقۋ ـ اعارتۋىمىز 5000 جىلدىق جۇڭحۋانىڭ ٴداستۇرلى مادەنيەتىنەن وزىق نارسەلەردى قابىلداۋعا شەبەر بولۋى كەرەك، سونىمەن بىرگە باتىستىڭ وركەنيەت جەتىستىگىن دە تاستاماۋى، جاستار مەن ورەندەردى شىن مانىندە ’ٴتورت سەنىمگە يە‘ بالالار ەتىپ باۋلىپ شىعۋى كەرەك“ دەپ باسا دارىپتەدى... باس شۋجي شي جينپيڭنىڭ ىقىلاستى تاپسىرماسى جۇرەكتەرگە ٴنار بەردى.
”پارتيا مەن حالىقتىڭ توڭكەرىسشىل بالالارى“ وتانمەن بىرگە العا باسىپ، داۋىرمەن بىرگە العا تارتۋدا، كەلەلى ىسكە جارامدى، اۋىر مىندەت ارقالاي الاتىن ەل تىرەگى بولىپ جەتىلىپ، قىزىل گەننىڭ ۇرپاقتار بويى جالعاسۋىنا، قىزىل بيلىكتىڭ مۇراگەرى بولۋىنا مۇمكىندىك جاسايتىندىعى داۋسىز.
(شينحۋا اگەنتتىگىنىڭ 6 ـ ايدىڭ 1 ـ كۇنى بەيجيڭنەن بەرگەن حابارى)
