چىن شياۋجياڭ، ەركىن تۇنياز ”جاساندى زەردە +“ قىزمەتىن ىلگەرىلەتۋ جونىندە ىشكەرىلەي تەكسەرۋ ـ زەرتتەۋ جۇرگىزدى
”جاساندى زەردە +“ ارەكەتىن جاپپاي اتقارىپ، شينجياڭنىڭ جوعارى ساپالى دامۋىنا جانە وسىزامانداندىرۋ قۇرىلىسىنا قۋات ۇستەۋ كەرەك
6 ـ ايدىڭ 1 ـ كۇنى اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز ٴۇرىمجى قالاسىنا جانە سانجى حۇيزۋ اۆتونوميالى وبلىسىنا ىشكەرىلەي بارىپ، بۇكىل رايوننىڭ ”جاساندى زەردە +“ قىزمەتىن ىلگەرىلەتۋ جونىندە تەكسەرۋ ـ زەرتتەۋ جۇرگىزدى ٴارى اڭگىمە ٴماجىلىسىن اشتى. سۋرەتتە: چىن شياۋجياڭ، ەركىن تۇنياز ٴۇرىمجى قالالىق اكىمشىلىك قىزمەت وتەۋ ورتالىعىندا ”جاساندى زەردە + اكىمشىلىك قىزمەت وتەۋدىڭ“ اياق الىسىن تەكسەرىپ كورۋدە.
□سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 6 ـ ايدىڭ 1 ـ كۇنى ٴۇرىمجى \ سانجىدان حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز 6 ـ ايدىڭ 1 ـ كۇنى ٴۇرىمجى قالاسىنا جانە سانجى حۇيزۋ اۆتونوميالى وبلىسىنا ىشكەرىلەي بارىپ، تۇتاس رايوننىڭ ”جاساندى زەردە +“ قىزمەتىن ىلگەرىلەتۋ جونىندە تەكسەرۋ ـ زەرتتەۋ جۇرگىزدى ٴارى اڭگىمە ٴماجىلىسىن اشتى. چىن شياۋجياڭ بىلاي دەپ باسا دارىپتەدى: باس شۋجي شي جينپيڭنىڭ جاساندى زەردەنى دامىتۋ جونىندەگى ماڭىزدى نۇسقاۋىنىڭ، بەكىتۋىنىڭ رۋحىن مۇقيات ۇيرەنىپ، دايەكتىلەندىرىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى ورايىن يگەرىپ، ”جاساندى زەردە +“ ارەكەتىن جاپپاي اتقارىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جوعارى ساپالى دامۋعا اناعۇرلىم ويداعىداي قۋات ۇستەپ، سوتسياليستىك وسىزاماندانعان شينجياڭ قۇرۋعا پارمەندى تىرەك ازىرلەۋ كەرەك.
چىن شياۋجياڭ، ەركىن تۇنياز جاساندى زەردەنىڭ قوعامدى باسقارۋعا دەم بەرۋىنە قاتىستى جاعدايلاردى ۇعىسىپ، ينفورماتسيالاندىرۋ قۇرىلىسىن جەدەلدەتىپ، باقىلاۋ ـ تەكسەرۋ، ساقتاندىرۋ، باقىلاۋ ـ باسقارۋ، زاڭ اتقارۋ، شۇعىل جاعدايعا توتەپ بەرۋ، توسىن تۋىلعان وقيعالاردى ٴبىر جاقتى ەتۋ سياقتى قىزمەتتەردىڭ دەڭگەيىن ٴوسىرىپ، قوعامدىق باسقارۋ ونىمدىلىگىن جاپپاي جوعارىلاتۋدى تاپسىردى؛ ٴۇرىمجى قالالىق اكىمشىلىك قىزمەت وتەۋ ورتالىعىندا ”جاساندى زەردە + اكىمشىلىك قىزمەت وتەۋدىڭ“ اياق الىسىن تەكسەرىپ كورىپ، سيفرلى ۇكىمەت قۇرىلىسىن جەدەلدەتىپ، سيفرلانۋ ـ زەردەلىلەنۋ تەحنولوگياسىنىڭ جالپى بارىستىق قولدانىلۋىن تەرەڭدەتىپ، ”ٴبىر ٴىستى جوعارى ونىمدىلىكپەن ٴبىتىرۋدى“ بەلسەنە ىلگەرىلەتىپ، كاسىپورىندار مەن بۇقارانىڭ ريزاشىلىعىن، تابىس سەزىمىن جوعارىلاتۋدى تالاپ ەتتى؛ شينجياڭ ينفورماتسيا كاسىپ باقشاسىندا جاسىل ەلەكتردىڭ جاساندى زەردەنىڭ دامۋىن قامتاماسىز ەتۋ، ٴتۇيىندى كاسىپورىندار كاسىبىنىڭ ورىستەتىلۋ جاعدايى جونىندەگى تانىستىرۋدى تىڭداپ، كوپشىلىكتى شينجياڭنىڭ تازا ەنەرگيا ابزالدىلىعىن اناعۇرلىم ويداعىداي ساۋلەلەندىرىپ، ەسەپتەۋ قۋاتى مەن ەلەكتر قۋاتىنىڭ سايكەستى دامۋىن ىلگەرىلەتىپ، جاساندى زەردەنىڭ نەگىزدىك تىرەك بولۋ قابىلەتىن جەدەل جوعارىلاتۋعا شابىتتاندىردى؛ ەرەكشە ترانسفورماتور سەرىكتەستىگىندە جاساندى زەردەنىڭ جابدىق جاساۋ سالاسىندا قولدانىلۋ ونىمدىلىگىن ۇعىسىپ، كاسىپورىنداردىڭ ورايدى مىقتى يگەرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن جەبەپ، جاساۋ كاسىبىنىڭ زەردەلىلەنۋگە قاراي تيپ جاڭالاپ دارەجەسىنىڭ جوعارىلاۋىن ىلگەرىلەتۋىن ٴۇمىت ەتتى.
اڭگىمە ماجىلىسىندە چىن شياۋجياڭ، ەركىن تۇنياز اۆتونوميالى رايونداعى جانە ورتالىقتىڭ شينجياڭدا تۇراتىن قاتىستى ورىندارىنداعى جاۋاپتى جولداستارمەن، ٴۇرىمجى قالاسىنداعى جانە سانجى وبلىسىنداعى قاتىستى جولداستارمەن، جاساندى زەردە عىلىم ـ تەحنولوگيا كاسىپورىندارىنىڭ ۋاكىلدەرىمەن، ت. ب ىشكەرىلەي پىكىر اۋىستىرىپ، ”جاساندى زەردە +“ قىزمەتىن ىلگەرىلەتۋدى اقىلداستى. اۆتونوميالى رايوندىق پارتكومنىڭ تۇراقتى مۇشەسى، ٴۇرىمجى قالالىق پارتكومنىڭ شۋجيى ۋاڭ لين، سانجى وبلىستىق پارتكومداعى نەگىزگى جاۋاپتى جولداس، اۆتونوميالى رايوننىڭ ”جاساندى زەردە +“ قىزمەتىن ىلگەرىلەتۋ باسشىلىق گرۋپپاسى كەڭسەسىندەگى قاتىستى جاۋاپتى جولداس جەكە ـ جەكە قىزمەتتەن مالىمەت بەردى، قاتىستى كاسىپورىندار جازباشا ماتەريال تاپسىرىپ، قىزمەت ۇسىنىستارىن ورتاعا قويدى.
چىن شياۋجياڭ بىلاي دەپ باسا دارىپتەدى: اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ”جاساندى زەردە +“ ارەكەتىن بەلسەنە جوسپارلاپ اتقاردى. پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، جاڭالىق اشۋ ارقىلى دەم بەرۋدى، جەتەكشىلىك ەتۋدى ۇزدىكسىز كۇشەيتىپ، جاساندى زەردەنىڭ ەكونوميكانىڭ، قوعامنىڭ ٴار كاسىبىمەن، ٴار سالاسىمەن كەڭ كولەمدە ىشكەرىلەي توعىسۋىن ىلگەرىلەتۋ كەرەك. دامۋ نەگىزىن كۇش سالا بەكەمدەپ، بۇكىل ەل بويىنشا ٴبىر تۇلعالانعان ەسەپتەۋ قۋاتى تورى قۇرىلىسى ورايىن مىقتاپ يگەرىپ، دامۋدىڭ ٴىس جۇزىندىك جاعدايىن تياناق ەتىپ، ەسەپتەۋ قۋاتى نەگىزدىك قۇرىلعى قۇرىلىسىن عىلمي ورنالاستىرىپ، ىلگەرىلەتىپ، جاسىل ەلەكترمەن قامداۋدى كۇشەيتىپ، جاسىل ەسەپتەۋ قۋاتى كولەمىن ۇلعايتىپ، بۇكىل شينجياڭنىڭ ەسەپتەۋ قۋاتى ”ٴبىر تورىن“ قالىپتاستىرىپ، ينتەرنەتتە جەتكىزۋ قابىلەتىن جوعارىلاتىپ، ”جاسىل ەلەكتر + ەسەپتەۋ قۋاتىنىڭ“ ىشكەرىلەي بايلانىسىپ دامۋىن جۇزەگە اسىرۋ كەرەك. سان سالالى كاسىپكە قۋات ۇستەۋدى ىلگەرىلەتىپ، شينجياڭنىڭ بايلىق قاسيەتىنە، كاسىپ سالاسى نەگىزىنە جانە قولدانىلۋ ٴىس جۇزىندىگىنە سۇيەنىپ، جاساندى زەردە سالاسىنداعى باستاماشى كاسىپورىنداردىڭ ىرگە تەۋىپ دامۋىن ىلگەرىلەتىپ، ساندى مالىمەت فاكتورىمەن قامداۋدى ساپالىلاندىرىپ، اۋىل شارۋاشىلىعىن وسىزامانداندىرۋ، ەرەكشەلىككە، ابزالدىلىققا يە كاسىپ سالالارىنىڭ تيبىن وزگەرتىپ دارەجەسىن جوعارىلاتۋ، حالىق تۇرمىسىن قامتاماسىز ەتۋ جانە جاقسارتۋ، جوعارى دەڭگەيدە سىرتقا ەسىك اشۋ، اپاتتان ساقتانۋ، اپات زيانىن ازايتۋ، اپاتتان قۇتقارۋ سياقتى سالالاردى ارقاۋ ەتىپ، قولدانۋ جاعداياتتارىن جەدەل جەتىلدىرىپ، كەڭەيتىپ، جوعارى ساپالى دامۋعا جاڭا قوزعالىس قۋاتىن ازىرلەۋ كەرەك. ۇيىمدىق باسشىلىقتى شىن مانىندە كۇشەيتىپ، قىزمەت باسشىلىق گرۋپپاسىنىڭ مەحانيزمدىك رولىن تولىق ساۋلەلەندىرىپ، تاراۋلاردىڭ سايكەسۋىن، ورتالىق پەن جەرگىلىكتى ورىننىڭ بىرلەسىپ ارەكەتتەنۋىن جانە قوعامنىڭ ات سالىسۋىن كۇشەيتىپ، بىردەي يگەرىپ، بىرگە باسقاراتىن، سايكەستى، جوعارى ٴونىمدى قىزمەت جاعدايىن قالىپتاستىرىپ، ساياسات، فينانس، دارىندى سياقتى جاقتاردا قولداۋ كورسەتۋ، قامتاماسىز ەتۋ تەبىنىن ارتتىرىپ، ٴتۇرلى ٴتۇيىندى مىندەتتەردىڭ تياناقتانىپ ناتيجە كورسەتۋىن ىلگەرىلەتۋ كەرەك. دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ جاساندى زەردەنى باقىلاۋ ـ باسقارۋ تالابىن تياناقتاندىرىپ، مودەل ەسەپتەۋ ٴادىسى، ساندى مالىمەت بايلىعى، نەگىزدىك قۇرىلعى، قولدانۋ جۇيەسى سياقتى حاۋىپسىزدىك قابىلەتى قۇرىلىسىن ىلگەرىلەتىپ، حاۋىپ ـ قاتەردەن ساقتانۋ جۇيەسىن ورناتىپ، كەمەلدەندىرىپ، جاساندى زەردەنىڭ پايدالى، حاۋىپسىز، ٴادىل بەتالىسقا قاراي اقاۋسىز، ٴتارتىپتى دامۋىن ىلگەرىلەتۋ كەرەك.
قادەن كابەن، پان شي قاتىستى قيمىلعا قاتىناستى.
